ل ئیرانێ وەزیرەک پێشوازیێ ل ئەردۆغانی دکەت
ئەڤرۆ نیۆز،زنار تۆڤی:
سەرۆک کۆمارێ ئێرانێ وەزیرەکێ بۆ پێشوازیکرنێ ل سەرۆک کۆمارێ تورکیا دهنێریتە فرۆکخانێ.
بەری نیڤرۆیا چارشەمبی 4/10/2017، رەجەب تەییب ئەردۆغان سەرۆک کۆمارێ تورکیا ب سەرەدانەکێ گەهشتە تەهرانا پایتەختێ ئێرانێ و ل فرۆکخانا میهرئاباد ژلایێ محەمەد شەریعەتمەداری، وەزیرێ پیشەسازیێ پێشوازی لێ هاتە کرن.
بریارە رەجەب تەییب ئەردۆغان،کو ب سەرۆکاتیا شاندەکێ بلند یێ سیاسیی و سەربازی یێ وەلاتێ خۆ سەرەدانا تەهرانێ کریە،کو دێ ل گە حەسەن رۆحانی، سەرۆک کۆمارێ ئێرانێ و عەلی خامنەیی، رێبەرێ بلند یێ شۆرەشا ئیسلامی یا ئێرانێ کۆم ببیت.
سەرۆک کۆمارێ تورکیا و بەرپرسێن بلند یێن ئێرانێ دێ گوتۆبێژان ل سەر پەیوەندیێن دناڤبەرا هەردو وەلاتان و روودانێن رۆژهەلاتا ناڤین دا کەن و ل دووڤ زانیاریان،ریفراندۆما سەربەخۆیا کوردستانێ دێ تەوەرەکێ سەرەکی یێ کۆمبوونا وان بیت.
