رێڤه‌به‌رێ نوو یێ فه‌رمانگه‌ها راهێنانا پیشه‌یی ده‌ست ب كاربوو
ئەڤرۆ نیۆز،زنار تۆڤی:
د چارچوڤێ وان گوهۆرینێن دناڤا ده‌زگه‌ه و فه‌رمانگه‌هێن میری دهێنه كرن ئه‌ڤرۆ سپێدێ 8-11-2017 ل رێڤه‌به‌ریا راهێنانا پیشه‌یی و ب ئاماده‌بوونا بەهزاد عەلی ئاده‌م جێگرێ پارێزگه‌رێ دهوكێ و (د.عارف حیتو) نوونه‌رێ وه‌زاره‌تا كار و كاروبارێن كومه‌لایه‌تی رێورسمێن ده‌ست ب كاربوونا رێڤه‌به‌رێ نوو یێ وێ فه‌رمانگه‌هێ هاتنه گێران و(نیبار عەبدولستار ) وەک رێڤه‌به‌رێ فه‌رمانگه‌ها راهێنانا پیشه‌یی ب وه‌كاله‌ت ل جهێ (دیار محەمەد مەعصوم) رێڤه‌به‌رێ به‌رێ یێ رێڤه‌به‌ریا ناڤبری هاته دانان.
ب ڤێ هه‌لكه‌فتێ جێگرێ پارێزگه‌رێ دهۆكێ ونوونه‌رێ وه‌زاره‌تا کار و كاروبارێن كومه‌لایه‌تی ده‌ست خوشی و سوپاسی ل رێڤه‌به‌رێ به‌رێ كرن هه‌مبه‌ر خزمه‌تا وی ل ماوێ ده‌ربازبووی پێشكێش كری،هه‌روه‌سا پیروزباهی ل رێڤه‌به‌رێ نوو كر وسه‌ركه‌فتن بو خواست دكارێ وی یێ نوودا و پشته‌ڤانیا پارێزگه‌هێ و وه‌زاره‌تا كار و و كاروبارێن كومه‌لایه‌تی نیشان دا.
ژلایێ خۆ ڤه رێڤه‌به‌رێ نوو ته‌كه‌زكر كو ئه‌و دێ ل جهێ وێ باوه‌ریێ بیت یا كو پێ هاتیه راسپاردن و دێ پتر خزمه‌تا خه‌لكی و فه‌رمانگه‌ها راهێنانا پیشه‌یی كه‌ت ، بۆ وێ یه‌كێ پتر ده‌لیڤێن كاری بۆ ته‌خێن جڤاكی بهێنه دیتن.
هه‌ژی گوتنێ یه فه‌رمانگه‌ها راهێنانا پیشه‌یی به‌رده‌وام خولێن پیشه‌یی بۆ ته‌خێن جڤاكی ڤه‌دكه‌ت بو وێ یه‌كێ ده‌لیڤێن كاری بۆ گه‌نجا وخودان پیشه‌یا بهێنه دابینكرن.