سه‌ركرده‌کێ پارتا مێركلێ پشتگیریا سه‌ربه‌خۆیا كوردستانێ دکەت
ئەڤرۆ نیۆز،زنار تۆڤی:
دیێتر دۆمبرۆسكی، ئه‌ندامێ سه‌ركردایه‌تیا پارتا (CDU) یا ئه‌لمانی،کو راوێژكارێ ئه‌نگێلا مێركلە و جێگرێ سه‌رۆكێ په‌رله‌مانێ براندنبۆرگ،د راگه‌هاندنەکێدا، پشتەڤانیا خۆ بۆ سه‌ربه‌خۆیا كوردستانێ ده‌ربری.
هەروەسا دۆمبرۆسكی دبێژیت:هێژایان هەڤالێن من یێن كورد، ئه‌نجامدانا ریفراندۆمێ ل هه‌موو وەلاتیێن كوردستانێ پیرۆز د‌كه‌م، ئه‌ڤە پرۆسه‌کا دیموكراتی بوو، هیڤیدارم هه‌موو كێشه دناڤبەرا هه‌ولێر و به‌غدا دا به ئاشتی بهێنە چاره‌سه‌رکرن و پرۆژێ هەوە یێ سه‌ركه‌فتی بیت.
جێگرێ سه‌رۆكێ په‌رله‌مانێ براندنبۆرگ هیڤیخوازه وەلاتێن ده‌رڤه ده‌ستێوه‌ردانا خراپ نه‌كه‌ن و ل دژی كوردستانێ هاریكاریا عێراقێ نه‌كه‌ن.
هەروەسا ره‌وشا په‌نابه‌ران ژی د ئێخیتە ستوویێ عێراقێ و دبێژیت:مه‌ترسی له سه‌ر ره‌وشا په‌نابه‌ران هه‌یه و هیڤیدارم سلامه‌ت بن،کو زێدەتر سلامه‌تیا وان د ستوویێ حوکمه‌تا عێراقێ دایە.
ل دوماهیا راگه‌هاندنا خۆدا دبێژیت :دوباره ریفراندۆم و پرۆسا دیموكراتی ل هەوە پیرۆز د‌كه‌م و هیڤیدارم هه‌موو پێنگاڤێن هەوە ب ئاشتی برێڤه‌بچن و پاشەرۆژکا پرشنگدار ژی بۆ هەوە یێن خۆشتڤی دخوازم.
