ب وێنە – کەلوپەلێن شەھید شیفا گەردی ل موزەخانا شەھیدێن شەرێ داعش ھاتنە کومکرن
ئەڤرۆ نیوز ، نەوزاد ھلوری:
لسەر پێشنیارا رێزان بارزانی کو وەکو فەرمانبەر ل رێڤەبەریا کاروبارێن شەھید و ئنفالکریێن بارزان دەست بکارە پرانیا کەلوپەلێن رۆژانەیێن شەھید شیفا گەردی ل موزەخانا شەھیدێن شەرێ داعش ل دەڤەرا بارزان ھاتنە کومکرن.
دڤی واریدا ” رێزان بارزانی ” ل رێڤەبەریا کاروبارێن شەھید و ئەنفالکریێن بارزان بو ئەڤرۆ نیوز گۆت: ( وەکو وەفاداری و رێزگرتن بو خەبات و قوربانیدانا شەھید شیفا گەردی کو ئێکبویە ژ روژنامەڤانێن ھەری بناڤ و دەنگ و چەلەنگ لسەر ئاستێ راگەھاندنا کوردی مە ب فەردیت کو کەلوپەلێن روژانەیێن وێ بکاردئینان ل موزەخانا شەھیدێن شەرێ داعش ل گوندێ بارزان کوم بکەین )
زێدەتر گۆت: ( ھندەک ژ وان کەلوپەلان پێکدھاتن ژ تاقمەکا پێکھاتی ژ کراسێن وێ و درێسێ دەرچوونا وێ ل زانکویێ کو ئەو ژی بەرھەمێ خواندنا ١٦ سالان یا شیفایێ بوویە ، و دیسان شەیەکێ کریستالی وێ ژی مە ل ڤێرە کوم کر کو ئەوێ د ژیانا خوە دا روژانە پرچا خوە پێ شە دکر ، و چوتەکێ گوھکارکێن وێ ژی کو رۆژانە ل گوھێن وێ بوو و گەلەک کەیف پێ دھات و ل گەل ملوانەکەکا وێ و چەند کەلوپەلەکێن دن کو ل دەف مە دێ مین نئێک ژ بھاترین کەلوپەلێن شەھیدا نەمر)
رێزان بارزانی زێدەباری کومکرنا چەند کەلوپەلێن شیفایێ ل موزەخانا رێڤەبەریا کاروبارێن شەھید و ئەنفالکریان د ھەمان دەم دا ئەو لگەل ھەڤژینی َخوە مژولێ چێکرنا پرتووکەکا تایبەتن لسەر ژیان و خەبات و قوربانیدانا شیفا گەردی دڤی واریدا گۆت: ( کەلوپەلێن شیفا گەردی دێ ل موزەخانا شەھیدێن شەرێ داعش مینن زێندی و رۆژانە چەندین کەس سەردانێ بو دکەن )
