تشتێ ل وه‌لاتێ مه‌ هیچ پێناسه‌كا ئاشكرا و زه‌لال نه‌ هه‌ى، بازار و شێوه‌یێ ژیانا سۆسیاله‌، ئه‌م و قه‌یران بووینه‌ جێمك و رۆژانه‌ ل گه‌ل ئێك دا دژین بێى كو ئه‌م سیما و ناسناما قه‌یرانا خوه‌ بزانین، پرى باژێرین مه‌ ئاخفتن و گۆتن و نموونه‌ و سه‌رهاتى و دیارده‌ نه‌، هه‌مى ژى بۆ هندێنه‌ بسه‌لمینین ل ڤى وه‌لاتى گه‌نده‌لى هاتى كرن و بێ عه‌داله‌تى د دابه‌شكرنا سامانێ وه‌لاتى دا هاتیه‌كرن، كه‌سێن نه‌ژهه‌ژى ب پاداشتێن مه‌زن خه‌لات كرینه‌, دوفاقیه‌كا مه‌زنه‌ ئه‌م كه‌فتین تێدا و كه‌س نینه‌ ڤێ به‌رپرسیاریێ هه‌لگریت و یان هه‌ر چونه‌ بیت سه‌روژنوى پێداچوونه‌كا زانستى ل گۆر پێدڤیا تاك و بازار و كه‌سان جاره‌كا دى ڤى سامانێ نه‌ته‌وه‌ى دابه‌ش كه‌ت, گومان د هندێ دا نینه‌ ل ڤى وه‌لاتى قه‌یرانا سامانى یان (مواردا) و داهاتى خوه‌زاى كه‌دوه‌رى هه‌بیت. هه‌مى قه‌یران قه‌یرانا ئیداره‌ و سیاسه‌تا سۆسیال و دابه‌شكرنا سامانى یه‌ ل سه‌ر كه‌سان و سازیان. كلتوورێ ژیانا بێ به‌رهه‌م و مشه‌كرنا پارا بێ به‌رامبه‌ر و رازیكرنا كه‌سان بۆ مه‌ره‌مێن جڤاكى و سیاسى كوردستان راستى قه‌یرانا كریه‌ شه‌رم و فهێتیه‌كا مه‌زنه‌ ل ڤى وه‌لاتێ ده‌وله‌مه‌ند ئه‌م برسى و بێ خه‌رجیا رۆژانێ خوه‌ خوه‌بین, سامان و داهاتێ وه‌لاتێ مه‌ ژمه‌ زێده‌ و پتره‌, راسته‌ ده‌وله‌ت وه‌لات ب تنێ مووچه‌ نینن, لێ مسۆگه‌ر سامانێ وه‌لاتێ مه‌ ب تێرا ژیانه‌كا ماقوول بوو، هه‌ر كه‌سێ هه‌یه‌ ل ڤى وه‌لاتى بژیت, نه‌ك زه‌نگین پتر زه‌نگین بن و هه‌ژارى ژى باجێ بده‌تن پتر ببنه‌ قوربانى چه‌ورا هه‌ژاریێ, هیچ بهانه‌ك نینه‌ ئه‌م تا سه‌رى ل گه‌ل ڤێ قه‌یرانێ دا بژین و مالێ سیاسى و مالێ ب سیاسى كرى و تالان كری و به‌رئه‌لایێ كوردستانێ دوور ژ یاسا و شه‌فافیه‌ت و زه‌لالیێ به‌رده‌وام بیت, ب كورتى و كوردى قه‌یران هه‌یه‌، لێ نه‌خشه‌دان و ئیدارا سامانێ نه‌ته‌وه‌ى نه‌ك ل داهات و ڤه‌رێژا كه‌دا كارێن وه‌لاتى دا. حوكمه‌تا مه‌ پێدڤى ب هنده‌ك بریارێن شۆره‌شگێریه‌ بۆ زڤراندنا باوه‌ریێ و په‌یداكرنا ده‌رفه‌تێن سه‌ركه‌فتنێ و قورتالبوونێ ژ ڤێ قه‌یرانێ…

ژ من ڤه‌ گومان ل سه‌ر هه‌ڤوه‌لاتیبوونا كه‌سانێن گه‌نده‌ل هه‌یه‌، ئایا هه‌ڤوه‌لاتى نه‌ یان ب تنێ ژ وه‌لاتى دمێژن و زه‌نگین دبن، رۆژانه‌ باوه‌ریا مه‌ ب لیبرالیا ئابوورى و بێ عه‌داله‌تیا وێ لاواز دبیت وه‌ك ماكینه‌كێ كه‌زن هه‌ژارى نه‌داریێ به‌رهه‌م دئینیت. وه‌لات وه‌ختا راستى هێرشێ دبن وه‌لاتى باجا ئازادیا وه‌لاتێ خوه‌ دده‌ن، كوردستانا مه‌ راستى قه‌یرانه‌كا (وجودى) بوویه‌ نه‌ك ئابوورى، ئایه‌ ئه‌ف ڤهه‌رێمه‌ ب ڤان ره‌وش و سه‌ده‌مان ڤه‌دێ به‌رده‌وام بیت یان نه‌؟، ئه‌رێ ئه‌ڤ لۆژیكێ هه‌تا نوكه‌ سه‌ره‌ده‌رى كرى شایسته‌یه‌ به‌رده‌وام بیت؟. ئه‌رێ قه‌یران دێ ب ژێرخانا قانوونا نوكه‌یا كوردستانێ ئێنه‌ كرن؟، باوه‌ریا من دا ئه‌سته‌مه‌ك مه‌زنه‌، كوردستان پێدڤى ب هنده‌ك پێنگاڤێن (شۆره‌شگێری یه‌) د وارێ نه‌هێلانا گه‌نده‌لیێ دا. ئانكو ده‌مێ هندێ هاتیه‌ راستى و ئاشكرا ب هنده‌كا بێته‌ گۆتن (من این لك ئه‌ڤه‌…؟)، ئانكو ته‌ ئه‌ڤه‌ ژ كویڤه‌ ئینایه‌؟! ئه‌ڤ كه‌سه‌ ژماره‌كا كێمن، به‌لێ سامانه‌كێ مه‌زنێ قورغ كرى، ژماره‌كا به‌رپرسێن حزبى و حكومى و كه‌رتێ تایبه‌ت و هنده‌كان (عه‌سكه‌را) ژى به‌رگومانن و ملله‌ت ئاشكرا ل دیوانێن خوه‌ ناڤێن وان دئینن، قه‌یرانا كوردستانێ ب راستى گه‌له‌ك ژێ بێ سیسته‌مى و بێ به‌رنامه‌ى و بێ پرۆژه‌یا كوردستانێ یه‌، هه‌مى بریارێن چاكسازیێ بێ واتا و رامانن ئه‌گه‌ر هنده‌ك سه‌ره‌ده‌رێن (شه‌عبه‌وى) ئانكو ب له‌ز و بێ رۆتینا حكومى بێنه‌ كرن، بۆ پارتى دكه‌یت ڤێ ده‌رفه‌تێ وه‌ك (سعوودیا) بكه‌ت، ناڤمالا خوه‌ ژ وان كه‌سان پاقژ كه‌تن كو ب ناڤێ پارتى و خه‌باتا پارتى و دلسۆزیا ئه‌ندامێن پارتى بووینه‌ (فیرعه‌ون)؟! نه‌ ئه‌سته‌مه‌ كاره‌ك ژ ڤى بێته‌كرن، ئه‌نجام سه‌ربۆرا كوردستانێ و پێشه‌نگیا پارتى دچه‌سپیت. ئه‌گه‌ر نه‌ وه‌لات ل سه‌ر لێڤا وه‌رچه‌رخانه‌كا مه‌زنه‌ و نه‌یارێن كوردستانێ قه‌نج ڤێ خالا لاوازا كوردستانێ دزانن، وه‌لاتى تاقه‌تا هه‌تاهه‌تا خوه‌ راگریێ نامینیت باجا قه‌یرانا بده‌ن و هنده‌كێن كێم ئه‌وێن مه‌ گۆتین پتر ب هێز و قه‌له‌و ببن…

كه‌سێ ژ چاڤدێرێن ڤى سه‌رده‌مى پێشبینیا هندێ نه‌دكر رۆژه‌كێ ل عه‌ره‌بستانا سعوودیێ ئێك بیر ل چاكسازیان بكه‌ت و ژماره‌كا (قورمێن مه‌زن) ژ كه‌سێن هه‌ره‌نێزیكى ماباتا پادشاهى بكه‌ته‌ زیندانێ ڤه‌ و ئێك بێژیتێ (من این لك هازا)، لێ ئه‌ڤێ ب گرانى روودا و بریاره‌ زۆره‌كا مه‌زنا پارێ بلۆكرى یێ ب ئه‌ساس مالێ ده‌وله‌تێ یه‌ بزڤریته‌ ڤه‌ بۆ خه‌زینا ده‌وله‌تێ. وه‌ك دیار حوكمه‌تا عه‌بادى ژى ب سه‌رپه‌رشتیا بریتانیا بریاره‌ ل عێراقێ هه‌وه‌كا نشتمانى بۆ نه‌هێلانا گه‌نده‌لیێ به‌رپاركه‌ت، ئه‌رێ ل ڤى وه‌لاتێ مه‌ ده‌ما هندێ نه‌هاتیه‌ ئێك جورئه‌تێ بكه‌ت، ده‌ست ب چاكسازیا ژ راست بكه‌ت؟! ئه‌رێ مه‌ چه‌ند گه‌وه‌ره‌ (قورم) هه‌نه‌ ب گه‌نده‌لێ (قه‌له‌و) بوونه‌. چه‌ند سه‌رمایه‌دار ب (حیله‌ و حه‌والا) ل سه‌ر كیسێ ڤى وه‌لاتى بووینه‌ (فلان و عه‌لان). مخابنى هیج ئاماژه‌ك بۆ ڤێ رۆژێ د ڤى ئاسۆیێ نێزیك دا نینه‌. لێ مسۆگه‌ر ئه‌ڤ رۆژه‌ دێ هه‌ ئێت هنده‌ك دڤیا بچنه‌ به‌ر دادگه‌هێ و هنده‌ك دڤیا باجا گه‌نده‌لیا خوه‌ بده‌ن و هنده‌ك دڤیا مالێ ڤى مله‌تى بۆ بزڤرینن ڤه‌ و (كاش). چاكسازى ب لیژنا ناهێته‌كرن ب درووشمان ژى ناهێته‌ ئه‌نجامدان، ژ من ڤه‌ رك پشتى رێفراندۆمێ كوردستانێ پێدڤى ب چاكسازیێ هه‌یه‌ ل وارێن سه‌ربازى و ئیدارى و ئابوورى و بكره‌ كه‌رتێ تایبه‌ت ژى، ئه‌ڤ ره‌نگه‌ كاره‌ دێ پشته‌ڤانیه‌كا مه‌زنا مله‌تێ ژى په‌یدا كه‌ت ئه‌گه‌ر یا گشت گیرۆ بێ (انتقائى) بیت.. به‌لێ كه‌نگى …؟؟!.

راستی‎ ‎بۆ‎ ‎من‎ ‎وەک‎ ‎گومانەکا‎ ‎مەزن‎ ‎بوو‎ ‎من‎ ‎نڤیسینەک‎ ‎ب‎ ‎ناڤێ‎ (‎مدعی‎ ‎العامی‎) ‎د‎ ‎سۆسیال‎ ‎میدیایێ‎ ‎دا‎ ‎دیت،‎ ‎ژ‎ ‎راستیا‎ ‎وێ‎ ‎نڤیسنێ‎ ‎پشتراست‎ ‎نینم،‎ ‎لێ‎ ‎ھەکە‎ ‎راست‎ ‎بیت‎, ‎ب‎ ‎راستی‎ ‎جھێ‎ ‎حێبەتی‎ ‎و‎ ‎سەرسورمانەکا‎ ‎مەزنە،‎ ‎ل‎ ‎کوردستانێ‎ (‎وەزیفەک‎ ‎مووچەخۆرەک‎) ‎ب‎ ‎ناڤێ‎ (‎مدعی‎ ‎العام‎) ‎ھەبیت،‎ ‎چونگو‎ ‎ب‎ ‎راستی‎ ‎سەیرە‎ ‎ل‎ ‎وەلاتەکێ‎ ‎مدعی‎ ‎العام‎ ‎ھەبیت‎ ‎و‎ ‎ئەڤ‎ ‎ھەمی‎ ‎گەندەلی‎ ‎و‎ ‎سەرپیچجیا‎ ‎یاسایی‎ ‎ھەی،‎ ‎دبیت‎ (‎مدعی‎ ‎العام‎) ‎یێ‎ ‎کارا‎ ‎نەبیت‎ ‎بۆ‎ ‎بەرژەوەندیا‎ ‎ھندەک‎ ‎ئالیان‎ ‎ب‎ ‎تنێ‎ ‎ناڤ‎ ‎بیت‎, ‎لێ‎ ‎ب‎ ‎راستی‎ ‎ئەڤ‎ ‎کارە‎ ‎یێ‎ ‎بێ‎ ‎بەرھەم‎ ‎یێ‎ ‎بێ‎ ‎راڤێژ‎ ‎و‎ ‎ئەنجام‎ ‎ھەر‎ ‎نەبیت‎ ‎باشترە،‎ ‎نزا‎ ‎مودەعی‎ ‎عام‎ ‎لکیڤەیە؟‎, ‎ل‎ ‎ڤان‎ ‎ھەمی‎ ‎سەرپێچیان‎ ‎ل‎ ‎ڤان‎ ‎ھەمی‎ ‎گەندەل‎ ‎و‎ ‎بازرگانێن‎ ‎ب‎ ‎گومان‎ ‎و‎ ‎تەدنەرێن‎ ‎بێ‎ ‎بنەما‎ ‎ڤان‎ ‎ھەمی‎ ‎پرۆژێن‎ ‎فاشل‎ ‎و‎ ‎دەرمانێن‎ ‎خراب‎ ‎ئاھێن‎ ‎کوالێتێ‎ ‎نزم‎. ‎ئەوا‎ ‎راست‎ ‎بیت‎ ‎ل‎ ‎ڤی‎ ‎وەلاتی‎ ‎جھێ‎ ‎پێکەنینێ‎ ‎یە‎ ‎پۆستەک‎ ‎ب‎ ‎ناڤێ‎ ‎مودەعی‎ ‎عامی‎ ‎ھەبیت‎, ‎نەبیت‎ ‎باشترە‎ ‎ژ‎ ‎ھەی‎ ‎و‎ ‎ئەڤ‎ ‎ھەمی‎ ‎مەرگەساتە‎ ‎دروست‎ ‎دبن‎. ‎ئەڤجا‎ ‎ئەگەر‎ ‎ل‎ ‎وەلاتێ‎ ‎مە‎ ‎مودەعی‎ ‎عام‎ ‎ھەیە،‎ ‎ب‎ ‎تنێ‎ ‎بۆ‎ ‎ھندەک‎ ‎کارێن‎ ‎لاوەکی‎ ‎یان‎ ‎شیانێن‎ ‎وی‎ ‎د‎ ‎سنۆردار‎ ‎کرینە‎, ‎مخابنی‎ ‎نەبیت‎ ‎باشترە‎, ‎ھەکە‎ ‎ژ‎ ‎خوە‎ ‎ھەیە،‎ ‎کار‎ ‎ناکەت‎ ‎ئەڤە‎ ‎جھێ‎ ‎شەھمزاریەکا‎ ‎مەزنە‎!!, ‎خوزی‎ ‎ھەبیت‎ ‎و‎ ‎ب‎ ‎شیان‎ ‎بیت‎ ‎و‎ ‎ب‎ ‎دەستھەلات‎ ‎بیت‎ ‎ھەر‎ ‎رۆژ‎ ‎ل‎ ‎ڤی‎ ‎وەلاتی‎ ‎دادگەھا‎ ‎گەندەلان‎ ‎بیت‎.. ‎

ئه‌وا سه‌یر ئه‌وه‌ به‌غدا ب گۆره‌ى دیتنا من ئه‌و شیانه‌ نینه‌ وه‌ك ئالیه‌ك، پرسێن نوكه‌ روو ب رووى شاندێ هه‌رێما كوردستانێ بیت, به‌غدا نه‌چاره‌ پرسا نه‌ته‌وه‌یه‌كا دیتر د وه‌لاتى دا چاره‌سه‌ر كه‌ت, به‌غدا دزانیت پرسا كوردستانێ بۆدجه‌ و مووچه‌ نینن، ئه‌ڤه‌ مافێن ساده‌نه‌ پرس پرسا نه‌ته‌وه‌كا دیتره‌، دڤیا شه‌ریكێ دارشتنا سیاسه‌تێن وه‌لاتى و پشكدارا ڤه‌رێژا ئابووریا وه‌لاتى بیت، ره‌ڤینا به‌غدا چه‌ندین سالان ژ جێبه‌جێكرنا دستوورى هێلانا پرسا هه‌لاویستى, هه‌تا هه‌تا ناچیته‌ سه‌رى, كوردستان كه‌فتیه‌ بن گه‌له‌ك گڤاشتنان، نوكه‌ بۆ هندێ جاره‌كا دى بۆ به‌غدا بزڤریت و خوه‌ وه‌ك عیراقى بناسن, لێ ئه‌گه‌ر جاره‌كێ بۆ خه‌لكێ كوردستانێ ئه‌وێ سه‌ربه‌خۆخواز قورس بیت بجیته‌ به‌غدا، بۆ به‌غدا ژى هندا قورس ئه‌وه‌ پكشداریا كوردان و سونه‌یان د وه‌لاتى دا قه‌بوول بكه‌ن, به‌غدا نوكه‌ پتر ژ كوردستانێ دبن گڤاشتنێن نێڤده‌وله‌تى ڤه‌ یه‌, بۆ جێبه‌جێكرنا دستوورى وه‌ك هه‌ى نه‌كو وه‌كى وان بڤێت دستوورێ عیراقێ كۆمه‌كا باشا ده‌ستكه‌فتێن سیاسى و كلتۆرى و ئابوورى و ئیدارى و یاسایى تێدا هه‌نه‌ بۆ خه‌لكێ كوردستانێ. دبیت ئاسان نه‌بیت كورد ژ مله‌ته‌ك سه‌ربخۆخواز تازه‌ ژ نه‌چارى شانازیێ ب ناسنامه‌كێ بكه‌ت، كو چو جارێ جهێ شانازیا كوردان نه‌بوویه‌, لێ دیسا رێره‌وا ژیانێ و روودانێن سیاسى وه‌سا دیار دكه‌ن ئه‌ڤ قووناغه‌ وه‌ك پشتى جه‌نگێ جیهانیێ دوویێ یا دۆمدرێژ نابیت و ئه‌ڤ سنۆره‌ دڤێت خواندن و پێداچوونه‌كا دى یان ناسكرنه‌كا دى بۆ بهێته‌كرن. وه‌لاتێن ده‌ور و به‌ران باش دزانن ئه‌گه‌ر كوردستا خورسكێ خوه‌ بۆ ئاژاوێ ڤه‌گوهاست، دێ ژیان ل ڤان وه‌لاتان ئه‌سته‌م و بهاگران بیت…!! له‌ورا به‌غدا نوكه‌ باش دزانیت پرسا ریفراندۆمێ ب دووماهی نه‌هاتیه‌. ئه‌ڤجا داخوازا هندێ دكه‌ت جاره‌ك دى نه‌هێته‌كرن؟! ئانكو (تۆبه‌یه‌ك)دڤێت و كه‌سێ ئه‌و ویًره‌كى نینه‌ بۆ بكه‌ت. ئه‌ڤجا دێ بینى به‌غدا ب هه‌مى ره‌نگان دڤێت پرسێ بكه‌ته‌ مووچه‌ و پترۆلى و دزى و گه‌نده‌لى و كاكلا پرسێ و ناڤه‌رۆكا وێ ژبیرا خه‌لكێ یان ژ بیرا خوه‌ ببه‌ت كو پرسا مله‌ته‌كێ ئازادى و ماڤخوازه‌ نه‌ك ئه‌ڤ تشتێن لاوه‌كى..؟!

دیرۆكا ملله‌تى یا پڕه‌ ژ سه‌ركه‌فتن و شكه‌ستنان، باوه‌ر ناكه‌م چیرۆكێن شكه‌ستنا هیچ ملله‌ته‌كێ هندى گه‌لێ كوردستانێ چیرۆكێن وان وه‌كى ئێك بن؟! كاروانێ ژیانێ نا راوستیت، ده‌ما ملله‌ته‌ك د واره‌كێ ژ واران دا سه‌رنه‌كه‌ڤیت، چاوا سه‌ركه‌فتن ب تام و چیژه‌ هند شكه‌ستن ژى ب تام و چیژه‌، به‌لێ ب ته‌حلى، مه‌ زۆر گوهلێ دبوو یان دخواند سه‌ركه‌فتن ب چو ره‌نگى نه‌ یان خیانه‌تێ چ ره‌نگ هه‌یه‌، بۆ مه‌ ئه‌ڤ جاره‌ ب شێوه‌كێ (ئێج دى) شه‌كه‌ستن و خیانه‌ت و دابڕان دیاربوو، د دیرۆكێ دا قه‌ت شه‌رم نینه‌ ملله‌ته‌ك بسه‌رنه‌كه‌ڤیت د پرۆژه‌كى دا، لێ مه‌زنترین شه‌رم ئه‌وه‌ نه‌ته‌وه‌ك د پرۆسا سه‌رخوه‌بوونێ دا بسه‌رنه‌كه‌ڤیت ب سه‌ده‌مێن ناڤخوه‌ و خیانه‌تێ، كاروانى وان هه‌مى نه‌ته‌وه‌یان دێ به‌رده‌وام بیت بۆ سه‌رخوه‌بوونێ هه‌تا سه‌ربه‌خوه‌بوونێ ئه‌ڤه‌ مه‌نتقێ ژیانێ وه‌سا دبێژیت. د كه‌ودانێ مه‌دا راستیا ته‌حل مه‌ دیت و دكه‌ودانێ مه‌ دا دیرۆكێ بخوه‌ خوه‌ دوباره‌كره‌ڤه‌. كوردستان بۆ ده‌مه‌كى تووشى فۆرمێله‌كا تایبه‌ت هات و دبیت د كه‌ڤالێ مه‌زن دا كوردستان دێ سه‌ركه‌فتنه‌كا مه‌زن تۆمار كه‌ت، د ئاسۆێن دوور دا. ئه‌ڤ ده‌ڤه‌ره‌ ده‌ڤێ بڤۆلكانه‌كا خامله‌ رۆژانه‌ ژ ته‌قیانا خوه‌ نێزیك دبیت نابیت ئه‌ڤ سنۆره‌ بۆ هه‌تا هه‌تا وه‌ك خوه‌ بمینن، نا بیت مله‌ته‌ك رازى بیت هه‌تا هه‌تا بنده‌ست بیت، نابیت ئه‌وێن نه‌هێلن كوردستان ئازاد بیت ئه‌و بخوه‌ د ئازادیێ دابن؟! نه‌به‌رئاقله‌ ئه‌ڤ ره‌وشه‌ بدۆمیت, نه‌ به‌رئاقله‌ ئه‌ڤ هه‌ڤیره‌ زێده‌تر شل نه‌ بیت, ناچیته‌ سه‌رى هه‌تا هه‌تا، مله‌ته‌ك نیرێ بن ده‌ستیێ راكێشیت، د ناڤبه‌را كوردستانێ و جیرانان دا خوین هه‌یه‌ و حه‌یف مایه‌ ل ئاخێ و تۆل قه‌تیز بووینه‌. وه‌خت دێ بۆریت لێ هیچ كاراكته‌ره‌ك نه‌شێت چو نه‌ بكه‌ت؟!مه‌ ب كوردى تام كره‌ شكه‌ستنێ و خیانه‌تێ و زیندى ل سه‌ر شاشان، لێ فاكته‌رێن مان و به‌رده‌وامیێ، هه‌ر ئه‌مین كوردین سه‌ر هشك و ئاسن…؟!.

حكومه‌تا ئیرانێ ب هه‌مى ره‌نگه‌گێ ئاشكرا ل هه‌مى واره‌كێ دژایه‌تیا ئه‌مریكا و دوستیچن ئه‌مریكا و به‌رژه‌وه‌ندێن ئه‌مریكا دكه‌ت.دكیراتیا خودا ئیران باشترین خزمه‌تێ ژى پێكێشى ئه‌مریكا دكه‌ت.ب كریا تانوكه‌ ئیرانێ راسته‌وخو ئه‌و جورئه‌ته‌ نه‌بویه‌ روى ب روى ئه‌مریكا بیت.لێ ب كه‌نالیچن خوه‌ ل زوره‌كا جها دژى به‌رژه‌وندێن ئه‌مریكا كاردكه‌ت, ئیرانێ شیانا هندێ نینه‌ دژى ئه‌مریكا بیت,لێ ب دژایه‌تیا ئه‌مریكا كلتوره‌كێ دژایه‌تى كرنێ په‌یدا كریه‌ و بناڤێ هاریكاریا چه‌وساندى و بن ده‌ستا ده‌ستێ خوه‌ ژبو گه‌له‌ك جه و وه‌لاتا درێژكریه‌.لڤێ ده‌ڤه‌رێ ئیرانێ گه‌له‌ك دوست هونه‌ و بو دوستێن خوه‌ ژى ئه‌وار راست بیت تابێژى وه‌فاداره‌؟!بو كوردستانا عێراقێ ئیران جیرانه‌كێ ب زه‌حمه‌ته‌,به‌رژه‌وه‌ندێن خوه‌ هه‌نه‌ و دوستیچن خو ژى هه‌نه‌,ئه‌رێ دوستانیا ئیرانێ بڤه‌یه‌؟ ئه‌رێ ئیرانێ ب درستى ده‌ست ب سه‌ر ئیراقێ دا نه‌گرتیه‌.ئه‌رێ دیالوك دگه‌ل ئیرانێ فه‌رتر نینه‌ ژ گه‌ل به‌غدا؟!ئه‌رێ به‌غدا دشێت كاره‌كێ دژى خاستا ئیرانێ بكه‌ت وه‌ك حكومه‌تا شیعه‌یان؟!ئه‌وا راست بیت ئیرانێ پتر ژ قه‌بارێ خوه‌ و پتر ژ یابو دهێته‌ ته‌خمین كرن مه‌یدانا سیاسه‌تێ به‌زاندیه‌,دبیت راستى جاره‌نڤێسه‌كێ خراب بی.لێ جارێ هه‌تا ئیران خراب بیت دێ پتر ئازار به‌خش بیت بجى ره‌نگى دێ كوردستانێ ژ زیانا ئیرانێ پاراستى بیت بێ گومان ب باشترین په‌یوه‌ندیێ,دخازم سیاسه‌تمه‌دارێن مه‌ بیرا هندێ بكه‌ن یارى لڤێ ده‌ڤه‌رێ بێ ئیرانێ یا سه‌ركه‌فتى نابیت.مه‌رحه‌بایه‌كا سار بو هنده‌ك به‌رژه‌وه‌ندێن هه‌نوكه‌ و ستراتیژى ژى دگه‌ل ئیرانێ نه‌ خرابه‌…

ئه‌ڤا رووداى ب راستى كاره‌ك دراماتیكى نه‌ ڤه‌خواندى بوو، ره‌نگه‌ وه‌خته‌ك مه‌زن بچیت هه‌تا هه‌مى سه‌ره‌داڤێن وێ ئاشكرا بن، لێ مسۆگه‌ر به‌غدا هندا ب هێز نینه‌ بشێت ڤێ سیناریۆیێ په‌یره‌وكه‌ت و ب ڤى ره‌نگى مه‌دیتى بێته‌ پێش به‌غدا بخوه‌ ژى ژخوه‌ باروه‌رناكه‌ت ئه‌ڤا رووداى چبوو؟! به‌غدا (ده‌وله‌تا ته‌وائیفا) یه‌ هیچ جارێ هنده‌ ب هێز نابیت ئه‌گه‌ر ئاشكرا بێژم وه‌لاته‌ك وه‌ك ئیرانێ ل پشت نه‌ بیت، ل به‌رامبه‌ر دا ژى كوردستان هندا لاواز و هه‌رفتى نینه‌ ب ڤى شێوه‌ یێ دیار بووى, خالا لاوازا كوردستانێ لادانا هنده‌ك سه‌ركردێن مه‌یدانێن كورد بۆ ژ ئارمانجا نیشانكرى و ئه‌ڤه‌ ده‌رده‌ك كه‌ڤنارێ كوردى یه‌ هه‌ر گاف ل پله‌یه‌كا دیار كرى ئه‌ڤ ده‌رزه‌ دیار دبیت, ب كورتى و كوردى مه‌زنترین ده‌ستكه‌فت بۆ كوردستانێ د ڤێ قووناغێ دا پاراستنا هێزا پێشمه‌رگه‌یه‌ كو ب هه‌مى شیان و هێز و چه‌كێ خوه‌ڤه‌ پاراستیه‌, كره‌ڤا نه‌یارێن مه‌ یێن سیاسى ب تنێ ل سه‌ر شه‌ڕێ براكۆژیا كوردى یه‌, هه‌كه‌ سه‌ركردایه‌تیا سیاسیا كوردستانێ ب تنێ نه‌هێلیت ئه‌ڤه‌ رووبده‌ت مه‌زنترین ده‌ست كه‌فته‌, ڤه‌كێشانا كوردستانێ ژ هنده‌ك ده‌ڤه‌را رامانا هندێ ناده‌ت هاتن ژ ده‌ست دان, عێراقا نوكه‌ ب هه‌مى هێزا خوه‌ڤه‌ راده‌ستى ئیرانێ بووى و هه‌ر به‌ره‌كێ ل كوردستانێ ژى راده‌ستى ئیرانێ بیت ئه‌نجامه‌كێ كاره‌ساتى چاڤه‌ریێ وان دكه‌ت, ئانكو ئه‌ڤ سه‌ركه‌فتنا عێراقێ دیتى درێژ ناڤه‌ كێشیت و ل نێزیك دێ وه‌ك جاران سنۆره‌كێ مه‌زن به‌رده‌ت، هیچ وه‌خته‌كى دى عێراق بۆ هه‌مان قه‌بارێ خوه‌یێ سه‌نترالێ جاران ناڤه‌ گه‌ریت و هه‌مى هاریكاریا ئیرانێ ژى دێ ل ده‌مه‌كێ ب دووماهیك ئێت، سه‌رئه‌نجام كوردستان لاواز نینه‌ ئالاڤێن ڤێ یاریێ هه‌مى ژ ده‌ست نه‌دانه‌ و عێراق بخوه‌ ژى دزانیت ئه‌ڤه‌ حنێرا وێ نینه‌ و دێ ل نێزیك ب دووماهیك ئێت..

ل ده‌مێ پێشى رێفراندۆمێ، هه‌رده‌م بارزانى دگۆت بلا مله‌تى سزا نه‌ده‌ن، من ئانكو بارزانى سزا بده‌ن؟! ئه‌رێ د شیانا نه‌یارێن بارزانى دا هه‌یه‌ بارزانى سزا بده‌ن؟!.. ژماره‌كا ئیدیه‌مان تازه‌ زڤرینه‌ ناڤ گۆتارا سیاسیا عێراقێ، ب تایبه‌ت یا شیعه‌یان جاره‌كا دى بارزانى (متمرد) ب ناڤدكه‌ن و سه‌ده‌مێ هه‌مى ئالۆزیێن عێراقێ دكه‌نه‌ ستویێ بارزانى. چ گه‌مژه‌یه‌كا سیاسیا ساده‌یه‌ تازه‌ شیعه‌ فێربووین، پشتى سوننه‌یان تێدا هه‌ره‌س ئیناى, هندى میدیا عیراقێ هه‌ولا نه‌شرینكرنا بارزانى بده‌ن، ئه‌و بارزانى پتر ل ناڤ مله‌تێ دى ب سه‌نگ دكه‌ن. بارزانى ژ بنه‌كۆكا خوه‌ (متمرده‌)، ئه‌و (تمردا) به‌حس لێ دكه‌ن ل ڤى ئالى وه‌لات پارێزى و شۆره‌شگێریه‌. هنده‌ك میمدا وه‌سا بۆ دچن، بازانى ده‌سته‌سه‌ركه‌ن و دادگه‌ه بكه‌ن وه‌ك بێژى بارزانى (قه‌چاخه‌كێ ده‌وله‌تێ یه‌ د سترانه‌كا گه‌لێرى دا), نوكه‌ ئه‌م چو رویمه‌تیكێ بۆ بارزانى ناكه‌ین، لێ بارزانى بوویه‌ ژماره‌كا ئاسێ و ئه‌سته‌ما سیاسه‌تا رۆژهه‌لاتا ناڤین. هه‌ر داخۆیانیه‌كێ بده‌ت، سیناریۆ سه‌رئێك و بن ئێك دبن. ئه‌نجامێ رێفراندۆمێ بۆ گه‌له‌ك كوردان ژبه‌رى نه‌یارێن كوردان سۆپرایزكا زڤر بوو. و بارزانى ب پێدا گریا خوه‌ (فاصله‌ك) زه‌مه‌نى بۆ شێوه‌ دانوستاندنان ل گه‌ل به‌غدا په‌یدا رك كور ده‌م ژبه‌رى 25/9 نه‌ دمێ پشتى 25/9یه‌, ب ته‌مامى مه‌یدانا سیاسیا عێراقى پێدڤى ب ره‌نگه‌ ره‌وشه‌نبیریه‌كا تازه‌یه‌ بۆ سه‌رده‌ریكرنێ ل گه‌ل كوردستانێ، وه‌ك جیرانه‌كێ باش, پێداگریا بارزانى ل سه‌ر سزادانا وى ژ ڤالاتیێ نه‌هاتیه‌ و قه‌نج دزانیت سزادانا وى بێ به‌رسڤ نینه‌, نامه‌یا ئه‌مریكا بۆ بارزانى ئه‌گه‌ر راست بیت، ئه‌و نامه‌ باوه‌رناكه‌ن هیچ سیاسیه‌ك ل ڤێ دنیایێ هه‌بیت، خوه‌ ل به‌ر (عه‌رزه‌ك) ئه‌مریكى بگریت, تشتێ جهێ پرسیارێ ئه‌وه‌: بۆچى ئه‌مریكا ئه‌و نامه‌ 20 رۆژا ژ به‌رى ریفراندۆمێ به‌لاڤنه‌كر؟! بۆچى بارزانى ئه‌و نامه‌ قه‌بوول نه‌كر؟! یا گرنگ ئه‌وه‌ ئه‌مریكا دڤیا ل (وه‌قت الزایع) دا وێ نامێ ره‌وانه‌بكه‌ن و ئه‌مریكا به‌رسڤا خوه‌ ژى دزانیت. سه‌ر ئه‌نجام چو وه‌لاته‌كى شیانا سزادانا بارزانى نینه‌، ژ ئالیێ سیاسى ڤه‌. كورد ده‌رباسى قووناغه‌كا سیاسیا تازه‌ بوون و ئه‌ڤه‌ پێدڤى ب ده‌میه‌ هه‌تا ژ ئالیێ ده‌روونى ڤه‌ هنده‌ك خوه‌ بۆ ئاماده‌ بكه‌ن …..