ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى رێكه‌فتى 20ى چريا دويێ 2017 دهێته پێشبينيكرن ئه‌سمان دێ ئه‌ورێن ته‌مام بن و ل پتريا جهان ژى باران دێ باريت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن رۆژهه‌لاتێ ئيرانێ و فشارێن نزمێن ده‌ريا ناڤه‌راست ئه‌سمان دێ ئه‌ورێن ته‌مام بن و ل پتريا جهان ژى باران دێ باريت و بريسى ژى دێ ل گه‌ل بن و پلێن گه‌رمێ ژى دێ هێنه خوار.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ خۆيا ژى كريه كو نزمترين پلا گه‌رما پێشبينيكرى دێ 8 پله بيت و بلندترين پله ژى دێ 20 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ گه‌له‌ك زێده‌كه‌ت و ل هنده‌ك جاران دێ گه‌هيته 10 بۆ 20 كم بيت د ده‌مژمێره‌كێ دا و ماوێ ديتنێ ژى دێ 8 بۆ 10كم دا بيت.
