ب وێنە – خودان پەزێن قەزا ئاکرێ دێ ھوریا پەزێ خوە ھاڤێژن
ئەڤرۆ نیوز ، نەوزاد ھلۆری:
ژبەر نەبوونا چوو بازار بۆ فروتنا ھوریا پەزی ، وەلاتیەکێ قەزا ئاکرێ دێ ھەموو ھوریا پەزێ خوە ھاڤێژیت و ددەتن دیارکرن ژی ئەڤ سالە ھوریەکا باش ل سنوورێ قەزا ئاکرێ ھاتیە بەرھەمئینان.
حەسەن باکرمانی وەلاتیەکێ سنوورێ قەزا ئاکرێ یە بۆ ئەڤرۆ نیوز گۆت:( ئەڤ سالە پەزێ مە ھوریەکا باش ھەبوو ، بەلێ ژبەرکو چوو بازار نینن بو فروتنا بەرھەمێن ھوریێ نەچارین ھەموو ھوریا پەزی َخوە بھاڤێژین )
زێدەتر گۆت: (من ٤٠٠ سەرێن مەر و کاڤرێن وان ھەنە و ھەر سەرەکێ ژی ژ وان نێزیکێ پێنج کیلیویێن ھەریێ پێڤە ھاتینە ئانکو نێزیکێ دوو ھزار کیلویێن ھوریێ ئەڤ سالە من ژ پەزێ خوە بەرھەمئینایە و ھوریەکا زێدە باش و نەرمە)
باکرمانی دیارکر ژی کو ئەگەر حکومەت ھەڤکاریا وان نەکەت دێ زیانێن مەزن ب وان کەڤن و گۆت ژی: (بەری نھا مە ھریا خوە ل بازارێن موسل د فروتن چونکی ل موسل کارگەھا وەرگرتن و رستن و چینیێ یا ھوریا پەزی ھەبوو ، بەلێ پشتی شەرێ داعش ل وی َدەڤەرێ درۆست بوی کارگەە ژلایی َداعشێ ڤە ھاتیە وێرانکرن و نھا چوو بەرھەم ناھێنە وەرگرتن بڤی َیەکێ ژی زیانێن مەزن گەھشتینە ھەموو خودان پەزێن سنوورێ قەزا ئاکرێ و بەردەرەش و شێخان و دەردورێن وێ)
