حەشدا شەعبی ل بەرە ئالۆزیان ل کەرکووکێ دروست بکەت
ئەڤرۆ نیۆز،زنار تۆڤی:
حەشدا شەعبی دو لیوایێن سەربازی ب چەکێ گران ڤە ل گوندێ بەشیر یێ تورکمانی ل باشۆرێ کەرکووك جێگیرکرینە و بەرپرسەکێ حەشدا شەعبی ژی بەحس ل هندێ کریە کو ھاتنا هێزێن وان بۆ شەرێ حەویجەیە،لێ ئەڤە د دەمەکێ دایه کو حوکمەتا عێراقێ شەرێ حەویجە پاشخستیە و ھەموو ھێزێن عێراقی بەرەف باژێرکێ تەلەعفەر یێ سەر ب باژێرێ مۆسل ڤە هاتینه جولاندن،بەلێ حەشدا شەعبی بەرۆڤاژی وان یێ بەرەف باشۆرێ کەرکووكێ ڤە دچن.
هەر چەندە لایەنێن سیاسی یێن کوردی ژی ل کەرکووکێ یێ ب گۆمان بەرێ خوە ددەنە ڤێ ھەولا حەشدا شەعبی و ڤێ چەندێ ب مەترسی دزانن ل سەر ڤی باژێری،هەروەسا لایەنێن کوردی ژی وەسا ددەنە خۆیاکرن کو حەشدا شەعبی دڤێت ئالۆزیان دناڤا کەرکووکێ دروست بکەت.
