چەند رێنمایەک ژلایێ وەزارەتا ساخلەمیێ ل بارا وەرزێ گەرمایێ
ئەڤرۆ نیوز ، ھلوری:
وەزاەرتا ساخلەمیێ یا حکومەتا ھەرێما کوردستانێ راگەهاندنەک ل بارا وەرزێ گەرمایێ بەلاڤکر کو تێدا کومەکا رێنمایان ئاراستەیێ وەلاتیان دکەت و دخوازیت کو خوە ژ گەرمایێ بپارێزن چونکی ئێکسەر پەیوەندی ب ژیانا وان ڤە ھەیە ، و بو ھەبوونا ھەر حالەتەکێ مەترسی بو سەر ژیانا وان ب زوترین دەم پەیوەندیێ ب 122 بکەن.
ل گورەی راگەھاندنا وەزارەتا ساخلەمیێ ژبەر بلندبوونا پلەیێن گەرمایێ پێدڤی یە وەلاتی بو پاراستنا ساخلەمیا خوە پێگریێ ب ئەڤان رێنمایان بکەن و نابیت وەلاتی ژ دەمژمێر 1:0 بو دەمژمێر 4:0 بچنە بەر تیشکێن روژێ ژبەرکو کارتێکرنێ لسەر پیست و ژانێن ماسولکەیان دکەت و دبیتە سەدەما ئارەقکرن و لاوازی و گێژبوون و سەرئێشان.
زێدەتر گوتیە : ( بەردەوامبوون ل بەر رۆژێ دبیتە سەدەما فالنجیبوون و دلرابوون و ئەگەر دڤان بارودوخان دا چارەسەری بو وان کەسان نەھێتەکرن دێ بیتە سەدەما ھشکبوونا لەشی و بێھوشبوون و ھەناسەدان ژی نامینیت ، و ئەگەر دڤان بارودوخان دا سەرەدانا بلەزترین بنگەھێن ساخلەمیێ نەھێتەکرن رەنگە مەترسیێن وێ گەلەک کارتێکەر و دژوارتر بن لسەر ژیانا مرۆڤی)
دراگەھاندنا وان دا زێدەتر ھاتیە: ( بلندبوونا پلەیێن گەرمایێ مەترسی بو سەر ھەموو ژیێن مرۆڤان ھەنە ، بەلێ زاروکان و کەسانێن دانعەمر ھەیە و پتر کارتێکرن لسەر دیاردبن ، و ھەروەسا لسەر وان کەسێن کو نەخۆشیێن دومدرێژ ژی ھەیی کارتێکرن دیاردبن ، ژ بەرڤێ گرنگە ئەو ئەڤان رێنمایان ل بەرچاڤ بگرن ئەو ژی نابیت ژ دەمژمێر 1:0 بو 4:0 بھێنە دەرڤە و نابیت بچنە بەر تشکێن روژێ بو چ مەرەم بیت ، دڤێت ل ڤان دەمان دا زورترین ئاڤ و تشتێ سار و روون بخوون ، جلوبەرگێن تەنگ و رەنگاورەنگ بکەن بەرخوە و بزاڤێ بکەن ھەردەم ل بەر سیبەرا و جھێن ھون بن و بو ھەر حالەتەکێ مەترسیدار ژی داخوازێ ژ وەلاتیان دکەین کو پەیوەندیێ ب 122 بکەن)
