براستى هه‌لویستێ ئیرانێ بو كوردستانێ گرنگه‌ و هه‌لویستێ ئیرانێ دڤیا ب گرنگى بهێته‌ وه‌رگرتن.ئیران ره‌نگه‌ هێزه‌كا بجیك نه‌بیت كو حساب بو هه‌لویستێ ئیرانێ نه‌هێته‌ كرن.هه‌ۆ ژ ده‌مێ قاجاریان تانوكه‌ (ته‌هرانێ) گوتنا خوه‌ ل سه‌ر هه‌مى ریدان و بویه‌ریچن ڤێ ده‌ڤه‌رێ هه‌یه‌.ئیران ج لاواز بیت یان بهێز بیت بوجونا ئیرانێ گرنگه‌ و ره‌نگه‌ ئیرانێ تاكه‌ وه‌لات بیت دژایه‌تیا خوه‌ بو رێفراندومێ دیار كربیت.لێ ئه‌ز باوه‌رناكه‌م دژایه‌تیا ئیرانێ بجیته‌ خانه‌یا شه‌ره‌كێ سه‌رتاسه‌رى دگه‌ل كوردستانێ راسته‌ ئیرانى روژێن ته‌نگاڤیان دا هه‌لویستێن جامیرانه‌ ده‌رباره‌ى كوردستانێ عێراقێ هه‌بونه‌ و دوماهیك هه‌لویستێ ئیرانى هاریكاریا هێزا پێشمه‌رگه‌ى بو ل شه‌رێ دژى داعشێ دا.ب دیتنا من ئیرانێ هنده‌ك(زه‌مانات) دڤێن ئیرانێ دڤیت بزانیت دێ ج ره‌نگه‌ ده‌وله‌ت ل سه‌ر سنوه‌رێ وێ ئاڤا بیت ئیرانێ دڤیچت بزانیت ئه‌ف ده‌وله‌ته‌ دێ ده‌وله‌ته‌ك بیت وه‌ك ئیرانێ(تصدیر السوره‌) دێ كه‌ت دىچ هه‌ول ده‌ت بها و سه‌نجیچن خوه‌ فریكه‌ته‌ ژ ده‌رڤه‌.یان دێ ده‌وله‌ته‌ك(سلمى) بێ لایه‌ن وبیت.ئیرانێ ژ به‌رى هه‌مى ئالیان دزانیت كوردستانێ بریارا خو دایه‌ ئیران ژڤێ یه‌كێ دیر نینه‌ و نابیته‌ سوپرایزه‌ك بو ئیرانێ بتنێ ئیرانێ دڤیت ئه‌ف ده‌وله‌تا ل سه‌ر سنورێ دێ جهێ سه‌ر ئێشیێ نه‌بیت بو سه‌ر ئارمانجین ستراتیژى ێن ئیرانێ.ئیران دىچ هه‌مى هه‌وله‌كێ ده‌ت ده‌وله‌تا كوردستانێ نمونه‌كێ فاشل و تێر ئاریشه‌ و بێ ڤه‌ژنا ئابورى بیت.ده‌وله‌ته‌كا دیموكراتى و گه‌شه‌بویا ئابورى ئیران بگه‌ف بو سه‌ر خوه‌ دزابیت.دبیت ئیرانى هێرشێ نه‌كه‌ته‌ سه‌ر كوردستانێ و دبیت ئابله‌قا ئابورى ژى دانه‌نیت سىر كوردستانێ و ره‌نگه‌ زیكا دانێ ژى ب كوردستانێ بكه‌تن لێ ئیرانێ تیرا به‌رژه‌وه‌ندێن خوه‌ ئالاڤێن گڤاشتنێ لسه‌ر كوردستانێ هه‌نه‌ بكاربینیت نه‌مازه‌ نفوزا ئیرانێ دناف هه‌مى پارتێن كوردستانێ دا و ئه‌و تێرا هندێ هه‌یه‌ ئیران ب ئاگه‌ه بیت جى ل كوردستانێ هه‌یه‌.جونا شاندێ ئێكه‌تیا نشتمانى بو ئیرانێ درست ئه‌ركێ وێ ئه‌وه‌ بو ئیرانێ دیار بكه‌تن كوردستان دژى ئیرانێ نینه‌.كوردستان دێ جیرانه‌كێ (ئه‌مین) بیت بو ئیرانێ و ئاخا كوردستانێ بو هیج هێرشه‌كا دژى ئیرانێ ناهێته‌ بكارئینان و و كوردستان نابیته‌ ناڤه‌نده‌كا سیخوریێ ل سه‌ر ئیرانێ.مه‌ترسێن ئیرانێ وه‌ك ده‌وله‌ته‌ك خودان سه‌نگ دبیت ژ ئالیه‌كێ ڤى دجهێ خودابن.لێ سه‌ر ئه‌نجام پروسا رێفراندومێ پروسه‌كا ملى جه‌ماوه‌رى كوردستانى یه‌ هیج ئالیه‌ك سیاسى هه‌تا ب دوستێن ئیرانێ ڤه‌ ژى كه‌سێ به‌روكا (نه‌خێر) وه‌ك دژایه‌تى بو سه‌رخوبونا كوردستانێ هه‌لنه‌گرتیه‌.ب كورتى ئیرانێ دڤێت ته‌خمینا زه‌ره‌را هه‌بونا ده‌وله‌ته‌ك كوردستانى بكه‌ت ل سه‌ر خوه‌,ژ بلى ڤێ ئیرانێ هیج ئه‌لترناتیفه‌ك دى نینه‌ به‌رامبه‌رى كوردستانێ و نه‌مازه‌ ره‌وشا ئیرانێ بخوه‌ و ناڤ بانگێ زێ و ده‌فته‌را وێ ل جیهانێ هندا پاقژ نینه‌

هه‌مى بزاڤا سیاسى و جه‌كداریا كوردستانێ ل دوماهیكا جه‌رخێ نوزدێ و ده‌ستپێكا جه‌رخێ بیستێ دئێك خالێ دا دهێنه‌ ناسكرن ئه‌وژ بزاڤا مله‌ته‌ك رزگارى خوازه‌. بزاڤا نه‌ته‌وه‌یه‌كا بێ كیان و بریارا سیاسیا خویه‌.بزاڤا مله‌ته‌كێ بن ده‌سته‌ و پرسا نه‌هێلانا داگیركارى و میتنگه‌هێن داگیركه‌را یه‌ ل كوردستانێ.هه‌مى بزاڤا سیاسى دكوكا خودا یه‌ك ئارمانج هه‌بویه‌ و دبیت رێكێن جیواز هه‌بن و دبیت سه‌ركرده‌ و كارێزماێن جێواز ژى هه‌بن دهه‌مان ده‌م دا ل جوگرافیاێن جێواز و لبن شه‌رت و مه‌جێن جێوازدا ژى بیت,ئارمانج قورتال بونا نه‌ته‌وه‌ی بویه‌.دڤى وارى دا بزاڤا سیاسیا كوردى هه‌مى رێك وئالاڤێن سڤیل و جه‌كدارى و دبلوماسى و بگره‌ چڤاكى ژى ب كارئینایه‌,بو هه‌مان مه‌به‌ستێ ل وه‌ك دیار ره‌نگڤه‌دانا ناڤه‌ندێن هێزێ و به‌رژه‌وه‌ندێن وان هه‌رگاف ئاستنه‌ك و به‌ربه‌ست بونه‌ ژ بو گه‌هشتنێ بئارمانجاخوه‌.دگه‌ل ڤێ دا ژى فاكته‌رێن فره‌ ناڤه‌ندیا بریارا كوردى نه‌بونا خاندن و ئاسویه‌ك نشتمانى كو كورد هه‌مى ل سه‌ر رێكبكه‌ڤن و ئه‌و جێوازێن خێله‌كى و ناوچه‌گه‌رى سیاسى جوگرافى زور جارا هاریكار نه‌بوینه‌ بو ژدایك بونا ئێك دیتنا كوردى بو گه‌هشتن ب ئارمانجا نه‌ته‌وه‌یا خوه‌.پشتى جه‌ند سه‌ده‌یه‌كێن پرى جێوازى پرى خیناوى تازه‌ ل هه‌رێما باشورا كوردستانێ دیفاكتویه‌ك ئاڤا بویه‌ كو دمێژویێ دا تشته‌ك كوردى ژڤى ته‌رزێ نوكه‌ درست نه‌بویه‌.نه‌ ژئالیێ قه‌باره‌ى ڤه‌ و نه‌ ژ ئالیێ ناڤه‌روكێ ڤه‌. ئانكو ژیوارێ نوكه‌ یێ باشورا كوردستانێ به‌رهه‌مى جه‌ند سه‌ده‌یه‌كێن خه‌باتا هه‌مه‌ چه‌شمه‌یا نه‌ته‌وه‌یه‌كا ره‌سه‌نا روژهه‌لاتێ یه‌.زورن ئه‌وێن بابه‌تێ گه‌رمێ روژه‌ڤا نوكه‌یا باشورا كوردستانێ كو رێفراندومه‌ دئازرینن.ب رێفراندوما (بارزانى) بناف دكه‌ن. وه‌ك بێژى بارزانى داهێنه‌رێ ڤى (ئیدیه‌مى) بیتو تازه‌ ل جیهانێ هاتبیته‌ ناسكرن.بخوه‌ ئه‌گه‌ر رێفراندوما بارزانى ژى بیت.دبیت بارزانى سوپاسدارێ ڤێ پێناسێ بیت كو دڤێ قوناغێ دا بناڤێ بارزانى بهێته‌ بناف كرن.لێ بارزانى بتنێ ته‌خا سیاسیا كوردستانێ ب جورئه‌ت راستى راستیه‌كا پرى مه‌ترسى كرن.بارزانى پشت ر به‌گراوه‌نده‌ك مێژوى و ب خاندنه‌كا هه‌نوكه‌ى بو پاشه‌ر روژێ هه‌مى ته‌خا سیاسى ب پارتى ڤه‌ ژى راستى ڤێ راستیێ كرن.وه‌ك بێژى بارزانى بێژیت فه‌رمون ئه‌ڤه‌ ده‌مێ گه‌هشتنا وێ ئارمانجێ یه‌ ئه‌وا ئه‌ڤه‌ (100) ساله‌ بكێمى ڤه‌ هین خه‌باتێ بو دكه‌ن. ڤان ئالیان ب سه‌دان ئه‌ندامێن خوه‌ هنارتینه‌ به‌رسێدارا و ب هزارن كه‌س ئه‌نفال بونه‌.دبیت سه‌رجه‌مێ قوربانێن كوردا پشتى (سایكس بیكو) (یه‌ك ملیون شه‌هید) هه‌بن . فه‌رمون دمێ ئه‌نجاما یه‌؟! ده‌مێ به‌رسڤدانا یو بو مله‌ته‌كێ بن ده‌ست.هه‌مى ئالى و پارتى ب هه‌مى زمانه‌كێ د پروگرامێن حزبێن خودا(مافێ جاره‌نڤێسى بو گه‌لێ كوردستانێ) وه‌ك ئارمانج دیار كریه‌. فه‌رمون ڤێ ئارمانجێ هه‌ر جونه‌بیت تاقى بكه‌ن.بكونه‌ راستى و ئاماده‌ى باج دانێ ژى بن كاودان ژڤى باشتر ژدایك نابن.گونه‌ها بارزانى جیه‌ ئه‌گه‌ر بێژیته‌ ڤان حزبا ب پارتى ڤه‌ ژى.فه‌رمون پروگرامێ خوه‌ جێبه‌ جێكه‌ن یا هه‌وه‌ گوتى و هین حزبایه‌تێێ ژى لبن دكه‌ن.گونه‌ها بارزانى جیه‌ بێژیته‌ مله‌تێ خوه‌ بوجون و رئیا هوه‌ جیه‌ ل سه‌ر سه‌رخو بونێ.بێ گومان پرسا سه‌رخو بونێ هیج په‌یوه‌ندى ب كێشێن سیاسێن نافخو ڤه‌ نینن.ئه‌مریكا بو ده‌وله‌ت یا پارجه‌ پارجه‌ بو .پرى وه‌لاتى(میلیشیات) بو لێ بو ده‌وله‌ت.تاكه‌ گونه‌ها بارزانى ئه‌ڤه‌ هه‌مى ئالى دانانه‌ به‌ر راستیێ ل نافخوه‌ و ل جیهانا بانگى بو ئازادى و ڤه‌كرن و فره‌ى دكه‌ت….

ب راستى بۆ من سه‌یر بوو من ژ هنده‌ك ژێده‌رێن میدیا گوهلێ بوو كو پترى (800) زیندانێن (داعشێ) و هه‌ڤالبه‌ندێن وێ ل دهۆكێ هه‌نه‌. ب راستى دشێم بێژم دهۆك بوویه‌ (گوانتانامۆ)، نزا ئه‌ڤ خه‌به‌ره‌ چه‌ندێ درسته‌ و من گرتى ئه‌ڤ خه‌به‌ره‌ راسته‌، ئه‌رێ ئه‌ڤ بومبا مه‌زن ل دهۆكێ چدكه‌ت؟. ئه‌رێ ژ كینه‌ ئه‌و ئه‌ندامێن داعشێ, ئه‌گه‌ر كوردن ل گۆر قانوونێن كوردستانێ دادگه‌ها وان بكه‌ن، هه‌كه‌ بیانینه‌ ژى بۆ وه‌لاتێن زان ڤه‌گه‌رینن. هه‌مى ئه‌و ڤه‌كۆلینێن هاتینه‌كرن ل سه‌ر داعشێ دبێژن (داعش) بخوه‌ ل زیندانێن ئه‌مریكیان دا ژدایكبوویه‌ و زیندان ئه‌كادیمه‌كا تایبه‌ت و به‌لاشا هزرا بوگه‌نا داعشێ یه‌. ئه‌ڤ هه‌مى داعشه‌ ل دهۆكێ و ره‌نگه‌ ل ناڤ زیندانێن ئاسایى ژى دابن. ئه‌ڤه‌ گه‌فه‌كا مه‌زن و پرى مه‌ترسیه‌ ل سه‌ر پاشه‌رۆژا پارێزگه‌ها دهۆكێ و خه‌لكێ وێ. كۆمه‌كا تاوانبارێن ب ڤى ره‌نگى دژوار ل پارێزگه‌هه‌كا وه‌ك دهۆكێ و ب هیڤیا پۆلیسێن مه‌ڤه‌ ره‌نگه‌ وه‌ك پێدڤى راهێنان ژى نه‌كربن ل سه‌ر چاوانیا سه‌ره‌ده‌ریكرنێ ل گه‌ل ڤان ره‌نگه‌ تاوانباران. ب راستى ئه‌ڤ خه‌به‌رێ زۆر ئاسایى نه‌بوو بۆ من و ره‌نگه‌ بۆ هه‌ر ئالیه‌كێ پاشه‌رۆژا دهۆكێ بۆ خه‌م بیت هه‌ست ب ڤێ مه‌ترسیێ بكه‌ت, حیكمه‌ت ژ خودانكرانا ڤى قه‌بارێ مه‌زنێ تاوانباران چیه‌؟ كى دێ دا دگه‌ها وان كه‌ت؟ كى پاریزه‌رێ وانه‌؟ وه‌ك پرسا داراى خه‌رجیا (800) كه‌سان چه‌نده‌ ل سه‌ر میزانیا كوردستانێ ئه‌ڤه‌ و ئه‌م نزانین ل زیندانێن هه‌ولێر و سلێمانیێ چه‌ند داعشێن دى هه‌نه‌؟, ئه‌مریكا ب هه‌مى هێز و شیانا خوه‌ڤه‌ هه‌ولا هندێ دده‌ت خوه‌ ژ زیندانا گوانتانامۆ قورتال بكه‌ت، نزا یاسا و رێساێن كوردسنتانێ ریێ دده‌ن حوكمه‌تا مه‌ ڤى قه‌بارێ زیندانێن ره‌نگه‌ بیانى ژى هه‌بن خودان بكه‌ت ئه‌ڤه‌ (ربێته‌كرنه‌كا) ئاشكرا یا هزرا داعشێ یه‌ ل دهۆكێ یان ل كوردستانێ. له‌ورا فه‌ره‌ حوكمه‌تا كوردستانێ خوه‌ زووترین ده‌م ژ ڤى میراتێ داعشێ قورتال بكه‌ت یێن كورد دادگه‌هه‌كا عادل بۆ بكه‌ت و یێن بیانى ژى بۆ وه‌لاتێن وان دیپۆرت بكه‌ت. ئه‌ڤه‌ یارى نینه‌ و ئه‌ڤ بابه‌ته‌ نۆرمال ژى نینه‌ و ره‌نگه‌ سه‌ره‌ده‌ریا كوردستانێ دگه‌ل دا یا شه‌فاف نینه‌ بۆ كوردستانێ، دێ خاله‌كا خراب بیت هه‌كه‌ زیندانا ڤان كه‌سا بیت، نه‌مازه‌ دوور ژ چاڤێن رێكخراوێن مافێ مرۆڤى، دبیت داعشێ وه‌ك هێزه‌كا چه‌كدار شكه‌ستن خار بیت، لێ وه‌ك هزر هێشتا هزره‌كا زیندى و خودان (منه‌زر) و مفكرێن خوه‌یه‌ و ئه‌ڤه‌ ب هزران كه‌سێن وان نوكه‌ د زیندانان دانن ل كوردستانێ و عێراقێ ژبلى یێن ڤه‌شارتى ل بن ناڤێ ئاواران یان ده‌ربه‌ده‌ران. (800) داعش ل زیندانه‌كا دهۆكێ راستى كاره‌ساته‌كا پاشخستیه‌ بۆ سه‌ر كوردستانێ …

هه‌رده‌م سلێمانى سه‌روكانیا بیرا ناسیوسیالستیا كوردى بویه‌.هزرا نه‌ته‌وه‌ى ل سلێمانیێ هه‌مى ده‌ما لپێش بویه‌ و پرانیا بزاڤا سیاسیا كوردى موراله‌كێ مه‌زن ژ سلێمانیێ وه‌رگرتیه‌ و هه‌مى لق و پارتێن سیاسى ژى جهێ سلێمانیێ تێدا دیار هه‌تا هنده‌ك دبێژن(پارتى دیموكراتى كوردستان) ژى نه‌ ل به‌غدا دامه‌زرایه‌ به‌لكو ل سلێمانیێ هاتیه‌ دامه‌زراندن . سلێمانى و كه‌ركوكێ به‌شداریا رێفراندوما (عصبه‌ الامم) نه‌كر ئه‌وا بو ویلایه‌تا موسلێ هاتى كرن و هیج نینه‌ره‌ك ژى ره‌وانى چڤاتا دامه‌زراندنا عێراقێ نه‌كر و ئه‌ڤه‌ ئێك ژ مه‌زنترین شانازێن سلیمانیێ یه‌.سلێمانى بو (مسته‌فا بارزانى) ژ (ایقما جبرى) قورتال كرى و هنارتى مهابادێ.بزاڤا روشنگه‌ریا كوردى ل سلیمانیێ وه‌رار كریه‌ و به‌رده‌ركێ سه‌ریا سلێمانى شانویا ریدانیچن پرى واته‌یا نه‌ته‌وه‌ى یه‌.ئه‌سته‌مه‌ بو باژێره‌ك وه‌ك سلێمانیێ پایته‌ختێ بابانان و سونته‌ره‌كێ بهێزێ هزرا نه‌ته‌وه‌یا كوردى بڤى ره‌نگى قه‌تیسه‌ بیت و بێ راو هه‌لویست بیت.هه‌مى ئه‌ڤا ده‌رهه‌قێ سلێمانیێ دهێته‌كرن بتنێ گوتنه‌ و سلێمانى دێ وانه‌كا كوردایه‌تیێ ل روژا رێفرتندومێ دا ده‌ته‌ مێژویێ هه‌ر نابیت بیر ل هندێ بكه‌ین ل ئه‌ركه‌كێ نه‌ته‌وه‌ى دا گومان ژ سلێمانیێ بهێته‌كرن. سلێمانى كه‌فتیه‌ به‌ر هێرشه‌كا پر گومان وه‌ك دیار ره‌وته‌كا پوپولیستا و ره‌نگ فاشیزما كوردى دڤێت سلێمانیێ داقه‌تینیت ژ ئه‌ركه‌كێ نه‌ته‌وه‌ى.لێ بێگومان سلێمانى ڤێ ره‌وشێ قبول ناكه‌ت.نابیت باژێره‌ك وه‌ك سلێمانیێ ل( استحاقه‌كێ) نه‌ته‌وه‌ى دا داكه‌ڤیت و لبن باندورا هنده‌ك بابه‌ت و پرسێن لوكال و سیاسى ل بریاره‌كا جاره‌نفێس سازا دا سلێمانى(غائیب) بیت دێ سه‌رجه‌مێ رێفراندومێ لاواز بیت ئه‌گه‌ر ئالیه‌كێ بڤێت سلێمانى ب ره‌نگه‌گ تایبه‌ت و دیر ژ ئه‌وا ژێ دهیته‌ چاڤه‌رێ كرن ببیت.لێ ئه‌وا دیار و ئه‌وا مێژو ڤه‌دگێریت ئه‌وه‌ سلێمانى دێ هه‌مى جاڤدێرا توشى شوكه‌كا مه‌زن كه‌تن و دێ ب لایه‌قى ناڤ و بانگێ خوه‌ به‌شداریا بریارا سه‌خو بونا كوردستانێ ده‌ت.گوشه‌گیر كرنا سلێمانیێ دڤىچ پرسێ دا یان هه‌ جونه‌ په‌یدا ركرنا گومانێ لس ه‌ر سلێمانیێ بخوه‌ تاوانه‌كا مه‌زنه‌ ده‌رحه‌قى باژێرێ هه‌لمه‌ت و قوربانیێ.خه‌لكێ ژ سلێمانیێ فێرى قوربانێ و ئه‌لیف و بێتكێن به‌رخودانێ بوى.لێ ئه‌ف ره‌وتا پوپولیستا گوماناوى یا دڤێت گومانێ ل سه‌ر سه‌رجه‌مێ پروسا رێفراندومێ بدانیت و هه‌روژ ب بهانه‌كێ مورالا خه‌لكێ لاواز بكه‌ن نه‌ك ژ بوجى بتنێ(زك ره‌شیه‌ك حزبى) یه‌.مه‌ هه‌میا ل بیره‌ سا2004 ب ده‌ست پێشخه‌ریا سلیمانیێ رێفراندومه‌كا نه‌ فه‌رمى ل كوردستانێ هاته‌ كرن و سلێمانى سه‌ره‌ رما وێ بزا رێفراندومێ بو.هه‌ویستێن مه‌زن ژ باژێرێن مه‌زن و مه‌ده‌نى دهێنه‌ جاڤه‌رێ كرن.رێفراندوم سه‌ر ئه‌نجامه‌كێ نه‌ته‌وه‌یێ وێ هه‌مى قوربانى و به‌رخودانێ یا سلێمانیێ به‌شه‌ك مه‌زن ببه‌ر دكه‌ڤیت.و هه‌جى كه‌سێ ب وژدان بیت دێ وێ شه‌هده‌كیێ بو خه‌لكێ سلێمانیێ ده‌ت كا ل مه‌یدانا به‌رخودان و خه‌باتا نه‌ته‌وه‌ى دا ل كیڤه‌ بونه‌ و چه‌ند قوربانى داینه‌ وه‌ك هه‌مى خه‌لكێ كوردستانێ.رێفراندوم دێ سه‌ركه‌ڤیت و هه‌ر ئالیێ گره‌ڤێ ل سه‌ر خه‌لكێ سلێمانیێ بكه‌تن دێ توشى شه‌همزاریه‌كا سیاسى یا مه‌زن بیت….

رۆسیا (قه‌یسرى) و (ستالینى) و (گورباتشوفى) و (پۆتینى) نه‌ بۆ كوردان نه‌ بۆ ژو مله‌ت و وه‌لاته‌كێ بنده‌ست، رۆژه‌كێ بووینه‌ هاریكار، ژ بلى چه‌وساندنا مله‌تان د ناڤ رۆسیایێ دا، چو سیاسه‌ته‌كا دى ل ڤى وه‌لاتى كه‌ڤن و نوو نه‌هاتیه‌ مه‌شاندن, كوردان نه‌خۆشترین سه‌ربۆر ل گه‌ل رۆسایا هه‌نه‌، ل سه‌رده‌مێ (شێخى نه‌هرى) و (كۆمارا مهابادێ) و (شۆره‌شا ئیلۆنێ), چو جاره‌كێ رۆسیا ل هه‌ڤپه‌یمانێن خوه‌ خودان ده‌رنه‌كه‌فتیه‌ و د باشترین حاله‌ت دا بازارى ب هه‌لۆیست و سه‌نگ و (ڤیتۆیا) خوه‌ دكه‌ت, باوه‌ر ناكه‌م حوكمه‌تا مه‌ ب ڤى ره‌نگێ دراماتیكى سه‌متا خوه‌ بگوهۆریت ژ رۆژئاڤا بۆ رۆژهه‌لاتێ, باوه‌ر ناكه‌م ژى سیاسه‌تمه‌دارێن كوردستانێ كاره‌كێ ژ ڤى ره‌نگى بكه‌ن, رۆسیا وه‌لاته‌كێ گرنگه‌ بۆ خوه‌ وه‌لاته‌كێ زلهێزه‌ بۆ به‌رژه‌وه‌ندیا خوه‌ وه‌لاته‌كێ كاریگه‌ره‌ بۆ (هه‌ژمۆنا) خوه‌ هچو رۆژه‌كێ رۆسیا پرۆژه‌ و هزره‌كا مرۆڤانى نه‌بوویه‌ و چو وه‌خته‌كێ ژى باوه‌رى ب ماف و چاره‌نڤێسى مله‌تان نه‌بوویه‌, هه‌مى گاڤێ ب زمانێ (دبابا و تانگا) بۆرسڤا مافێن مرۆڤان دایه‌, هیچ شانازیه‌كا جیهانا تازه‌ بۆ رۆسیا ناهێه‌ ژمارتن ل كو ل كۆشه‌كا ڤێ دونیایێ پشته‌ڤانیا وه‌لاته‌كێ یان مله‌ته‌كێ بنده‌ستكر بیت, هانا (پارتى دیمۆكراتى كوردستان) دا ل گه‌ل عێراقێ پێكبیت و پاشى رێكه‌فتنا دۆستایه‌تیا ل گه‌ل عێراقێ ئیمزاكر و عێراقێ ب چه‌كێ رۆسى شۆره‌شا كوردى ژ ناڤبر و رۆسیا ئاماده‌نه‌بوو داخۆیانیه‌كێ ژى بده‌ت؟ باشه‌ مرۆڤى دۆست هه‌بن، لێ دۆستێ جه‌ڕباندى پێدڤى ب هونه‌ركێ تایبه‌تێ سه‌ره‌ده‌رى كرنێ یه‌, هه‌تا جاره‌كا دى مرۆڤى تووشى كاره‌ساتان نه‌كه‌ت، ئابوورى زان دزانن رێكفتنێن ئابوورى ل گه‌ل رۆسیا چنه‌، لێ رۆسیا وه‌لاته‌كێ دیمۆكراتى نینه‌ وه‌ك وه‌لاتێن جیهانا ئێكێ ل رۆسیا (داروبه‌ر) ژى سیاسى نه‌. كۆمپانێن وان هه‌مى سیاسینه‌ و ناچنه‌ جهه‌كێ ئه‌گه‌ر خواندنه‌كا باش بۆ نه‌كربیت و قازانجا خوه‌ مسۆگه‌ر نه‌كربیت, دبتیت ئه‌ڤ سیاسه‌تا حوكمه‌تا كوردستانێ باش بیت بۆ راكێشانا به‌رژه‌وه‌ندیێن هه‌مى زلهێزا بۆ كوردستانێ لێ مسۆگه‌ر دڤیا یا ب شاره‌زاى و هوشیار بیت هنده‌ك كۆمپانى وه‌لاتان كاڤل دكه‌ن و هنده‌ك كۆمپانى ده‌ستدانن سه‌ر ئاینده‌یێ وه‌لاتان, كوردستانێ نوكه‌ پێدڤى ب هه‌مى كۆمپانیانه‌ ژ رۆسیا هه‌تا ئه‌مریكا و هندستانێ لێ بۆ مه‌ره‌مێن سیاسیه‌ نه‌ك ئابوورى, سه‌رئه‌نجام دڤیا كوردستانێ ژى مه‌ره‌م هه‌بن ب ڤى ره‌نگى ده‌رگه‌هێن خوه‌ ڤالا دكه‌ت بۆ جیهانێ, ب كوردى و كورتى (رۆسیا وه‌لاته‌ك بڤه‌یه‌) وه‌لاتێ (مافیا) و (شوستنا پارا) و (بارزگانیا قه‌چاخه‌) حوكمه‌ت دڤێت سێ جارا بیر بكه‌تل دگه‌ل رۆسیا كار بكه‌ت ….

پارتى هه‌چكو (په‌له‌ك) هه‌لگرتى وه‌ك دیار كه‌سێ وێره‌كیا ده‌ستگرتنا پارتى نینه‌, پارتى ژ خودێ دخوازیت تا سه‌رى كه‌سێ وێره‌كیا هندێ نه‌بیت ل گه‌ل پارتى پرسا رێفراندومێ ببنه‌ قووناغێن دووماهیێ, به‌ره‌یێ (ئه‌نتى پارتى) تووشى ئالۆزێن مه‌زن بوویه‌ هنده‌ك ژ ترسا جه‌ماوه‌رێ خوه‌ و هنده‌ك ژى ژ ترسا په‌یوه‌ندیێن خوه‌ و هنده‌ك ژى ژبێ خه‌مى و نه‌مازه‌ پشتى كۆچبه‌ریا (ناوشیروان مسته‌فا) به‌رۆكێ دژى پارتى سه‌نگه‌رێ مه‌زنێ خوه‌ ژ ده‌ست دا و ره‌نگه‌ (20) سال دى ژى كه‌سه‌ك ب قورساى و گرانیا (ناوشیروانى) په‌یدا نه‌بیت ل به‌ر سینگێ پارتى براوه‌ستیت یان هه‌ر چو نه‌بیت ده‌نگه‌ك جودا هه‌بیت, د ڤێ قووناغا نوكه‌ دا پارتى ب تنێ خوه‌ هه‌لگرا ئالایێ سه‌رخوه‌بوونێ دبینیت و هه‌مى ئالیێن دى خوه‌ ژ ڤێ پرسا مه‌زن ڤه‌ددزن وه‌ك بێژى پارتى دێ ده‌وله‌ته‌كێ بۆ خوه‌ چێكه‌ت, چ كورتبینیا سیاسیه‌ پارتێن كوردستانێ تێكه‌فتین هه‌تا نوكه‌ زه‌لا و ئاشكرا د ئورگانێ چو حزبه‌كێ دا ژبلى پارتى كه‌سێ مل نه‌ دایه‌ به‌ر ریفراندومێ, د كووراتیا خوه‌ دا پارتى سۆپاسگوزارا ڤێ هه‌لویستێ (سه‌رشۆرانه‌) ب رامانه‌كا سیاسى یێ پارت و ئالێن سیاسى, هنده‌ك بۆ خوه‌ هنده‌ك به‌هانه‌یان دروست دكه‌ن و هنده‌ك ژى هه‌تا نوكه‌ باوه‌ر ناكه‌ن ئه‌ڤ پرۆژه‌ سه‌ربگریت, دبیت ئه‌و ژى دحه‌ق بن و خواندنا وان بۆ ره‌وشێ هندێ ببینیت, لێ مسۆگه‌ر ئه‌ڤه‌ بریاره‌ و كارێ بۆ دئێته‌كرن, ئالیێن سیاسى ب خوه‌ ڤه‌ مژوولن و پارتى ژى شاندا ره‌واى وه‌لاتێن جیهانێ دكه‌ت و ل به‌رى بنگه‌هێ دوله‌تێ راگه‌هینیت, ئه‌گه‌ ره‌وش ب ڤى ره‌نگى بیت و ئه‌گه‌ر ب رۆژێ پارتى سه‌ربگریت. پارتى دێ ژ مه‌زنترین ده‌رگه‌ه ڤه‌ چیته‌ د مێژوویێ دا هه‌تا ئه‌گه‌ر وه‌ك كۆمارا مهابادێ ده‌م كورت بیت ژى؟! سه‌رۆك وه‌زیرێ عێراقێ بۆ باسێ مهابادێ كرى لێ دورست ئه‌ڤ سه‌رده‌مه‌ سه‌رده‌مێ مهابادێ نینه‌ و باوه‌ر ناكه‌م ژى چو ده‌وله‌ته‌كێ شیانا كێشنا عه‌سكه‌را هه‌بیت بۆ سه‌ر كوردستانێ. مه‌زنترین شه‌رێ پێ بهێته‌ كرن ره‌نگه‌ ئالۆزێن ئابوورى بن و هنده‌ك ئالۆزیێن ناڤخوه‌ بن, لێ شه‌ر ئه‌نجام دێ ده‌وله‌ته‌ك ژ دایك بیت یێ پێخۆش و پێنه‌خۆش دێ سه‌ره‌ده‌ریێ گه‌لدا كه‌ت. ره‌نگه‌ مرۆڤ نه‌زانیت دێ چه‌ند ده‌وله‌ت دانپێده‌ن یان دێ كه‌نگى بیته‌ ئه‌نداما (یۆ ئێ نێ)، لێ مسۆگه‌ر دێ بۆ ده‌مه‌كێ درێژ ژیت, (تایوان) ب هێزترین ده‌وله‌تا ئاسیا هه‌تا نوكه‌ ئه‌نداما نه‌ته‌وه‌ێن ئێكگرتى نینه‌ و زۆر نموونێن دى, ب كوردى دبێژم هێلانا پارتى ب تنێ ل ڤێ قووناغێ دا چه‌ند ئه‌و لایێن ته‌خمین بكه‌ن پارتى دێ زیانێ كه‌ت. ئه‌و هنده‌ پارتى سوپاسگۆزاره‌ ب تنێ ب ڤى ئه‌ركى رابیت؟!

پشتى كۆجبه‌ریا به‌رێز (ناوشیروان مسته‌فاى) و ئه‌و بێ رێزیا ب سكرتێرێ (یه‌كگرتۆ) به‌رێز (سه‌لاحه‌ددینى) هاتى كرن ل سه‌ر مه‌زارى, تازه‌ هندك ل تۆرێن جڤاكى پسیارا ئه‌خلاقى دكه‌ن وه‌ك بهایه‌كێ كوردایه‌تیێ. راستى سه‌یره‌ تا نوكه‌ هنده‌ك ئالێن سیاسى هه‌بن داخوارا ئه‌خلاقى ژ بزاڤه‌كا (پوپولیستى) ل ئه‌و په‌رێ (چه‌پگه‌راتێ) بكه‌ن, سه‌یرتر ئه‌وه‌(یه‌كگرتۆ) چار سالان ل هه‌مان به‌رۆكێ سیاسێ بزاڤا گۆڕانا پوپولیست و (به‌رئه‌لاگه‌ریێ) دا بوو, (سه‌لاح الدین) هێژاى وێ بێرێزیێ نه‌بوو, لێ باشبوو ئه‌وى و حزبا خوه‌ هند خواندنا كه‌توارى هه‌با ل جهه‌ك وه‌سا خوه‌ تووشى ڤێ روودانێ نه‌كربا, لێ پسیار ئه‌وه‌ چه‌ند جاران ب ئاماده‌بوونا سه‌ركردێن یه‌كگرتۆ بێ رێزى ب ب پیرۆزێن كوردستانێ و سه‌مبولێن خه‌باتا نه‌ته‌وه‌ى هاتیه‌ كرن و بێ هه‌لویستبوونه‌. دریشمێ برۆخیت ده‌مه‌كێ درێژ براده‌رێن مه‌ یێن ئیسلامى ل گه‌ل بێ كو دیار بكه‌ن (چ برۆخیت؟!) ئه‌خلاق برۆخیت؟ پیرۆزى برۆخیت, دیرۆك برۆخیت, ماقوولیا كورده‌واریێ برۆخیت, سوواربوونا ل پێلێن بزاڤێن پوپولیست و (شه‌عبه‌وى) بێ به‌رنامه‌ و بێ چارچووڤه‌ و بێ سیاسه‌ته‌كا زه‌لال و ئارمانجه‌كا دیار, ئه‌ڤه‌ به‌رهه‌مێ وێ یه‌, پارتى قه‌نجكر ل وێ مه‌یدانێ ئاماده‌نه‌بوو؟! ئه‌و قه‌نج دزانیت چ كلتۆره‌ك ل وى جهى هه‌بوو. پارتى باش دزانیت چ ره‌نگێ ره‌وشه‌نبیریێ هاتیه‌ (به‌رهه‌مكرن) ل وێ زوونێ و وێ ده‌ڤه‌رێ, براده‌ێن ئیسلامى تازه‌ زانى درووشمێ ئازادیا راو بۆچوونا ب تنێ (دره‌وه‌ك شاخداره‌) ل ده‌ف پرانیا جه‌ماوه‌رێ گۆڕانێ و هه‌ڤالێن وان, چو كه‌س نه‌مایه‌ ل ڤى وه‌لاتى بێ رێزى پێ نه‌كرى سه‌یدایێ (سه‌لاحه‌ددین یێ دووماهیێ یه‌)، بێ رێزى ب سه‌ركرده‌ و شۆره‌شگێر و شه‌هدید دیرۆكا كوردستانێ هاتیه‌كرن ژ لایێ وێ بیرۆكا ته‌سكا (تۆلیتاریا)، هه‌ر كه‌سێ خاین و خۆفرۆش دزانیت و ژبلى خوه‌ كه‌سێ نابینیت. ئه‌ڤ كلتۆره‌ نه‌ك به‌س ل كوردستانێ هه‌یه‌, ئه‌ڤه‌ بزاڤه‌كا جیهانیه‌ توخمه‌كه‌سێن (شه‌عبه‌وى) كوی یاریان ب هه‌ست و هیڤى و خه‌ونێن هه‌ڤوه‌لاتێن ساده‌ دكه‌ن و دوژمنه‌كى ژ خه‌یالا خوه‌ دئافرینن و هه‌مى مه‌ینه‌تێن مرۆڤا پێڤه‌ دكه‌ن, ئه‌ڤ بزاڤا ل ئه‌ورۆپا هه‌یه‌ ل و ژخوه‌ (عه‌ره‌با مال ل خوه‌ خرابكر) ل دووڤ ڤێ لۆژیك و عه‌قلیه‌تێ, دكه‌ڤن دا هاتیه‌ گۆتن سیاسه‌ت و بازرگانى و ئه‌خلاق ب تێگه‌هێ رها و پیرۆز وه‌ك توره‌كێ جڤاكیێ مرۆڤا یه‌ك ناگرن؟! مخابنى بۆ هنده‌ك ده‌نگێن هه‌لبژارتنا هنده‌ك ئالى هه‌نه‌ هه‌مى ره‌وشت و تۆره‌یێ كوردایه‌تێ دكه‌نه‌ قوربان و بێ رێزیێ ب هه‌رتشێ ل به‌رامبه‌رى خوه‌ دكه‌ت. (مامۆستا سه‌لاحه‌دین. باجا هه‌لویست و رایا جێوازا) خوه‌ وه‌رگرت ژ كێ….؟! ژ هه‌ڤالێن خوه‌ یێن چار سالان…. و السلام على من اتبع الهدى؟!

ب گۆره‌ى دیتنا من چ بهانه‌ك بۆ هه‌بوونا پارتى ئه‌ساسه‌ن ل سه‌ر مه‌یدانا خه‌باتا نه‌ته‌وه‌ى نینه‌، ئه‌گه‌ر پارتى درووشمێ ده‌وله‌تێ و سه‌خوه‌بوونێ رانه‌كه‌ت, پارتى ژ بنه‌كۆك بۆ هندێ هاتیه‌ دامه‌زراندن هه‌تا رزگاریا نه‌ته‌وه‌ى و قورتالبوونا ئێكجارى بكه‌ته‌ كه‌توار, هه‌بوونا پارتى بێ بهایه‌ ئه‌گه‌ر ژ بلى ڤێ چه‌ندێ بیر بكه‌ت, هه‌مى ناڤه‌ندێن سیاسى ئه‌وێن چاڤدێریا كوردستانێ دكه‌ن د (70) سالێن بۆرى دا مه‌رم و سه‌ده‌مێ هه‌بوونا پارتى بۆ هندێ دزڤرینن كورد ل گۆر قووناغ و سه‌رده‌مێن جودا به‌ر ب سه‌رخوه‌بوونێ ڤه‌ بچیت و پارتى بێگومان سه‌ركێشیا ڤێ بزاڤێ دكه‌ت كو د خوه‌ دا ئه‌نجامێ كۆمه‌كا شۆره‌ش و سه‌رهلدن و یاخیبوونایه‌. ئه‌و كه‌سێن دبێژن پارتى (مزایدێ) دكه‌ت ئه‌و ب
درستى د وێ راستیێ نه‌گه‌هشتنه‌ یان نه‌ڤێن خوه‌ تێبگه‌هینن كو پارتى ب تنێ بۆ ڤێ مه‌ره‌مێ ئاڤابوویه‌. چو بهانه‌ك بۆ هه‌بوونا پارتى نینه‌ ئه‌گه‌ر سه‌رخوه‌بوونا نه‌ته‌وه‌ى ئارمانجا سه‌ره‌كى یا وێ نه‌بیت, ئه‌گه‌ر قوربانى و خه‌باتێ بۆ رزگاریا نه‌ته‌وه‌ى نه‌كه‌ت, پارتى وه‌ك (تاكتیك) د هه‌مى دیرۆكا خوه‌ دا ل گۆره‌ى قووناغێ درووشم راكرینه‌، لێ هه‌رگاڤ و هه‌رده‌م چو قووناغه‌ك یان ده‌ستكه‌فته‌ك بۆ پارتى (ئه‌لترناتیفێ) سه‌خوه‌بوونا نه‌ته‌وه‌ى نه‌بوویه‌, (70) سال سیاسه‌تكرن ئانكو پارتى خودانا كه‌لتۆره‌كێ خه‌باتێ یه‌ ل مه‌یدانێن رزگاریا نه‌ته‌وه‌ى بخوازیت, بۆ گونجاندنا خوه‌ دگه‌ل قووناغا پارتى زۆر جاران، كه‌دوارانه‌ بیركره‌یه‌ و دوور ژ عاتیفێ و مزایدێ بۆ نموونه‌ درووشمێ پارتى ل هه‌لبژارتنێن (1992) دا (حوكمێ زاتى بوو بۆ كوردستانێ) ل وى ده‌مێ خه‌لكێ دوور ژ واقعى درووشمێن مه‌زن دهه‌لگرتن و نوكه‌ هه‌مى ژێ په‌شیمان بووینه‌, ته‌نیا پارتى نه‌بیت نوكه‌ ل گۆر خواندنا خوه‌ بۆ كه‌توارێ جیهانێ و به‌رژه‌وه‌ندیێن وه‌لاتێن ده‌ڤه‌رێ و جیهانێ رابه‌رایه‌تیا بریارا سه‌رخوه‌بوونا كوردستانێ دكه‌ت, ئانكو پارتى نوكه‌ نه‌ مزایدێ دكه‌ت ل گۆر باوه‌ریا پارتى قووناغا نوكه‌ وه‌سا دخوازیت ئه‌ڤه‌ درووشمێ بزاڤا سیاسیا كوردى بیت و كار بۆ بكه‌ن, خواندنا پارتى بۆ قووناغا نوكه‌ و هه‌لبژارتنا راگه‌هاندنا ده‌وله‌ته‌ك كوردستانى دیمۆكراتى و بشێت بژیت و وه‌راێ بكه‌ت. رك دگه‌ل نه‌خشێ جیۆسیاسى و (ئه‌نرژیێ) دگونجیت. ده‌رفه‌تا نوكه‌ بۆ كوردستانا عێراقێ روخساى د (100)سالێن بۆرى دا نه‌هاتیه‌ و ره‌وش ب قه‌ده‌ر قووناغا نوكه‌ ل بار نه‌بوویه‌, بێگومان راگه‌هاندنا ده‌وله‌ته‌كێ تازى ل ڤێ ده‌ڤه‌رێ پرۆسه‌كا بێ سه‌رگێژى نابیت و ره‌نگه‌ بێ قۆربانى ژى نه‌بیت, لێ بێگومان زیان و قوربانێن ژ ده‌ستدانا ڤێ ده‌رفه‌تێ دێ پتربن ئه‌گه‌ر بۆرى, پارتى نه‌ مزایدێ دكه‌ت, پارتى راستیا هه‌بوونا خوه‌ دیار دكه‌ت. ڤێ جارێ بێ ترس و بێ رتووش و بێ ته‌كتیك و بێ مكیاچ كوردستانێ ده‌وله‌ت دڤێت، پا (70) سالێن بۆرى ب تنێ كاروان و قووناغێن ڤێ ئارمانجێ بوونه‌… نه‌ مزایده‌ نه‌.

مخابنى نۆشدار كه‌فتینه‌ ده‌راڤه‌كێ خراب دا و تووشى (شله‌ژانه‌كێ) بووینه‌ وه‌ك پێدڤى سه‌ره‌ده‌ریا ره‌وشا پێشه‌یا خوه‌ نه‌كرن پشتى راستى هێرشه‌كا دژوارا سۆسیال میدیایێ بووین، ژ من ڤه‌ ئه‌و ره‌وشا نوكه‌ نۆشدار تێدا ژ به‌رى وانا (پۆلیس) تێدا بوون، هه‌تا نه‌ ژ مێژه‌ ژى پۆلیس د چاڤێن جڤاكێ خوه‌ دا ئانكو (ته‌عداى و به‌رتیل و ترس..هتد)، ئه‌ڤه‌ وێنێ پۆلیسان بوو د بیردانكا جڤاكى دا، لێ پۆلیسان خوه‌ ژ ڤێ ره‌وشێ قورتالكریه‌ و نوكه‌ پۆلیس ئانكو(هاریكار و ئه‌مانه‌ت و باوه‌رى….هتد) ئه‌ڤجا نۆشدارێن ب رێز ژى پێدڤى ب خوه‌داچوونه‌كا ل سه‌ر خوه‌ و ئارامن دێ ب چ ره‌نگى د ناڤ جڤاكێ خوه‌ دا بها و سه‌نگێ بۆ خوه‌ و پێشه‌یا خوه‌ زڤرینن، نه‌ نهێنیه‌كى بێژم پرانیا پرا نۆشدارا د چاڤێن خه‌لكێ دا (ئانكو پاره‌په‌رست و بێ دلۆڤانى و بێ منه‌تى و بلند خۆدیتن…هتد). ئه‌ڤه‌ نه‌ تۆمه‌ته‌، به‌لكو ئه‌ڤه‌ نێرینا پرانیا خه‌لكێ یه‌، لێ بۆ نۆشداران فه‌ر ئه‌و ل گه‌ل هنده‌ك كۆمپانێن تایبه‌ت ل و سه‌ر كیستێ خوه‌ هنده‌ك گرێبه‌ستان بكه‌ن بۆ زانینا دروست یا رایا گشتى و ئاستێ رازیبوونا خه‌لكى ژ نۆشداران ل جیهانێ هه‌میێ نۆشدار و سازێن ساخله‌میێ نه‌مازه‌ یێن تایبه‌ت به‌رده‌وام رایا گشتى بۆ وان گرنگه‌ بزانن، ل كوردستانێ نۆشدار د خرابترین ئاستێ رازیبوونا رایا گشتى دانن و ئه‌ڤه‌ كارتێكرنێ ل پیشه‌ و باوه‌ریا وان دكه‌ت، نۆشداران سویندا (ابو قراتى) خواریه‌ و باوه‌رناكه‌م 50% ژى ڤێ سویندێ بجه بینن، نۆشدار ل كوردستانێ ب راستى راستى هێرشه‌كا دژوار بووینه‌، لێ ژ من ڤه‌ ئه‌و بخوه‌ هه‌تا راده‌یه‌كێ سه‌ده‌من بۆ ڤێ هێرشێ و به‌رسڤدانا وانا بۆ (میدیایێ) یا مه‌وفق نه‌بوو، راگه‌هاندن حوكماتان دئێخیت. نزا ب چ لۆژیكى بۆ نۆشداران دژایه‌تیا خوه‌ دباركرى ل سه‌ر میدیایێ و ب (بێوژدان) دایه‌ ناسكرن، مخابن نۆشدار ته‌خه‌كا ڤى چڤاكى نه‌ كه‌فتینه‌ ڤى ده‌راڤێ ته‌نگ، راستكرنا سیسته‌مى ب تنێ به‌س نینه‌ بۆ باشكرنا ره‌وشا نۆشداران د ناڤ جڤاكى دا. پرانسابێ زارى و نه‌رازیبوونا خه‌لكێ وه‌ك من تێبینى كرى وه‌ك رۆژنامه‌ڤانه‌ك خه‌لك ل ئاستێ (سه‌ره‌ده‌رى) و( تعامل) و (ئاخفتن )و (زمان) نۆشداران نه‌رازیه‌، ئه‌ڤه‌ هونه‌ره‌كێ تایبه‌ته‌ ره‌نگه‌ ل كۆلیژا پزیشكى نه‌ئیته‌ خواندن و باشتره‌ نۆشدار زمان و ئاستێ جڤاك و ره‌وشه‌نبیریا خه‌لكى، بزانیت چونكو رۆژانه‌ د گه‌ل دایه‌. خه‌لكى زمانه‌كێ خۆش و رێزگرتن دڤێت ژ به‌رى ده‌رمانان، جێوازیا نۆشدارا ل خه‌سته‌خانا و كلینیكان (رده‌ الفعل) بۆ خه‌لكێ دروستكریه‌ .ژماره‌كا گوتگوتكان ل سه‌ر نۆشداران هه‌نه‌ په‌یوه‌ندیا وان د گه‌ل ده‌رمانخانه‌ و كۆمپانیێن ده‌رمانان؟! ئه‌ڤ شێلاتیا هه‌ى، نۆشدار نه‌چارن زه‌لال كه‌ن یان دێ ئه‌و باوه‌ریا هه‌ى ژى ب دووماهیك ئێت و خه‌لك ب ملیۆنان دۆلاران دبه‌نه‌ ژ ده‌ڤه‌ى وه‌لاتى بۆ چاره‌سه‌ریێ؟! بۆ سه‌ندیكا نۆشداران بۆ وه‌زاره‌تا ساخله‌میێ ئه‌ڤ پسیاره‌ بۆچى باوه‌ریا خه‌لكى ب نۆشداران كیم دبیت؟، بۆچى هه‌مى پێچێبى بۆ جاره‌سه‌ریێ دچنه‌ ده‌رڤه‌؟، بۆچى نۆشدار ل خه‌سته‌خانان نینن وه‌ك پێدڤى نه‌مازه‌ ب شه‌ڤ و ل كلینیكێن تایبه‌ت مشه‌نه‌، دووماهیێ ژى هه‌كه‌ ئه‌ڤ سیسته‌م و ئه‌ڤ نێرینا نۆشداران به‌رده‌وام بیت. الفاتحه‌ ل سه‌ر ساخله‌میێ…

رێفراندوم ل كوردستانێ راسته‌ مافه‌كێ بنگه‌هینێ هه‌ر نه‌ته‌وه‌یه‌كێ یه‌، وه‌ك بۆ هه‌مى دنیایێ ره‌وا بۆ گه‌لێ كوردستانێ ژى ره‌وایه‌, لێ تشتێ بالكێش ڤێ جارێ رژدیا سه‌ركردایه‌تیا كوردستانێ یه‌، بۆ ئه‌نجامدانا رێفراندوم و گشتپرسیا خه‌لكێ كوردستانێ وه‌ك دیار جارێ ل ده‌سپێكێ ئه‌ڤه‌ گه‌فه‌ ژ به‌رى ماف بیت, چه‌كه‌كێ سیاسیه‌ ژ به‌رى قووناغه‌كا پرۆژه‌كێ سیاسى بیت, چونكو ئه‌نجامێ ریفراندومێ ئاشكرایه‌ و ره‌نگه‌ چو چاڤدێره‌ك سیاسی خوه‌ ماندى نه‌كه‌ت، كا ئه‌نجام دێ چاوا بن و باوه‌ر ناكه‌م چو سپرایزه‌كا شۆك كه‌ر ریده‌ت, هه‌مى حوكمه‌ت و هه‌یبه‌تا ده‌وله‌تا عێراقێ باوه‌ر ناكه‌ین چه‌ند هزار كه‌سه‌ك ل كوردستانێ هه‌بن مانا ل گه‌ل عیراقێ بهه‌لبژێرن, ئه‌ڤه‌ رێفراندوم نینه‌ سه‌رۆك بارزانى بانگى بۆ دكه‌ت، ئه‌ڤه‌ داهێنانا چه‌كه‌كێ دى یه‌ كو پشتى شه‌رێ داعشێ كورد خوه‌ پێ بپارێزن، ئانكو مه‌ چ نینه‌ پشتى ریفراندومێ ده‌وله‌ته‌ك ژدایك بیت, به‌لكو چه‌كێ سیاسى ب هێزا (میلانه‌كێ سیاسى) كاریگه‌ر دێ كه‌ڤیته‌ ده‌ستێ دانوستاندكارێن كورد ل گه‌ل عیراقێ و جیرانان و دبیت ژى راگه‌هاندنا ده‌وله‌تێ سوپرایزه‌كا چاڤه‌رێ كرى نه‌بیت, ره‌وشا ڤێ ده‌ڤه‌رێ به‌ر ب بنه‌جهیه‌كا نوو دچیت، هه‌كه‌ ئه‌ردۆگانى ده‌ستوورا خوه‌ دا په‌سه‌ند كرنێ هه‌كه‌ ئه‌مریكا پاشگه‌زى رێكه‌فتنا خوه‌ بۆ ل گه‌ل ئیرانێ هه‌كه‌ شه‌ڕ ل سووریا چوو قووناغه‌كا دى, گڤاشتن ل سه‌ر عیراقێ زێده‌بوون, مسۆگه‌ر كوردستانێ ناسنامه‌كا دى دڤێت یا سیاسى, چونكو یا نوكه‌ هه‌ى نه‌ فیدارالیه‌ و نه‌ ده‌وله‌ته‌ ئه‌ڤ ره‌وشا سه‌قه‌ت دڤێت ئێكلایى ببیت, وه‌ك دیار كوردستانێ شانسه‌كێ ب هێز یێ هه‌ى ڤێ جارێ و پشتى (100) سالێن سایكس پیكۆت، ره‌وشا ڤێ پارچا كوردستانێ بگه‌هینیته‌ قوونا دووماهیێ بارزانى قه‌نج سه‌نگا ئه‌نجامێ راپرسیه‌كا سیاسیا چاره‌نڤیساز دزانیت بۆ تێگه‌هێ سیاسیێ ڤى سه‌رده‌مى, كور سه‌ده‌مێ ماف و ئازادى و بنبركرنا (داگیر كاریێ)یه‌, بۆ دانوستاندكارێن كورد ژى بهانه‌كا ب بهایه‌ و كارته‌كا پرى فشاره‌ بۆ ل سه‌ر لایه‌نێن دى، لێ یا دروست ئه‌وه‌ ئه‌ف رێفراندومه‌ كه‌ركووكێ و شنگارێ ژى بگریت خوه‌ هه‌ ب تنێ چار پارێزگه‌هێن مه‌ نه‌بن, شاشیه‌كا سیاسیا مه‌زنه‌ هه‌كه‌ كه‌ركووك پشكدارى ریفراندومێ نه‌بیت ئه‌وا چاره‌نڤێسێ كوردستانێ دیار دكه‌ت، سه‌رئه‌نجام راستى ئه‌ڤه‌ ریفراندوم نینه‌ وه‌ك ریفراندومه‌ك سروشتى ب رێكه‌فتنا دو ئالیان بهێته‌ كرن, ئه‌ڤه‌ چه‌ك و تێگه‌هه‌كێ دى یێ سیاسیه‌ بۆ خه‌لكێ كوردستانێ سیاسیێن خوه‌ پێ چه‌كدار بكه‌ن….