هەرهین محەمەد
مۆزیک بتنێ دەنگەک نینە یێ ژ ئامیرەکی دەرکەڤیت یان بتنێ پەیڤەک نینە بێنە گوتن، مۆزیک زمانێ گیانییە، و زمانی لایڤ یێ مۆزیکێ زمانێ ڤەگوهاستنا هەستانە ژ دلەکی بۆ دلەکێ دی. دەمێ ئەم باس ل لایڤ میوزیکێ دکەین، ئەم باحس ل دەمەکێ پیرۆز دکەین کو تێدا دەنگ، هەست، ڤایبرەیشن و گیان ب ئاوایەکی مەزن تێکەل دبن. ل ڤێرێ دا، ڕۆلێ بینەری نە ڕۆلەکێ سادە و بێ دەنگە، بەلکو بینەرێ لایڤ میۆزیکان خودان تایبەتمەندییەکا گەلەک جودا و بلندە، چونکی ئەو ب خوە پشکەکا نەڤەقەتییە ژ پڕۆسەیا هونەری.
ئێک ژ خەسلتێن هەرە گرنگ یێن بینەرێ لایڤ میوزیکان، پشکداریا دەروونی و ئامادەبوونا ڕاستەقینەیە. ل دەمێ کۆنسێرتا بینەر نه بتنێ ل جهەکێ دڕوینن و گوهـ ل مۆزیکێ دگرن، بەلکو ئەو ژینگەهەکا پڕ ژ گیان و حەسەرەتێ ئاڤا دکەن و کارڤەدانا بینەری، تەپپێكێن دەستێن وان دەست قوتان و بێدەنگیا وان ل دەمێ دەنگێ نەرم، هەموو دبنە پالدەرەکێ مەزن بۆ هونەرمەندی دا کو ئەو باشترین بەرهەمێ خوە پێشکێش بکەن. گەلەک جاران، هونەرمەند ب خوە دبیژن کو هێزا وان یا ڕاستەقینە لسەر ستەیجێ ژ تیشک و ڤایبرەیشنا بینەرێ وان دهێت.
هەروەسا، بینەرێ لایڤ میۆزیکان خودان تایبەتمەندییەکا جڤاکی یا بلندە. ل وان جهێن، جوداهیێن نەتەوەیی، پشکێن جڤاکی و ئاستێن رەوشەنبیری دپەلوون و دکەڤنە دۆخەکێ گشتگیر ڤە. هەموو کەس ب ئێک زمانی لژێر ئاڤا مۆزیکێ دژین. ئەڤ هەستە ژی ئێکەتییەکا دەروونی دناڤبەرا ئامادەبوویان دا دروست دکەت، کو گەلەک جاران د جهێن دی دا ناڤێتە دەستخستن. مرۆڤ ل وێرێ هەست دکەت کو بتنێ نینە، بەلکو پشکەکە ژ خێزانەکا مەزن یا کو ب دەنگی دژیت و هەناسەی ددەت.
ژ لایەکێ دی ڤە، بەرسڤدانا بینەری ب خوە داهێنانەکە. دەمێ کۆنسێرتەک دهێتە گێڕان، نەخشێ لایڤ میوزیکێ دگەل ڤەخوارنا هەستێن بینەری دهێتە گوهورین. گۆڕانکارییا د دەنگ و ئاوازێن ژێهاتی و ئینترۆدەکشینێن نوی دناڤ ئێک گۆتنێ دا، ب دەهان جاران ب ئاوایەکێ نەخۆدی ژ کارڤەدان و حەزا بینەران دهێنە وەرگرتن. ڤێجا ئەڤ هەڤسەنگییە دناڤبەرا پێشکێشکەر و وەرگری یان دا، لایڤ میۆزیکێ دکەتە ئەزموونەکا تایبەت و دووبارە نەبوی ود دووماهیێ دا، بینەرێ لایڤ میوزیکێ نە بتنێ کەسەکە کۆنسێرتەکێ تەمەشە دکەت، بەلکو ئەو ب خوە پشکەک ژ روحا وێ چەندێیە. ئەو وزە و گەرماتیا کو بینەر پێشکێشی ستەیجێ دکەت، مۆزیکێ ژ ئامیرەکی ڤەدگوهێزیت بۆ ئەزموونەکا ڕۆحی یا ناڤخوەیی کو دبنە بیروەریێن نەمر د ژیانا مرۆڤی دا. ژ بەر ڤێ چەندێ، لایڤ میوزیک هەمیشە وەک ڕێبازەکا مەزن ل دەف مرۆڤان مایی، چونکی بینەرێ وێ یێ ب هەست و بێ وێنەیە.
