گەر تە ھزر د ئەڤینیێ دا کر.. ڤان گاڤان بەری بریارێ بھاڤێژە
ئه‌ڤرۆ نيوز:
ئەڤینی کارەکێ شەرعیە و کەس نەشێت وێ یەکێ ب نەوەیی دەربێخیت، خودێ د گەل مە یا دای و د گەل وێ ھەست و پێدڤیێن مەیێن داین بۆ تێرکرنا حەزێن مە، لێ یا پێدڤی کو کژان ھای ژێ ھەبیت، ئەڤینیا راستەقینەیە و وێ ئەڤینیێ مەرجێن خوە ھەنە و ب ھەروە ناھێت، بەلکو پێدڤیە لێبگەرن و دەمێ دبینن بپارێزن، ھەروەسا پێدڤیە بزانن ژی دێ چاوا ئەڤینیەکا پاقژ کەن، ئەو یەک ژی نابیت ھەتا ھندەک بنەمایێن گرنگ دانن دا ھاریکار بن و دا نەکەڤیە شاشی و ئاشۆپا ئەڤینیەکا شاش، گرنگترین بنەما ژی ئەڤەنە:
1- پێگەھاندنا خوە: خوە پێ بگەھینە ب رێیا گەھشتنا ب ئارمانجان یێن تو کار بۆ دکەی بۆ ژیانا خوەیا پاشەرۆژێ، ئەو بیناتێ پێناسا تەیە و بنەمایێ کەساتیا تەیە کو دێ ھاریکار بن بۆ باوەریا تە ب خوە و دێ بیتە کەساتیا تەیا ئاڤاکەر ل پاشەرۆژێ.
بەری تو ھزر د سەربۆرا ئەڤینیێ دا بکەی پێدڤیە بگەھیە عەمرێ گونجای و بریارا ئەڤینیێ پاشبێخە ھەتا دگەھیە وی عەمری، داکو خۆشیێ ژ ھەموو قۆناغێن ژیانا خوە ببەی، کراسێ ئەڤینیێ نەکە بەرخوە و ھێشتا تو ل دەستپێکا عەمری، ھەر تشتەک د دەمێ خوەدا.
3- لەزێ د ئەڤینیێ دا نەکە: لەزکرن د ئەڤینیێ دا بۆ تێرکرنا دلینیێ، دبیت تە بێخیتە بیرا پەشیمانیێ و کەفتنێ د ئەڤینێ دا ژبەر نەدروستیا ھەلبژارتنێ، بەری تو روو ب روو ھەستێن خوە ببی بۆ ئەڤینیێ، پێدڤیە ھەدارێ بکێشی دا ھەلبژارتنەکا دروست بکەی.
4- ھەڤسەنگیا دلی و مێشکی: ھەڤسەنگیەکێ دناڤبەرا دل و مێکشێن خوە دا ل دۆر ئەڤینیێ چێکە، نەھێلە دلینی تە کونترۆل بکەت و ھزرکرنا خوە کێنسل بکەی، ژبەرکو ھزرکرن دێ بەرێ تە دەتە یا راست، کاروباران ژی ب مێشکێ ھەلسەنگینە بەری تو ب دلی رەفتارێ بکەی.
5- راستگۆیی د گەل خوە: د گەل خوە یا راستگۆ بە بەری بکەڤیە ئەڤینیێ و پرسیارێ ژ خوە بکە: ئەرێ ئەڤ ئەڤینە یا راستە یان ب تنێ تەقلیدە بۆ گوھداریا گۆتنێن ئەڤینیێ و دلینیێ و رازیکرنا غروورا دلینیا تە، ھەکە تو دگەل خوە راستگۆ بووی دێ وی دەمی زانی تە چ ژ ئەڤینیێ دڤێت.
6- پاراستنا بعایێ خوە: نەھێلا ئەڤینی بھایێ و بیروباوەر و رەوشتێ تە کێم بکەت یێن تو ل سەر ھاتیە پەروەردەکرن، خۆ زەلام ژی بەرێخوە نادەتە وێ کژێ یا ژ بھایێ وی کێم بکەت ژبەر ئەڤینیێ، بەلکو ئەو کژ دڤێت دڤێت یا گرێدا رەوشت و بھایێ خوە خو بلا ئەڤینی چەندا مەزن بیت.
7- ھندەک بنەما بۆ ھەڤپشکێ ژیانا خوە بدانە: پێدڤیە تو ساخلەتێن قارەمانێ خەونێن خوە دیار بکەی، ھندی وێ،ێ وی د سەرێ تەدا مەزن بیت پێدڤیە تو ھندەک بنەمایێن ساخلەم بۆ رەوشت و پێگیریا وی ب کارێ وی دانی، مرۆڤێ راستگۆ یێ رژدە د ژیانێ دا و یێ پێگیرە ب رەوشت و تۆرە و زەلامینیا خوەیا راستەقینە، دا بشێت پاشەرۆژا خوە ئاڤا بکەت.
