هێمن هەورامی:ئەوێن دخوازن کو ریفراندۆم بهێتە پاشخستن وان دڤێت کورد لاواز ببن
ئەڤرۆ نیۆز،زنار تۆڤی:
شیره‌تكاره‌كێ سه‌رۆكێ هه‌رێما كوردستانێ راگه‌هاند:ئەو كه‌سێن داخوازا پاشخستنا ریفراندۆما سەرخوەبوونا کوردستانێ دكه‌ن،ئەو دخوازن کو هه‌رێم ده‌ڤه‌رێن كوردستانی ژ ده‌ست بده‌ت و كورد لاواز ببن.
هێمن هەورامی شیره‌تكارێ سه‌رۆك بارزانی زێدەتر دبێژیت:رۆژهه‌لاتا ناڤین نێزیكه بكه‌ڤیته به‌ر ئاگره‌كێ جه‌مسه‌ری یێ مه‌زن و هەکە گه‌لێ كوردستانێ دڤێ ده‌رفه‌تا مایی دا بریارێ ل سه‌ر چاره‌نڤیسێ خوه نه‌ده‌ن، كوردستان ژی دێ كه‌ڤیته به‌ر وی ئاگری و هەتا هه‌تایێ گه‌لێ كوردستانێ نه‌شێت ده‌رفه‌ته‌كا وه‌كی یا نوکە بده‌ستبێخیت.
ناڤهاتی گۆت ژی:ئێکەمین جاره كوردستانێ حکومرانیه‌كا هوسا درێژخایه‌ن هه‌بیت و هەروەسا ده‌ستهه‌لاتدارێن هه‌رێمێ شیاینه كوردستانێ بكه‌نه پشكه‌ك ژ سیسته‌مێ ئێمناهی و هه‌رێمی و نێڤده‌وله‌تی،دیسا نوکە كوردستان بوویه فاكته‌ره‌كێ گرنگ یێ جوگرافیا ڤێ ده‌ڤه‌رێ.