جڤاتا پارێزگه‌ها دهۆكێ : چۆ بریار بۆ دابه‌شكرنا گازا سپى نینن
ئه‌ڤرۆ نیۆز،ره‌مه‌زان هه‌رنى:
ئه‌ندامه‌كا جڤاتا پارێزگه‌ها دهوك خویاكر،حوکمه‌تا هه‌رێما كوردستانێ به‌رده‌وام بزاڤا دكه‌ت بۆ دابه‌شكرنا گازا سپى ب سه‌ر وەلاتیان دا و بریاره حه‌فتیا داهاتى جڤاتا بلندا نه‌فت و گازى ل هه‌ولێرێ كومببیت ب به‌رهه‌ڤبۆنا هه‌موو پارێزگه‌هان بۆ وێ چه‌ندێ ئه‌ڤ ئاریشه بهێته چاره‌سه‌ركرن، به‌لێ هه‌تا نوكه چۆ بریار نینن بۆ دابه‌شكرنا گازا سپى ب سه‌ر وەلاتیان دا ئه‌م ژى چاڤه‌رێ دكه‌ین و به‌رده‌وام بزاڤا دكه‌ین داكو ئه‌ڤ نه‌ئارامیا ل ده‌ف خه‌لكى هه‌ى نه‌مینیت.
جه‌میلا محه‌مه‌د ئه‌نداما جڤاتا پارێزگه‌ها دهۆك بۆ ئه‌ڤرۆ نیۆز دیارکر،وه‌ك جڤاتا پارێزگه‌هێ چه‌ندین جارا ل گه‌ل جێگرێ پارێزگه‌هى كومبووینه داكو ڤێ ئاریشێ چاره‌سه‌ر بكه‌ین، به‌لێ دبێژن هه‌تا كومبوونا جڤاتا بلندا نه‌فت و گازى بریاره‌كێ نه‌ده‌ت ئه‌م نه‌شێین چۆ بریاره‌كێ بده‌ینە وەلاتیان بۆ دابەشکرنا گازا سپى.
جه‌میلا خویاكر ژى ،هه‌تا نوكه چۆ بریار نینن كو گازا سپى بهێته دابه‌شكرن به‌لێ یا فه‌ره ئه‌ڤ ساله ئه‌و پشكا گازا وەلاتیان بهێته دابه‌شكرن ژبه‌ركو داربرین قه‌ده‌غه‌یه و گازا سپى ژى نه‌بیت دێ بۆ وەلاتیان و هه‌موو خه‌لكێ كوردستانێ تایبه‌ت ده‌ڤه‌رێن چیایى بیته ئاریشه و وه‌رزێ سه‌رمایێ و به‌فر و بارانا نێزیك بوویه.
