كى دێ كێ گوهۆڕت؟
بهرى دهمهكێ درێژ، من و ههڤالهكى رهوشهنبیر و نها پایهك باش بۆ خوه د ناڤ حزبهكا ههرێمێ دا وهرگرتى گهنگهشه كر و من ژێ پرسى: برا گیان تو چۆیه د ناڤ وێ حزبا دگهل بیر و بۆچوونێن ته نهگونجد دا، نابێژیه من دێ چ لێ زێدهكى؟! تو نابینى ئهڤه جۆرهكێ ههڤدژیا ههلوهستیه ل دهڤ ته ژى پهیدابووى؟!
بهرسڤا داى: حهیران، ئهز وهك ته هزرناكم.. راسته، ئهز چوویمه د ناڤ رێزێن (…) دا، لێ من سۆز و پهیمان ژێ ڕه داینه كو ب بیر و باوهر د گهل دا بم؛ پاشى دێ بۆ ته دیار كم كو گوهۆڕینێن سهردهمانه د حزبا خوه دا بكم؛ ژ بهر كو دلێ من د سۆژت، دهمێ دبین د ڤێ رهوشێ دا پرانیا خهلێ مه رخنه و گازندهیان لێ دبارینت!
من ژى ب گرنژینڤه گۆتێ:
-كهكۆ، مهزنان گۆتیه: ((چۆتیارۆ چیه تو دچینى؟ گۆت ههكه شین بوو دێ بینى))!
سال هاتن و ههیڤ بۆهرین، بهرى ئهو حزبێ بگوهۆڕت، حزبێ ههڤالێ مه وهك وێ ڤیایى گوهۆڕى.. باشترین بهرسڤا وى نها بێدهنگیه؛ ههر وهك ل كوردستانێ ناژیت! ئهڤ ههلوهسته بۆ مه دیار دكت كو ئهو وهسا هزردكت، ههكه وى رهخنهیهك د ناڤ حزبا خوه دا كر، حزب دێ وێ گاڤێ پایه و دهستكهڤتیێن وى ژێ ستینت. ئهو ب خوه من گومانا ههى وهسا ساناهى ههر حزبهك ئهندامهكى خوه سزابدهت؛ ژ بهر كو حزبێن رۆژههلات ب تهبیعهتێ خوه چو جهێن گهلهك گرنگ ناكنه د دهست تهخهیا رهوشهبیران دا، تایبهت رهوشهنبیرێن دئاخڤن، هندى وهفادارێن حزبا خوه بن، ههكه نهگههنه وێ باوهریێ كو رهوشهنبیرێ وان 180 نومرهیان ژ ههلوهستێ خوه یێ رهوشهنبیرى زڤڕیه و خوه د قالبێ (دهستپلینا) حزبێ دا مۆهر كریه.
ئهز باوهر دكم حزب ب خوه دزانن ههر رهوشهنبیرهكى بهایێ وى چهنده و دێ چاوا سهرهدهریێ دگهل كن؟! ههكه ئهم تهماشهى وان رهوشهنبیرێن واقعێ ئابۆرى وه لێ كرین كو خوه كرینه ئێخسیرێن حزبان، دهمێ دئاخڤت مرۆڤ دزانت گهوههرێ هزر و دیتنێن وى ئازاد و ڤهكرینه؛ لێ واقعێ حزباتیێ وه ل وى كرییه كو بهرژهوهندیێن خوه تێكنهدت و ب دهڤى گۆتارهكا دى بێژت، وهك كهردیكلكى (نعام)ێ سهرێ خوه بكهته د ئاخێ را، ژ ویڤه كهس نابینت!
ههر ژ بهر ڤێ دوانیێه (ازدواجى) ژ منڤه، كێم رهوشهنبیر نهبن، وهك دى رهوشهنبیر د حزبێن رۆژههلاتى دا د پهراویزكرینه و بانهك نزم وهك بانێ زنجێن گوندان بۆ هاتیه ئاڤاكرن و زێدهتر بیاڤێ نادهنێ كو سهرێ خوه د حزبێ دا بلند بكت. ئهز دوور نابینم، ههكه هشیارى و ئیراده بۆ رهوشهنبیرێ كوردستانێ چیبوو، بهرڤ دیاردهیێ چۆ و دهنگێ وانێ نهرازیبوونێ د ناڤ ههیكلهێ حزبێن واندا بلند بوو و ب ئهمانهت دهنگێ راستهقینهیێ رایا گشتى گههانده سهركرادتیێن خوه، هینگێ حزب ژى نهچارن گوهداریا وان بكن و هندهك گوهۆرینێن گهوههرى د خزمهتا گشتى دا د سیاسهتا خوه دا بكن.
ئهز ڤێ ئاخاڤتنێ دبێژم، ژ بهر كو پرانیا رهوشهنبیرێن كوردستانێ هاتینه حزبیكرن، ئهوێن خوه دیاردكن كو بێلایهن و سهربهخوهنه، ئهو د وههمهكێ دا ژین، ژ بهر كو ههر چو نهبت ئهو دگهل كێشهیا وهلاتهكێنه ب ناڤێ (كوردستان) دهێته نیاسین. واته ههكه خوه ئهو ب فۆرمه ژى نهبته حزبیێ حزبهك كوردستانى، ئهو ئۆتۆماتیكى حزبیێ كوردستانا مهزنه.
وسا دهێته دیار كرن، پتر ژ حزبهكا نهتهوهیى ل كوردستانێ پهیدابوویه و درووشمێ وان رزگاركرنا كوردستانا مهزنه و ب پارچهیێ كی ژى رازینابن، بێى بارودوخێن ههر پارچهیهكا كوردستانێ ل بهر چاڤ وهربگرن و سهربۆهرێن وهلاتێن جیهانێ بهینن بیرا خوه كو ههر وهلاتهك د دهمهكى دا رزگار بوویه، نموونه وهلاتێن ئهرهبانه، ههتا نها (فلستین) مایه و ب دروستى رزگار نهبوویه، بهرامبهر پتر ژ بیست وهلاتێن ئهرهبان خودان سهروهرى و ئالانه ل نهتهوهیێن ههڤگرتى.
