عەبادی مەرجان بۆ دانوستاندنان ل گەل کوردستانێ ددانیت

ئەڤرۆ نیۆز،زنار تۆڤی:

نڤێسینگەها رۆژنامەڤانی یا حەیدەر عەبادی، سەرۆک وەزیرێ عێراقێ راگەهاند پێدڤیە هەرێما کوردستانێ ئەنجامێن گشتپرسیا نەدستوری هەلبوەشینیت، پشتی هنگێ دێ گوتۆبێژێن جیدی کەین بۆ ب هێزترکرنا ئێکپارچەیا عێراقێ.

نڤێسینگەها رۆژنامەڤانیا حەیدەر عەبادی داخوازێ ژ هەرێما کوردستانێ دکەت کو جەختێ ل پابەندبوونێ ب دستورێ عێراقێ و بریارێن دادگەها فیدرالی بکەت، گۆت ژی پێدڤیە هەرێما کوردستانێ گرژی و ئیستیفزازکرنێ ل وان دەڤەران راوەستینیت یێن کو زێدەروویی کریە سەر.

ئەڤە د دەمەکێ دایە کورۆژا دوشەمبی 18-9-2017، دادگەها فیدرایی یا عێراقێ ب ئامادەبوونا سەرجەم ئەندامان ڤە كۆمبوویە و ڤەکۆلین ل وان داخوازیان کریە و داخوازا راگرتنا رێكارێن ئەنجامدانا گشتپرسیێ کریە،لێ پشتی ئەنجامدانا گشتپرسیێ وان رەتکریە و ب کارەکێ نە یاسایی و نە دستوری ل قەلەم دایە.

بەلێ گشتپرسی ل هەرێما کوردستانێ هاتە ئەنجامدان، رێژەیا زێدەتر ژ 92% یا دەنگدەران ب بەلێ دەنگێ خۆ دایە بۆ جۆدابوونا هەرێما کوردستانێ ژ عێراقێ،لەورا تا نوکە حوکمەتا عێراقێ چەندین بریار ل دژی هەرێما کوردستانێ دەرکرینە.

کۆمێنتا تە