بۆ (بهلێ) بۆ ریفراندۆمێ مه عهمێ گۆزێ پێنهڤێن!
كوردستان پشتێ شهڕێ داعشێ بوویه پێگهههكێ ب هێز ل دهڤهرێ و شیایه ژ رویێ سیاسى و لهشكرى ڤه ببیته جهێ باوهریێ بوو پتریا وهلاتێن زلهێز ههر ژ چهمسهرێ ئهمریكى و یێ رۆسى. پشتى نێزیكبوونا ب دووماهى هاتنا داعشێ ژى كوردستانیان بریار دایه پرۆسهیا ریفراندۆمێ ئهنجامبدهن وهكو سیمایهكێ جوانێ وهلاتێن دیمۆكراسى و بریارێ ل سهر چارهنڤیسێ خوه بدهن. هندهك ئالیێن كوردستانى ههتا نها نهگههشتینه وێ قهناعهتێ كو ئهڤ پرسه پرسهك نشتیانى نهتهوهیی یه و هندهكان ژى ئالیێ دهولهتبوونێ راكریه و ژ كوردستانیان دخوازن ب ههموو هێزا خوه ڤه پشتهڤانیێ لێبكهن. لێ د هندهك مینبهرێن میدیایی دا ئهم دبینین چهندین كهساتیێن سیاسى و لهشكرى هندهك دا خویانى و گۆتنان دكهن نه د بهرژهوهندیا چ لایهكى دابیت و ئهڤێن بریارێ د دهن كو ل گهل ریفراندۆمێ بن ب عهقیده و ئیرادهیهكا موكم دبێژن و ئهڤ كهسێن ههتا نها ژى بریار نهدایی دهم یێ مایی و د وێ باوهریێ دا نینم چ كوردهك ههبیت حهز نهكهت خودان كیان و دهولهت بیت. یا من دڤێن ب رۆنى بێژم بلا چ لایهنێ سیاسى یان كهسانهك نانێ خوه ب ئافكا پرۆژێ ریفراندۆمێ نهخۆۆت و خهلك دزانیت چ باشه و چ خراب و وهك مه ل سهرى دیاركرى چ كهسهك نینه نهڤێت ئالایێ دهولهتا وى یێ بلند بیت، ژ بهر ئهڤێ چهندێ پێدڤى یه سهركردایهتێن ئهوان لایهنێن ههر رۆژ لێدوانهك ژ بهرپرسهكێ وێ دهێته گوهلێبوون و كهسانێن نه ل گهل ریفراندۆمێ ب ههموو شێوهیهكى كێم دكهن و پێس دكهن بریارهكێ بدهن و ب توندى سزایی بدانه ل سهر ئهوان بهرپرسان، چونكو ئهڤێ پرۆسێ مه پێدڤى ب چ عهمێ گۆزێ یان نینه ب تنێ ب رێیا چێكرنا باوهریێ نهبیت و ئهم ب هیڤینه ههموو كوردستانى دێ ب بهلێ بۆ ریفراندۆمێ دهنگبدهن. لێ یا گرنگ پشتى سهركهفتنا ئهڤێ پرۆسێ پێدڤى یه جارهكا دى بادهكێن دز و گهندهلان بهێنه ڤهكرن ڤه و بۆ ئاڤاكرنا دهولهتهكا سهربهخوه كارهكێ ژدل و رژدتر و ب هێزتر بكهین بۆ سیستهمیكرنا ههموو وهزارهتێن حوكمهتێ و یا پێدڤییه كانێ چاوا دێ ههموو ئۆل و نهتهوهیێن كوردستانى بار و پشك د ئهڤێ دهولهتێ دا ههبن وهسان ههموو ئالیێن سیاسى ژى خودان بریار بن دا ئهو پهیاما كوردستانى بگههیته ههموو جیهانێ ئهم كوردستانینه ئهم د دیمۆكراتى نه.
