نامهك بۆ سهركردایهتیا سیاسى یا ئێراقا فیدرال
سهركردایهتیا سیاسى یا ب رێز یا حوكمهتا ئێراقا فیدرال، نزانم بۆچى خوه ب ههڤالهكێ كارا بۆ پرۆژێ ریفراندۆمێ و دهولهتبوونا كوردستانێ نابینیت؟. ب دیتنا من ئهڤ پرۆژه گهلهك د بهرژهوهندیا خهلكێ ب رێزێ ئێراقێ دایه ب گشتى و خهلكێ كوردستانێ ب تایبهتى. ئهڤه نێزیكى سهد سالانه عیراق دهولهته! ئهرێ كا چ مفا ژ كوردستانێ دیتیه؟ ژ شهر و جهنگ و كوشتن و وێرانكرنا خهلكێ عیراقێ پێڤهتر. ههكه پێشچاڤ مفا ژ نهفتا كهركووكێ دیت بیت ژى. نهخێر! ڤاژى! نهفتا خوه ژى ئانكو یا عیراقێ ژى ههمى یا دانایه سهر و یا فرۆتى و یا دایه ب چهك و كاروبارێن جهنگى و وهلات یێ پێ خراب و وێرانكرى، دیسا وهلات یێ پێ ئاڤاكرى و خهلكێ عیراقێ یێ پێ كۆشتى و مالباتێن وان یێن پێ خانهنشینكرین. ههكه كوردستان ژ سالێن بیستێ وهره ل رهخ عیراقێ دهولهتبایه، ئهڤه ههمى نه دبوون. (یانى ئهو هزر و ههولا ب رێز: شاهێ عیراقێ و سهركردێن دهولهتێن عهرهبى وى وهختى داى، كو كوردستان ژ عیراقێ پشكهك بیت؛ رهنگه ئهو هزر یا لاواز بوو!). ههكه ڤاژى، ئانكو عیراق و كوردستان جۆت دهولهت بانه و د ژێكجودا بانه. كهتوار و كاودانێن عیراقێ، دا گهلهك ژ نهۆ باشتربن. عیراق دهولهتهكا كهنداڤیه؛ نهو دا ئهو ژى وهكى دهولهتێن كهنداڤى یا پێشكهفتى بیت. ڤى سهردهمێ نوو، دهولهت هند پێدڤى پرانیا مرۆڤان و هێزا زهڤلهكان نینه. پێدڤى ب تهلنۆلۆجیا و ئابووریا پێشكهڤتی ههیه. ئهڤه بووینه بنیاتێ پێشكهڤتن و وهرارا ههر ملهتهكى، ههر دهولهتهكێ.
