ئێکەتی دێ وان كادران دەرێخیت یێن كو پشکداری د كەمپینا شاسوار عەبدولواحدیدا کرین
ئەڤرۆ نیۆز،زنار تۆڤی:
میدیایا فەرمی یا ئێکەتیێ بەلاڤکریە کو ئەڤرۆ مەكتەبا سیاسی یا ئێکەتی نیشتمانی كوردستان دێ بریارا دەركرنا وان كادران دەت،یێن کو ل رێزا وێ حزبێ پشکداری د كەمپینا نەخێر بۆ ریفراندۆمێ كریە،کو ژ لایێ شاسوار عەبدولواحدی ڤە خودانێ كۆمپانیا نالیا دهێتە سەرپەرشتکرن.
کەنالێ ئەسمانی یێ گەلی کوردستان کو سەر ب مەكتەبا راگەهاندنا ئێکەتیێ ڤەیە و ژ زارێ ژێدەرەکێ بەلاڤکریە:کو مەکتەبا سیاسیی یا ئێکەتیێ دێ رۆژا پێنجشەمبی بڕیارا دەرکرنا هەر کەسەکێ دەت،یێن کو پشکداری د کەمپینا نەخێر بۆ ریفراندۆمێ دا کربیت.
ئەڤەژی پشتی هندێ هات،کو ل رۆژا 8 تەباخێ شاسوار عەبدولواحدی كەمپینەک ل دژی ریفراندۆما سەربەخۆیا كوردستانێ راگەهاندیە،کو ئێک ژ ئەندامێن دەستەیا وێ كەمپینێ فەرھاد سەنگاوی یە،کو پەرلەمانتار و كادرێ دێرینێ ئێکەتیێ یە،ئەڤێ ژی كاردانەوە ژ لایێ كادر و لایەنگرێن ئێکەتیێ و خەلکێ دیتر لێكەفتیە.