لۆگۆیەکێ تایبەت بۆ تەکسیێن دناڤا باژێرێن هەرێما کوردستانێ دا دێ هێتەدان
ئەڤرۆ نیۆز،زنار تۆڤی:
وەزارەتا ڤەگوهاستن و گەهاندنێ ل حوکمەتا هەرێما کوردستانێ رادگەهینیت د داهاتیەکێ نێزیكدا د پێدانا لۆگۆیەکێ بۆ تەكسیێن دناڤا باژێران دا هێتە جێبەجێکرن.
سەلاح جەوهەر رێڤەبەرێ گشتی یێ ڤەگوهاستنا زەمینی ل وەزارەتا ڤەگوهاستن و گەهاندنێ ل حوکمەتا هەرێما کوردستانێ راگەهاندیە کو بریارا دوماهیێ دەربارەی دیاركرنا لۆگۆیێ تەكسیێن پارێزگەهان هاتیەدان و دهێتە چاڤەرێکرن کو ل رۆژێن داهاتیدا ژلایێ دیوانا وەزارەتێ ڤە بریار دڤی واری دا دێ هێتەدان و بانگەوازی ژی دێ بۆ هێتە کرن.
هەروەسا گوتیە ژی:دیاركرنا نرخێ لۆگۆیان بۆ شۆفێران ژلایێ كۆمپانیا جێبەجێكارا ڤی پرۆژەی ڤە دێ هێتە دان،بەل هەول دهێتەدان نرخەکێ كمم بۆ لۆگۆیان بهێته دیارکرن.
ناڤهاتی ئەو ژی دیارکریە:کو بۆ جوداکرنا لۆگۆیان رەنگێ سوور بۆ پارێزگەها هەولێرێ هاتیە دیارکرن و بۆ سلێمانی می رەنگ شین و بۆ پارێزگەها دهۆكێ ژی رەنگی رەش هاتیە دیارکرن،بۆ هێلێن دەرڤە ژی رەنگێ قەهوەیی هاتیە دیارکرن،لێ ژ ئەگەرێ نەبوونا تابلۆیێ تایبەت (تابلۆیێ ترۆممبێلا) بۆ پارێزگەها هەلەبجە،ئەم نە شیاین بریارێ دەربارەی وێ پارێزگەهێ بدەین.