نەفتا کوردستانێ دابەزی و رۆژانە 196 هزار بەرمیل دهێتە هنارتن
ئەڤرۆ نیۆز،زنار تۆڤی:
هنارتنا نەفتێ ب رێیا بۆریا نەفتا کوردستانێ- جیهان بەردەوام روو د دابەزینێ دایە،پشتی داگیرکرنا کەرکووکێ ژلایێ حەشدا شەعبی ڤە هەردو کێلگەهێن بای حەسەن و ئاڤانا کەفتنە دەستێ سوپایێ عێراقێ.
ئەندازیارێن کۆمپانیا نەفتا باکۆر مژۆلی نۆژەنکرن و بکارخستنا کەرەستەیانن د وان هەردو کێلگەهاندا و هێشتا بەرهەمئینانا نەفتێ د وان کێلگەهان دا دەستپێنەکریە.
ئاستێ هنارتنا نەفتێ ب رێیا بۆریا نەفتا کوردستانێ رۆژا پێنجشەمبی دابەزی بۆ 196 هزار بەرمیلان، ئەڤە د دەمەکێ دایە،کو رۆژا چارشەمبی رۆژانە 225 هزار بەرمیل د بۆریا نەفتا کوردستانێ دا هاتبوونە هنارتن.
پێش داگیرکرنا کەرکووکێ ژی رۆژانە 600 هزار بەرمیلێن نەفتی ب رێیا ڤێ بۆریێ دهاتنە هنارتن.