ئهم و ئهو ئهم مرۆڤین..ئهو ژی مرۆڤن بۆ وهكو وان ناژین!؟
ل وهلاتێ لێ دژیم و وهلاتێن ل دهورۆبهرێن وێ، ههلبهت وانژی حزب و حوكمهت و ههلبژارتن و بانگهشێن وێ یێن ههین، لێ سبحان الله نهحزبێن مه و نه حوكمهتا مه و نه ههلبژارتن و بانگهشێن مه، نه ژ دوور و نه ژنێزیك وهكی یێن وانن!! زۆر جاران بهری ههلبژارتنان من پسیار ژ خوه دكر ئهرێ ئهڤه د نه فامن یان ئهم؟ بۆچی بهری ههر ههلبژارتنهكێ دێ حزب و پارت و لایهنێن وان یێن سیاسی پرۆگرامێن خوه پێشكێشی مللهتی كهن و ب رێیا پۆستی بۆ فرێ دكهنه مالێن وان ل گهل دیاریهكا بچووك مینا پوڤدانكهكێ یان قهلهمهكی و ناڤێ حزبا وان و ئارمێ وێ ل سهر و دێ مللهت ب هووری وی پرۆگرام یانژی ئارمانجێن وان د ههلبژارتنان دا خوینیت و یێ ئاقلێ وان ژێ بری دێ دهنگێ خوه دهنێ، ههلبهت راگههاندن ژی دێ وێ كهت یا د بهرژهوهندیا مللهتی دا، چونكی چ حزبا ل ڤێره رادیۆ و تێلڤزیۆن نینن، هات و چوو رۆژنامهكا وهرزی یا ههی ئهو ژی نیڤهكا وان ئهو ژی نینه، د بانگهشا ههلبژارتنان دا چ پارت و لایهنێن سیاسی ئاههنگا ناگێرن، سۆزێن ژ قهستا نادهن، دهنگان ب پاره ناكڕن، ئوپۆزسیۆنا وان كهسێ ناشكێنیت و نهشێت دژی ئیرادا مللهتی بئاخڤیت، عامۆدێن كارهبێ دمینن پاقژ، كاندیدێ بڤێت وێنێ خوه ب ههلاویسیت دڤێت بۆ خوه جههكی ژ باژێرڤانیێ كرێ بكهت و پارا بدهتێ و بۆ دهمهكێ دهستنیشانكری و نهوی و نهحزبا وی ب چو رهنگهكی ماف نینه ئارمێ حزبا خوه یان وێنێ خوه ب كهیفا خوه ل باژێری بههلاویسیت و دیمهنێ باژێری پیس بكهت، پشتی سهركهفتنا پارتهكێ ژی، چونكی ٨٠٪ ژ ڤی مللهتی ئهندامێن چ لایهنێن سیاسی نینن و دهنگدانا وان د ههلبژارتنان دا دمینیته ل سهر وی پرۆگرام و ئارمانجێن وان پارتا بهری ههلبژارتنان بۆ دیاركرین و سۆز داین كو ههكه بسهركهفتن دێ جێبهجێ كهن، چ ئاههنگێن سهركهفتنان ناهێنه گێران ژبلی هندێ هۆلهك بهێتهگرتن و سهرۆك و ئهندامێن لایهنێ سهركهفتی خڕڤهبوونهكا بچووك بگێرن دوور ژ چاڤكێن كامیران و فهخفهخا و لایهنێ خوسارهت ژی دێ بهراهیا ههمیان دانپێدانێ ب خوسارهتیا خوه كهت و پیرۆزباهیا لایهنی سهركهفتی كهت، ئهڤه ههمی و گهلهك تشتێن دی ب درێژاهیا ڤان سالێن ئهز ل ڤێره ژیایم من دیتن و ههر جارا من ددیتن من پسیارا بێ بهرسڤ ژ خوه دكر، بۆچی ئهم وهكو ڤان لێ ناهێین؟ بۆچی ئهم پێشناكهڤین؟ بۆچی ئهم نزانین دهنگێ خوه بدهین؟ بۆچی ئهم ئاههنگا بهری و پشتی ههلبژارتنان دگێرین؟ بۆچی كاندیدێن مه وێنێن خوه ب عامۆدا ڤهدكهن؟ بۆچی حزب ئاههنگێن خوه ل یاریگههێن وهرزشی دكهن و مایێ وان تێناچیت؟ و بۆچی و بۆچی و بۆچی و ب سهدان بۆچی خوه ل مێشكێ من ددهن؟ باشه ئهڤان دهست و چاڤ و گوهـ و پێ و دهڤ و ناڤكا نیڤهكا زكی یا ههی، ب خودێ مه ژی ئهو ههمی یێن ههیین و نافكا مه ژ یاوان مهزنتره و كونا وێ كویرتره، چونكی ب دروستی نههاتیه بڕین ژ لایێ خالهتا بهسنا ڤه، ئهوا ئهم ل سهر دهستێن وێ ژدایكبووین،كا دا ناڤكێ بهێلین جارێ و بزڤرینه پسیارا خوه؟ بۆچی ئهو دپێشكهفتینه و ئهم نه؟ بۆچی وهلاتیێ وان وهلاتێ خوه دپارێزیت و یێ مهنه؟ بۆچی وهزیرێ وان نهوێریت فلسهكی بخۆت یان ل ترومبێلهكا باش سووار ببیت و زێرهڤان ههر نینن و یێن مه دڤێت چل ل بهراهیێ و چل ل پشت وی بن؟! بۆچی ئهم رێیێ ددهین هندهك ب نیڤا دلێ خوه بۆ خوه رادیۆ و تێلفزیۆنان ڤهبكهن و دزانین د بهرژهوهندیا مللهتی دا نینه و دێ مللهتی خاپینیت!! دا درێژ نهكهم، دووماهی بهرسڤا دگههمێ ئهوهكو وان مێشكێ ههی و مه مێشكێ خوه یێ دایه ب كرێ ل دهف هندهكا و د سهر هندێرا خوه دكهینه عهمێ گوزێ د ههمی بابهتێن ژیانێ دا!!
