دەست ب روناھیکرنا رێیا گەلیێ زنتا ھاتەکرن
ئەڤرۆ نیوز ، نەوزاد ھلوری:
ب مەرەما خوشکرنا رێورێبارێن رێڤینک و گەشتیاران ، رێڤەبەریا ناحیا دینارتە دەست ب روناھیکرنا جاددەیێن گەلیێ زنتا کر.
دڤای واریدا ” شەعبان خەلیل بەرواری ” رێڤەبەرێ ناحیا دینارتە بۆ ئەڤرۆ نیوز گۆت: (ب مەرەما خوشتکرنا رێورێبارێن گەشتیار و رێڤینکان ل گەلیێ زنتا مە دەست ب روناھیکرنا جاددەیا گەلیێ زنتاکریە ژبەرکو گەلیێ زنتا ب تایبەتی د وەرزی َھاڤینێ دا ھژمارەکا زۆر یا گەشتیار و وەلاتیان ب مەرەما بوراندنا دەمەکێ خوش قەست دکەنێ و نوکە بویە ئێک ژ جھێن گەشت و گوزاری ، و ژلایەکێ دنڤە رێیا گەلیێ زنتا رێیەکا تەنگە و دبیت گەشتیار شارەزایێ رێیا گەلیێ زنتا نەبن ، داکو بھێنە پاراستن ژ روودانان مە دەست ب روناھیکرنا رێیا گەلیێ زنتاکریە)
زێدەتر گۆت: (روناھیکرنا گەلیێ زنتا دێ د دوو قوناغان دا بیت و قوناغا ئێکێ کو مە دەست پێ کریە کوژمێ ٣٧ ملیون دينار بو ھاتینە تەرخانکرن و دەمەکێ نێزیک دی َدەست ب قوناغا دوویێ ژی کەین)
