ئاژانسا فرانس پرێس د راپۆرته‌كي‮ ‬دا ئاماژه‌ ب وێ‮ ‬يه‌كێ دكه‌ت كو‮ ‬د كۆمبوونا سه‌رۆكێ ئه‌ندامێن ناتۆ‮ ‬دا ل سه‌ر چه‌ند خالێن سه‌ره‌كي‮ ‬رێككه‌ڤتن هاتيه‌ كرن و ئه‌مريكا و بريتانيا سه‌ركێشيا پيلانا نوو ل دژي‮ ‬داعشێ دكه‌ن و وه‌لاتێن وه‌ك دانيمارك،‮ ‬كه‌نه‌دا،‮ ‬ئه‌لمانيا و فره‌نسا ژي‮ ‬دێ هاريكاريا وێ پيلانێ كه‌ن و هه‌روه‌سا دێ گه‌ف ل وه‌لاتێن عه‌ره‌بي‮ ‬ژي‮ ‬هێته‌ كرن دا ئه‌و ب چو ره‌نگه‌كێ هاريكاريا داعشێ نه‌كه‌ن و نابيت چو وه‌لاته‌ك نه‌فتێ ژ داعشێ بكريت‮.‬
د به‌رده‌واميا راپۆرتێ دا هاتيه‌ كو‮ ‬ل گۆر پيلانا نوو دێ ئه‌مريكا و بريتانيا ب هه‌موو ره‌نگه‌كێ هاريكاريا پێشمه‌رگه‌ و له‌شكرێ عيراقێ كه‌ن و دێ چه‌كێن گران ده‌نه‌ هێزێن پێشمه‌رگه‌ و ل ئاليێ دي‮ ‬ئه‌مريكا دێ به‌رده‌واميێ ده‌ته‌ هێرشێن خوه‌‮ ‬يێن ئاسماني‮ ‬ل سه‌ر داعشێ و دێ ب رێيا فرۆكێن بێ فرۆكه‌ڤان ژي‮ ‬چاڤدێريا كار و چالاكيێن داعشێ هێته‌ كرن و هه‌روه‌سا ل سووريێ ژي‮ ‬دێ كار بۆ لێدانا داعش هێته‌ كرن و ئه‌مريكا دێ بزاڤێ كه‌ت ئاسمانێ سووريێ ژي‮ ‬بۆ لێدانا داعشێ بكار بينيت‮.‬
د به‌رده‌واميا راپۆرتێ دا هاتيه‌ كو‮ ‬وه‌لاتێن ئورۆپا ب تايبه‌تي‮ ‬ژي‮ ‬بريتانيا و ئه‌لمانيا دێ ب هه‌موو ره‌نگه‌كێ بزاڤێ كه‌ن نه‌هێلن كه‌سێن توندره‌و بچنه‌ ناڤ رێزێن داعشێ و دێ كار هێته‌ كرن كو رێگري‮ ‬ل هاتن و چوونا وان بهێته‌ كرن و هه‌روه‌سا دێ گه‌ف ل وه‌لاتێن عه‌ره‌بي‮ ‬يێن وه‌ك قه‌ته‌ر و ئوردن ژي‮ ‬هێته‌ كرن كو نابيت ب چو ره‌نگه‌كێ ئه‌و ده‌رگه‌هێ خوه‌ بۆ داعشێ ڤه‌كه‌ن و دڤێت ئه‌و نه‌هێلن داعش ئاخا وه‌لاتێ وان بۆ خوه‌ بكار بينيت و هه‌روه‌سا دێ كار بۆ ژناڤبرنا پێگه‌هێ ئابووري‮ ‬يێ داعشێ هێته‌ كرن و هه‌ر وه‌لاته‌ك كو نه‌فتێ ژ داعشێ بكريت دێ ب توندي‮ ‬هێته‌ سزادان‮.‬
ل گۆر راپۆرتا ئاژانسا فرانس پرێس وه‌لاتێ ناڤهاتي‮ ‬ب ته‌مامي‮ ‬ل سه‌ر وێ پلانێ رێككه‌ڤتن كرينه‌ و هه‌روه‌سا د پشكه‌كا دي‮ ‬يا پلانێ دا دێ كار بۆ مه‌شق دانا هێزێن پێشمه‌رگه‌ و له‌شكرێن عيراقێ ل سه‌ر چه‌كێن مودێرن هێته‌ كرن و ژ بۆ وێ‮ ‬يه‌كێ ژي‮ ‬نها به‌رهه‌ڤيه‌كا مه‌زن بۆ هنارتنا بسپۆرێن سه‌ربازي‮ ‬بۆ عيراق و هه‌رێما كوردستانێ دهێته‌ كرن‮.‬
ل ئاليێ دي‮ ‬پرانيا ده‌زگه‌هێن راگه‌هاندنا ئه‌مريكا ئاماژه‌ ب وێ‮ ‬يه‌كێ كرن كو ئه‌مريكا بۆ شه‌رێ دژي‮ ‬داعشێ ب چو ره‌نگه‌كێ هاريكاريێ ل گه‌ل رژێما ئيرانێ ناكه‌ت،‮ ‬چونكو ئه‌مريكا ل سه‌ر وێ باوه‌ريێ‮ ‬يه‌ كو ده‌ستێ ئيرانێ د ب هێزكرنا وان رێكخراوێن تيرۆرستي‮ ‬دا هه‌يه‌ و نها ئيرانێ دڤێت ل گۆر به‌رژه‌وه‌نديێن خوه‌ سه‌ره‌ده‌ريێ ل گه‌ل شه‌رێ داعشێ بكه‌ت و ئه‌مريكا ژي‮ ‬ب توندي‮ ‬وێ‮ ‬يه‌كێ ره‌د دكه‌ت و د پيلانا نوو‮ ‬يا شه‌رێ داعشێ دا ب چو ره‌نگه‌كێ به‌حسێ رۆلێ ئيرانێ نه‌هاتيه‌ كرن‮.‬

به‌رپرسێ راگه‌هاندنا وه‌زاره‌تا ئه‌وقاف و كاروبارێن ئاييني‮ ‬يێ حوكمه‌تا هه‌رێما كوردستانێ د تورا جڤاكيا فێسبۆكێ خوه‌ دا به‌لاڤ كريه‌،‮ ‬كو ل رۆژا ئه‌ينيا بۆري‮ 5/9‬ رێكخراوا تيرۆرستيا داعشێ ‮81‬ گه‌نجێن كورد‮ ‬يێن د ناڤ وێ رێكخراوێ دا،‮ ‬ب ئه‌گه‌رێ خيانه‌تكرنێ ل ناڤا باژێرێ مووسلێ گولله‌باران كرن‮.‬
مه‌ريوان نه‌قشه‌به‌ندي،‮ ‬به‌رپرسێ راگه‌هاندنا وه‌زاره‌تا ئه‌وقاف و كاروبارێن ئاييني‮ ‬يێ حوكمه‌تا هه‌رێما كوردستانێ د تورا جڤاكيا فێسبۆكێ خوه‌ دا به‌لاڤ كريه‌،‮ ‬كو سه‌ركردێن داعشێ باوه‌ري‮ ‬ب وان گه‌نجێن كورد نه‌مايه‌ ئه‌وێن چووينه‌ د ناڤ رێزێن وێ رێكخراوێ دا و دبێژيت‮ “‬سه‌ركردێن داعشێ دياركرينه‌ كو پتريا ئه‌و‮ ‬گه‌نجێن هاتينه‌ د ناڤ داعشێ دا خيانه‌ت د گه‌ل مه‌ كرينه‌ و ب رێيه‌كا نه‌ديار زانياري‮ ‬گه‌هاندينه‌ هێزێن پێشمه‌رگه‌ي‮ ‬و ده‌زگه‌هێن ئێمناهيێ ل هه‌رێما كوردستانێ‮”.‬
نه‌قشبه‌ندي‮ ‬ئاشكرا ژي‮ ‬كريه‌،‮ ‬كو رێكخراوا داعشێ ئه‌و چه‌كدارێن كوردێن د ناڤ وێ رێكخراوێ دا ماين ئاگه‌هدار كرينه‌،‮ ‬كو ب زمانێ كوردي‮ ‬نه‌ئاخڤن،‮ ‬هه‌كه‌ دێ هێنه‌ كوشتن‮.‬
د ماوێ هه‌شت هه‌يڤێن بۆري‮ ‬دا ‮001‬ گه‌نجێن كورد‮ ‬يێن هه‌رێما كوردستانێ په‌يوه‌ندي‮ ‬ب رێكخراوا تيرۆرستيا داعش ڤه‌ كربوو‮.

به‌رپرسێ لقێ ‮02‬ يێ پارتي‮ ‬ديموكراتي‮ ‬كوردستاني‮ ‬دياركر كادر و ئه‌ندامێن وان وه‌كو هێزا پشته‌ڤانيێ بۆ‮ ‬پێشمه‌رگێ كوردستانێ ل ميحه‌وه‌رێ گرێداي‮ ‬سنورێ وان هه‌ر ژ ده‌ستپێكا هه‌ستكرن ب مه‌ترسيێ كري‮ ‬ل سه‌ر كوردستانێ ئه‌و د سه‌نگه‌ران دانه‌‮.‬
عه‌لي‮ ‬عه‌وني‮ ‬به‌رپرسێ لقێ ‮02‬ يێ پارتي‮ ‬ديموكراتي‮ ‬كوردستان ل شێخان دياركر كو خه‌لكێ وان ده‌ڤه‌ران چو بهانه‌ نينن ده‌ربه‌ده‌ر بووين و بۆ‮ ‬ئه‌ڤرۆ گوت‮” ‬داخوازێ ژ خه‌لكێ قه‌زا شێخان دكه‌ين ب زڤرنه‌ ل سه‌ر مال و مولكێن خوه‌ و چو به‌هانه‌ بۆ ده‌ربه‌ده‌ر بوونا وان نينن و نوكه‌ هێزێن پێشمه‌رگێ كوردستانێ هه‌موو سه‌نگه‌ر پاراستينه‌ و گره‌نتيا وێ چه‌ندێ د ده‌ين كو دێ گيانێ وان‮ ‬يێ پاراستي‮ ‬بيت‮”.‬به‌رپرسێ لقێ ‮02‬ ئاماژه‌ ب وێ چه‌ندێ كر كو خه‌لكێ وان ده‌ڤه‌ران ژبه‌ر مليۆنه‌كا ديناران ماينه‌ ل ناڤ كاڤلێن خه‌لكي‮ ‬و گوت‮” ‬خه‌لكێ ڤان ده‌ڤه‌ران ب تنێ ژ به‌ر مليۆنه‌كا ديناران ماينه‌،‮ ‬ئه‌وێن حوكمه‌تا عيراقێ دده‌ته‌ ده‌ربه‌ده‌ران،‮ ‬ل ناڤ باخچه‌ و قوتابخانان و ل به‌ر ديواران‮”.‬
عه‌لي‮ ‬عه‌وني‮ ‬ئه‌و چه‌نده‌ دياركر كو زڤرينا وي‮ ‬خه‌لكي‮ ‬دێ بيته‌ بار سڤكيه‌ك بۆ مه‌ژي‮ ‬و حوكمه‌تێ و گوت‮” ‬نوكه‌ هژماره‌كا مه‌زن‮ ‬يا خه‌لكێ ده‌ربه‌ده‌ر بوويه‌ كوردستانێ و ب تايبه‌ت پارێزگه‌ها دهۆكێ و ئه‌ڤ خه‌لكێ نۆكه‌ چو ل ده‌ڤه‌رێن وان نه‌يي‮ ‬وه‌كو شه‌ڕ،‮ ‬يان مه‌ترسي،‮ ‬دڤێت بزڤرنه‌ سه‌ر مالێن خوه‌،‮ ‬دا بارێ حوكمه‌تێ ژي‮ ‬سڤك ببيت و ئه‌و ب خوه‌ ژي‮ ‬ببنه‌ زێره‌ڤان بۆ‮ ‬مالێن خوه‌،‮ ‬چونكو‮ ‬يان دڤێـت هێزێن ئێمناهيێ پاراستنا مال و مولكێن وان بكه‌ت،‮ ‬يان هنده‌ك كارێن خوه‌‮ ‬يێن دي‮ ‬يێن تايبه‌ت بكه‌ن‮”.‬
ناڤهاتي‮ ‬داخواز ژ جهێن په‌يوه‌نديدار كر كو ئه‌و پارێن بۆ‮ ‬ده‌ربه‌ده‌ران د مه‌زێخن ببه‌نه‌ مالێن وان و گوت‮” ‬ئه‌وێن نۆكه‌ وه‌كو ده‌ربه‌رده‌ر ل سنۆرێ پارێزگه‌ها دهۆكێ‮ ‬يێن گرێداي‮ ‬سنۆرێ مه‌‮ ‬يا راست ئه‌وه‌ حوكمه‌ت ژي‮ ‬داخوازێ ژێ بكه‌ت بزڤرن و ئه‌و گوژمێ پاره‌ي‮ ‬يێ بۆ‮ ‬هاتيه‌ مه‌زاختن ل مالێن وان بده‌نێ‮”.‬
ناڤبري‮ ‬رۆلێ خه‌لكێ ده‌ڤه‌رێ ب پيرۆزي‮ ‬ديت و گوت‮” ‬هه‌ر ژ چوونا مه‌ بۆ ناڤ سه‌نگه‌رێن به‌رگري‮ ‬كرنێ ژ خه‌لكێ خوه‌ و هه‌تا نۆكه‌ خه‌لكێ ده‌ڤه‌رێن مه‌ نه‌هێلايه‌ پێشمه‌رگه‌يێ كوردستانێ خوارنێ بۆ خوه‌ دروست بكه‌ت ئه‌وان وه‌كو خشته‌كي‮ ‬د ناڤ خوه‌ دا دروستكريه‌ بۆ هندێ هه‌ر دانه‌كێ خوارنێ چه‌ند ماله‌ك دروست بكه‌ن كو ئه‌ڤه‌ جهێ سه‌ربلنديێ‮ ‬يه‌ بۆ مه‌ وه‌كو پارتي‮ ‬ديموكراتي‮ ‬كوردستاني‮”.‬
به‌رپرسێ لقێ ‮02‬ يێ پارتي‮ ‬ئه‌و چه‌نده‌ راگه‌هاند كو ئه‌و دگه‌شبينن كو دێ دڤي‮ ‬شه‌ڕي‮ ‬دا سه‌ركه‌ڤن،‮ ‬ديسا داخواز ژ خه‌لكێ كوردستانێ كر پتر د پشته‌ڤان بن بۆ هێزێن پێشمه‌رگه‌ي‮.