گاز به‌رامبه‌ر خارنێ.پروژه‌كێ نێف ده‌وله‌تى بو ,بو قروتال كرنا گه‌لێ عێراقێ ژ كولب و برسێ.ل ناڤه‌راستا سالێن 1990ێ دا,وه‌ك دیار هێشتا ڤى پروژه‌ى هه‌وادارێن سیاسێن خو هه‌نه‌,وه‌دیار نوكه‌ ب كار ئینانا (نانى)كو ژێده‌ره‌ێ ژیان و وه‌رارێ یه‌, وه‌ك جه‌ك بكار بینن,ئه‌وێ هیرك گوهداریا میدیا عێراقێ بكه‌تن ب تایبه‌ت یا براێن مه‌ێن شیعه‌ دێ قه‌نج بو دیار بیت بجى ره‌نگه‌ لوژیكى بیر دكه‌ن,وه‌ك ئه‌و شه‌قامێ خوه‌ فێرو سوار دكه‌ نكو پرسا كوردستانێ بتنێ نان و هاوه‌لاتى بونه‌.ئانكو كوردا هیج كیِشه‌كا سیاسى ل عێراقێ نینه‌,بتنێ ئه‌م وه‌ك خه‌لكێ كوردستانێ ل گور ڤه‌خاندنا وان (برسى نه‌).؟!مخابنى ره‌نگه‌ هنده‌ك توخمه‌كه‌س ل ناف كوردستانێ ژى هه‌بن برسا مه‌ هه‌وجه‌یا مه‌ ب (بودجێ و موجه‌ى) وه‌سا دیار دكه‌ن ئه‌و هه‌بن ئه‌ڤا دى نه‌گرنگه‌؟!ئه‌ڤادى ئه‌ ئه‌ڤادیه‌,ئه‌وا مله‌ته‌كێ تیرو تژى و بگره‌ ده‌وله‌مه‌ند ژى هه‌مى هه‌ى و نه‌هه‌یا خوه‌ ب گیانى و سامانى قوربانى كرى,دڤیا ئه‌م ڤه‌رێژین قه‌یرانا ئابورى كێم نه‌كه‌ین,قه‌نج دڤیا دئازاریچن ده‌ست كورت و هه‌ژارا بگه‌هێن,قه‌نج دڤیا ل سه‌ر پروژێن نه‌هێلانا گه‌نده‌لیێ رژد بین,هه‌مى گڤاشتنه‌كا سڤیل و شارستانى ل سه‌ر حكومه‌تێ بكه‌ین بو سڤكرنا ڤێ قه‌یرانا پتر هه‌ژار نه‌دار كرین,لێ قه‌ت ئه‌ڤه‌ هندێ ناگه‌هینیت كێشا مه‌ دگه‌ل به‌غدا یان ئه‌نقره‌ یان ته‌هرانێ پرسا (برسێ و نانى یه‌)مخانى بو هنده‌ك ئالیا ل كوردستانێ وه‌سا ب به‌ر گوهیچن هه‌شریكێن مه‌ین عه‌رب ئێخستیه‌,كو برسا كوردستانێ نوكه‌ نانه‌ و موجه‌یه‌؟!یێ بیجه‌ك جاڤدیریا میدیا عێراقێ ژى بكه‌تن دێ بو دیار بیت كا هنده‌كا جه‌وا وێنه‌یێ كوردستانێ بو به‌دا ڤه‌ گوهاستیه‌,ره‌نگه‌ بهێزترین ده‌زگه‌هیچن مخابراتى ئه‌و خزمه‌ته‌ بو به‌غدا نه‌كربیت یا هنده‌ك په‌رلمانتار و میدیا كارا بو به‌غدا كرى؟!سه‌ر ئه‌نجام هه‌جه‌یا مه‌ ب موجه‌ى و بودجێ بویه‌ پرسا سه‌ره‌كیا مه‌ ل گور دیتنا به‌غدا؟!مزایه‌دێ ل سه‌ر كوردپه‌روه‌ریا كه‌سێ ناكه‌م,لێ پرسا مه‌ ب راستى پرسا نانى و بودجێ نینه‌.ئه‌مێ جبێژین ئه‌نفالبویا,هین ژ برسادا ئه‌نفال بون؟!دێ جبێژین شه‌هدێن خوه‌,هین بو نانى شه‌هید بون؟!دێ جبێژین ئه‌وێن جوین به‌ر قنارا و سێداره‌ داین..وه‌ك ئه‌ز تێگه‌هشتیم و من دڤێت بێژم.به‌غدا جاره‌كا دى ئێك دولارى ره‌وانه‌ى كوردستانێ ناكه‌ت.به‌غدا وه‌سا بیر دكه‌ت دڤیا كوردستان وه‌ك هه‌ر پاریچز گه‌هه‌كا دى نورمال بیت نه‌ په‌رلمان و نه‌ حكومه‌ و نه‌ پێشمه‌رگه‌ و نه‌ هیج سازیه‌ك نه‌ته‌وه‌ى هه‌بیت هه‌تا( مه‌صره‌فێ) ل كوردستانێ بكه‌تن,حكومه‌تا كوردستانێ ته‌مه‌ت مسقاله‌كێ ژى تنازلێ بكه‌تن دێ داخازیچن مه‌زنتر ل گور لوژیكێ نوكه‌ ل به‌غدا ب دیف را هێن,وه‌ك دیار به‌دا دڤیت ئه‌م حاشاتیێ ژ كوردستانێ بكه‌ین و ژ سازێن خو بكه‌ین و ژ ئاسایش و پێمه‌رگێ خو بكه‌ین.تائه‌و موجه‌ و بودجا پارێزگه‌هێن مه‌بده‌ت.ئه‌ز هوسا دبیرا وان گه‌هشتى مه‌ پشتى من جه‌ندین كه‌سێن وان دیتین و میدیا كارێن وان دیتین,ب كورتى و كوردى دڤێت ببین ڤه‌ جاش بو معاش…..و السلام

د ڤان رۆژا دا پتر ژ مێهڤانه‌كێ هاتینه‌ كوردستانێ وه‌ك سه‌رۆكێن وه‌لاتێ خوه‌ یان نوونه‌رێن وه‌لاتێن خوه‌، ئه‌ڤه‌ نورماله‌ و ب هه‌ژى و رێك و پێكى ژى دهێنه‌ پێشوازى كرن ل گۆر پرۆتوكۆلێن دیپلۆماسى ئه‌ڤه‌ ژى نۆرماله‌. لێ تشتێ سه‌یر ئه‌وه‌ ئه‌ڤ سه‌رۆك و نوونه‌رێن دهێنه‌ كوردستانێ سه‌ره‌دانا سه‌نگه‌رێن پێشیێ یێن پێشمه‌رگه‌ى دكه‌ن. ئه‌ڤه‌ نه‌یا نۆرسماله‌، گه‌له‌ك كاره‌كێ ب مه‌ترسیه‌، ئێك وه‌ك بازانى نه‌بیت پشتراست كێ ئه‌و وێره‌كى هه‌یه‌ سه‌رۆك و نوونه‌ران ل گه‌ل خوه‌ ببه‌ته‌ سه‌نگه‌رێن هێزكا چه‌كدار د حاله‌تێ شه‌ڕكرنێ دا، دبیت سه‌رۆكێ فره‌نسى پشتى (دیگۆلى) جارا ئێكێ بیت سه‌رۆكه‌ك فرنسى بجیته‌ جهه‌ك شه‌ڕێ چه‌كدارى لێ هه‌بیت؟! دبیت سه‌رۆك وه‌زیرێ تركیا بۆ جارا ئێكێ بیت پشتى شه‌ڕێ (جه‌نه‌قه‌لایێ) چووبیته‌ به‌رۆكه‌ك شه‌ڕێ فه‌رمى؟! و ب ده‌هان كه‌سانێن دى ئه‌وێن دهێنه‌ كوردستانێ ژ دیپلۆماتكاران ژ په‌رلمانتاران ژ نڤیسه‌ران و هه‌تا دگه‌هیته‌ بازرگانان، هه‌مى ب باوه‌ریه‌كا موكم سه‌ره‌دانا سه‌نگه‌رێن هێزا پێشمه‌رگه‌ى دكه‌ن، ئه‌ڤه‌ دیمه‌نه‌ك ڤالا نینه‌ چه‌ند نه‌ نۆرماله‌ هند ژى یێ پرى رامانه‌ بۆ گه‌لێ كوردستانێ و سه‌ركرداتیا وێ و هێزا وێ یا چه‌كدار، چاوا خه‌لك قومارێ دكه‌ن و دچنه‌ به‌رۆكێن شه‌ره‌كێ دژوار و فه‌رمى؟! بۆچى ئه‌ڤه‌ ل چو جهێن دى چینابیت؟! بۆ گه‌لێ كوردستانێ چه‌ند هێزا پێشمه‌رگه‌ى جهێ شانازیێ یه‌ ئه‌و هنده‌ ئه‌ڤ سه‌ره‌دانه‌ ژى هه‌ر چه‌نده‌ د سه‌یرن لێ جهێ شانازیێ نه‌ دێ بۆ دیرۆك ب سه‌رفه‌رازى بۆ مه‌ وه‌ك نه‌ته‌وه‌یه‌كا بنده‌ست و ئازادیخواز نڤێسیت، بۆچوونا من سه‌ره‌دانا سه‌نگه‌رێن پێشمه‌رگه‌ى كاره‌ك باش نینه‌ هه‌كه‌ میدیا گرنگێى پێ نه‌ده‌ت، سه‌نگه‌ر و پێشمه‌رگه‌ (ئاسایشا نه‌ته‌وه‌ى) و ره‌نگه‌ دوژمن مفادار بیت ژ هنده‌ك وان دیمه‌نێن ده‌ردكه‌ڤن ل میدیایێ لێ سه‌ هندێ را. هێزا پێشمه‌رى هه‌تا نوكه‌ رێگرى ل سه‌ره‌دانا كه‌سان نه‌كریه‌ بۆ سه‌نگه‌رێن خوه‌، دبیت وان ژى بهانێن خوه‌ هه‌بن، بۆ مه‌ وه‌ك ملله‌ت پاراستنا گیانێ پێشمه‌رگه‌یه‌كێ زۆر گرنگتره‌ ژ سه‌ره‌دانه‌كێ، لێ ئه‌م ره‌نگه‌ به‌ر ب هندێ بچێن سه‌نگه‌ر ژى كه‌ڤاله‌ك جڤاكى وه‌رگریت و ئه‌ڤه‌ بۆ مه‌ باش نینه‌ وه‌ك كوردستان.

دووماهیا یاریێ..؟!
وه‌ك دیار چ كارته‌كا دى یا یاریكرنێ نه‌ بۆ پارتى و نه‌ بۆ گۆڕانێ نه‌مایه‌ پشتى په‌یاما بارزانى. یاریكرنا پارتى و گۆڕانى ب وه‌ختى یاریكرنا ب شه‌رێ میدیایى و یاریكرن ب گونه‌هباركرنا ئێكو دوو، گه‌هشتى قووناغا دووماهیێ، ملله‌تى هه‌تا دووماهیێ وه‌خت و ڤیان نینه‌ ل لگه‌ل ڤێ یاریا درێژ بهینن فره‌هه‌ بیت، دبێژن هه‌ر ئاریشه‌كا گه‌له‌ك درێژ بوو ئه‌و هه‌ر دو ئالى هه‌له‌ و خه‌له‌تن، به‌لێ پارتى و گۆڕان هه‌ردو خه‌له‌تن و هه‌ر دوور ئاستن ژى، ل ڤێرێ ئه‌و گوشه‌یه‌ یه‌ ئه‌وا هه‌وا دارێن پارتى گۆڕانێ لى دنێرن. لێ هه‌ده‌م گوشه‌یه‌كا دى هه‌یه‌ دبێژنێ به‌رژه‌وه‌ندیا گشتى كو به‌رپرسیاره‌یه‌كا پارتى و گۆڕانێ یه‌، گۆڕان دوهه‌م پارتیا كوردستانێ و پارتى دڤیا قه‌نج ڤێ راستیێ بزانیت و پارتى حزبا ئێكێ یه‌ و گۆڕان تووشى هه‌له‌یێن كوژه‌ك بوو وه‌ختا وه‌سا بیرى كرى ب كۆمكرنا چه‌ند ئیمزایه‌كا دێ پارتى ژ مه‌یدانێ راكه‌ت، سه‌ركه‌فتنا هێزا پێشمه‌رگه‌ى ل دژى تیرۆرا داعشێ بارزانى ئه‌و بانگه‌وازیه‌ راگه‌هاند كو كوردستان پێدڤى ب پێداچوونا هه‌یكه‌لێ سیاسیێ خوه‌ یه‌، كوردستانێ ل ڤێ قووناغێ پێدڤى ب هه‌مى هێزێن سیاسێن خوه‌ هه‌یه‌ و چو كه‌س و ئالیه‌ك ژى ژ ڤێ ره‌وشێ زێده‌ نینه‌، دارشتنا هه‌رسێ سه‌رۆكاتیا بۆ كوردستانێ ماقیلیه‌ك مه‌زنه‌ و سه‌ربۆرا مه‌یا دیمۆكراتى هندێ دخوازیت چاره‌سه‌رێن خوه‌ ب خوه‌ په‌یدا كه‌ت ب ئالاڤێن دیمۆكراتى، زۆر ئالوزى په‌یدابوون زۆر گۆتن و تومه‌ت هاتن گۆتن، لێ هه‌ر گاڤ كه‌سانێن مه‌زن ل وێ قووناغێ په‌یدا دبن ئاریشا بچووك كه‌ن ل ئاست مه‌زناتیا وه‌لاتى. كۆمبوونا پارتى و گۆڕانێ ده‌ست پێكه‌كا باشه‌ و دبیت زیكا ئێك نه‌هێن لێ دبیت ده‌گه‌هه‌كێ ڤه‌كه‌ن بۆ چاره‌سه‌ریا، راستى پشتى گه‌فا داعشێ هێشتا گه‌ف هه‌نه‌، گه‌ف ل سه‌ر ئێك پارچه‌یا كوردستانێ هه‌یه‌، كه‌ف ل سه‌ر په‌روه‌ردا كوردستانێ هه‌یه‌ كو هاتیه‌ سیاسیكرن، گه‌ف ل سه‌ر ئابوورا كوردستانێ هه‌یه‌ كو كوردستانى كه‌فتیه‌ بن ئابلۆقه‌كا دژوار دا، ئانكو پارتى و گۆڕان عه‌ر ئێك ب قه‌مه‌د مه‌زنیا خوه‌ ژ ڤێ ره‌شێ به‌رپرسن، توهمه‌ت و خیانه‌تكرن و ره‌شكرنا پارتى یان گۆڕانێ چ ژ كه‌دوارى نه‌گوهورى. دێ فه‌رمۆن پشتى ئه‌ڤ هه‌میان هاتى گۆت هندێ ل سه‌ر ئێم مێزێ رینن، وه‌لات تێرا هه‌میا ئالیایه‌،سامانێ وه‌لاتى و ئاینده‌یێ وه‌لاتى به‌رپرسیاریا هه‌میانه‌ ب تایبه‌تى پارتى وگۆڕان…

مشه‌ ڤان رۆژان ئه‌ڤ ئیدیه‌مه‌ هاتیه‌ گۆتن، ئه‌وا راست بیت (له‌شفرۆشى) ئێك ژ كه‌ڤنترین (پیشه‌یانه‌) ل جیهانێ و نوكه‌ ژى دوهه‌م بازارێ قه‌جاخێ جیهانێ یه‌ پشتى (مخده‌راتان)، ب ساناهیترین رێكه‌ بۆ په‌یداكرنا (پارا)، دیارده‌كا جیهانى یا پرى ئالۆزیه‌. لێ ئه‌وا راست بیت كوردان د هه‌بوونا خوه‌ یا كه‌ڤندا وه‌ك ئه‌م ئاگه‌دار ئه‌ڤ (پیشه‌) وه‌ك درفه‌ته‌كا ژیانى ناس نه‌كریه‌، هه‌مى (رۆژهه‌لاتناس) و (گه‌رۆكێن) سه‌ره‌دانا كوردستانێ كرین ب چو ره‌نگى به‌حسێ پرسا (له‌شفرۆشیێ) د ناڤ كوردان دا نه‌كریه‌ وه‌ك دیارده‌. كوردێن به‌رێ (عاشق) دبوون جوانترین داستانێن (ئه‌ڤینێ) تۆماركرینه‌، لێ (ژنا) كورد د هه‌مى قووناغان دا ل ئه‌و په‌رێ ماقیلیێ مایه‌ (پاكیزه‌كا) ره‌نگ فریشته‌ و جهێ رێز و باوه‌ریا (زه‌لامان)، دبێژن كوردان چو ئیدیه‌مه‌ك نینه‌ ب كوردى جهێ په‌یڤا (زنا) بگریت و ئه‌ڤه‌ جهێ راوه‌ستیانێ یه‌؟! هنده‌ك ژێده‌ر دبێژن وه‌ختێ فره‌نسا ژ سووریا ده‌ركه‌فتى ل سالێن (سیهان) پترى (10) خانین له‌شفرۆشیێ ل شامێ هه‌بوون؟! و دبیژن ل ئیستانبولا ئۆسمانیان ب سه‌دان جهێن ڤى كارى هه‌بوون، ل بن ناڤێن جودا جودا دا له‌شفرۆشى دهاته‌ كرن؟! ل به‌غدایا عیراقێ كلتۆره‌كێ له‌شفرۆشیێ د كه‌ڤندا هه‌بوویه‌ و هه‌یه‌؟! لێ نه‌هاتیه‌ زانین ل چو باژێره‌كێ كوردان ل هه‌ر چار پارجا ب ئاشكرا جهه‌كێ له‌شفرۆشیێ هه‌بیت! د هه‌مى ژیانا سه‌خت و دژوارا كوردى دا د چو قووناغه‌كێ دا سه‌رخمه‌راتى هه‌مى ره‌نگێن هه‌ژاریێ و نه‌داریێ دا د كلتۆرێ كوردستانێ دا (له‌شفروشى) نه‌بوویه‌ ژێده‌ره‌كێ (نان) په‌یداكرنێ. دیرۆكنڤێس و رۆژهه‌لاتناس و گه‌رۆك ره‌حمێ ب كه‌سێ نابه‌ن. هه‌كه‌ ئه‌ڤ دیارده‌ ل ده‌ف جڤاكێ كوردان هه‌با دا ل جهه‌كێ به‌حس كه‌ن؟! لێ كوردان ده‌فته‌ره‌كا پاقژ د ڤێ وارى دا هه‌بوویه‌، لێ نوكه‌ و مله‌ته‌كێ (40) ملیۆنى دبیت تاك تاك هه‌بن ب نهینى و ڤه‌شارتى ب ڤى كارى رابن، لێ قه‌ت نوكه‌ ژى ل ناف كوردان دیارده‌یه‌، ئه‌و پرسا خانما په‌رلمانتارا گۆرانێ دیاركرى ب راستى یا سه‌ركه‌فتى نه‌بوو ل دیاركرنا ره‌نگ و مه‌ینه‌تێن خیزانێن هه‌ژار ل كوردستانێ و تومه‌ته‌كا نه‌ د جهێ خوه‌ دا نه‌بوو، بۆ مله‌ته‌كێ ده‌همه‌نا وى هه‌تا نوكه‌ پاقژ د ڤى وارى دا، ڤێ خانما گۆران سه‌رپێجه‌یه‌كا مه‌زن ل سه‌ر خیزانا كورد و (ژنا) كورد كر، هه‌تا نوكه‌ هه‌مى دوژمینین كوردان ب هه‌مى ره‌نگى شه‌ڕێ كوردان كریه‌، لێ كه‌سێ وێره‌كى نه‌كریه‌ ل سه‌ر ده‌زگه‌هه‌ك راگه‌هاندنێ ڤێ بێژنیا ڤێ خانما گۆران گۆتى؟! ئه‌م قه‌ت ئینكارا دیارده‌كا جیهانى یا ژ ڤى ره‌نگى ناكه‌ین ل وه‌لاتێ خوه‌ بۆ (له‌شفرۆشى و له‌شبكڕیێ) تاك تاكه‌ هه‌بیت. لێ قه‌ت و قه‌ت ئه‌و جوینا خانما گۆڕان به‌حسكرى دووره‌ ژ ڤى ره‌وشتى و ل چو جاره‌كێ ل ڤى وه‌لاتى نه‌بوویه‌ دیارده‌ و ده‌رگه‌هێ (نان) په‌یدا كرنێ، پاشترى خانما گۆران داخوازا لێبۆرینێ ژ هه‌مى كوردان بكه‌ت، مه‌زناهیه‌ هه‌كه‌ وه‌بكه‌ت……

دبیت په‌یاما بارزانى بۆ ژماره‌كا پارتێن توندره‌و و د هه‌مان ده‌می دا بۆ ئۆپۆزسیۆنێن توندره‌و (سوپرایزه‌كا) ژ نیشكه‌كێ ڤه‌ بیت، لێ یا مسوگه‌ر ئه‌وه‌ د سیاسه‌تێ دا هیچ هه‌لویسته‌ك هه‌تا هه‌تا وه‌ك خوه‌ نامینیت. هه‌ڤالبه‌ندیا سیاسى ژى ل گۆر هه‌لومه‌رجا دهێته‌ گوهۆرین، په‌یاما بارزانى سه‌روبنكرنا ژماره‌كا زۆرا هه‌لویستایه‌ یێن ل هه‌ر دو به‌ره‌یێن سیاسى ل كوردستانێ دهاتنه‌ هاژووتن. بارزانى داخوازا سه‌ر ژنوو دارێشتنا هه‌یكه‌لێ هه‌رسێ سه‌رۆكاتیێن كوردستانێ دكه‌ت و ئه‌ڤه‌ ئه‌و هه‌لویسته‌ یێ ژ كه‌سه‌ك وه‌ك بارزانى دهاته‌ خواستن و زۆر هه‌لویستێن (پارتێن توندره‌و) و نیمچه‌ (ئۆپۆزسیۆنێن) توندره‌و تووشى دووباره‌ پێداچوونێ كریه‌، بارزانى وار بۆ ڤه‌خواندنێن شرۆڤه‌كارێن توندره‌و نه‌هێلا، پارتى راسپاردیه‌ دووماهیكێ ب ڤێ قه‌ریرانا سیاسى ل كوردستانێ بینن، ئه‌گه‌ ب چ بهایه‌كى بیت، بۆ هندێ قووناغا نوكه‌ پشتى سه‌ركه‌فتنێ ل سه‌ر داعشێ، ژماره‌كا هه‌لومه‌رجێن نوو و راستى هه‌رێما كوردستانێ دبن، دووباره‌ دارێشتنا هه‌رسێ سه‌رۆكاتیا ل كوردستانێ چاره‌سه‌ریه‌كا گونجایه‌ ل ڤى وه‌لاتى ب تاكره‌وى هیچ پرۆژه‌ك نشتیمانى سه‌ر ناگریت، ئاساییبوونا ژیانا سیاسى ل كوردستانێ په‌یامه‌ بۆ ژماره‌كا ئالیێن جودا جودا كو ل كوردستانێ ئاستێ پێگه‌هشتنا سیاسى گه‌هشتیه‌ قووناغه‌كا لۆژیكى دشێت بۆ ئاریشێن خوه‌ چاره‌سه‌ریێ ده‌ستنیشان بكه‌ت، سه‌رۆك بارزانى قه‌نج مه‌ترسیا پرت و به‌لاڤبوونا كوردستانێ یا سیاسى ب مه‌ترسى زانیه‌ و ژ به‌رى هه‌ر گوهارتنه‌كێ داخوازا (شینگره‌كى) بۆ پوستێ خوه‌ دكه‌ت و ئه‌ڤه‌ ده‌ستپێشخه‌ریا بارزانیه‌، وه‌ك سیاسى و پێشمه‌گه‌ركێ ماقیل و پشتى ئه‌ركێ به‌رگریا داعشێ ب دووماهیك هاتى، هه‌مى ئالیێن سیاسى راستى راستیا (ته‌حل)كرن، فه‌رموون ڤێ قووناغێ ل ئاستێ به‌رپرسیاره‌تى و پرۆپاگندا خوه‌ بن.
بارزانى ژ به‌رى په‌یاما خوه‌ ل باشیكێ دان ب هندێ دا شه‌رێ داعشێ گرنگیدان ب ره‌وشا ناڤخوه‌ كێم كر بوو، لێ نوكه‌ ده‌مێ هندێ یه‌ كوردستان پێداچوونا سه‌ربۆرا سیاسیا خوه‌ بكه‌ت و ل دیموكراتیا خوه‌ خودان ده‌ركه‌ڤیت و سیاسه‌تا (نیڤا دارى) ئێدى بۆ كه‌سێ ناچیته‌ سه‌ر سیاسه‌ت هه‌لویسته‌ نه‌كو (انفعال) پارتێن باوه‌رى ب ڤێ سه‌بۆرێ هه‌ى، لێ خودان ده‌ركه‌ڤن و یێن باوه‌رى ب شێوه‌كێ دى هه‌ى بمینن ئۆپۆزسیۆن و كارێ ئۆپۆزسیۆنیا خوه‌ بكه‌ن، ڤێ قووناغا سیاسى دێ باجا خوه‌ هه‌بیت و تیرۆركرنا دكتۆر هشیارى ژى دبیت باجه‌كا ده‌ستپێكى یا ڤێ قووناغا هه‌لویستا بیت.

ل گۆر قانوون و ده‌ستوورێ ده‌وله‌تا عیراقێ هه‌رێما كوردستانێ پشكه‌كه‌ ژ عیراقێ، كوردستانى هه‌مى هه‌لگرێن پاسپۆرتا عیراقێ نه‌، هه‌رێما كوردستانێ پشكه‌كه‌ ژ هه‌مى وان پرسێن ل دۆر عیراقێ به‌لاڤ دبن ژ گه‌نده‌لى و نه‌شه‌فافیه‌تێ د كارگێریا وه‌لاتى دا، جوداهیا هه‌ره‌ مه‌زنا كوردستانێ ره‌نگه‌ وارێ ئاسایشێ بیت ئه‌و ژى خه‌له‌كێ كوردستانێ هه‌سته‌كا (ئه‌منى) هه‌یه‌ و هه‌تا نوكه‌ به‌رده‌وام بوویه‌، به‌لێ ئه‌م عیراقینه‌، لێ پارسه‌نگیا وه‌لاتیبوونێ د میزانیا (ماف و ئه‌ركا)دا هیچ (توازنه‌ك) نینه‌ كوردستان هه‌تا به‌رى سه‌رهلدانێ جه‌وسایا سیاسى و كلتورى بوو، نوكه‌ ژى هه‌مان كوردستانى ب تێگه‌هه‌كێ دى یێ ئابوورى ئابلوقه‌ و سزا دایه‌ و ژ هه‌میا پایته‌ختێ وه‌لاتێن كوردستانێ هه‌لگرێن ناسناما وى وه‌لاتینه‌، باوه‌ر ناكه‌م به‌غدا جاره‌كا دى ب (ملیارا) دۆلاران بۆ كوردستانێ فرێ كه‌ت نه‌ك هه‌ر كوردستانى (نه‌فتێ) راده‌ست كه‌ت، به‌لكو ئه‌ڤه‌ ب تنێ به‌هانه‌كا ساده‌یه‌، لوژیكى سیاسیێ عیراقێ كو نوكه‌ (حزب الدعوه‌) برێڤه‌ دبیت د بیرا وان دا هیچ چاره‌سه‌ریه‌ك بۆ پرسا كوردى نینه‌ و ئه‌وا نوكه‌ كوردستانێ هه‌ى ژى ب زێده‌ دزانن، ده‌وله‌مه‌ندبوونا كوردستانێ و خۆش گوزه‌رانیا وه‌لاتیان گه‌فه‌كا ژیانه‌ڤانیه‌ بۆ ئه‌قلێ سیاسیى (شیعى) بێ پاشڤه‌رو و تا راده‌یه‌كا مه‌زن ژى ره‌گه‌زپه‌رست، ل به‌غدا و د ناڤ خه‌لكێ خوه‌ دا سیاسێن شیعه‌ و سونه‌ به‌رامبه‌ر پێشكه‌فتنێن كوردستانێ سه‌ره‌راى هه‌مى گه‌لنده‌لى و نه‌ شه‌فافیه‌تا ل كوردستانێ هه‌ى. تووشى شه‌مزاریه‌كا مه‌زن دبن، به‌غدا پشتى داخوازا په‌ترۆلێ دێ داخوازێن سیاسى هه‌بن به‌رامبه‌ر (بودجێ و مووچا) ئه‌گه‌ر كوردستان رازى بوو یچیته‌ به‌غدا و چوو سه‌رى، دێ د قووناغ قووناغ داخوازا ڤالاكرنا قه‌وارێ كوردستانێ ژ سومبولێن وێ یێن سه‌ره‌ده‌ریێ كه‌ت، ئانكو ڤالاكرنا كوردستانێ ژ هه‌مى شانازیه‌كا نه‌ته‌وى یه‌، ب بۆچوونا من به‌غدا ئاماده‌ نینه‌ جاره‌كا دى ب (ملیاران دۆلاران) ره‌وانه‌ى هه‌رێمه‌كا سه‌ربخوخوازا بكه‌ت ئه‌گه‌ر هنده‌ك (تنازلاتێن) سیاسى بۆ خوه‌ دبن گڤاشتێن ئابوورى ڤه‌ مسوگه‌ر نه‌كه‌ت!!.
ئاشكرا ته‌خا سیاسى و یا شیعى و سونى د ناڤ جه‌ماوه‌رێ خوه‌ دا ل میدیا لوكالا وه‌سا دیار دكه‌ن كوردستانێ پرۆژێ جوداخوازیێ هه‌یه‌ و عیراق نه‌چار نینه‌ پارا بده‌تێ، سه‌رئه‌نجام هیچ باسێ په‌ترۆلێ ناكه‌ن، ئانكو بۆ خه‌لكێ كوردستانێ (ته‌حه‌دیه‌كا) مه‌زن مسوگه‌ركرنه‌كا ئابووری ب قیمه‌ت مسوگه‌ركرنه‌كا سه‌رخۆبوونا سیاسى زه‌حمه‌ت و ئاسێ یه‌، به‌غدا نه‌حه‌زێن نه‌ته‌وه‌ێن كوردستانێ ب تنێ نوكه‌ كارتا فشارا ئابوورى ل سه‌ر كوردستانێ هه‌یه‌، ئه‌ڤجا كوردستانى ب خه‌لك و حكوومه‌ت ڤه‌ نه‌چارن ڤێ قووناغا سه‌خت ده‌رباز بكه‌ن و حكوومه‌ت نه‌چاره‌ سنووره‌كى بۆ گه‌نده‌لیا لوكال و ب هه‌دردانا مالێ گشتى بدانیت و هه‌ولا (حكمه‌ك ره‌شید)بده‌ت بۆ قورتالبوونێ ژ كارتا ئابوورى.

مووسل ئه‌و ده‌ڤه‌ره‌ یان ئه‌و باژێرێ ژ هه‌مى باژێن دى یێن ڤێ ده‌ڤه‌رێ ناڤێ وى د ناڤ مێژویێ دا هاتى و وه‌ك مه‌یدانه‌كا ململانا (ئه‌نتى) و سیاسى، مووسلێ بۆ كوردستانێ د ڤێ قووناغێ دا ره‌هندێ ئه‌منى و ئابوورى یه‌، مووسلێ پتر ژ (بابه‌كى) هه‌یه‌، تا نوكه‌ توركیا ب ویلایه‌كا خوه‌ دزانیت، كوردستان پڕانیا مووسلێ ب ره‌هندێ خوه‌ یێ ستراتیژى دزانیت، قورتالبوونا ڤى باژێرى ژ ده‌ستێ داعشێ پرسێن ئالۆزێن ڤێ ده‌ڤه‌رێ ب دووماهیك نائێن، كوردێن ئێزدى و مه‌سیحیێن ده‌ڤه‌رێ و شه‌به‌ك و كاكه‌یى د په‌راوێزا ڤى باژێرى دا دژین و نوكه‌ ل سه‌ر ناسناما سیاسیا ڤان (ئه‌نتیا) مشت و مره‌كا دژوار هه‌یه‌.
ئه‌رێ ده‌شتا مووسلێ وه‌لاتێ (كوردێن ئێزدى و شه‌به‌ك و مه‌سیحى و كاكه‌یان) كوردستانه‌ یان نه‌؟! ئه‌رێ كوردستانێ پرۆژه‌كێ ئاماده‌ بۆ ڤان ده‌ڤه‌را و شنگالێ هه‌یه‌ یان نه‌؟! چه‌ند بۆ كوردستانێ ئاسانه‌ ده‌ست ژ ڤێ ده‌ڤه‌رێ به‌رده‌ت؟َ! خه‌لكێ ڤێ ده‌ڤه‌رێ ل ڤێ قووناغێ پێدڤیه‌ هه‌لویسته‌كێ زه‌لال هه‌بیت مه‌یلا وان بۆ كوردستانێ یه‌ یان عیراقێ؟، پشتى كه‌ركووكێ مووسل ئالۆزترین پارێزگه‌ها عیراقێ یه‌ ب زه‌نگینیا خوه‌ ژ ئالیێ (ئه‌نتى)ڤه‌، مووسلێ ئاشكرا بێژین بۆ كوردستانێ گرنگه‌ ژ هه‌مى ئالیان ڤه‌، ده‌رباره‌ى خه‌لكێ ڤێ ده‌ڤه‌رێ كو سه‌رئه‌نجام رایا وان گرنگه‌ كا كوردستانه‌ یان نه‌؟، لێ كوردستان دڤیا ب ئاسانى ده‌ست به‌ردارى ڤێ ده‌ڤه‌رێ نه‌بیت نه‌مازه‌ كوردان هیچ جاره‌كێ داخوازا باژێرێ مووسلێ نه‌كریه‌ كو كوردستانه‌، لێ ب درێژیا خه‌باتا سیاسى یا كوردى داخوازا مافێ شه‌به‌ك و ئێزدى و مه‌سیحیێن ڤێ ده‌ڤه‌رێ كریه‌ و خاله‌كا بنگه‌هینا خه‌باتا سیاسى و چه‌كداریا كوردستانێ بوویه‌، فه‌ره‌ كوردستانێ پرۆژه‌كێ موكم هه‌بیت هه‌تا ئه‌م ده‌شتا مووسلێ وه‌ك ره‌هه‌نده‌كێ ستراتیژیێ كوردستانێ و به‌شه‌ك ژ ڤه‌رێژا جوگرافیا كوردستانێ ژ ده‌ست نه‌ده‌ین، نوكه‌ زۆر ده‌لیڤه‌ هه‌نه‌ كوردێن ئێزدى و مه‌سیحیێن مووسلێ ژ كوردستانێ جودا كه‌ن، زۆر پرۆژه‌ هه‌نه‌ بۆ ڤێ مه‌ره‌مێ، لێ تشتێ هندا د ڤى وارى دا پرۆژێ كوردستانێ ب خوه‌یه‌، ئه‌رێ كوردستانێ دڤێت ڤێ ده‌ڤه‌رێ ژده‌ست نه‌ده‌ت؟، ئه‌رێ زه‌نگینیا ڤێ ده‌ڤه‌رێ ژ ئالیێ ئاینى و نه‌ته‌وه‌ى ڤه‌ و پاشى ژ ئالیێ ئابوورى و جوگرافى ڤه‌ بۆ كوردستانێ چه‌ند گرنگه‌؟، وه‌ك دیار مادێ 140 ناهێته‌ بجهكرن، ئه‌رێ ئه‌لترناتیڤا كوردستانێ بۆ ده‌شتا مووسلى و شنگالێ چی یه‌؟، كه‌نگى وه‌خته‌ كوردستانێ دگه‌ل هێزێن جڤاكى و كه‌سایه‌تیێن ره‌وشه‌نبری و سیاسى و عه‌شائیرێن ڤێ ده‌ڤه‌رێ ئاشكرا بریاره‌كا سه‌روه‌ختا نوكه‌ بده‌ن، ئه‌رێ ژبلى ڤێ كوردستان حازره‌ ڤێ ده‌ڤه‌رێ ژ ده‌ست بده‌ت ؟!