کاتی بێری دێ بیتە دادڤانا ئەمریکا ئایدل
ئەڤرو نیوز :
ھونەرمەندا بناڤ و دەنگا ئەمریکی ” کاتی بێری ” بویە ئێک ژ ئەندامێن لژنا دادڤانی یا بەرنامێ ئەمریکا ئایدل کو تێدا وەکو دادڤانیەک دێ دەنگی ژ بو دیارکرنا بەھرەداران دەت.
سالا بوری کومپانیا فوکس پرودکاستینگ دەست ژ بەرنامێ ئەمریکا ئایدل بەردا و وەسا بریارە ب ستایل و شێوازەک نو جارەک دن بەرنامە دەست پێ بکەت ڤە.
کاتی بێری ب رێیا کەنالێ ABC رونکرنەک بەلاڤکریە و تێدا دیاردکەت کو ئەو بەردەوام گوھداریا موزیکێ دکەت و پێخوشە گەوھەرێن ڤەشارتی ئاشکرا بکەت ب رێیا رێنماییکرنا ھونەرمەندان و بەھرەداران د وارێ ھونەری دا.
ھەر چەندە ناڤبری ئەندامێن دن یێن لژنا دادڤانیێ دیارنەکرن بەلێ ئەوێ خوە وەکو ئێک ژ ئەندامێن ئەوێ لژنێ ئێکلاکریە .
جھێ ئاماژە پێکرنێ یە کو بەرنامێ ناڤبری ل سالا ٢٠٠٥ بو ٢٠٠٧ زێدەتری ٣٠ ملیون بینەر ھەبوون و ژبەر کێمبوونا بینەرێن وێ بەرنامە ھاتبو راگرتن ، نوکە وەسا بریارە جارەک دن دەست پێ بکەت ڤە.
