مارکینیوس: پاریس سان جێرمان یاریزانەکێ ژ نیمار و میسی و رونالدوی باشتر ھەیە
ب، ئەڤرۆ:
یاریزانێ بەرازیلی مارکینیوس کوریا بەرەڤانێ یانا پاریس سان جێرمان یا فرەنسی وەسا دبینت کو یانا فرەنسی یاریزانەکێ ھەی ژلایێ ھونەر و تەکتیکا یاریێ گەلەک ژ لیونێل میسی و کریستیانو رونالدو و نیمار دا سێلڤای باشترە.
زێدەتر ناڤھاتی ددیدارەکا روژنامەیا لو دورنال دو دیمونش یا فرەنسی خویاکریە کو ھەڤالێ وی یێ ئەلمانی جولیان دراکسلر گەلەک شیانێن مەزن یێن ھەین تایبەت بو دەربازبونێ ژ یاریزانێن ھەڤرک و ھەمبەری خوە.
ھەروەسا دیارکر کو دراکسلر ژلایێ ھونەرێ یاریێ ڤە ژ وەلاتیێ وی نیمار و لیونێل میسێ ئەرژەنتینی و ستێرا بەرشەلونە و کریستیانو رونالدو یێ پرتوگالی و ستێرا ریال مەدرید باشترە و ئەڤە ئێک ژ وان یاریزانێن کێمە یێن یاری د گەل دا کری و ئەف شیانە ھەین.
دھێتە زانین ل ھاڤینا بوری یانا پاریس سان جێرمان رەتکربوو دەستا ژ ڤی یاریزانێ خوە یێ ئەلمانی بەردەت پێخەمەت وێ چەندێ نە کەڤیتە ھەمبەر سزایێ کرنا یاریا پاقژ و دوورکەفتن ژ سزای.
