سمینارەک ل دۆر ریفراندۆما سەرخوەبوونێ بۆ ماموستایێن بەرواری بالا هاتە سازکرن
ئەڤرۆ نیۆز،زنار تۆڤی:
ئەڤرۆ پێنجشەمبی 21.9.2017 ل دەمژمێر 11 سپێدێ سمینارەک ل دۆر ریفراندۆما سەرخوەبوونا کوردستانێ ل قوتابخانا بریفکا ل دەڤەرا بەرواری بالا بۆ ماموستایێن وێ دەڤەرێ هاتە سازکرن.
ناسر محەمەد سەعید رێڤەبەرێ پەروەردا قەزا ئامێدیێ بۆ ئەڤرۆ نیۆز دا دیارکرن:مەرەم ژ ڤێ سمینارێ ئەو بوو، کو ئەم ماموستایێن خوە هان بدەین کو رۆلەکێ کاریگەر بگێرن ژ بوو سەرکەفتنا پرۆسا ریفراندۆمێ ل دەڤەرا بەرواری بالا،ژبەرکو ماموستایان رۆلەکێ گاریگەر هەیە دناڤا جڤاکی دا.
هێشتا دیارکر ژی:پێدڤیە ئەم وەک تەخا ماموستایان ب هەڤرا کار بکەین بۆ سەرخستنا ریفراندۆمێ،چونکی ئەڤە پرسەکا چارەنڤیس سازه بۆ هەموو مللەتێ کورد،پێدڤیە هەر ئێک ژ لایێ خوەڤە کار بکەت بۆ سەرکەفتنا ریفراندۆمێ،ژ پێخەمەت ئەم بگەهینە هیڤیێن خوە یێن چەندین سالان،کو ئەو سەرخوەبوونا کوردستانێ یە.