ب وێنە – بازارێ گوشتفرۆشێن دهۆک د پێشوازیا جەژنێ دا

فوتو و زانیاری ،نەوزاد هلۆری:

بازارێ گوشتفرۆشان ل سەنتەرێ پارێزگەها دهۆک ب جوانترین و پاقژترین گوشت پێشوازیا هەموو وەلاتیان دکەت ، گوشتفرۆشەک ژی ددەتن دیارکرن کو هەموو گوشتفرۆشان بریاردایە کو هاریکاریا وەلاتیان بکەن د ئەرزانکرنا بهایێ گوشتی دا.

نەسروللا عەبدوللا گوشتفرۆشەکێ بازارێ دهۆکێ یە دیارکر کو ئەوان بو جەژنێ هەموو بەرهەڤی کرینە و بۆ ئەڤرۆ نیوز گۆت: ( وەکو هەر سال بازارێ گوشتفروشان ب خەمل و رەوش و خزمەتەکا جودا پێشوازیێ ل جەژنێ دکەت و باشترین و جوانترین هەموو جورێن گوشتی بەرهەڤکرینە و دێ شەڤ و روژان دخزمەتا وەلاتیان دا بیت)

زێدەتر گۆت: (  بازارێ گۆشتفرۆشان زێدەتری 50 دوکانان بخوڤە دگریت و بریاردایە کو ب هەلکەفتا جەژنا رەمەزانێ و قەیرانا دارایی بارودوخێ وەلاتیان بەرچاڤ وەربگریت و هاریکاریا وان بکەت)

بازارێ گۆشتفرشان کو دکەڤیتە نێزیک بەنکا مەتین ل روژانێن عەرەفات و جەژنان گەرم و گۆریەکا زۆر پێڤە دیارە ، زێدەزاری گۆشتێ سوور د هەمان دەم دا وەلاتی دکارن گۆشتێ مریشک و گۆشتێ ماسیان ژی دەستخوڤە بینن.

کۆمێنتا تە