ژیانێ گه‌له‌ك تشتێن تێدا و هه‌ر تشته‌ك وانه‌كا تێدا و یا گرنگه‌ ئه‌م باش فێری وان وانا ببین، زه‌لام یان ژن ده‌مێ خێزانێ پێكدئینن یا گرنگه‌ گه‌له‌ك قوربانیێ بده‌ن بوَ هندێ به‌خته‌وه‌ریێ بوَ خوه‌ مسۆگه‌ر بكه‌ن، وه‌كی وی كه‌سی یێ گه‌له‌ك سار بیت و ب تنێ ده‌ه دینار یێن هه‌ین دێ چیت بوَ خوه‌ به‌ته‌نیه‌كێ كریت دا وی پێ گه‌رم بیت.

باشتر ئه‌وه‌ ژن و زه‌لام ژی بزانن بێی قوربانی خۆشی و تاما ژیانێ ب ده‌ست كه‌سێ ناكه‌ڤیت، ئانكو گه‌له‌ك ژن هه‌نه‌ هێشتا زوو هه‌می تشت دڤێن وه‌كی پاره‌ و خانی و تروَمبێل و زێر و مالداری و هتد. پرسیاره‌ك ل ڤێره‌ په‌یدا دبیت ئه‌و ژی هه‌كه‌ مه‌ هه‌می تشت هه‌بن ئانكو مه‌ چ ئارمانج د ژیانێدا نه‌ماینه‌ بوَ شه‌ڕی بكه‌ین؟
هه‌ر ژ به‌رهندێ گرنگه‌ هێدی هێدی هنده‌ك تشتان بكه‌ینه‌ قوربانی هه‌تا هنده‌ك تشتێن دی یێن مه‌ دڤێن ب ده‌ست خوه‌ بێخین، هزركرن بوَ هه‌بوونا ژیانه‌كا شایسته‌ و ئارام بێ قوربانی تشته‌كێ شاشه‌.
زه‌لامه‌كی دگوَت: تشتێ نه‌خۆش بوَ من ئه‌وه‌ ئه‌ز گه‌له‌كێ بێهن ته‌نگ بوویم و من چ هه‌دار نه‌مایه‌ مالا مه‌ پاره‌ نینن ئه‌ز بوَ خوه‌ ژنه‌كێ پێ بینم و من ب تنێ تروَمبێله‌كا هه‌ی ئه‌و دبێژنه‌ من وێ بفروَشه‌ دا بوَ ته‌ ژنێ پێ بخوازم نزانم دێ چ كه‌م؟
گه‌له‌كا ب ساناهی یه‌ گوهێ خوه‌ بده‌ مالا خوه‌ تروَمبێلا خوه‌ بفروَشه‌، ژ به‌ركو دێ تو روحه‌كێ ئینیه‌ مال هزار جارا ژ تروَمبێلێ باشتره‌ باش به‌رێ خوه‌ بدێ دبیت ئه‌و خێر و به‌ره‌كه‌تێ بێخته‌ ناڤ مالا هه‌وه‌
ئێدی بوَچی بترسین هه‌كه‌ بزانین ئه‌م دراستین و كاره‌كێ باش دكه‌ین؟
پشتی بوَرینا سێ سالان من هه‌مان زه‌لام دیت سلاڤ كره‌ من گوَته‌ من بیرا ته‌ من دهێت من ژی گۆتێ من تو یێ دیتی به‌س نزانم كه‌نگی؟
گوَت: ته‌ رێیا راست نیشا من دا من تروَمبێلا خوه‌ فروَت و ژن پێ ئینا؛ به‌لێ پشتی بوَرینا ده‌مه‌كێ كێم ئه‌ز شیام جاره‌كا دی بوَ خوه‌ تروَمبێله‌كا گه‌له‌ك باشتر بكرم و نوكه‌ ئه‌ز هه‌ڤژینا خوه‌ ناده‌مه‌ ب دونیایێ هه‌میێ ب راستی ژیانا من ب هه‌بوونا وێ گه‌له‌كا خۆش و به‌خته‌وه‌ره‌ من ژنوی زانی كو مالێ دونیایێ به‌رامبه‌ری ناخه‌كێ سپی و ب ره‌وشت چ بهایێ خوه‌ نینه‌!؟
ژیان یا هۆسانه‌ هه‌تا تو تشته‌كی ژ ده‌ست نه‌ده‌ی تشته‌كێ باشتر ب ده‌ست خوه‌ نائێخی، ژنه‌كا دی دگوَت بوَ خاترا هنده‌ك زێران من خۆشیه‌كا گیانی ژ ده‌ستێ خوه‌ كر ده‌مێ كورێن باش و ب ره‌وشت دهاتنه‌ من دفنا من یا بلند بوو و من كه‌س ل پێش چاڤێن خوه‌ نه‌دیت، ژ بلی خوه‌ هه‌ر ئه‌ڤێ چه‌ندێ ئه‌ز ژناڤبرم ب جاره‌كێ هه‌رده‌م دا بێژمه‌ كوركان هه‌تا هوون بوَ من زێران و خانیه‌كێ باش دروست نه‌كه‌ن ئه‌ز شوو ب هه‌وه‌ ناكه‌م و هۆسا سال وه‌كی ئاڤێ ده‌رباز دبوون هه‌ر ده‌یكا من دگۆته‌ من كچا من شوو بكه‌ دونیا هه‌می نه‌پاره‌یه‌ و یا پشت راست به‌ دڤێت تو هنده‌ك تشتان ژ ده‌ست بده‌ی هه‌تا بگه‌هیه‌ هنده‌كێن باشتر به‌س من هه‌می گاڤان یاری ب ده‌یكا خوه‌ دكرن، من هند دیت ژیێ من بوو سیه سال و ئێدی كه‌س من ناخوازیت نوكه‌ من پاره‌ و زێر هه‌نه‌ گه‌له‌ك و هندی دبێژم به‌س ئێك من بخوازیت دێ هه‌می پاره‌ و زێرن خوه‌ ده‌مێ، به‌لێ مخابن ئه‌ز یا نه‌زان و نه‌فام بووم بوَ پێناسا ژیانێ هه‌تا تێگه‌هشتیم روَژ ئاڤا بوو. هه‌كه‌ پیچه‌كێ به‌رێ خوه‌ بده‌ینه‌ ڤان هه‌ر دو نموونان دێ باش بینین كو خێزان بێ قوربانیدان ناهێته‌ ئاڤاكرن.
گرنگه‌ خێزان قوربانیێ بده‌ت بوَ هه‌ر تشته‌كی چ نه‌خوشی بیت یان هه‌ژاری بیت، گه‌له‌ك جاران دێ نه‌خۆشی هه‌بن یان دێ هه‌ژاری هه‌بیت پێدڤیه‌ هه‌ردو لا ڤێ باش بزانن و د به‌رهه‌ڤ بن قوربانیێ بوَ بده‌ن.
كه‌سێ زانا و زیره‌ك د ته‌نگاڤیاندا دیار دبیت، قوربانیێ بده‌ بوَ هندێ به‌خته‌وه‌ریا خێزانی مسۆگه‌ر بكه‌ی.

وه‌لاته‌كێ دیتر ژی ل جهێ كوردستانێ با دا هه‌ر هێته‌ پارچه‌كرن و هه‌مان چاره‌نڤیس وه‌رگریت ئه‌ڤجا یا گرنگه‌ ئه‌م بێژین ئه‌گه‌رێ نه‌بوونا ده‌وله‌تا كوردی نه‌ كوردن به‌لكو به‌رژه‌وه‌ندیێن چه‌ندین وه‌لاتێن زلهێزێن جیهانێ نه‌، دبیت شه‌رمزاری بیت هه‌تا نوكه‌ ئه‌م به‌حسێ نه‌بوونا ده‌وله‌تا كوردی بكه‌ین یان ژی به‌رده‌وام گازندان بكه‌ین كا بوَچی مه‌ كوردان ده‌وله‌تا خوه‌ نینه‌ و روَژانه‌ ب سه‌دان ئه‌گه‌ران ئه‌م دیار دكه‌ین و هه‌ر كه‌سه‌ك بلوَرێ ل دووڤ حه‌زا خوه‌ لێ دده‌ت به‌س ب دیتنا من نه‌بوونا ده‌وله‌تا كوردی چ په‌یوه‌ندی ب ئێكگرتن و ئێكنه‌گرتنا كوردانڤه‌ نینه‌، ژ به‌ر كو كوردستان د رێكه‌فتنا سایكس پیكوت دا هاته‌ پارچه‌كرن ب سه‌ر چار وه‌لاتان، ئه‌و ژی توركیا و ئیران و عیراق و سووریا بێی هزر و پرسیاره‌ك ژ كوردان بهێته‌كرن و چه‌ندین ئارمانج ژ ڤێ چه‌ندێ وه‌لاتێن زلهێزێن جیهانێ ژێ هه‌بوون ئه‌و ژی هه‌رگاڤا بڤێت ب رێیا كوردان گڤاشتنان بكه‌ته‌ ل سه‌ر وان وه‌لاتان بوَ نموونه‌ گه‌ر توركیا ل دژی به‌رژه‌وه‌ندیێن ئه‌مریكا یان بریتانیا یان فره‌نسا راوه‌ستیا دێ ب رێیا كوردێن وێ پارچێ گه‌فان لێ كه‌ت و بێ ده‌نگ كه‌ت و ئارمانجه‌كا دی كوردستان هه‌كه‌ هه‌تا نوكه‌ یا سه‌ربه‌خوه‌یا وه‌كو وه‌لاته‌كێ زه‌نگین ب هه‌ر تشته‌كی دا بیته‌ بهێزترین وه‌لات ل سه‌ر ئاستێ هه‌می جیهانێ و ئه‌ڤ چه‌نده‌ ژی نه‌ د به‌رژه‌وه‌ندیا وه‌لاتێن زلهێزێن جیهانێ دایه‌
گه‌له‌كا سه‌یره‌ ئه‌ڤه‌ پتره‌ ژ سه‌د سالا نه‌فتا عیراقێ بوَ ڤان وه‌لاتان دچیت و گرنكترین ئارمانجا وان ژ پارچه‌كرنا كوردستانێ ئه‌و بوو كو بشێن به‌رده‌وام شه‌ڕ ل ده‌ڤه‌رێ هه‌بیت و ب ڤێ چه‌ندێ مه‌رمێن تایبه‌تێن خوه‌ هه‌نه‌ نموونه‌ شه‌رێ عیراقێ و ئیرانێ بوَ ماوێ نه‌ه سالان ڤه‌كێشا ژ لایه‌كی ئه‌وروَپا و ژ لایه‌كێدیتر ڤه‌ رۆسیا و ئه‌مریكا به‌رده‌وام چه‌ك دفروَته‌ ڤان هه‌ردو وه‌لاتان ئانكو د ڤێ چه‌ندێ ژیدا ئه‌و هه‌ر مفاداربوون به‌س هه‌كه‌ كوردان ده‌وله‌تا خوه‌ هه‌با دا ئه‌ڤ پلانێن وان گه‌له‌ك ب زه‌حمه‌ت هێنه‌ جێ به‌جێ كرن یا سه‌یره‌ هه‌تا نوكه‌ ژی سیاسه‌تمه‌دارێن مه‌ دبێژن ئێكنه‌گرتنا كوردان ئه‌گه‌ره‌ بوَ دروستنه‌بوونا ده‌وله‌تا كوردی! ئه‌رێ ده‌مێ وه‌لاتێن زلهێز كوێت و قه‌ته‌ر و یه‌مه‌ن و چه‌ندین وه‌لاتێن دیتر كرینه‌ ده‌وله‌ت د ئێكگرتی بوون نه‌خێر به‌س كه‌س ژ سیاسه‌ت و حه‌زێن وه‌لاتێن مه‌زنێن جیهانێ مه‌زنتر نینه‌ و هه‌ر گاڤا وان بڤێت بریاره‌كێ بده‌ن كه‌س نه‌شێت ببیته‌ رێگر ئه‌وێن دنیایێ پرێڤه‌ دبن ل دویڤ به‌رژه‌وه‌ندیێن خوه‌ نه‌خشان ددانن و دنه‌خشه‌ و پلانێن واندا ب تنێ قه‌ده‌را كوردان یا خراببوو وه‌لاتێ وان بوَ چار پارچه‌ و ب درێژیا مێژوویێ خوینا كوردان هاتی یه‌ رێتن مالێن وان هاتینه‌ خرابكرن و چه‌ندین جاران كورد نێزیكی ئارمانجێن خوه‌ بووینه‌، به‌لێ ل سه‌ر ئاستێ نیڤده‌وله‌تی خیانه‌ت و پیلان ل دژی كوردان هاتینه‌ گێران و ژناڤبرینه‌ ئه‌رێ ده‌مێ كۆمارا ل مهابادێ هاتی یه‌ راگه‌هاندن كێ ژناڤبر كوردان یان ژی ئه‌مریكا و رۆسیا یا رۆهن و ئاشكرا بوو كو به‌رژه‌وه‌ندیێن وان وه‌لاتان ل گه‌ل ژناڤبرنا كۆمارێ بوون یان رێكه‌فتنا جه‌زائیر و چه‌ندین رێكه‌فتنێن دی ل دژی كوردان هه‌بووینه‌ ل ڤێره‌ پرسیاره‌ ئه‌وه‌ هه‌كه‌ ئه‌ڤ وه‌لاتێن زلهێزێن جیهانێ ل دژی وه‌لاتێن دیبان و به‌رژوه‌ندیێن وان دگه‌ل كوردان بان دا ل ڤی ده‌می هاوكێشێن سیاسی د چاوا بن به‌س ئاریشا كوردستانێ ئه‌وه‌ كو یا د ناڤبه‌را چار وه‌لاتاندا و هه‌كه‌ هه‌ر وه‌لاته‌كێ دیتر ژی ل جهێ كوردستانێ با دا هه‌ر هێته‌ پارچه‌كرن و هه‌مان چاره‌نڤیس وه‌رگریت ئه‌ڤجا یا گرنگه‌ ئه‌م بێژین ئه‌گه‌رێ نه‌بوونا ده‌وله‌تا كوردی نه‌كوردن به‌لكو به‌رژه‌وه‌ندیێن چه‌ندین وه‌لاتێن زلهێزێن جیهانێ نه‌.

یا گرنگه‌ مروَڤ ب هه‌ر ره‌نگێ هه‌بیت خوه‌ ژ هزرێن خراب دوور بكه‌ت هزرێن باش بچینیت، ژ به‌ر كو هزرێن ئه‌رێنی ب ته‌مامی به‌روَڤاژی هزرێن نه‌رێنینه‌ وه‌كی دبێژن: (توچ بچینی دێ وی هه‌لینی). ما ته‌ دیتیه‌ ئێكی گول چاندین و پاشی بێنكربیته‌ هستریان؟ ئه‌ڤجا هزرێن ئه‌رێنی ژبلی ئارامبوونا گیانی دێ به‌رهه‌مه‌كێ باش ژی هه‌بیت؟! دێ پاشه‌ روَژه‌ك تژی خوَشی و به‌خته‌وه‌ریی د عه‌رشێ ته‌ دا جێگیر بیت، ئه‌ڤجا یێ دودل نه‌به‌ ل سه‌ر هه‌لبژارتنا هزران هه‌كه‌ دباش بن. وه‌كی د ڤێ نموونێ دا دێ باشتر دیار بیت كا راسته‌ جوداهیه‌ك هه‌یه‌ د ناڤبه‌را هزرێن ئه‌رێنی و نه‌رێنی دا… كه‌سه‌كێ هه‌ژار هێدی هێدی بوَ خوه‌ كار دكر و ب زوَری نانێ ژیانێ بوَ زاروَیێن خوه‌ په‌یدا دكر، به‌لێ به‌رده‌وام كه‌سه‌كێ ئارام بوو.. . و چ جاران گرنژی ژ لێڤێن وی سل نه‌ دبوو، بێهنا من چك بوو وه‌ی خودێ! بوَچی ئه‌ڤ كه‌سه‌ هنده‌یێ ئاسۆده‌یه‌ دژیانا خوه‌ دا من ژی خوه‌ گه‌هاندێ و گۆتێ: ئه‌رێ برا به‌س من زانیبا كا ژبه‌رچ هنده‌یێ ب كه‌یفی مانێ ئه‌زێ دبینم كا ژیانا ته‌ چه‌ندا سه‌خت و دژواره‌ ئینا كره‌كه‌نی و گۆت: هزرێن من هه‌می دسپینه‌ هه‌رده‌م ئه‌ز د هزرێن خوه‌ دا هاریكاریا خه‌لكی دكه‌م خوه‌ نێزیكێ خودێ دكه‌م ئه‌ز ب دلێ خوه‌ یێ پاقژ هه‌ر شه‌ڤ گازی هه‌می بۆنه‌وه‌رێن سه‌ر پشتا گه‌ردوونی دكه‌م و دبێژمێ ئه‌ز حه‌ز ژ هه‌وه‌ دكه‌م و گازی خودێ دكه‌م و ڤیانا خوه‌ یابێ سنۆر بوَ دیار دكه‌م هه‌تا جاره‌كێ من پیره‌ژنه‌ك دیت یا كوره‌یه‌ و كه‌سێ خوه‌ نینه‌ من گه‌له‌ك هزرا خوه‌ كر پاش من بریار دا وێ ببه‌مه‌ ده‌ف خوه‌ ل مال و ئه‌ز چاڤدێریا وێ بكه‌م ل ده‌سپێكێ هه‌ڤژینا من رازی نه‌بوو، به‌لێ من ئه‌و ب هزرێن خوه‌ یێن پاقژ رازیكر كو ئه‌ز وێ ره‌به‌نێ ل ده‌ڤ خوه‌ بدانم ئاها ل وێ روَژێ من هه‌ست ب به‌خته‌وه‌ریه‌كا ئێكجار مه‌زن كر هه‌ر چه‌نده‌ وێ پیره‌ژنێ گه‌له‌ك ژیی نه‌بر ب تنێ بوَ دمێ دو هه‌یڤان ئه‌و ما ل ده‌ف من و چوو به‌ردلۆڤانیا خودێ، ئه‌ز هه‌تا نوكه‌ ژی دبێژم: ئه‌و تاقیكرنا خودێ بوو ب من كری؟ ئه‌ڤجا روَژ بوَ روَژێ ئه‌ز یێ به‌خته‌وه‌رتر دبم ژ به‌ركو هه‌رده‌م ئه‌ز ب هزرێن خوه‌ خوَشترین ژیان بوَ هه‌می جیهانێ د دانم و هه‌ر ب كه‌یف و گرنژین وی كه‌سی خاتر خاستن ل من كر، نوكه‌ بوَ مه‌ باشتر دیاربوو؛ كو هزرێن ئه‌رێنی كاریگه‌ریه‌كا چه‌ند مه‌زن ل سه‌ر ژیانا مه‌ هه‌یه‌ و ل جهێ ئه‌م ب هزرێن پیچ و ب كێرنه‌هاتی مالێ ل ئێكودو وێران بكه‌ین و دلێن ئێكودو پێ بسۆژین، یا باشتر ئه‌وه‌ وه‌كی وی كه‌سی ده‌ستێن كه‌سێن پێدڤی بگرین و هه‌تا وه‌ك كاره‌كێ مروَڤاتی ده‌ستێن كه‌سێن پێدڤی ماچی بكه‌ین و بزانین ئه‌و چ ناله‌ ناله‌ و ب بیرینان بكه‌ڤین و پاشی وێ ناله‌ نالێ بێ ده‌نگ بكه‌ین، ئه‌ڤه‌ ژی چێنابیت هه‌تا ئه‌م هزرێن خوه‌ چاك نه‌كه‌ین و ب به‌رێخوه‌دانه‌كا جوان به‌رێ خوه‌ نه‌ ده‌ینه‌ هه‌می گه‌ردۆنی، ژیان خه‌ونه‌كا گه‌له‌ك كورته‌ و د وێ خه‌ونێ دا ژی تاقیكرنه‌كا كورت و زوَر زه‌حمه‌ت هه‌یه‌ ئه‌ڤجا دا ئه‌م هه‌می پێكڤه‌ د وێ تاقیكرنێ دا سه‌ربكه‌ڤین و باشترین جوانترین كریاران بوَ رابردوویێ خوه‌ بهێلین، هه‌كه‌ ته‌ هزرێن خراب هه‌بن ب هه‌ر ره‌نگێ هه‌بیت بگوهوَره‌ ب هزرێن باش، هه‌كه‌ نه‌ دێ هه‌تا مرنێ ل تاما خوَشیێ گه‌رێی.

به‌ري‮ ‬چه‌ندين سالێن بۆري‮ ‬ملله‌تێ كورد به‌رده‌وام هاتيه‌ پشتگوه خستن ژ لايێ هه‌مي‮ ‬دونيايێ ڤه‌ و ب درێژاهيا مێژوويێ ب سه‌دان فه‌رمان ل دژي‮ ‬ملله‌تێ كورد هاتينه‌ گێران هه‌ر بگره‌ ژ رێكه‌فتناما سايكس پيكۆ و رێكه‌فتنا مه‌ جه‌زائير و ژناڤبرنا شۆره‌شێن مه‌زنێن ئازاديێ كو ل دژي‮ ‬زۆلم و زۆرداريێ هاتبوونه‌ به‌رپاكرن.هه‌ر ژ به‌ر ڤێ چه‌ندێ ژي‮ ‬كوردان و چه‌ندين نڤيسه‌رێن ب ناڤوده‌نگێن جيهاني‮ ‬دگۆت‮: ‬ب تنێ چيان دۆستێن كوردانه‌،‮ ‬به‌لێ پشتي‮ ‬سه‌رهلدانێ و ئازادركرنا پشكه‌كا باشۆرێ كوردستانێ‮ ‬و نه‌مانا شه‌ڕێ براكۆژيێ هێدي‮ ‬هێدي‮ ‬هه‌رێما كوردستانێ شيا به‌رژه‌وه‌نديێن ده‌وله‌تێن زلهێزێن جيهانێ بۆ خوه‌ رابكێشن ب ئينانا كۆمپانيان د هه‌مي‮ ‬واراندا ب تايبه‌تي‮ ‬د وارێ تێهنێ دا،‮ ‬هه‌روه‌سا ئه‌ڤ نموونا جوانا پێكڤه‌ژيانا هه‌مي‮ ‬ئايين و نه‌ته‌وه‌يان بێي‮ ‬كو زۆلم‮ ‬يان زۆرداريه‌ك ل سه‌ر كه‌سه‌كي‮ ‬هه‌بيت و به‌رۆڤاژي‮ ‬ڤێ چه‌ندێ ژي‮ ‬ل به‌غدايێ ئه‌ڤ چه‌نده‌ نه‌هاته‌ ديتن ژ بلي‮ ‬گه‌ف و كوشتن و خوينرێشتن و مالخرابكرنێ مه‌ چ تشتێ دي‮ ‬ژێ نه‌ديت.ئاواره‌بوونا خه‌لكه‌كێ زۆر ژ هه‌مي‮ ‬ده‌ڤه‌رێن عيراقێ بۆ هه‌رێما كوردستانێ و پێشوازيا خه‌لكێ هه‌رێمێ و حوكمه‌تا هه‌رێمێ كوردستانێ بۆ ڤێ هژمارا زۆر‮ ‬يا په‌نابه‌ران ل چ وه‌لاتێن دونيايێ نينه‌ ب تنێ هه‌رێما كوردستانێ نه‌بيت هه‌ر ڤێ چه‌ندێ ژي‮ ‬پێگه‌هێ كوردان ل ده‌ڤ وه‌لاتێن جيهانێ بهێزتر لێ كر‮. ‬خالا ژ هه‌ميێ پتر سه‌رنجا من راكێشاي‮ ‬ده‌مێ داعشێ پارێزگه‌ها مووسلێ هه‌مي‮ ‬ژ ده‌ستێ حوكمه‌تا مالكي‮ ‬ئينايه‌ ده‌رێ و به‌ر ب تكريت پارێزگه‌ها سه‌لاحه‌دين و رومادي‮ ‬و چه‌ندين ده‌ڤه‌ريێن دي‮ ‬ژ له‌شكرێ عيراقێ ستاندين ئه‌مريكا و ئه‌ورۆپا هه‌م به‌رامبه‌ري‮ ‬عيراقێ و هه‌تا سووريێ ژي‮ ‬ب ئاشكرا دگۆت ئه‌م چ چالاكيێن سه‌ربازي‮ ‬ل دژي‮ ‬داعشێ ل عيراقێ ئه‌نجام ناده‌ين،‮ ‬ده‌مێ چه‌كدارێن داعشێ هێرشكري‮ ‬يه‌ سه‌ر ده‌ڤه‌رێن كوردستانێ ب تايبه‌تي‮ ‬شنگال و مه‌خمۆر و گوێر هه‌ر زوو ئۆبامايي‮ ‬برياردا ب فرۆكان هێرشان بكه‌ته‌ سه‌ر داعشێ و هێزێن پێشمه‌رگه‌ي‮ ‬ژي‮ ‬پرچه‌ك بكه‌ت،‮ ‬ب ديتنا مه‌ ئه‌ڤه‌ په‌يامه‌كه‌ بۆ هه‌مي‮ ‬دونيايێ كو ژ ئه‌ڤرۆ و وێڤه‌ نه‌به‌س چيا دۆستێن كوردانه‌ به‌لكو ئه‌مريكا و ئه‌ورۆپا ژي‮ ‬دێ هه‌رێما كوردستانێ پارێز و هه‌ر ئه‌ڤ پشته‌ڤاني‮ ‬يه‌ دێ پتر كوردان به‌ر ب خه‌ونا وان ڤه‌ به‌ت ئه‌و ژي‮ ‬ده‌وله‌تبوونه‌‮.‬