سەرۆکێ هەرێما کوردستانێ پیرۆزباهی ل رێکخەرێ نوو یێ بزاڤا گۆران کر
ئەڤرۆ نیۆز،زنار تۆڤی:
ئەڤرۆ سێشەمبی 25.7.2017 مەسعود بارزانی سەرۆکێ هەرێما کوردستانێ برێیا تەلەفۆنێ پەیوەندی ب رێکخەرێ گشتی یێ نوو یێ بزاڤا گۆران کر.
د وێ پەیوەندییا تەلەفۆنیدا سەرۆک بارزانی سەرەرای پیرۆزباهیێ ل عومەرێ سەید عەلی ب بوونەیا هەڵبژارتنا وی وەکو رێکخەرێ گشتی یێ بزاڤا گۆران، هیڤی خواست کو هەلبژارتنا رێکخەرێ گشتی و سەرکردایەتیا نوو یا بزاڤا گۆران ببیتە فاکتەرێ بهێزکرنا ئێکرێزی و ئێکخستنا هەموو شیانان بۆ چارەسەریا گرفتان.
هەروەسا ژ ئەنجامێ هەلبژارتنێن نافخۆ یێن بزاڤا گۆران،کو ئەڤرۆ برێڤه چوبوون،عومەرێ سەید عەلی ب رێکخەرێ گشتی یێ بزاڤا گۆران هاتە هەلبژارتن.