ژ به‌رى چه‌ند سالان سیاسیێن (شیعه) پشتى خوه ل به‌دا قایمكرى ئاشكرا گۆتن هه‌په‌یمانیا (شیعه و كوردان) ب تنێ (زواج متعه) بوو، راستیه‌ك بۆ دره‌نگ هنده‌ك كورد پێ حه‌سیان، هه‌كه نه موكه بۆ كوردستانێ ده‌رفه‌ته‌ك هاتیه پێش نه‌یارێن سیاسێن كوردان ب تنێ دشێن جارێ نوكه ب (به‌یاننامه‌كێ) نه‌یاره‌یا كورددستانا عێراقێ بكه‌ن، بنه‌ماێن موكم ل كوردستانێ ئاڤا بوونه و گه‌شه‌كێ (ده‌روونیێ) گونجاى هه‌تا بۆ نه‌یارێن مه ژى په‌یدا بوویه كورد ببن ده‌وله‌ت دونیا خراب نابیت، كوردستان جودا نابیت وه‌ك هنده‌ك دبێژن، كوردستان دێ سه‌به‌خوه بیت ب حوكمێ جوگرافیایێ هه‌ر كوردستان دێ ل جهێ خوه بیت ب باشى و خرابێن جیرانێن خوه دێ كارتێكراو بین، هه‌كه كوردستان ره‌وشا خوه‌یا سیاسى ئاسایى بكه‌ت و په‌رله‌مان كارێ خوه بكه‌ت و ره‌نگه‌كێ ته‌بایێ ل سه‌ر هێلێن ستراتیژى په‌یدا بیت و هه‌رگاڤا بریارا سه‌خوه‌بوونێ هاته‌دان، بێگومان دێ جهێ خوه گریت ل گه‌ل هنده‌ك ئالۆزیێن سیاسى كو وه‌خت دێ چاره‌سه‌ر كه‌ت، (عه‌بادى) دبێژیت ئه‌نجامێن ریفراندۆمێ ئاشكرانه بلا كوردستان مه و خوه (ئیحراج) نه‌كه‌ت، جوامێرى ئه‌نجامى دزانیت و قه‌نج ژى دزانیت ڤێ عێراقا هنده مه‌زن و خودان شارستانى و دیرۆكى و پاره‌كێ مه‌زن ره‌نگه (100) كه‌س ل كوردستانێ نه‌بن ب عێراقێ رازى بن به‌روڤارژى (سكوتله‌ندا) كو (بریتانیا) بهایێ هندێ هه‌وادارێن خوه هه‌بوون كو له‌نده‌نێ بهه‌لبژێرن، كوردستان به‌غد ا(ئیحراج) ناكه‌ت، به‌لكو دێ ژ (ئیحراجكرنێ) قورتال كه‌ت ئه‌ڤ هه‌رێما جهێ سه‌رگێژیێ بۆ به‌غدا دێ سه‌ربه‌خوه بیت و جیرانه‌كێ باش بیت بۆ به‌غدا هه‌كه رێفراندومێ سه‌ر گرت، بریارا بلندكرنا ئالاى ل كه‌ركووكێ ره‌نگڤه‌دانه‌كا شۆفینى ل په‌رله‌مانێ عێراقێ دیاركر، لێ جارێ ژ قه‌بارێ گۆتنا ده‌رناكه‌ڤیت، لێ كوردا ژ مێژه گۆتى ره‌شۆ ب ده‌ستێ خوه یان ئاڤێ تو برى، ئه‌گه‌ر كوردستان چاڤه‌ریێ هندێ بیت خه‌لكه‌ك بیت بۆ مه وه‌لاته‌كێ ئاڤاكه‌ت و مه بكه‌ته ده‌وله‌ت ئه‌ڤه خه‌ونه و نه‌بوویه، یان وه‌ك هندك دبێژن دڤیا ئه‌م وه‌لاته‌كێ وه‌ك سۆیسرا دیمۆكراتى و وه‌ك (ئیماراتا) زه‌نگین و وه‌ك سویدێ (عادل) دروستكه‌ین پاشى بین ده‌وله‌ت ئه‌ڤه ره‌ڤینه و ره‌نگه‌گێ جاشاتیا سه‌رده‌مى یه، ئه‌ڤ (یۆتوبیا)، (ئه‌فلاتۆنى) چو جاران دروست نابیت بۆ كه‌سێ ژى درست نه‌بوویه، خه‌لك یێن بووین ده‌وله‌ت (باله‌فره‌خانه)، نه‌هه‌ین و یێن بووین ده‌وله‌ت جار مامۆستا نه‌هه‌ین ده‌رسا بێژن. مۆزه‌نبیق بوو ده‌وله‌ت (ئێك دكتۆر ب تنێ ژى نه‌بوو) و ب سه‌دان نموونێن دى، بلندكرنا ئالا ل كه‌ركووكێ چه‌ند ره‌نگڤه‌دان هه‌بوو وا بزانم راگه‌هاندنا ده‌وله‌تێ ژى دێ هند ره‌نگه‌دان هه‌بیت، چو وه‌لاته‌ك هێرشا ناكه‌ته سه‌ر كوردستانێ ئه‌و سه‌رده‌مێ بۆرى. لێ هه‌كه پیلان هه‌بیت بۆ كوردستانێ نه‌خۆش كه‌ن مسۆگه‌ر كوردستانێ ژى شیانا هندێ هه‌یه ئه‌و ل پایته‌ختێن خوه ئارام نابن، ره‌شۆ ب ده‌ستێ خوه ڤێ جارێ ئاڤ مه‌یاڤه….
نووترين نووچه
- سەرۆك بارزانی و مەحموود مەشهەدانی دوپاتیێ ل چارەسەرییا ب لەز یا كێشەییا مووچەی دكەن
- سەرۆكێ هەرێمێ و سەرۆكێ جڤاتا نوونەرێن ئیراقێ هەڤبەندیێن هەولێر- بەغدا گەنگەشە دكەن
- سەرۆكێ حوكمەتا هەرێمێ سەرساخیێ ل هەرمان میرزا بەگ دكەت
- دڤێت ب زووترین دەم شایستەیێن دارایی یێن هەرێما كوردستانێ بهێنە هنارتن
- خوە ڤەدزین ژ بەرپرسیاریێ ل بەرانبەر زێدەگاڤیێن ئەمنی یێن دژی هەرێما كوردستانێ هەیە
- ڤیان دەخیل: هەرێما كوردستانێ دخوازیت كێشەیان ل گەل بەغدا ب شێوەیەكێ ئێكلاكەر چارەسەر بكەت
- نابیت مووچەیێ خەلكێ كوردستانێ تێكهەلی كێشەیا سیاسی بهێتە كرن
- پێدڤیە هەبوونا کوردان ب فەرمی ل تورکیا بهێتە قەبوول کرن
- سەرۆك بارزانی پێشوازی ل جڤاتا پشتەڤانییێ یا پارێزگەها هەلەبجە كر
- سەرۆك بارزانی سەرساخیێ ل محەمەد محسن ئامێدی و بنەمالا وی دكەت
كۆڤان حسێن
(نه‌جمه‌دین كه‌ریم) سوپااااااس……….
نه‌جمه‌ددین كه‌ریم ب خوه ژ شۆره‌شا ئیلۆنێ وه‌ره ژ بالێ كه‌سانێن نه‌ته‌وه‌ى ڤه دهێته ژمارتن و ئه‌و سالێن ل ئه‌مریكا ژى سه‌رۆكێ (ئه‌نستویتا نه‌ته‌وه‌یا كوردى) بوو ل واشنتنا پایته‌خت بوو, رازیبوونا پارتى ل ده‌ستپێكى ب به‌رێزى وه‌ك پارێزگارێ كه‌ركووكێ ل سه‌ر داخوازا ب رێز (مام جه‌لالى) بوو، ژ جهێ ئه‌و لێ كار دكه‌ت و به‌رپرسیاریا ئه‌وى هه‌ى هه‌رده‌م ل شه‌ره‌كێ نه‌ته‌وه‌ى دایه, ناسناما كه‌ركووكێ بۆ تاك تاكێ كورد گرنگه و ب رێز نه‌جمه‌دین كه‌ریم ڤێ راستیێ باش دزانیت، كه‌ركووك سه‌ده‌مێ هه‌ره‌سا شۆره‌شا ئیلۆنێ بوو, چو كورده‌كێ ل چو ئاسته‌كێ بیت وێره‌كیا هندێ نینه ته‌نازولێ ژ كوردینیا كه‌ركووكێ بكه‌ت, هه‌مى راستێن دیرۆكێ و جوگرافیایێ و ته‌بۆگرافیایێ وێ راستیێ دسه‌لمینن، كه‌ركووك كوردستانه, بریارا ڤێ دووماهیێ ل سه‌ر بلندكرنا ئالایێ كوردستانێ هاتى دان ل كه‌ركووكێ، ب راستى بریاره‌كا د جهێ خوه‌دا بوویه و ره‌نگه دره‌نگ ژى بیت, لێ بریاره‌كا كوردستانیا گرنگه و ژ من ڤه نیڤه‌كا مادێ (140) جێبه‌جێدكه‌ت, ئه‌ڤ بریاره جهێ دلخۆشیا هه‌مى گه‌لێ كورده و راسته یا ب مه‌ترسیه گه‌له‌ك ئالى دێ پێ قه‌تیس بن، لێ ئه‌ڤه راستیه‌كا دیرۆكى یه، درنگ یان زوو ڤێت ڤێ راستیێ باوه‌ر بكه‌ن. هه‌لكرنا ئالایێ ل كه‌ركووكێ رتستكرنا ره‌وشه‌كا سه‌قه‌تا چه‌ند سالیه جڤاتا پارێزگه‌هێ و جه‌نابێ پارێزگارى پشتى ڤێ بریارێ پێدڤى ب پاراستنه‌كا تایبه‌تن ژ نه‌حه‌زێن خوه. ئالایێ كوردستانێ هنده قوربانى ل ژێرهاتینه دان بۆ كه‌ركوكێ هێژاى هندێ یه ل به‌ر تێهنا بابه‌گۆڕگۆڕى بلند بهێته هلدان, راستى ئه‌ڤ بریاره بریاره‌كا دیۆركى یه و ته‌مامكرنا په‌یڤا سه‌رۆك بارزانى ده‌ما گه‌تى سنۆر ب خوینێ هاتیه كێشان و كوردستانى ئازادن چ ئالایه‌كێ ل ناڤ سنۆرێ خوه دا هلده‌ن, پارێزگارێ كه‌ركووكێ دێ ژ ده‌رگه‌هه‌ك مه‌زن ڤه چیته د دیرۆكێ دا هه‌كه هه‌تا سوباهى پارشگه‌ز نه‌بیت و جڤاتا پارێزگه‌هێ ڤێ بریارێ ده‌رباز بكه‌ت, كه‌ركووك دێ خولكێ دروستێ خوه ده‌تن، پشتى ب سالان ئینكارا كوردستانیه‌تا وێ هاتى كرن و ئه‌ویچن دگۆتن (ئه‌ندلس دێ بۆ عه‌ره‌بان زڤریت و كه‌ركووك بۆ كوردان نا زڤریت) دێ شه‌رمێ ژ مجدى و خۆراگریا كوردان كه‌ن، چاوا پشتى كیمایى ئه‌نفالا تالێ ئالایێ خوه ل كه‌ركووكێ هلدان، یا فه‌ره هه‌ر كورده‌ك ل ڤێ كوردستانێ بچیته كه‌ركووكێ ب ئالایێ كوردستانێ ڤه بینیت, بچیت وێ راستیێ باوه‌ربكه‌ت كه‌ركووك ل بن ئالایێ كوردستانێ دایه, نه‌جمه‌دین كه‌ریم سوپاااااااس به‌رێزم بۆ ڤێ بریارێ.
(ملیارێن) مه‌سعوود بارزانى
هه‌یامه كه هنده‌ك مالپه‌ر و میدیاێن بێ جه و سه‌رجاڤه، په‌یامه‌كێ ب ناڤه‌رۆكه‌كا پرى مه‌به‌ست به‌لاڤ دكه‌ن گوایه (مه‌سعود بارزانى) ئێكه ژ ملیاردێرین جیهانى و هه‌ر ئێك ب كه‌یف خوه ژماره‌كا دیاركرى ژ ملیارێن دۆرا بۆ بارزانى ته‌خمین دكه‌ن، راستى بارزانى ژى تاك و كه‌سه‌كێ ئاسایى یێ ڤێ جیهانێ یه و دبیت ئه‌وی ژى هێلیڤانه‌كا خوه یا تایبه‌ت هه‌بیت، لێ ب قاس و قه‌باره‌كێ به‌رئاقل، یا من دڤێت بێژم ئه‌ڤه جیهانا نوكه گه‌له‌گ پاره ب ڤى قه‌ربارێ بۆ بارزانى ته‌خمین دكه‌ن، نه‌ك ناهێن ڤه‌شارتن به‌لكو ل ڤێ جیهانێ سیسته‌مێ بانكى وه‌ك سیسته‌مێ (گه‌ش هه‌وایه) هه‌مى پێكڤه گریدایه و دكه‌ڤیته خانا باج وه‌رگرتنێ یان شووشتنا پارا یان هه‌ر پێڤه‌ره‌كێ دى، نزانم قه‌باره‌كێ ژ ڤى ره‌نگى دێ كیژ وه‌لات یان بانكا جیهانێ وێره‌ك كه‌ت ڤه‌شێریت؟! ئه‌ڤ ره‌نگه نووچه و په‌یامێن (گولبزى) دجنه خانا (ته‌شهیرێ) و شكاندن و له‌كه‌داركرنا كه‌سایه‌ك ب قه‌بارێ سه‌رۆك بارزانى، باروه‌رناكه‌م چ سیاسیه‌كێ خودان پرۆژه و فه‌لسه‌فه‌كا تایبه‌ت و به‌رنامه ناكه‌ڤیته وێ خه‌فكێ كو نه‌یارێن وى یێن سیاسى ژێ مفاداربن، ئه‌ڤ نووچه و په‌یاما بێ سه‌رجاڤه بێ ناڤونیشان و بێ باوه‌ر، بۆ هنده‌ك مه‌ره‌مێن سیاسى دهێنه بكارئینان، نه‌ك ده هه‌ق بارزانى ب تنێ دا به‌لكو ب هه‌مبه‌رى هه‌مى وان سیاسیێن ناڤێن وان ل گه‌ل بارزانى هاتین، نه به‌رئاقله عیراقێ گۆژمه‌كێ پاره‌ى ژ ڤى قه‌بارى پشتى نه‌مانا رژێمێ هه‌بیت خوه هه‌كه ئێك فلس مووچه ژى نه‌دابیت؟! هه‌مى نه‌یارێن سیاسێن بارزانى وێ راستیێ دزانن بارزانى وه‌ك كه‌س د خه‌ما ده‌وله‌مه‌ندى و پر پاره‌یێ دانینه هه‌ر چه‌نده نه‌عه‌یبه سیاسى ده‌وله‌مه‌ند ژى بیت، چیرۆكا خێزانه‌كا وه‌ك یا بارزان و ده‌وله‌مه‌ندیێ سه‌ربۆریێن میژوویى هه‌نه و پرۆژێ بارزانى ژ عه‌بدولسه‌لامى تا نوكه ده‌وله‌مه‌ندى پر پاره‌بوون نه‌بوویه هه‌كه رژێمێن داگیر ئاماده‌بوون پرى دونیایێ ئه‌وان ده‌وله‌مه‌ند و پر پاره بكه‌ن ب وى مه‌رجى ژ په‌یاما ئازادیخوازیا نه‌ته‌وه‌یا خوه پاشگه‌ز ببن، مخبانى ل كوردستانێ ئاره‌ستایه‌كا وه‌سا (فاشستى) سه‌رهلدایه كه‌ساتیه‌ك وه‌ك بارزانى ب ڤان ره‌نگه نووچه و پرۆپاگه‌ندنا ره‌ش له‌كه‌دار بكه‌ن كو وان بخوه ژى باروه‌رى ب ڤان ره‌نگه په‌یاما نینه، لێ ره‌وشا قه‌یرانا ئابوورى و كێمبوونا مووچه‌یان و نه‌ما پرۆژێن حوكمه‌تێ گه‌شه‌كێ وه‌سا خوه‌لقاندیه وه‌ختا نووچه‌یه‌كا ژ ڤى ره‌نگى به‌لاڤ دبیت بۆ مه‌ژیه‌ك وه‌ستیا و پرى قه‌یران ئاسان دبیت یان باوه‌ر بكه‌ت یان گومان ل ده‌ف په‌یدا بیت، د هه‌ردو ره‌وشا دا ئه‌ڤ ره‌نگه په‌یامه جهێ خوه دگریت، ئه‌و ئالێن ڤان ره‌نگه په‌یاما ساز دكه‌ن قه‌ت ناوه‌ستن و بێزار ژى نابن پتر ژ جاره‌كێ و د پتر ژ هه‌لكه‌فتنه‌كێ دا به‌لاڤ بكه‌ن، هه‌ر چو نه بیت بۆ په‌یداكرنا گومانێ، هه‌كه نه بارزانى ل ڤى وه‌لاتى دژیت ژیانه‌كا ئاسایى وه‌ك هه‌مى رۆژنامه‌ڤان و كه‌ساتێن سه‌ره‌دانا وى كرى دبێژن، مخابنى بۆ وان سایت و مالپه‌ره روژنامه‌ڤانێن ڤان ره‌نگه گوتگوتكا به‌ربه‌لاڤ دكه‌ن بۆ پر خوینه‌ركرنا مالپه‌رێن خوه یان په‌یداكرنا نانێ خوه ب ڤان ره‌نگه پوهتانان، بارزانى ل كیڤه و ملیار ل كیڤه.
سه‌رێ دو (به‌رانان) ل شنگالێ ناكه‌لیت!
ئه‌ڤا ل شنگالێ رووداى ژ من ڤه نه‌كاره‌كێ هه‌نوكه‌ى و ژ نیشكه‌كێ ڤه بوویه، (په‌كه‌كه) وه‌ك مرۆڤ ژ ئه‌ده‌بیاتێن وان دزانیت، ب تنێ ل سه‌ر ئاستێ هه‌مى كوردستانێ (پارتى) ب ركابه‌را خوه یا ستراتیژى دزانیت، (په‌كه‌كه) قه‌نج سه‌نگا پارتى ل شنگارێ دزانیت و قه‌نج سه‌نگا پارتى ل رۆژئاڤا و باكۆر ژى دزانیت، د كووراتیا خوه دا ب تنێ مه‌ترسى بۆ سه‌ر (په‌كه‌كێ) پارتى یه، ل باشۆرێ كوردستانێ پارتى هه‌س ب هه‌مى ركابه‌رێن خوه ئینایه ب ئالیه‌تێن سڤیل و دیمۆكراتى، یان ب شه‌رێ ناڤخوه‌ى، تاكه حزب ل كوردستانێ به‌رسنگێ پارتى بگریت و جارا پارتى نه‌جار كه‌ت پێداچوونا هنده‌ك هه‌لویستان بكه‌ت (په‌كه‌كه) یه بۆ هنده‌ك مه‌رامێن مژدار جار جاران به‌رهنگارى پارتى دبیت، كه‌فتنا شنگارێ بۆ نه‌یارێن پارتى دیاریه‌كا خوداى بوو، هه‌مى یا ژ خودێ دخواست پارتى ل ناڤه‌نده‌كا سه‌نگا جه‌ماوه‌ریا خوه دا راستى شكه‌ستنه‌ك (عه‌سكه‌رى) بیت. هه‌مى ئالێن سیاسى ل كوردستانێ ب ڤێ كه‌فتنێ نه‌ك به‌س كه‌یفخۆش بین، به‌لكو متایه‌كێ پرۆپاگنه‌دكرن و شكاندنا پارتى ب ده‌ست وانا كه‌فت و كاره‌ساتا شنگارێ بۆ متایێ مزایه‌دێ و شكاندنا پارتى، هه‌مى پارتێن باشۆر بوونه مینبه‌رێن شرینكرنا په‌كه‌كێ وه‌ك فریاد ره‌سێ كوردێن ئیزدى، ژ بهایێ هاریكاریا (په‌كه‌كێ) كێم ناكه‌م لێ مسۆگه‌ر بهایێ ڤێ هه‌مى دوهۆلقوتانا براده‌رێن باشۆر نینه، (په‌كه‌كێ) گه‌له‌ك ژ جه‌ماوه‌رێ خوه ل باكۆر ژ ده‌ست دایه و دڤێت ل باشۆر سه‌ركه‌فتنه‌ك كارتۆنى و نه‌ل جهێ خوه تۆمار بكه‌ت، پارتى ب هه‌ر ره‌نگێ هه‌ى دڤیا ڤێ ده‌رفه‌تێ بۆ هه‌لاو به‌لایا (په‌كه‌كێ) نه رۆخسینیت، ژ من ڤه براده‌ێن (په‌كه‌كێ) شه‌رێ مانا خوه دكه‌ن ل سه‌ر ئاستێ هه‌ر چار پارچێن كوردستانێ و ئاستێ باوه‌رى و سه‌نگا جه‌ماوه‌ریا خوه ل هه‌مى ئالیه‌كێ كێم كریه و ل هه‌ر چار پارچێن كوردستانێ خه‌لك پشتى كاروانه‌كێ قوربانیا و (40) سالێن خه‌باتێ داخوازا ئه‌نجاما ژ (په‌كه‌كێ) دكه‌ت، هه‌ر كه‌سێ د بازنێ ئایدولۆژیا (په‌كه‌كێ) دانه‌بیت خاینه و جاشه و خۆفرۆشه، بێ كو (په‌كه‌كه)به‌رسڤا هنده‌ك پرسیارا بده‌ت به‌رسڤا درووشمێن بریقه‌دارێن خوه بده‌ت، براده‌رێن په‌كه‌كێ نه گه‌هشتنه وێ باوریێ ئه‌وا (پارتى) ل سالا 1975 گه‌هشتیێ و باوه‌رى ب فره‌لایه‌نى و خه‌باتا به‌رى ئینایى، هه‌كه رۆژئاڤا نموونه بیت بۆ چاوانیا حوكمكرنێ ژ ئالیێ (په‌كه‌كێ) ڤه ئه‌وه به‌سه خه‌لێ نه ل گه‌ل وان یان زیندانیه یان ده‌رخستیه یان ئاواره‌یه یان بێ سه‌روشوونه، برایێن مه یێن (په‌كه‌كه) شه‌ڕێ هه‌بوونا ستراتیژیا خوه دكه‌ن، هیڤیدارین ئه‌ڤ شه‌ره نه‌بیته چه‌كدارى بمینیت ل خانا ململانا سیاسى، هه‌كه نه هه‌مى بۆچوون و ڤه‌خواندن ئه‌وێن دێ (په‌كه‌كه) ژ پارتى پتر خوساروت بیت… خودێ نه‌كه‌ت هه‌كه بو شه‌ڕ!!.
یێ بخوازیت رویه‌ك ره‌شه..؟! بۆ من.. (400) ملیۆن دیناران.!
ڤێ جارێ دوور ژ سیاسه‌تێ هه‌ر چه‌نده بابه‌تێن گه‌رم هه‌نه, لێ هنده‌ك جاران هنده‌ك بابه‌تێن دى دڤیا مرۆڤ پشتسگوه ڤه نه هاڤێژیت، ب دیتنا من ل هه‌مى ده‌ڤه‌را به‌هدینان ب تنێ شوونوارێ ماى و خودان بوهایه‌ك كه‌لتۆرى و شارستانى (پرا ده‌لاله) یان پرا مه‌زن, ئه‌ڤه كێمكرن نینه ژ قیمه‌تێ شوونوارێن دى ل پارێز گه‌ها دهۆكێ, هه‌مى شوونوارێن دهۆكێ گرنگن هه‌مى دپیرۆزن, لێ (پرا ده‌لال) بۆ زاخۆ پتر ژ شوونه‌واره‌كى یه, پتر ژ هندێ یه به‌رمایكێ ژیانا پێشى هزار سالانه, بۆ زاخۆ (ده‌لال) ناسنامه‌كا تایبه‌ته, سمبوله‌كا پیرۆزه، هه‌مى هۆزانڤان و سترانبێژ و لاڤژه‌بێژ و ده‌نگبێژان ستران پێ گۆتینه, ب كوردى و كوردى پرا ده‌لال چو ساله‌كا تایبه‌ت نینه كا كه‌نگى هاتیه ئاڤاكرن, بێگومان هۆستایا كوردى پێڤه دیار, چونكو داگیركه‌ر پرۆژێن ب ڤى قه‌بارى ستراتیژى ل وان وه‌لاتا ئاڤا ناكه‌ن ئه‌وێن داگیردكه‌ن، ئه‌ڤجا ل سه‌رده‌مێ كیژ ئمپراتوریێ ئاڤا بوویه ئه‌و نه گرنگه, پشتى سه‌رهلدانێ و ب تایبه‌ت ڤان سالێن دووماهیێ گه‌له‌ك داخوازى هاتنه‌كرن كو (پرا ده‌لال) بهێته نووژه‌نگكرن, لێ نه حه‌یه‌لا نووژه‌نگكرن، به‌لكو ل گۆر پێڤه‌ر و ستانداردێن جیهانى بیت, ژ بوهایێ وێ یێ شارستانى و كه‌لتۆرى كێم نه‌كه‌ت, ب شاره‌زاى و بسپۆرى كار تێدا بهێته‌كرن, ئه‌و بوو چه‌ند جاران پاره بۆ هاتن دابینكرن ل سه‌رده‌مێ به‌رى قه‌یرانێ، لێ دووماهیێ پرۆژه ب نیڤه‌رو مایه و نوكه پرا ده‌لال نیڤ نووژه‌نه و نیڤ مایه, دبێژن پاره نه‌ماینه، ب گۆر پێزانینێن من پێدڤى ب (400) ملیۆن دینارانه، قه‌باره‌كێ مه‌زن نینه بۆ پارێزگه‌هان نه‌ك بۆ حوكمه‌تێ، به‌لكو بۆ زه‌نگین و ده‌وله‌مه‌ند و هه‌ێن زاخو ب تایبه‌تى, بهایێ چه‌ند ترومبێله‌كێن وى یه, بهایێ ره‌نگه ئاڤاهیه‌كێ ب تنێ بیت, دبێژن یێ بخوازیت رویه‌كێ ره‌شه, بلا ئه‌ڤ رویره‌شیه بۆ من بیت, هڤیدارم ب هه‌ر ره‌نگێ هه‌ى ئه‌م بشێن (400)ملیۆن دیناران په‌یدا بكه‌ین, ب بێشكرنێ بیت، هه‌مى سازى و كۆمپانى و باش تجار و بازرگانێن زاخۆ دشێن د ده‌مه‌ك كێم دا ڤى پاره‌ى په‌یدا بكه‌ن و ئه‌م ڤێ پرێ ژ مه‌ترسیا كاڤلبوونێ قورتال بكه‌ین, زاخۆ ب تایبه‌ت د مه‌ردن و ده‌ست ڤه‌كرینه، ب تنێ ئالیه‌ته‌ك بهێته دیتن ئه‌م ب ڤێ هه‌وا بێشكرنێ رابێن، پرا ده‌لال هندێ دئینیت د ڤێ قه‌ریانێ دا ئه‌م بێشه‌كا گشتى بۆ بكه‌ین, پاره‌كێ كیمه “ب تنێ ده‌ستپێشخه‌ریه‌ك بۆ دڤێت هڤیدارم ژ ئالیێن ره‌وشه‌نبیرى و كه‌لتۆرى و حزبى و جه‌ماوه‌رى ملێ خوه بده‌نه به‌ر ڤى كارى پشتى رازیبوونا قایمقامى, ئێدى ئه‌ڤه مه خواست و ئه‌نجام بلا بۆ رۆژێن داهاتى بیت.
بارزانى (به‌لایه) یان (چاره‌یه)؟
جاره‌كا دى ژى دێ وێ چه‌ندێ بێژین نوكه ل به‌دا كه‌لتۆر و هاندانه‌كا بێ سنۆر ب دژى بارزانى دهێته مه‌شاندن و هه‌مه ئۆرگانێن (حزب الدعوه) نوكه بۆ سیاركرنا جه‌ماوه‌رى هه‌لشكافتنا هنده‌ك ئاماران هنده‌ك گۆتن و هه‌لویستێ ل دۆر بارزانى, وه‌ك پیلان و مه‌ترسى بۆ سه‌ر عیراقى و پاشه‌رۆژا عیراقێ، تو بێژى بارزانى (پادشاهێ متلقێ عێراقێ بیت و هه‌مى جۆمكه‌كا ڤى وه‌لاتى ل ده‌ستێ بارزانى بیت, بارزانى بۆ حزب (الدعوه) بوویه (شه‌ماعه) و هه‌مى شكه‌ستن و تاوانێن خوه ب بارزانى سپى دكه‌ن, ئه‌ڤ ره‌نگه كه‌لتۆره و ئه‌ڤ هاندانا بێ سنۆر ئه‌ڤ ره‌وشه‌نبیریا ره‌گه‌ز په‌رستى, ژ ڤالاهیێ ناهێت به‌لكو ئه‌ڤه ئاره‌سته‌كا سیاسیا ڤێ حزبێ یه ل به‌رامبه‌ر هه‌ر میتۆده‌كێ ره‌سه‌نێ خودان هه‌لویست, بارزانى زه‌لال ده‌ربرینێ ژ ژیوارێ ژیانا وه‌لاتێن خوه دكه‌ت شه‌رق و غه‌ربێن جیهانێ ژى بۆ ئێك ئارستا كار دكه‌ت، ئه‌و ژى قورتالكرنا نه‌ته‌وه‌یه‌كێ یه ژ سته‌مه‌كا دیرۆكى, بارزانى چو ده‌سته‌لاته‌كا فیدرالى ل عێراقێ نینه, بارزانى ژ ده‌ستدانا ئاخا عێراقێ نه‌به‌رپرسه بۆ كویتێ و حوكمه‌تا عێراقێ بخوه و ته‌خا سیاسیا حوكمدار ل به‌غدا به‌رپرسه ژ هه‌ر كاره‌كێ ژ ڤى ته‌رزى, نیشادانا بارزانى وه‌ك مه‌ترسى ته‌مامكه‌را هه‌مان قاونا سه‌رده‌مێ (مه‌له‌كی یه) وه‌ختا شۆره‌شا بارزان ئازرى, بارزانى تانوكه هه‌مان هه‌لویست و په‌یام دووماندیه بۆ قورتالبوونه‌كا سیاسى. ته‌یارێن بارزانى و دۆستێن بارزانى وێ راستیێ ناڤه‌شێرن كو بارزانى ئاشكرا كارێ سیاسه‌تێ دكه‌ت ل گه‌ل په‌یره‌وكرنا ئه‌و په‌رێ ره‌وشتێ سیاسى د مه‌یدانا خه‌بانا خوه دا, میدیا حزب الدعوه و نوورى المالكى نوكه وه‌سا شه‌قامێ خوه سوواركریه كو بارزانى ژ هه‌مى نه‌هامه‌تێن عیراقى به‌رپرسه بارزانى هه‌ڤالێ (داعشێ) یه، بارزانى شه‌ریكێ كۆیتێ یه، بارزانى زه‌لامێ ئه‌مریكایه، بارزانى پیلانگێرێ ژ ناڤبرنا عێراقێ یه، بارزانى بهایێ په‌ترۆلێ كێمكریه، بارزانى (سه‌دا مووسلێ) خرابكریه و…هتد. هه‌ر هنده‌ك تۆمه‌ت بۆ بارزانى خولقاندینه ئه‌قلێ مرۆڤان باوه‌ر ناكه‌ت, تشێ سه‌رنجراكێش هنده‌ك په‌رلمانتار و ب ناڤ رۆژنامه‌ڤان ژى تێكهه‌لێ ڤێ هه‌وا نه شرینكرن و ب تاوانكرنا بارزانى نه ل به‌دا و وه‌ك كۆراله‌كێ دووڤ جۆقا مالكى ب هه‌مى شیانا خوه ئاریكارن بارزانى ب ڤى ته‌رزى نیشا بده‌ن, ئه‌وا راست بیت ئه‌و پتر خزمه‌تا بارزانى دكه‌ن و بارزانى به‌لا نینه بۆ عیراقێ عیراق بخوه به‌لایا خوه یه و بارزانى هه‌كه ل گۆر لۆژیكێ مالكى به‌لا بیت ئه‌ڤه بۆ كوردستانێ چاره‌یه د ڤێ قووناغێ دا پاشى, پیڤه‌ره‌كێ كه‌ڤنارێ كوردى هه‌یه, به‌غدا ل دژى كێ ئه‌و كوردپه‌روه‌ره؟…
كوردێن (ئه‌ورۆپى) و مووچێن (كوردى)؟!
ژ ئه‌نجامێ بكارئینانا ئامێرێن ته‌كنولۆژى و ژ پێخه‌مه‌ت ڤاڤارتنا وان كه‌سێن مووچه‌یان ژ حوكمه‌تێ ئێكسه‌ر وه‌ردگرن، ب گۆره‌ى به‌رنامه‌كێ بێنه رێخستن و دیاردا مووچه‌خورێن (بن دیوار) نه‌مینیت و هێدى پیجه‌كا عه‌داله‌تێ جهێ خوه بگریت و سنۆره‌ك ب ته‌خشان و په‌خشانكرنا سامانێ گشتى بهێته دانین، حوكمه‌ت پشتى نه‌چاربووى پێداچوونێ ب قه‌بارێ خوه مووچێن خوه یێن هه‌یڤانه بكه‌ت ژ مووچه و مه‌زاختنێن جودا، ئه‌و بریارا سه‌رژمێریا (بایۆ مه‌ترى) بۆ مووچه‌خورێن خوه راگه‌هاند، د ناڤ جڤاكى دا ئه‌م رۆژانه گوه ل جیڤانۆكێن سه‌یر دبین كو هنده‌كان چار مووچه هه‌نه و هنده‌كا پێنچ مووچه هه‌نه، ئه‌وا راست بیت ئه‌ڤ توخمه‌كه‌سه دبیت كێمه‌ك بن ژ جڤاكى وه‌ك دى مووچه‌خۆرێن كوردستانێ گه‌رده‌ن پاك و پاقژن، سه‌ریى د هندێ دا نینه ل وه‌لاتێ مه مووچه‌خورێن (بندیوار) هه‌بن، چونكو ئه‌م دزانین ئه‌ڤ وه‌لاته د ژچ قووناغ دا بووریه و چه‌ند گه‌نده‌لى و سه‌رپێچى هاتیه كرن، لێ سه‌یرى د هندێ دایه مه (مووچه‌خۆرێن ئه‌ورۆپى)هه‌بن، بخوه هه‌لگرێن ناسنامه پاسپۆرێن ئه‌ورۆپى نه و ژ بنه‌كۆكا خوه خه‌لكێ كوردستانێ نه، لێ پرانیا وان واز ژ كوردستانێ ئینایه و هیچ گرێدانه‌ك ب كوردستانێ ڤه نه‌مایه رۆژه‌كێ ژى پشتى ب هه‌ر چیڤانۆكه‌كا هه‌ى (ناسناما) وه‌لاته‌كێ ئه‌ورۆپى وه‌رگرتى، ل گه‌ل خه‌لكێ كوردستانێ تاما (مه‌حرومیه‌تێ) نه‌كریه كا مووچه‌خۆرێن كوردستانێ و ل گه‌ل كه‌سوكارێن خوه چه‌ند بێ دادى بێ كاره‌بى بێ ئاڤى بێ گازى بێ مووچه‌ى بێ ئه‌مانه‌تى و شه‌رێ داعشێ و ترسا ژ وان و ..هتد، تام نه‌كرینه، نوكه ب هزاران كورد ژ ئه‌ورۆپا دهێن كوردستانێ وه‌ك دیار مووچه‌خۆرێن كوردستانێ نه، چ گه‌نده‌لى و كاره‌ساته‌كا مه‌زنه، كێ ئه‌ڤه كریه؟َ ل كیڤه ل دونیایێ هه‌یه ب هزاران مووچه‌خۆر هه‌بن بێ به‌رهه‌م و ناسناما وه‌لاته‌كێ دى هه‌بیت، ئه‌ڤ هه‌مى مووچه‌خۆره ژ كیڤه دهێن پله و وه‌زیفه‌یا وان چیه، بلا ل سه‌ر به‌ركى بیت ب كوردى وه‌رن وه‌ك كورد بژین وه‌ك كوردان مووچان ژى وه‌ربگرن، نه وه‌ك ئه‌ورۆپى بژین و شه‌ریكێن نیڤ مووچێ كوردستانێ بن،ره‌ڤه‌ندا كوردى ل ئه‌ورۆپا و ئه‌مریكا چ به‌رنامه هه‌بوویه بۆ هاریكاریا كوردستانێ كو قه‌یرانێ ل سه‌ر كوردستانێ سڤك بكه‌تنََ؟! مافێ كوردێن چاراوگه‌یه حوكمه‌ت چاڤدێریان یا كه‌لتۆرى و زمانه‌ڤانیا وان بكه‌ت، هه‌مى رێیه‌كێ بۆ خۆش كه‌ت، بێت وه‌لاتێ خوه ب شیان شاره‌زاێن وان وه‌رگرتین، خه‌لكى وزاره‌ته‌كا تایبه‌ت ب ره‌ڤه‌ندێن خوه ڤه هه‌یه و سالانه ب ملیاران دۆلاران ره‌وانه‌ى وه‌لاتێن خوه دكه‌ن. نه‌ك وه‌لاتێ وان مووچان بده‌ته وان، كوردستان وه‌لاتێ مه هه‌میانه، لێ ب خۆشى و نه‌خۆشى، ئاوارێن كوردان ل ئه‌ورۆپا و ئه‌مریكا پێدڤى ب حوكمه‌تا كوردستانێ نه ل وان خودان ده‌ركه‌ڤیت نه‌كو نیڤ مووچێ هه‌یى ژى بده‌ته وان، ڤێ گه‌نده‌لیێ ب دووماهی بینن، كوردێن ئه‌ورۆپا پێدڤى ب پارێن كوردستانێ نینن، رێز بۆ هه‌مى كوردێن ل ده‌رڤه، ژ حه‌سوودیێ ب ره‌وشا هه‌وه‌یا باش نابین به‌س هینێ ل وان وه‌لاتان دژین هه‌مى عه‌داله‌ت و قانوونه، هین ب چ حه‌ق موچێ كوردستانێ وه‌ر دگرن بێ به‌رامبه‌ر؟!….
(مه‌سرور بارزانى) و (كوته‌ك عێراقى)
هه‌كه برێز مه‌سرۆر بارزانى وه‌ك به‌رده‌وامیا مالباته‌كا مینا بارزانیان نموونه وه‌ربگرین، ئه‌ڤه نفشێ چار پشتى عه‌بدولسه‌لام بارزانى د ركابه‌ریا داگیركه‌رێن كوردستانێ دا، ئه‌ڤ پرسیارا مه‌زن دخولقینیت ئه‌م پێدڤى ب چه‌ند نفش و به‌ره‌بابێن دینه هه‌تا رۆژه‌كێ شانازیێ ب كیانێ خوه وه‌ك نه‌ته‌وه‌یه‌ك بكه‌ین، داخۆیانیا (مه‌سرۆر بارزانى) ئه‌وا گۆتى ئه‌م ب كوته‌ك كرینه عێراقى, گه‌له‌ك رامانا دهه‌لگریت كا چاوا ئه‌م بووینه قوربانێن دیرۆكێ و جیۆسیاسه‌تا وه‌لاتێن سه‌ركه‌فتى و سكه‌ستێن جه‌نكێ جیهانى و نه‌مانا ئوسمانیان, ل ڤیرێ بارزانى قه‌نج شاره‌زایێ دیرۆكێ بوویه و دبیت هه‌ر بۆ بیرئینابیت كو ده‌ما هێلا (برۆكسلێ) كێشایى ب كوته‌كى و خورتى ئه‌م كرینه هاوه‌لاتیێن عێراقێ، به‌لێ ب پله (چار) ژ هینگێ و هه‌تا نوكه هه‌مى پادشاه و سه‌رۆك كۆمارێن عێراقێ ئێكه‌م كارێ وان ره‌ڤین بۆ ژ هه‌ر ئلتیزامه‌كێ ل به‌رامبه‌رى كوردان. به‌لكو كاركرن بیت بۆ چه‌وساندنێ ب شێوه و ئالاڤێن ل به‌رده‌ست هه‌تا چه‌كێ كیمائى و برینا بودجه و مووچه‌ى) ژى د هه‌مان خانێ دایه, مه‌سرۆر بارزانى ده‌ربرینه‌كا زه‌لال ژ تێگه‌هشتنا به‌ره‌بابه‌كێ ل كوردستانێ دكه‌ت كو پشتى سه‌رهلدانێ سه‌ر هلدایه و ب چو ره‌نگه‌كێ شانازیێ ب ناسناما عێراقێ ناكه‌ت. چیرۆكا بوونا كوردان ب عێراقى شه‌همزاریه‌كا ره‌شه ب ناڤچاڤێن دیرۆكێ ڤه و سه‌ربۆره‌كا شكه‌ستیه ل جهه‌كێ دى سه‌ر نه‌گریتیه و وه‌ختێ ژى نه‌شیایه بكه‌ته كه‌دوار و جهێ رازیبوونێ, گۆتنا مه‌سرۆر بارزانى دبیت به‌راهیه‌ك بیت بۆ ئه‌و هه‌لویستێ پارتى دیاركرى كو پشكداریا هه‌لبژارتنێن عێراقێ ناكه‌ت, ئه‌ڤه جارا ئێكى یه پارتى بریاره‌كا ژڤى ته‌رزى بده‌ت, چونكو پارتى راسته‌وخوه نه‌راسته و خوه پشكدارى هه‌مى هه‌لبژارتنێ عێراقێ بوویه ژ سه‌رده‌مێ (مه‌لكى) هه‌تا نوكه, ڤێ جارێ پارتى ب قورساتیا خوه ڤه وه‌ك حزبه‌كا خودان كاریگه‌رى ل كوردستانێ و عێراقێ دێ گومانێ ل سه‌ر شه‌رعیه‌تا نوونه‌رایه‌تا كوردى ل به‌غدا دیار كه‌ت و نامه‌كا زه‌لالى كو پارتى وه‌ك حزبا ئێكى ل كوردستانێ باروه‌رى ب چو ره‌نگه‌كێ مان و به‌رده‌وامیێ ب عێراقێ نه‌مایه, هه‌لگرتنا په‌یاما سه‌رخوه‌بوونێ بێ باج نابیت و ره‌نگه بێ ئالوزى ژى نه‌بیت, لێ گۆتنا كاك مه‌سرۆر بارزانى و داخۆیانیا پارتى دێ وه‌كه‌ت ل هه‌مى عێراقێ هه‌مى ئالى چه‌پ و راست پێداچوونێ ب هه‌لویست و نێرینا خوه بكه‌ن ده‌رباره‌ى كوردستانێ و ئاینده‌یێ وێ پارتى حزبه‌كا بچووك و نوخبه‌وى نینه هه‌لویستێ وێ سه‌نگا خوه نه‌بیت, به‌لكو ل گه‌ل داخۆیانیا مه‌سرۆر بارزانى به‌رجاڤ رۆنكرنه‌ك بۆ ئالێن عیراقێ دیاركر, پارتى خودانا ده‌نگێ بلند و قورساتیا جه‌ماوه‌رى و سیاسى ل كوردستانێ چاوا بیر دكه‌ت و (رد الفعل) ژى دێ چاڤه‌رێ بین ل ناڤخوه و ده‌رڤه‌ى كوردستانێ..
پرۆژێ شیعه‌یان خاپاندنه‌ك دى؟!
وه‌ك دیار هه‌ڤالبه‌ندا شیعه‌یان پرۆژه‌ك نشتیمانى بۆ ئاشتبوونا گشتى د ناڤبه‌را هه‌مى ئالێن عێراقێ دا هه‌یه. سه‌ر و بنێن ڤى پرۆژه‌ى كۆمه‌كا گۆتن و ئاخفتن و (دارشتنه ـ انشا‌و) ن و چو ئالیه‌ته‌ك زه‌لال و چو زه‌مانه‌ته‌كا به‌رجه‌سته‌كرى تێدا نینه, بۆ كوردستانێ چو تایبه‌تمه‌ندیه دیار نه‌كریه و ئاسانترین پرس پرسا هنارتنا بودجێ یه كو ب بریاره‌كێ كوردستان سزا دایه و ئێخستیه بن ئابلۆقا ئابوورى چو چاره‌سه‌ریه‌ك بۆ دیارنه‌كریه. پرۆژێ ئاشتبوونا نشتمانى و پێكڤه‌ژیانێ د ڤى وه‌لاتێ ناڤى و عێرا قد ا چو سه‌ركه‌فتنه‌كێ نائینیت, هه‌ڤشریكێن مه دڤیا بگه‌هنه وێ باوه‌ریێ كوردستان پێدڤى ب هندێ یه ئالیه‌ته‌كا دى ل گه‌ل عێراقا عه‌ره‌بى رێكبێخیت, هه‌مى بنه‌مایه‌كێ فیدارالى و حكم زاتى و هه‌ر كه‌لیشه‌كێ ژ ڤى ره‌نگى هاتیه تاقیكرن و سه‌رنه‌گرتیه, باوه‌ر ناكه‌م كه‌سێ ل كوردستانێ ئه‌و شیان و وێره‌كیه هه‌بیت جاره‌كا دى كوردستانێ بۆ (بیت التاعه) بۆ به‌دا بزڤرینیت, گه‌لێ كوردستانێ ل بن چو هه‌لومه‌رجه‌كێ, ده‌ست به‌ردارى ده‌ستكه‌فتێن خوه نابیت, چو هێزه‌ك ل عیراقێ نینه بشێت باوه‌ریێ بۆ گه‌لێ كورد په‌یدا كه‌ت، پشتى سه‌ربۆرا ده‌سته‌لاتا شیعه‌یان و سنه‌یان ب هه‌مان لۆژیكى سه‌ره‌ده‌رى ل گه‌ل كوردستانێ كرى, كه‌سێ ل كوردستانێ ژى شیانا هندێ نینه گه‌لێ كوردستانێ رازى بكه‌ت جاره‌كا دى بن ده‌ست بژین؟! سه‌ره‌راى هه‌مى له‌نگى و گه‌نده‌لیى و بێ عه‌داله‌تیا ده‌سته‌لاتا كوردى لێ گه‌لێ كوردستانێ پێ باشتره ژ زڤرین بۆ حكمێ بنده‌ستیا راسته‌وخوه‌یا به‌غدا, هه‌ر چو نه‌بیت ل ڤى وه‌لاتى ئه‌م ئازاد ره‌خنێ دكه‌ین و ئازاد د ئازرین و ئازاد دره‌فترین و ئازاد كاردكه‌ین و ب كوردى ره‌خنێ دكه‌ین, تازه شیعه ب هندێ حه‌سیانه كو كورد شه‌ریكێن وانن؟! به‌رسڤا برینا نان و قوت و چه‌كى ل كوردستانێ جى رامانه‌كێ ده‌تن؟! كوردستانێ چه‌ند ساله‌كێن پرى دژوارى ژ ئه‌نجامێ سیاسیه‌تا شیعه‌یان بۆراندن, هه‌ڤالبه‌ندیا كوردى شیعى ژ ئالیێ شیعه‌یان ڤه ب (زواج متعه) هاته پێناسه‌كرن. براێن مه یێن شیعه بوون هه‌مى دژایه‌تیه‌كا وه‌رارا كوردستانێ كرین و ئاڤ ژ ئاشێ پێشكه‌فتنا كوردستانێ برین. پرۆژێ شیعه‌یان تشته‌ك نینه ب تنێ خاپاندنه‌كا دى یا كوردان و سنه‌یانه و پیلانه‌كا دى یه بۆ ژناڤبرنا هه‌ر پرۆژه‌كێ ئه‌لترناتیفێ كوردى بو پاشه‌رۆژا كوردستانێ؟ یێ ب هوورى پرۆژێ شیعه‌یان بخوینیت دێ قه‌نج زانیت مه‌ره‌م ژێ سنۆرداركرنا هه‌رێما كوردستانێ یه و دوباره چه‌وساندنا سنه‌یانه, كوردستان پێدڤى ب راپرسیه‌كێ یه هه‌تا ڤى پرۆژه‌ى قه‌بوول كه‌ت یان نه..!!
جاكسازى د(پارتى) دا..؟!
جونكه پارتى حزبه‌كا مه‌زن و خودان باندوره ل ئاستى ڤێ ده‌ڤه‌را تازه و سه‌ر ژنى دهێته ئاڤا كرن له‌ورا بریارێن نافخویا پارتى هه‌ر بتنێ بو ئه‌ندام و كاراكته‌رێن وێ گرن كنینه به‌لكو بو پرانیا خه‌لكێ كوردستانێ گرنگه,پارتى كو خو وه‌ك جزبه‌كا جه‌ماوه‌رى دیموكرانى دیار دكه‌ت بخوه دجیته خانا پارتێن پارێزگار و بازنه گرتى دا,ب وێ رامانێ (سه‌نترالیزمه‌ك)دبریار و جالاكێن وێ دا هه‌یه,ڤان روژا باسێ رێفورم و جاكسازیێ دئاڤا هیێ پارتى دا مشه دهێته گوتن ,بو پارتیان دڤێ قوناێ دا گوهارتنا مروڤا ژ پوسته‌كێ بو یێ دى ره‌نگه گه‌له‌ك گرنك نه‌بیت,ب قه‌مه‌ت هندێ گوهارتن بكه‌ڤیته شێوه‌یێ بیركرن و دیار كرنا كاراكته‌ریچن پارتى و ده‌ربازبونێ ژ قوناا بیركرنا شوره‌شكێرى بو پارتیه‌كا سیسته‌ماتیكرى و زه‌لال و خودان ئورگانیچن خوه,پارتى پێتڤى ب پێداجونا سیسته‌مێ ئاڤاهیێ خویه ئه‌وێ بو سه‌رده‌مێ(به‌لشه‌فیكا)دزڤریت بكه‌تن,پارتى دڤیا دڤێ قوناغێ دار ێزێن خوه ژ كه‌سانێن (گه‌نده‌ل) و خودان بیره‌كا به‌رته‌نگ و ناوجه‌گه‌رى پاقژ بكه‌ت,جه‌ماوه‌رێ پارتى ب راستى تاقه‌تا هندێ نه‌مایه زێده‌تر به‌ره‌ڤانى و په‌رده‌پوشیێ بو هنده‌ك كه‌سێن كیم بكه‌تن ئه‌ویچن سه‌نه‌كه‌فتى گه‌نده‌ل د كارێ خودا و سه‌ر ئه‌نجام پارتى ل هه‌لبژارتنا دا باجا خه‌له‌تى و جه‌وتێن وان بده‌تن,پارتى نه‌جاره پسیارا هنده‌ك بهایچن خوه بكه‌تن كو پێ ناڤداره .وه‌ك (قیادا جه‌ماعى و ره‌خنه و ره‌خنه لخو گرتنێ و هه‌لسه‌نگاندنا كادرێ خوه,پێداجونێ ب ئه‌دائا نینه‌رێن خوه لحكومه‌تێ…هتد)ژڤان بابه‌تێن هه‌ستیار بو حزبه‌كا خودان جه‌ماوه‌ر و به‌رنامه بو پاشه‌ر روژێ,پارتى نوكه ئاشكرا سه‌ركێشیا به‌روكێ بالێ سه‌رخوبونخوازا دگێریت .نابیت ب شه‌پرزه‌یى ڤه ڤى كاروانى باژوت,پارتى جه‌ند شانازى هه‌نه دهه‌مى وار و مه‌یدانه‌كێ د اژى هنده‌ك كێماسى و له‌نگى ژى دێ هه‌بن ئه‌گه‌ر ل گور به‌نامه‌كێ پێداجونا خوه ب ره‌نگه‌گ (ده‌ورى) مه‌یدانا خه‌باتا نه‌ته‌وایه‌تى هه‌مى ئالیان بو پارتى جول كریه,هیج هیزه‌ك نوكه بهاى ناده‌ته پرسا نه‌ته‌وایه‌تى ژبلى پارتى و ئه‌ڤه ژملێ پارتى دخوت,لێ پارتى بو گه‌هشتنێ بڤێ ئارمانێ پێتڤى ب ستراتیژیه‌كا مكم هه‌یه لناف وه‌ك حزب و ل ئاستێ به‌شداریا خوه دا ل ده‌سته‌لاتێ دا,سه‌نگا پارتى ل ده‌سته‌لاتێ داه ندێ ژ پارتى دخازیت ب راستى رو ب رو گه‌نده‌لى و نه‌عه‌داله‌تیێ بیت‌پارتى خوه‌ب حزبا فه‌قیر و به‌لنگازا ناسدكه‌ت,فه‌ره سنوره‌كێ بو (به‌رپرس و تجارا) بدانیت و ڤان كه‌س و كه‌رتا ژێك ڤاڤێر كه‌ت,ژمن ڤه پارتى كێم ژ ئه‌وا ئه‌و هه‌ژى ده‌نك ئینا ل هه‌لبژارتنا لێ مخابنى ئورگانێن پارتى ل ئاستێ قوربانیا پارتى دا ل هه‌مى واران دا بهایێ پارتى به‌رجه‌سته نه‌كر,پارتى به‌رب جاكسازیێ یه ه كوردستانى به‌ر ب هه‌لبژارتنا یه و ئه‌نجامێ جاكسازیێ دێ ل قه‌ربارێ ده‌نگێن پارتى ل هه‌لبرژارتنا دا دیاربن……
نيشاندان
WP Facebook Auto Publish Powered By : XYZScripts.com