هه‌رهین محه‌مه‌د

دراما جوره‌كه‌ ژ هونه‌رێ ئه‌ده‌ب و نمایشا وێ ب رێیا دیالوك و كریارێ و چیرۆكێ دهێته‌ ڤه‌ گوهاستن و مه‌ره‌م ژ نمایشا درامایێ ئه‌وه‌ سه‌رنجا بینه‌ری بۆ خوه‌ ب راكێشیت دراما بەلاڤ دبیت ل سه‌ر چه‌ند جوران وه‌كو تراژیدی و كومێدی و كلاسیكی و مونودراما كومێدیا ئانكو پێكه‌نین و هه‌تا دووماهیێ خۆشی و كه‌نی یا هه‌ی و تراژیدی ل ده‌ستپێك و دووماهیا وێ یا نه‌خۆش و خه‌مگین یا هه‌ی و مونوتو بتنێ ئێك كه‌سایه‌تی یا هه‌ی و هه‌كه‌ ئه‌م بهێین به‌حسێ دراما خومالی یا كوردی بكه‌ین هه‌موو ده‌ما ئه‌م دبێژن و خه‌لك تێهنی دراما خومالی یا كوردی یه‌، چونكۆ هه‌موو ده‌مان گازدا خه‌لكی ئه‌و بۆ دراما خومالی یا كوردی كێم دهێته‌ چێكرن و خه‌لك پتر ب دراما بیانی ڤه‌ هاتیه‌ گرێدان و دسه‌ر هندێ را مه‌زاختیه‌كێ مه‌زن ل دوبلاژكرنا دراما بیانی دهێته‌ و ل گه‌ل جڤاكێ مه‌یێ كوردی ناگونجیت و ده‌مێ دراما كوردی یا خومالی دهێته‌چێكرن و گرنگه‌ پێداچوون دسیناریویێ دا بهێته‌كرن، چونكو ل ئه‌ڤێ دووماهیێ هنده‌ك دراما هاتنه‌ چێكرن و هنده‌ك خه‌له‌تی تێبوون ب راستی ل گه‌ل جڤاكێ مه‌ نه‌دگونجین و ب تایبه‌تی پشتی سوشیال میدیا ده‌ركه‌فتی چاڤێ خودانێن په‌یچان ل ئه‌وان خه‌له‌تیایه‌ و بتنێ دا ئه‌كتیڤا خوه‌ پێ خۆشكه‌ن و زێده‌باری ئه‌ڤی تشتی دراما هه‌بویه‌ خه‌لك پێڤه‌ هاتیه‌ گرێداژی و چ دووماهیك بوونه‌ی وئه‌گه‌ر ئه‌ڤان گازندان بگه‌هینیه‌ ده‌رهێنه‌ری و نڤیسه‌رێ وێ درامایێ دێ بێژم گرارا روون ژكێم دانیه‌ و هه‌كه‌ پاره‌كێ باش ل به‌رده‌ستێ مه‌ با دا درامایێ درێژتر لێكه‌ین و تشتێ باشتر ئینینه‌ هه‌بوونێ وهه‌كه‌ ئه‌و پارێ تیڤی ل درامایێن بیانی دمه‌زێخن بده‌نه‌ مه‌ و دراما خومالی پێدروست بكه‌ین دێ بینه‌رێ خوە یێ جاران زڤرینینه‌ ڤه‌.

هه‌رهین محه‌مه‌د

گه‌له‌ك جاران هه‌لبه‌سڤانان هه‌لبه‌ست بخوه‌ كریه‌ رێیه‌ك په‌یاما خوه‌ پێگه‌هاندیه‌ بۆ نمونه‌ خانی دبه‌یته‌كا خوه‌ یا شعری دا دبێژیت (شه‌رخا غه‌می دل بكه‌م فه‌سانه‌ زین و مه‌مێ بكه‌م بهانه‌) ئانكو مه‌ره‌م ژ ئه‌ڤێ گۆتنێ ئه‌وه‌ من مه‌ره‌مه‌ك هه‌بوو من مه‌م و زین ئافراند و عه‌شقا وان كره‌ بهانه‌ و چیرۆك و ژهوینگێ و هه‌تا نوكه‌ هه‌لبه‌ست ب مه‌م و زین و خه‌جو سیابه‌ند و فه‌رهاد و شرین هتد.. گه‌له‌كێن دهێنه‌ چێكرن و بووینه‌ ستران و هه‌تا نوكه‌ ئه‌و سترانه‌ نه‌مرو زیندی نه‌ و هه‌كه‌ بهێن سه‌حكه‌ینه‌ هه‌لبه‌ستێن هه‌لبه‌ستڤانێن به‌رێ پتریا هه‌لبه‌ستێن وان دلداری و شوره‌شگێری نه‌ و ل گه‌ل سه‌قایێ مه‌یێ نوكه‌ دگونجاینه‌ ، له‌ورا سترانبێژێن مه‌ هه‌رده‌م په‌نایێ دبه‌نه‌ به‌رهه‌لبه‌ستێن وان و دكه‌نه‌ ستران بۆ نمونه‌ هونه‌رمه‌ند حه‌سه‌ن شه‌ریف هه‌لبه‌ستا (تورا ئه‌ڤینێ) یا هه‌لبه‌ستڤان ئه‌حمه‌دێ نالبه‌ند كریه‌ و گه‌له‌ك هه‌لبه‌ستێن هه‌لبه‌ستڤانێن دی ژی كرینه‌ ستران و هه‌تا نوكه‌ گوهدارێ ئه‌وان سترانان یێ هه‌ی، چونكو هه‌رپه‌یڤه‌كا ئه‌وی نڤیسی ژ ڤالاهیه‌كێ نه‌هاتیه‌ و هه‌رپه‌یڤه‌ك ئه‌وی مه‌ره‌مه‌ك پێ هه‌بوویه‌ و هه‌كه‌ خۆ مه‌ره‌ما وی مه‌سه‌له‌یێن سیاسی ژی با ئه‌وی دكره‌ دخانه‌یا ئه‌ڤینیێ دا، به‌لێ هه‌لبه‌ستا نوكه‌، ئانكو یا نویخاز نابینم بكێر ستران گۆتنێ دهێت، چونكو هه‌لبه‌سته‌كا ئازاده‌ و په‌یڤێن وێ ژ ڤالاهیێ دهێن، له‌ورا ئه‌و سترانه‌ زویكا دمریت و بتنێ بۆ ده‌مه‌كێ كورته‌ و ده‌مێ ستران به‌لاڤ دبیت هه‌ر دگاڤێ دا ئه‌و ستران بێژه‌ به‌رزه‌ دبیته‌ ڤه‌ و هه‌چه‌كو ئه‌وی چ كلیپ و ستران به‌لاڤنه‌كرین و بتایبه‌ت ژی ئه‌ڤی سه‌رده‌می ده‌مێ ستران دبیته‌ ترێند ل سوشیالێ زویكا تاما خوه‌ ژده‌ست دده‌ت و خه‌لك گه‌له‌ك بكاردئینن ژ بۆ ڤیدیویا، ئانكو بێژم بۆ گوهداری زویكا گه‌له‌ل ژ ئه‌وێ سترانێ چێدبیت، به‌لێ هه‌كه‌ په‌یڤ و ئاواز دگونجای بن و سترانبێژ بزانیت دێ ده‌رحه‌ق ده‌ركه‌ڤیت و ستران نامریت خوه‌ هه‌كه‌ په‌یڤ دنویخاز ژی بن.

هه‌رهین محه‌مه‌د

بێگومان ده‌مێ سترانه‌كا هونه‌رمه‌نده‌كێ نه‌مرن یان نویخاز یا كه‌ڤن بیت و بهێته‌ نویكرن ب ده‌نگێ هونه‌رمه‌نده‌كێ گه‌نج ب تایبه‌ت هه‌كه‌ ئه‌و سترانه‌ ب شێوازێ مه‌شه‌پ بهێته‌ گۆتن گه‌له‌ك یا خوەشه‌ و دبیته‌ ترێند و دبیت به‌ری نوكه‌ كه‌سێ نه‌زانی بیت ئه‌و سترانه‌ و پشتی هاتیه‌ نووكرن ژنوی حه‌زژێكه‌ران پرسیار كریه‌ كا ئه‌ڤ سترانه‌ یا كێیه‌، به‌لێ تشتێ گرنگ ئه‌وه‌ د نووكرنا سترانێ دا هه‌لبژارتنا سترانێ یه‌ كا دێ ل گه‌ل ده‌نگێ ئه‌وی سترانبێژی گونجیت، یان نه‌، چونكۆ هه‌كه‌ ستران و ده‌نگ ل گه‌ل كه‌سایه‌تی و ده‌نگی نه‌یا گونجای بیت دێ كارتێكرنا خوه‌ یا نه‌رێنی ل سه‌ر ئه‌وی سترانبێژی كه‌ت.
ژ به‌ر كو ده‌مێ ستران دهێته‌ نووكرن و دهێته‌ به‌لاڤكرن حه‌زژێكه‌ر سترانێ دهه‌لسه‌نگینن و ئه‌و بریارێ ده‌ن كا ئه‌رێ ئه‌ڤێ سترانێ سه‌ركه‌فتن ئینایه‌، یان نه‌ و تشتێ ژ هه‌موویا گرنگتر ئه‌وه‌ د نووكرنا سترانیێ دا ده‌ستوری ژ خۆدانێ سترانێ، یان وێرسێن وی بهێته‌ وه‌رگرتن.
چونكۆ گه‌له‌ك مالبات هه‌نه‌ حه‌زناكه‌ن سترانێن باب و برایێن وان بهێنه‌ نووكرن بۆ نمونه‌ مالباتا هونه‌ر مه‌ند ته‌حسین تەها حه‌ز ناكه‌ن سترانێن وی بهێنه‌ نووكرن وه‌كو كلیپ و ئه‌و كه‌سێن كلیپ كرین ژی سكالا ل سه‌ر تۆماركریه‌ و هه‌ردیسان ژی ل ئه‌ڤێ دووماهیێ ژی ستران هاتینه‌ نووكرن و ده‌ستویری ژ خۆدانێ سترانێ نه‌هاتیه‌ وه‌رگرن و هه‌تا ستران هاتیه‌ به‌لاڤكرن و بوویه‌ ترێند خۆدانێ سترانێ ژی ل گه‌ل گوهداران ستران دیتیه‌ كو ستراناوی هاتیه‌ نووكرن و ئه‌ڤێ چه‌ندێ ژی ره‌نگڤه‌دانا خوه‌ دسوشیال میدیایێ دا هه‌بوویه‌ و خۆدانێ سترانێ ژی وه‌سا دیاركریه‌ كو وی سكالا تۆماركریه‌ و بێ ده‌ستویریا وی سترانا وی هاتیه‌ نووكرن و یا دیارو ئاشكه‌رایه‌ ژی د قانوونێ دا خۆدانێ سترانێ یێ مافداره‌.

هه‌رهین محه‌مه‌د

د به‌رێ دا تومارگه‌هان بهایه‌كێ مه‌زن هه‌بوو لنك خه‌لكی، چونكو هه‌ر سترانه‌كا ئه‌وان ڤیابا و داخوازكربا ل ئه‌وێرێ بده‌ست وان دكه‌ت و ل ئه‌وێرێ یێ پاراستی بوو و ل ویدەمی ئه‌ڤ ته‌كنه‌لوژیایه‌ نه‌بوو و خه‌لكی بتنێ ته‌كه‌ز ل سه‌ر كاسێتێن مسه‌جلان دكر و دكرین و ب ئه‌وی ره‌نگی گه‌له‌ك كه‌س هه‌بوون دمفا دار ژوان ژی كه‌سێ ئێكی سترانبێژ بوو ده‌مێ به‌رهه‌مێ خوه‌ دكره‌ كاسێت دبازری دا گه‌لله‌ك خوه‌ش دهاته‌ فروتن و داخازیه‌كا مه‌زن ل سه‌ر هه‌بوو هه‌ردیسان كه‌سێ دووێ خودانێ تومارگه‌هێ بوو ژیانا خوه‌ ب تومارگه‌هێ ده‌ربازدكر و كه‌سێ سیێ ژی تام و خوه‌شیه‌ك ژ ئه‌وێ كاسێتێ دیت و گه‌له‌ك جاران ده‌مێ مرۆڤی لنك كه‌سه‌كی گۆتبا من كاسێتا فلان هونه‌رمه‌ندی كریه‌ ئه‌و ژنوی ده‌ركه‌فتی و دا داخازێ كه‌ت ئه‌وێ كاسێتێ بده‌ڤ من دا كو گوهدارێی بكه‌م و دێ بۆ ته‌ زڤرینمه‌ڤه‌ و هوینگێ ل گه‌له‌ك مالان كا چه‌وا ئه‌رشیفێ په‌رتوكان هه‌یه‌ وه‌سا ئه‌رشیفێ كاسێتان ژی هه‌بوو پاشان سیدی ده‌ركه‌فتن و خه‌لكی خوه‌ش سیدی دكرین و ره‌یواج ل سه‌ر كاسێتان كێم بوو پاشان رۆژ بۆ رۆژێ و ل گه‌ل هاتنا ته‌كنولوژیایێ فلاش میموری ده‌ركه‌فتن و یوتیوب و ئه‌نترنێت هات سترانبێژان ژی ئێدی نه‌شیا كاسێت و سیدیا به‌لاڤ بكه‌ن و بتنێ شیان سترانێن خوه‌ بكه‌نه‌ دیوتوبی دا و مافێ چاپێ ب پارێزن و ب ئه‌ڤی ره‌نگی ئه‌و هه‌موو تومارگه‌هێن ل دهۆكێ هه‌ین گه‌له‌ك ژوان هاتنه‌ گرتن و ئه‌و كاره‌ هێلا و هه‌بوونا ئه‌وان تومارگه‌هان ژی ره‌وشه‌كا مه‌زن ددا دهۆكێ و ل دووڤ پێزانینێت من ئه‌و تومارگه‌هێن نوكه‌ ماین ژی گه‌له‌ك كه‌لوپه‌لێن دی یێن گرێدای ته‌كنه‌لوژیا سه‌رده‌م كرینه‌ د تومارگه‌ها خوه‌ ڤه‌ دا كو ب فرۆشیت و ژیانێ پێ ده‌رباز كه‌ت، چونكو ل وی دەمی ژیان ب داهاتێ تومارگه‌هێ دهاته‌ ده‌ربازكرن.

هه‌رهین محه‌مه‌د

ده‌مێ سترانه‌كا هونه‌رمه‌نده‌كێ مه‌زن دهێته‌ نویكرن ب ده‌نگێ هونه‌رمه‌نده‌كێ سه‌رده‌م بێگومان ئێكسه‌ر دێ مرۆڤ پرسیاركه‌ت ئه‌ڤ سترانه‌ یا كیژ هونه‌رمه‌ندی یه‌ و دا كو ب ده‌نگێ ویژی گوهداریێ بكه‌ت، چونكو ده‌مێ ستران دهێته‌ نویكرن گه‌لك گوهورین ب سه‌ر دادهێن وه‌كو گوهارتنا په‌یڤان و ئاوازێ و شێوازێ گۆتنا سترانان و ده‌مێ ستران وه‌كو هونه‌رمه‌ندی دهێته‌ نویكرن گه‌له‌ك یا خۆشه‌ و كه‌یفا مالباتا وی هونه‌رمه‌ندی ژی دهێت ده‌ستكاری تێدانه‌كری و گه‌له‌ك جاران مه‌ دیتیه‌ ستران هاتینه‌ نویكرن ب ته‌كنیكه‌كا نوی ب ده‌نگێ سترانبێژێن سه‌رده‌م گه‌له‌ك خوه‌ش گۆتیه‌ و ده‌نگڤه‌دایه‌ وئه‌ڤ چه‌نده‌ ژی بۆ وێ یه‌كێ دزڤریت كو ده‌ستكاری گه‌له‌ك دسترانێ دا نه‌كریه‌ نمونه‌ژی ل سه‌ر ڤێ چه‌ندێ ل رۆژا ئێكێ یا جه‌ژنێ هونه‌رمه‌ند ئاراز به‌رواری سترانا هونه‌رمه‌ندێ نه‌مر(محه‌مه‌د شێخۆی) یا بناڤێ جه‌ژنه‌ ئه‌ڤرۆ جه‌ژنه‌ نووكر ب ته‌كنیك و مۆزیكه‌كا نوی و گه‌له‌ك كه‌سان وه‌سا هزركر كو ستران گرێدایی جه‌ژنێ یه‌، به‌لێ دبنیات دا ستران سیاسی یه‌ و گرێدای ئه‌وان كاودانایه‌ یێن ئه‌وی سه‌رده‌می یێن ئه‌و تێدا دژیا و یا من دڤیا بێژم و په‌سنا هونه‌رمه‌ند ئارازی بكه‌م كو ستران وه‌سا گۆتیه‌ هه‌ر جاره‌كا مرۆڤ گوهێ خوە بده‌تێ دو سێ جارێن دی دووباره‌ دكه‌ت و گوهداریێ دكه‌ت و ئه‌ڤ چه‌نده‌ ژی ژ زیره‌كی و خۆدانشیانی و چه‌له‌نگیا وی یه‌ د شێوازێ گۆتنێ دا و دشێم بێژم گه‌له‌ك سترانبێژان ستران نویكرینه‌، به‌لێ وه‌كو ئارازی بشێوازێ خوه‌ یێ تایبه‌ت نه‌ گۆتینه‌ و دبیت زارڤه‌كرن تێدا هه‌بیت و گه‌له‌ك یا گرنگه‌ به‌ری هونه‌رمه‌ندێن سه‌رده‌م سترانا هونه‌رمه‌نده‌كێ نه‌مر نوی بكه‌ن بوچوونا كه‌سه‌كێ بسپور دوارێ ده‌نگی دا وه‌گریت كا ئه‌رێ ئه‌ڤ هونه‌رمه‌نده‌ دێ حه‌قێ ئه‌ڤێ سترانێ ده‌تێ یان نه‌ و من یا دیتی ژی هونه‌رمه‌ندێ گه‌نج ستران نووكریه‌ و ژ خودانێ سترانێ خوەشتر ژی گۆتیه‌ و من ل سه‌ری دیاركریه‌ ئاراز به‌رواری نمونه‌یا ئه‌ڤێ چه‌ندێ یه‌.

هه‌رهین محه‌مه‌د

د هونه‌ری دا گه‌له‌ك جورێن سترانان هه‌نه‌ وه‌كو په‌سته‌ و لاوك و مه‌وال و حه‌یران و پێگۆتن و سرۆدێن نشتیمانی و ئاینی و شوره‌شگیری و نه‌ته‌وایه‌تی و جه‌ژن و هه‌لكه‌فت هتد..و گه‌له‌ك یا جوانه‌ ل هه‌ركاودان و هه‌لكه‌فته‌كا هه‌بیت سترانه‌ك بهێته‌ گۆتن و یا خۆیایه‌ ژی هونه‌رمه‌ندێن مه‌ ئه‌وێ هزرێ دكه‌ن و كلیپان چێدكه‌ن و وه‌كو یا دیار ژی گه‌له‌ك كاودان ب سه‌ر ملله‌تێ كورد را ده‌ربازبوون یێن خوه‌ش و نه‌خوه‌ش سترانبێژێن مه‌ پێشوه‌خت ئاماده‌كاریێن خوه‌ دكرن و كلیپ چێدكرن و ئه‌ڤێ چه‌ندێ ژی ب دو خالان ب باشی دبینم ئێك ژوان دبیته‌ به‌رهەمه‌ك بۆ وی سترانبێژی و دیسان د داهاتی دا دێ هزرێن جوان بۆ چێبن ل هه‌ر هه‌لكه‌فته‌كا هه‌بیت دێ به‌رهه‌مه‌كی دروستكه‌ت و خالا دویێ ژی ل گه‌ل پێشكه‌فتنا ته‌كنه‌لوژیایێ ل تورێن جڤاكی خه‌لك مفای ژێ دبینت و بكارتینن بۆ سه‌ر ڤیدیویێن خوه‌ و ئه‌ڤ چه‌نده‌ژی دبیته‌ ریكلامه‌كا باش بۆ وی سترانبێژی یێ كلیپ چێكری، به‌لێ یا من دیتی و بۆ من یا سه‌یر ئه‌ڤه‌ چه‌ند رۆژ ژ هه‌یڤا ره‌مه‌زانا پیرۆز ده‌ربازبوون من نه‌دیت چ سترانبێژان ستران ب ئه‌ڤێ مه‌هێ گۆتین و به‌لاڤكرین و ئه‌وێن ل تورێن جڤاكی و تیڤیان ده‌ردكه‌ڤن ژی یێن سالێن بووری نه‌ و نابینم ژی سترانێن ئاینی زه‌حمه‌ته‌ك تێدا هه‌بیت كو سترانبێژێن مه‌ چێكه‌ن، یان مه‌زاختیه‌كێ مه‌زن لێ بچیت بتنێ توماركرن و وێنه‌كرنه‌ ل مزگه‌فتێ ، یان ل ناڤ سرۆشتی بیت و گازندا وان یا سه‌ره‌كی ژی ئه‌وه‌ نه‌بوونا پشته‌ڤانیێ سپونسه‌رایه‌ و ل ڤێرێ ژی ئه‌و ژی دمافدارن، چونكو ل كوردستانێ ب گشتی هونه‌ر نه‌بوویه‌ پیشه‌ك سترانبێژ خوه‌ پێ خۆدان بكه‌ت بتنێ سترانبێژێن ده‌واتان نه‌بن ئه‌وژی نوكه‌ گه‌له‌ك یا كێم بووی و دیجه‌ی یێن ده‌ركه‌فتین.

هه‌رهین محه‌مه‌د

سالانه‌ به‌ری مه‌ها ره‌مه‌زانا پیرۆز بهێت پێش وه‌خت ئاماده‌كاریێن به‌رنامه‌ و زنجیره‌یان دهێنه‌كرن ژلایێ كه‌نالان ڤه‌ و هه‌ر كه‌ناله‌ك ژی بزاڤێ دكه‌ت ژ بۆ وێ مه‌هێ ب هزرێن نوی به‌رنامه‌یان دروستبكه‌ن و هه‌ردیسان درامایان ژی په‌خش بكه‌ن و دكه‌ڤن دا به‌ری سوشیال میدیا بهێت چاڤی خه‌لكی هه‌موویێ ل سه‌ر شاشه‌یان بوو ژڤانێ به‌رنامه‌ و درامایان بوو، به‌لێ ل ئه‌وه‌ ده‌می هه‌بوونا به‌رنامه‌یان ل مه‌ها ره‌مه‌زانێ تامه‌كا تایبه‌ت هه‌بوو، چونكۆ مه‌زاختیێ به‌رنامه‌ی هه‌موو ل سه‌ر ته‌له‌ڤزیونێ بوو به‌نامه‌ دكێم بوون ب تایبه‌ت ده‌مێ به‌رنامه‌ پرسیار و خه‌لات بان خه‌لك گه‌له‌ك پێڤه‌ دهاته‌ گرێدان، به‌لێ پشتی هاتنا سوشیال مدیایێ به‌رنامه‌ و دراما و فلم گه‌له‌ك مشه‌بوون و هه‌ركه‌ناله‌ك بزاڤێ دكه‌ت تشتێ باشتر پێشكێش بكه‌ت و بینه‌رژی یێ مایه‌ حه‌یری نزانیت دێ سه‌حكوته‌ كیژ كه‌نالی و ژبلی كه‌نالان ژی هه‌كه‌سه‌كێ حه‌زا رۆژنامه‌ڤانیێ هه‌یت مه‌ها ره‌مه‌زانێ بخوه‌ ب ده‌لیڤه‌ دبینت و به‌رنامه‌كێ دسوشیال میدیایی چێكه‌ت و به‌لاڤبكه‌ت هه‌م دێ به‌رنیاس بیت و هه‌م دێ داهاته‌كی ب ده‌ست خوه‌ ڤه‌ ئینت ب هه‌بوونا ئه‌ڤان به‌رنامه‌یان و ئینانا سپونسه‌ران وه‌كو بازرگانیه‌ك د ئه‌ڤێ هه‌یڤێ دا دروست بوویه‌ و نابینم ئه‌و خزمه‌تا شاشا و سوشیال میدیا كوردی دكه‌ن بتنێ مه‌ره‌ما وان دئه‌ڤێ هه‌یڤێ دا دێ چه‌ند كاركه‌ن و ییه‌ری چه‌ند رۆژان من ته‌ماشه‌ی به‌رنامه‌كێ رادیویه‌كێ كر ل دهۆكێ ل ده‌ستپێكا به‌رنامه‌ی هه‌تا دووماهیێ ئێك پشكداربوو نه‌ بۆ خۆدان خه‌لات و بتنێ هاتنه‌ مژیلكرن و ده‌مژمێرا خۆ پێ تژی كر و ئه‌گه‌ر به‌حسێ درامایان ژی بكه‌م دئه‌ڤ ساله‌دا هه‌ركه‌ناله‌كی نێزیكی دو درامایێن خۆمالی چێكرینه‌ و سیناریویا هه‌ر درامایه‌كێ ژی ب ره‌نگه‌كی یه‌، به‌لێ ئه‌كته‌رێن هه‌موو درامایان ئێن و و مرۆڤ نزانیت كیژ كیشكه‌ و یا لبه‌ر بینه‌ران ژی به‌رزه‌بووی، ئانكو ب كورتی و كرمانجی هه‌موو بوویه‌ بازرگانی و خوه‌ دكه‌نه‌ ستافه‌ك و درامایێ چێدكه‌ن و داهات بۆ وان بتنێ یه‌ و بۆ زانین ژی سالانه‌ ل په‌یمانگه‌ها هونه‌رێن جوان كومه‌كا ئه‌كته‌رو شانوڤانان ده‌رچن و دشێن مفالی ژی چبینن، به‌لێ وه‌كو من گۆتی د نوكه‌ دا هه‌موو سه‌ر په‌یوه‌ندی و
به‌رژه‌وه‌ندیایه‌ و بتنێ هه‌ڤالێن خوه‌ ده‌نه‌كاری و نابینم دراما خۆمالی پیشكه‌فتنێ بخوه‌ ڤه‌ دبینت و هه‌كه‌ دبێژن پێشكه‌فتن بخوه‌ ڤه‌ دیتیه‌ بۆچی دراما خۆمالی وه‌كو یابیانی ل گه‌له‌ك وه‌لاتان ناهێته‌ دوبلاژكرن.