ئاڤەدانکرنا دەڤەرێن ڤەقەتیایی دێ چیتە قوناغا پشتی سەقامگیرکرنا وان دەڤەران
ئەڤرۆ نیوز ،رەمەزان ھەرنی:
ئەندامەکا جڤاتا نوونەرێن ئیراقێ دیارکر کو ئەو جھێن ھێزێن پێشمەرگەی ب خوینا خوە ئازادکرین مولکێ کوردستانێ یە ، دێ دەست ب ئاڤەدانکرنا وان ھێتەکرن پشتی کو دەڤەر ژلایێ ئەمنی دھێنە سەقامگیرن.
دڤی واریدا “نەدا مێرگەسوری” ئەنداما جڤاتا نونەرێن ئیراقێ بۆ ئەڤرۆ نیوز گۆت: (پشتی کو داعش ل عیراقێ ب ئیکجارێ دوماھی دھێت دێ دەست ب ئاڤەدانکرنا وان دەڤەران ھێتەکرن یێن کو ژلایێ ھێزێن پێشمەرگەی ھاتینە ئازادکرن ب تایبەتی ژی دەڤەرێن سەر ب دەشتا نەینەوا)
زێدەتر گۆت: (ئاڤەدانکرنا وان دەڤەران دێ پشتی سەقامگیرکرنا و زڤرینا ھەموو ئاوارەیان بیت بو سەر دەڤەرێن خوە ، و ئاڤەدانکرن ژی ئێکسەر دێ ژلایێ حکومەتا ھەرێما کوردستانێ ڤە بیت)
مێرگەسووری د درێژاھیا ئاخفتنێن خودا گۆت ژی: (نھا ژروویێ دارایی ڤە بارگرانێن زۆر لسەر حکومەتا ھەرێما کوردستانێ ڤە ھەیە ، ئەگەر دەڤەر بھێنە ئاڤاکرن و ئاوارە بزڤرن ڤە بێگومان ڕێ رەوشت باشتر بیت ژ نھا)
