ل عیراقێ قارەمانیەک دێ ھێتە ڤەکرن ب پشکداریا ١٣ هزار تیمان
ئەڤرۆ نیوز،ھەژار مەعروف:
وەزیرێ وەرزش و لاوان ل عیراقێ عەبدولحسێن عەبتان د دیدارەکێ دا ل بەرنامەیەکێ وەرزشی دا ل سەر شاشا ئێک ژ کەنالێن عیراقی دیارکر ھژمارەکا مەزن یا یانێن نوکە د خولا عیراقێ دا کوژمێن مەزن دەنە یاریزانێن خوە ھەڤبەستێن بلند ل گەل ئیمزا دکەن بێ نەخشە و پلان و ھەکە پلانەکا دروست بۆ ئیمزاکرنا ھەڤبەستێن یاریزانێن نافخوی و تایبەت یێن پیشەکار بھێتە دارشتن باوەرە دێ مەزاختنا پارە کێمتر بیت .
ھەردیسان عەبدولحسێن عەبتان ئەو چەندە ژی دیارکر ئەو نوکە کار دکەن ل سەر ئەنجامدانا قارەمانیەکا مەزن بۆ تیمێن مللی ب پشکداریا ١٣ ھەزار تیمێن مللی ل عیراقێ و مەرەم ب رێکخستنا ئەڤێ قارەمانیێ ئەوە یانێن پشکدار دخولا عیراقێ دا دیڤچوونا یاریزانێن ئەوێ قارەمانیێ بکەن ژبەرکو یاریزانێن گەلەک باش ھەنە د ناڤا تیمێن مللی ل سەر ئاستێ عیراقێ ھەمی باژێرێن عیراقێ و ئەو قارەمانی دێ ل زوربەیا باژێرێن عیراقێ ھێتە رێکخستن پێدڤی یە یانە دیڤچوونا ئەوان یاریزانان بکەن و باوەرە یاریزانێن گەلەک باش دناڤدا ھەنە و دێ رازیبەن ب موچەیەکێ نورمال یێ ھەیڤانە ھەڤبەستا خوە ئیمزا کەت دێ بۆ یانا باشتربیت ژ ھەڤبەستێن نوکە یێن ب کوژمێ مەزن دەن و گەلەک یاریزان ھەڤبەست بلند وەرگرن یانە سالێ ھەمی چو مفا ژ شیانێن ئەوی نابینت و ھەردیسان ئەوان پارێن مەزن یانە مەزێخیت بۆ دابینکرنا ئەرد یاریگەھێ و نوژەنکرنا یاریگەھێن خوە دێ گەلەک باشتر بیت .
