سەرۆکاتیا هەرێما کوردستانێ بەرسڤا وەزیرێ دەرڤە یێ ئەمریکا ددەت
ئەڤرۆ نیۆز،زنار تۆڤی:
سەرۆکایەتیا هەرێما کوردستانێ بەرسڤا وەزیرێ دەرڤە یێ ویلایەتێن ئێکگرتی یێن ئەمەریکا ددەت.
دەقێ بەرسڤا سەرۆکایەتیا هەرێما کوردستانێ
گەلێ کوردستانێ کو ب بەردەوامی و ب دلگەرمی ڤە پشتەڤانیا ئەمریکا کریە، ب تایبەتی د شەرێ دژی داعشێ و رژێما سەددام حوسێنی،زۆر نیگەرانین ل بەیانناما رۆژا ئەینیی یا بەرێز رێکس تیلەرسن وەزیرێ دەرڤە یێ ویلایەتێن ئێکگرتی یێن ئەمریکا،دڤێت ویلایەتێن ئێکگرتی یێن ئەمریکا بەری هەموو وەلاتان تەقدیر و رێزێ ل بریارا کوردستانێ بۆ سەربەخۆیێ گرتبایە،هەروەکو زێدەتر ژ ٩٢٪ یا گەلێ کوردستانێ د ریفراندۆمەکا ئازاد و شەفاف و ئاشتیخوازانە ل ٢٥ ئیلۆنێ داخواز کریە.
ریفراندۆمێ ب گورەی یاسایێن کوردستانێ ژ لایێ سەرۆکێ هەرێمێ ڤە بانگەوازی بۆ هاتیە کرن و پەرلەمانێ کوردستانێ ژی پەسەند کر،ئەڤ پرۆسەیە ب گورەی چەندین برگێن دستووری ل عێراقێ رێ پێ هاتیەدان.
ریفراندۆمێ دەرفەت بۆ گەلێ کوردستانێ رەخساند تاوەکو مافێ چارە نڤیسێ خۆ پیادە بکەن هەروەکو د میساقا نەتەوێن ئێکگرتی و دو رێکەفتننامێن نێڤدەولەتی یێن پەیوەندیدار ل دووڤ دا هاتیە.
سەرەرای پێزانینێن مە بۆ بانگهێشتا ویلایەتێن ئێکگرتی بۆ بەرسڤدانا نە توندوتیژیا ریفراندۆمێ، بەلێ نە ئەمریکا و نە هیچ وەلاتەکێ دیتر رێکێ ل مامەلەیا نە دستووری و نە یاسایی یا بەغدا ل گەل کوردستانێ نەگرت،کو هەر ژ پەسەندکرنا دستووری ل ٢٠٠٥ یا بەردەوامە.
هیڤیدارین ل رۆژانێن داهاتیدا، ویلایەتێن ئێکگرتی یێن ئەمریکا پێداچوونێ بۆ هەلویستێ خۆ بکەت و ب گەرمی پشتەڤانیا داخوازیێن شەرعی یێن گەلێ هەرێما کوردستانێ بکەت و د دانووستاندنێن ئاشتیانە دناڤبەرا هەولێر و بەغدا دا پشکدار بیت.
د. ئومێد سەباح
پەیڤدارێ سەرۆکایەتیا هەرێما کوردستانێ
١_ ١٠_ ٢٠١٧