برایێ دوو شەهید و شەش پێشمەرگەیان وەغەرکر
ئەڤرو نیوز ، تایبەت
پشتی هەڤرکیەکا زۆر ل گەل نەخۆشیا خوە ، دەمەک بەریا نها پێشمەرگە ” هابی حسێن بێزەلی ” وەغەرکر و گەهشتە کاروانێ شەهیدان.
هابی بێزەلی برایێ دوو شەهیدێن دەستێ داعشە کو ئێک ژ وان “شەهید کازم بێزەلی ” یە ئەوێ کو ژلایێ داعش ڤە هاتیە سەرژێکرن ، دیسان برایێ شەش پێشمەرگێن دن یێن قارەمانە کو نها ل سینگێ شەری دژی داعش د سەنگەران دانە.
دهێتە زانین کو هابی بێزەلی ژ ئێک ژ سەنگەرێن شەرێ دژی داعش دهێتە دورپێچدان و دوێ دورپێچێ دا بو چەند روژان دمینن و د دەما دورپێچێ ژی دا گەلەک تێهنی و برسی دبیت و ژ نەچاری ئاڤا پیسا گەرما موبەریدان و خارنا نەگونجای دخوت و دئەنجامدا رێڤیک و ئاشکێ وی درزیت.
ل گورەی زانیاریێن ئەڤرو نیوز هابی ل هەموو نەخۆشخانەیێن هەرێما کوردستانێ گەراندیە و دوو جاران ژی ل ئیرانێ نەشتەرگەری بو ئەنجامدایە ، بەلێ نوشدار دیاردکەن کو هابی چوو چارەسەری نینن.
ئەڤە دوو سالە ل مال نەخۆشە و گەلەک نەچار و لاواز دبیت و ل گۆرەی زانیاریێن ئەڤرو نیوز کو ژ کەسەکێ نێزیکی وی وەرگرتینەخوارن و ڤەخوارنێن هابی ل ڤان دوو سالێن بوری شەربەت و بیسکوێتێن تایبەتن و هەفتانە ژی جورەکێ دەرزیێ ب کوژمێ 100 بو 200 دولاران ددانیت.
هابی ژ بلی کو پێشمەرگەبو د هەمان دەم دا ماموستایێ مەشق و راهێنانێن پێشمەرگەی بو و هەزاران پێشمەرگە لسەر دەستێ وی هاتینە راهێنان کرن.
