سەرۆکێ پارتا لیبرال یا رووسی پەیامەکێ ئاراستەی گەلێ کوردستانێ دکەت
ئەڤرۆ نیۆز،زنار تۆڤی:
نوکە رۆژ بۆ رۆژێ هەرێما كوردستانێ نێزیکی ئه‌نجامدانا ریفراندۆما سه‌ربه‌خۆیێ دبیت،هەروەسا پشتگیریا نێڤده‌ولەتی بۆ ئه‌نجامدانا ڤێ پرۆسێ د دەمێ خۆدا یا زێدەتر دبیت.
د راگەهاندنەکێ دا ڤلادیمێر ژێرنۆڤسكی،سه‌رۆكێ پارتا لیبرالا دیمۆكراتا رووسیا كو هەڤدەم سه‌رۆكێ فراكسیۆنا پارتا خۆیە ل په‌رله‌مانێ رووسیا (ئه‌نجوومه‌نی دوما) و خودان 39 كورسیێن په‌رله‌مانیە،دەرباره‌ی ریفراندۆما کوردستانێ،پەیامەکێ ددەتە گەلێ كوردستانێ و دبێژیت:نوکە گونجاوترین دەمە بۆ سه‌رخوەبوونێ،بتنێ ده‌ست ژ ململانا نافخۆ هه‌لبگرن،هوون ئێکك نه‌ته‌وه‌نە و جیرانێن ئێکن و پێکڤە د‌ژین، سه‌ربەخوویا خۆ رابگه‌هینن.