مه‌نسور بارزانى: پێشمه‌رگه‌ى تانكه‌كا دژى يا ئه‌مبرامز يا ئه‌مريكى ژناڤبر
ئەڤرۆ نیوز، نه‌وزاد ھلوری:
مەنسور بارزانی فەرماندەێ فەرماندەیا گولان یا ھێزێن پێشمەرگێ کوردستانێ دیارکر کو ئەڤرۆ ل سنوورێ مێحوەرێ زومار و رەبیعە ھێزێن پێشمەرگەی تانکەکا حەشد شەعبی ژ جورێ ئەمبرامز یا ئەمریکی ژناڤبر.
ئەڤرۆ سپێدێ دەمژمێر 6:00ێ سپێدێ چەکدارێن حەشد شەعبی و سوپایێ عیراقێ ب ھەڤکاریا سوپایێ پاسدارێن ئیرانی خواست کو خوە بگەھینن خالا سنووری یا سحێلا کو دکەڤیتە د ناڤبەرا رۆژئاڤا و باشوورێ کوردستانێ و ژ وێرێ بەر ب خالا سنووری یا خابوور، بەڵی ھێزێن پێشمەرگەی رێی ب وان نەدا و د ئەنجام دا شەر و روو ب رووبوون د ناڤبەرا وان و پێشمەرگەی دروست بوو.
جڤاتا ئاسایشا ھەرێما کوردستانێ دراگەھاندنەکێ دا دیارکر کو د شەرێ دژی ھێزێن عیراقێ دا ھژمارەکا چەکدارێن حەشد شەعبی و ھێزێن عیراقێ ھاتینە کوشتن و بریندارکرن و 3 تانک و 5 ھامڤی و 1 باجەر یێن دوژمنی ژناڤبرن بێی کو ئاماژە ب جورێن ئەوان تانکان بکەت.
مەنسوور بارزانی فەرماندەێ فەرماندەیا گولان یا ھێزێن پێشمەرگێ کوردستانێ د داخۆيانيه‌كا رۆژنامەڤانی دا دوپات کر کو ئێک ژ وان تانکێن ھاتینە ژناڤبرن تانکەکا ئەمریکی بوویە ژ جورێ ئەمبرامز و ل مێحوەرێ زومار و رەبیعە ژ لایێ ھێزێن پێشمەرگەی ھاتە ژناڤبرن.
دھێتە زانین کو پێشتر ژی ھێزێن پێشمەرگەی تانکەکا دن یا حەشد شەعبی ژ جورێ ئەبرامز یا ئەمریکی ل پردێ ژ ناڤبر بوو.