ماموستایه‌كێ زانكۆیێ: په‌رله‌مانێ عێراقێ بوویە جهێ ده‌ركرنا یاسایێن شۆفینی ل دژی كوردستانێ
ئه‌ڤرۆ نیۆز،عه‌زیز هه‌ورامی:
نه‌ریمان هه‌له‌بجه‌یی ئەو ماموستایێ زانكۆیا هەلەبجەیە بۆ ئەڤرۆ نیۆز دبێژیت، بریارێن دوژمنكاری یێن حوکمه‌ت و په‌رله‌مانێ عێراقێ وە دکەن کو رایا دونیایێ به‌ره‌ف كوردستانێ ڤە بهێت،چونكێ بۆ وان روون بوویە ئه‌و ده‌سته‌یا حوکومرانیێ ل به‌غدا دکەت هه‌مان عه‌قلیه‌تا سه‌رده‌مێ سه‌دامی هه‌یه و هیچ نه هاتینە گوهۆرین،كورد ژی ئێدی نەشێن ل گه‌ل وی جۆرێ عه‌قلیه‌تێ بژین.
هەروەسا دبێژیت:گومان تێدا نینە کو بابەتێ ریفراندۆمێ پێکهاتیە ژ مومارەسەكرا مافەکێ نەتەوەیی كو رێک پێهاتیەدان ل دووڤ یاسایێن ئەسمانی و زەمینی،هەڕوەسا چاوا رەوایە بۆ میللەتێن دیتر سەربەخۆ بن بۆ كوردان ژی ب هەمان شێوە دبیت یا رەوا بیت كو مافێ چارەنڤیسێ خۆ دیار بکەت، بەلێ مخابن د عێراقێدا ئەف مافە ژ مە هاتیە ستاندن و تاكو نوکە وەك وەلاتیێن پلە دو مامەلە ل گەل میللەتێ كورد دهێتەکرن.
هه‌له‌بجه‌یی هێشتا دبێژیت:كورد ب شێوازەکێ مۆدێرن ویاسایی داخوازا مافێن بنەرەتی یێن خۆ دکەن د چارچۆڤێ ریفراندۆمێ دا،لێ ئەو ب رێیا پەرلەمانی و بشێوازەکێ نە یاسایی سیێزدە خالان دا سزایێن قورس ب،سەر مللەتێ كورد دا دسەپینن، ئەف رەفتارێن وان دوبارەكرنا رەفتارێن شۆفینێن حیزبا بەعس د ئیننە بیرا مرۆڤی،هەروەسا په‌رله‌مانێ عێراقێ نه‌شیایە بریاران د به‌رژه‌وه‌ندیا وەلاتیێن عه‌ره‌ب دا ده‌ربێخیت ئێدی چو ژێ دهێته چاڤەرێکرن بۆ كوردستانێ.
