كۆڤان حسێن
ئاستێ سته‌مێ ل كوردستانا سووریا گه‌هشته وێ راده‌یى ناڤێ وێ ژێ دزین و هنداكرن (شمال سووریا یان رۆئاڤا) ئانكو چێ، قه‌ت ره‌وشا كوردستانا سووریا بێ ره‌نگى نه‌بوو، هه‌كه چو نه‌بیت، هنده‌ك ژ سه‌ربۆرا كوردستانا عیراقێ، هه‌كه ب سه‌قه‌تى ژی با ل وێرێ په‌یره‌وكربا، كه‌سێ گومان ژ قاره‌مانیا له‌شكرێ كوردستانا سووریا نینه، لێ هزار گومان و پرسیار ل سه‌ر سیاسه‌ت و ئاراسته و ره‌وانگه‌یا كوردستانا سووریا و سیاسێن وێ هه‌نه. ب كورتى ژ من ڤه كوردستانا سووریا بوو قوربانى ته‌ڤنه‌كى و هنده‌ك نه‌خشێن مژدار. ل سووریێ كى خزمه‌تا كێ دكه‌ت؟ كى دۆستێ كێ یه؟ كى دوژمنێ هنده‌كا یه و دۆستێ نه‌په‌نى یێ هنده‌كانه؟. ل سووریا سه‌یرانگه‌ها ده‌زگه‌هێن مخابراتیه، هێلینا سیخور و خوه‌فرۆشى و چه‌په‌ر گوهارتنێ یه. كورد ژ شه‌پرزیا خوه و نه ئێگرتنا وان و نه‌بوونا په‌یامه‌كا كوردیا زه‌لال دوور ژ ئایدولۆژیایه‌كا كه‌ڤنارا بێ واته‌یا بێ ڤه‌رێژ، كوردستانا سووریێ ژ ئه‌نجامێ هنده‌ك سیاسه‌تان، نوكه ل به‌ر گه‌فا هندابوونێ یه، ل سه‌ر نه‌خشێ جیهانێ و لكاندنا وێ یه ب داگیركه‌رى ڤه، ب توركیا ڤه و ژناڤبرنا دیمۆگرافیا وێ و دبیت بچیت ل ئه‌سكه‌نده‌رۆنێ بگه‌ریت یان قوبرصێ, هه‌كه زویكا وه‌رچه‌رخانه‌ك ل سه‌ر هه‌لویستێ ئه‌مریكا روونه‌ده‌ت، ب تنێ كورد دێ ل سه‌ر كاڤلێ كوردستانا سووریا رۆندكان رێژن!. پ پیلانا داگیركه‌ران خولقاندنا ئاریشه‌كێ یه 200 سالێن دى نه چاره‌سه‌ر دبیت، نه‌ژى ئارام دبیت.
نووترين نووچه
- دڤێت بەغدا سیاسەتا نەهنارتنا مووچەیێ خەلكێ كوردستانێ ب دووماهی بینیت
- هەتا دووماهی خولەك مە باوەری هەیە کو بشێین بگەهینە رێككەفتنێ ل گەل بەغدایێ
- بۆ چارەسەركرنا كێشەیێن هەولێرێ و بەغدایێ دڤێت قانوونا پەترۆل و غازێ بهێتە دەركرن
- ئایدن مەعرووف: حوكمەتا ئیراقێ د چارەسەركرنا كێشەیاندا یا رژد نینە
- بابەكر زێباری: ل دووماهییا ئەڤسالە هەرێما كوردستانێ دێ ئێك هێزا پێشمەرگەی هەبیت
- دڤێت كێشەیێن هەولێرێ و بەغدا ل سەر بنەمایێ دستووری بهێنە چارەسەركرن
- خەلكێ ژێهاتی و بسپۆر د ناڤ لیستا بەربژارێن پارتی دا هەنە
- هندەك ئالیێن ئێراقێ كێشەیان بۆ رێككەفتنێ ل گەل كوردستانێ دروست دكەن
- مەسرور بارزانی پشكداری د بەهییا عەبدوللا عەزیز مەلا هەمزە مێرگەسۆری دا كر
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
كۆڤان حسێن
به‌غدا.. قۆچانا ناڤخوه…؟!
سه‌رده‌مه‌كه چه‌مسه‌رێن شیعه‌یان گه‌فا زالبوونێ ل سه‌ر مه‌یدانا شیعه‌یان دكه‌ن و نه‌كێمن ئه‌و وه‌لاتێن ده‌ستوه‌ردانێ ل ناڤخوه‌یا عیراقێ دا دكه‌ن، دبیت ئه‌ڤه دیمه‌نه‌كێ تازه‌یێ شانۆگه‌ریا خوه سه‌پاندنێ بیت، یان قووناغه‌كا فه‌ره عه‌ربێن شیعه تێدا ده‌رباز بن ل گۆر وێ دیتنا دبێژیت هه‌مى مله‌ت دڤیا ل قووناغا شه‌رێ ناڤخوه‌را ببۆرن. هه‌تا سه‌نگا درست یا هه‌میان بهێته دیتن. عیراق هه‌ر تشته‌كه به‌لێ ل سه‌ر كاغه‌زێ و رۆژه‌كێ نه‌بوویه ده‌وله‌ت و ده‌وله‌تدارى بۆ هه‌لگرێن ناسناما خوه نه‌كریه. هه‌مى شانازێن عه‌سكه‌رێ عیراقێ قركرنا كوردان و ئاشۆریان و یاخیبۆیێن باشۆرى یه، وه‌لاته‌كه ژ نشكه‌كێ ڤه ل گۆر میزاجێ به‌ریتانیا درست بوویه و قه‌ت وه‌لاته‌ك رێزدار و ماقویل نه‌بوویه و نابیت ژی. یا ل به‌غدا دبیت قۆچانا جه‌مسه‌رێن شیعانه ب پالدنا خه‌لكێ ژ ئه‌مریكا و ئیرانێ هه‌تا ململانا (قوم و نه‌جه‌فێ). هیچ چاره‌سه‌رى بۆ قه‌یرانێن عیراقێ نینه و نابیت، عیراقێ قه‌یرانا ئابوورى و شیانان نینه عیراقێ قه‌یرانا ناسنامێ هه‌یه و قه‌یرانا ئیداره‌دانێ ل گۆر شووناسه‌كێ دیاركرى هه‌یه، نه‌ك عیراق وه‌لاته‌كى ئیسلامیه نه عه‌ره‌بیه نه كوردیه نه‌سونی یه، نه سۆسیاله نه دیمۆكراسى یه، سه‌رێ كه‌سێ ژ ڤێ وه‌لاتێ ئینگلیزان دروستكرى ده‌رناچیت، ژیان ل گه‌ل ڤى وه‌لاتى د سه‌ركه‌راتا مرنێ دا ژ رۆژا هه‌ى هه‌تا نوكه ب تنێ كوشتنا ده‌مى یه و ب هه‌دردانا شیان و هیڤیانه، دره‌نگ یان زوو، ئه‌ڤ وه‌لاته دڤیا ل قووناغا شه‌ره‌ك ناڤخوه‌یى شیعى رابۆریت ل گۆر ئه‌نجامێن شه‌ڕى سه‌رۆژنوى پارچه بیت، یان هیچ چاره‌سه‌ریه‌ك نینه و ب تنێ عیراق وه‌لاته‌ك زێده‌یه ل ناڤ كۆما ده‌وله‌تان. یا ل به‌غدا دبیت ئه‌نجامێ هه‌بوونا وێ یا سه‌قه‌ته نه‌ك پرسا بێكارى و بێچاره‌یێ یه، چاره‌سه‌ر هه‌مى دزانن، لێ گیرۆ دكن، به‌لكى به‌لكى به‌لكى خوه ڤه‌گریت…
پاكسازى یان چاكسازى..؟!
كۆڤان حسێن
سه‌ربۆرێن خه‌لكێ ل وارێ چاكسازیێ دا زۆرن، ل گه‌ل ل به‌رچاڤكرنا جڤاك و تێگه‌هێ مه یێ كورده‌وارى، لێ هه‌ر دبیت وه‌ك میناك گه‌له‌گ په‌ندا ژێوه‌ربگرین، چاكسازى پرۆژه‌ك ئاسان نینه و ره‌نگه گه‌له‌گ له‌مپه‌ر و ئاستنه‌گ ل به‌ر هه‌بن، ژ به‌رى هه‌ر پێنگاڤه‌كێ ئیراده‌كا سیاسى و بریاره‌كا بسه‌نگ دڤێت، پێش چاكسازیێ وه‌ك دیار وه‌لات پێدڤى ب بریاره‌كا پاكسازیێ یه و نه‌هێلانا ئه‌و تۆرێن گه‌نده‌لیێ و به‌رژه‌وه‌ندیان درستكرین بێنه ئفلیجكرن و نه‌هێلان. قه‌ت ئه‌ڤه ل كوردستانێ ئاسان نینه و ره‌نگه سه‌ركه‌شیه‌ك بیت بێته‌كرن. لێ وه‌ك ده‌رمانا ته‌حله لێ چاره‌سه‌ریه، ته‌ڤنێ گه‌نده‌لیێ هندێ ئالۆزه حوكمه‌ته‌ك ب ئاسان و ل گۆر ده‌مه‌ك دیاركرى نه‌شێت بكه‌ت، لێ هه‌كه ئه‌و ئیراده هه‌بیت ل گور قووناغا مه‌حال نینه. هیچ واره نینه پێدڤى ب چاكسازیێ و پاكسازیێ نه‌بیت. گیرۆبوونا هنده‌ك كه‌سان ل هنده‌ك پۆستان ل سه‌ر هه‌مى ئاسته‌كێ ئێك ژ ده‌رگه‌هێن گه‌نده‌لیێ یه و نه‌بوونا دووڤچوونا ئیدارى و پاشى سیاسى هه‌ر حزبه‌ك بۆ كاراكته‌رێن خوه و پشگوهدانا ڤه‌رێژا كارێ وانا ل سه‌ر حزبا وانا بوویه. كاره‌ساتا درست دكه‌ت، پارتى درووشمێ كوردستانه‌كا ب هێز هه‌لگرتیه به‌رده‌وامیا ڤى درووشمى سه‌نگێ مه‌حه‌كێ یه بۆ پارتى پرۆسا پاكسازیا نوكه دكه‌تن ئاماژه‌كه ب هێزه پارتى دزانیت بێ پاكسازى چاكسازى نابیت. لێ پاكسازیا نیه پاكا ساده به‌س نینه، نه‌به‌ر ئاقله كه‌س ل ڤى وه‌لاتێ هێژاى دادگه‌هێ نه‌بیت، گه‌نده‌لى ل سیاسیا بازرگانا هه‌تا ره‌وشه‌نبیرا دا هه‌یه و خه‌له‌ك باشتر ب هوور به‌حس دكه‌ن. هه ب تنێ دووڤچوونا وان به‌سه بۆ زانینا راستیێ. كاره‌ك زه‌حمه‌ت و گرانه لێ سه‌ر ئه‌نجام د خێرا گشتى و تایبه‌تیا پارتى دایه ئه‌گه‌ر وه‌ك حزب مل بده‌نه به‌ر ڤێ پرۆسا ئالۆز و دڤیا هنده‌ك سه‌رێن مه‌زن ببن قوربانى ڤێ پرۆسێ یان دێ یا بێ رامان و ئه‌نجام بیت. هه‌كه ب تنێ بێژنه هنده‌كا تو چاوا بوویه ملیۆنێر.
دهۆلا (براكۆژیێ)…..؟!
كۆڤان حسێن
زۆره‌ك ئه‌وێن مه‌ینه‌تێن شه‌ڕێ ناڤخوه نه دیتین، نۆرمال دبینن گۆتاره‌كا زڤرا پرى هه‌ره‌شه ئامێز به‌لاڤ بكه‌ن، وه‌ك بێژى داستانه‌كێ تۆمار دكه‌ن بۆ لایه‌نێ خوه، مانێ پارتى ب تایبه‌تى زه‌ره‌رمه‌ندا ئێكێ بوو د شه‌رێ ناڤخوه‌ی دا، پارتى وه‌ك دیار ب تنێ ل گه‌شه‌ك ئارام و ته‌بایێ دا گه‌شێ دكه‌ت و وه‌رارا سیاسیا وه دكه‌ت، حێبه‌ته هنده‌ك وه‌ك پارتى خوه ناسبكه‌ن ڤێ گۆتارا زڤرا بێ رامان به‌لاڤ بكه‌ن، دووماهیا هه‌مى قه‌رقه‌شه‌ك سیاسى رێكه‌فتنه و خۆزى زاتێ كورد حزباتیا خوه د هندێ دا قه‌تیس نه‌كه‌ت زمانێ زڤر و ئاخفتنێن نه هێژار بێژیت، شه‌ر مالوێرانى یه و پووشمانى و حوسه‌ره‌ته و مسۆگه‌ر جاره‌كا دى كوردان هند هوشیارى هه‌یه بۆ هه‌ر سه‌ده‌مه‌كێ نه‌چنه ڤه وێ یاریا پرى مه‌ترسى. هه‌ر پارتیه‌ك یان حزبه‌كا دى ب وێ نه‌فه‌سێ تۆرێن میدیاى گه‌رم كه‌ن، بێگومان پێدڤى دوباره ناسكرنا خوه و حزبا خوه‌یه. كوردستانیان شه‌رێ ناڤخوه و براكوژى تاقیكریه. سه‌ر ئه‌نجام پووشمانى و داخوازا لێبۆرینێ دووڤ دا هات. ب راستى ئه‌وه ئه‌ڤ وه‌لاته تێرا هه‌مى هزر و هێزا هه‌یه و مه‌یدانا سیاسیا كوردستانێ ب تنێ و تنێ ب ئالیه‌تێن دیمۆكراتى ره‌وایه‌تیا هه‌مى ئالیه‌كێ دیار دكه‌ن. باشتره ئه‌ڤ حزب و هێزه ل شوونا په‌خشكرنا گیانێ دوبه‌ره‌كیێ بیر ل ره‌وشا حزبێن وه و ژیانا هه‌ڤوه‌لاتێن خوه بكه‌ن، نه هه‌رگاڤا سه‌رێ دو برا ب ئێك كه‌فت به‌حسێ شه‌رى و دو ئیداره‌یى بكه‌ن. شه‌همزاریه‌كا مه‌زنه رایا گشتى هه‌لویست نه‌بیت ل هه‌مبه‌ر ڤێ گۆتارێ و ئیدانه نه‌كرنا وێ.
ژ لایه‌ك دى ڤه نه پارتى پارتیا سه‌ده‌مێ شه‌رێ ناڤخوه‌یه و نه ئالیه‌كێ دى هه‌مان ره‌وش هه‌یه و نه‌ژى جیهان و ده‌وروبه‌ر د هه‌مان ره‌وشێ دانن. نوكه به‌رژه‌وه‌ندى و به‌رپرسیاره‌تى دخۆن وه‌ك ئاماژه ئه‌ڤه به‌سه….؟!
پارتى ب (ده‌ردێ).. هنده‌كا نه‌بن..؟!
كۆڤان حسێن
پارتى پشتى 1964 و هه‌تا نوكه ب راستى پارتیه‌ك بوویه هه‌تا بێژى رێز ل ده‌سپلینا پارتایه‌تیێ هاتیه‌گرتن و ئێك گۆتارى و ئێك ناڤه‌ندیا بریارێ پارتى ل رێزا پێشیا هه‌مى پارتێن كوردستانى و عیراقى هێلایه، ئه‌و سه‌نگا پارتى هه‌یى د هندێ داخوه دبینیت، پارتى رۆژه‌كێ ئاریشا بریارێ ل سه‌ر پرسێن گرنگ نه‌بوویه و رۆژه‌كێ ژی پارتى سه‌نگا هه‌وه راده‌ستى قه‌ده‌رێ و ته‌حلیل و شرۆڤه و خاترانێ نه كریه, ئه‌ڤ سه‌نترالیزما د پارتى دا بوویه ناسنامه‌ك و پارتى دێ قومارێ كه‌ت هه‌كه ده‌رفه‌تێ بده‌ن خواندن و ڤه‌خواندن ژده‌رڤه‌ى بریارا دیرۆكیا پارتى بریارێ بده‌ن یان هه‌ر چو نه‌بیت كارتێكرنێ بكه‌ن, هه‌مى شێوه‌كێ باشى خرابێن و هه‌نه لێ بۆ پارتى ئێك گۆتارى و ئێك بریارى باشتره ژ هه‌مى توخمه بیره‌كا دى و ئه‌ڤه ناكه‌ڤیته خولكێ پارتى و پارتى باجاوێ دایه و تووشى ده‌رزا بوویه چه‌ندین جاران، ئه‌ڤا نوكه ل سه‌ر پۆستێ پارێزگارێ دهۆكێ دهێته‌كرن و گۆتن، ب راستى نه ماقویلیه ل هه‌مبه‌ر پارتیه‌ك ب تێرا ده‌وله‌ته‌كێ شیان و كادر و كه‌سێن بسپۆر هه‌ین، پۆسته‌كێ نزم یێ بێ ده‌ستهه‌لاتێ پارێزگه‌هه‌كێ نزا كه‌نگى بۆ پارتى بوویه گرێكۆره‌كا نه‌شێت هه‌ر زوى بریارێ ل سه‌ر بده‌ت, شاشیا پارتێن دى، كه‌تینێ ل بن ناڤێ فره بیر و باوه‌را فره مینبه‌را فره بۆچوونان بۆ پارتى، گونجاى نینه ب دیتنا من پارتى ئێك رێباز هه‌یه و هیچ خواندن و شلۆڤه‌كا دى، هه‌لناگریت و ئه‌ڤه هێزا پارتیه. پارتى د جڤینه‌كێ دا پۆستێ سه‌رۆكێ هه‌رێمێ و حوكمه‌تێ ئێك كر, نزا خێره بۆ دهۆكێ پارتى هنده هێلاى ئه‌ڤ هه‌ڤیره ئاڤێ ڤه‌خۆت.
پۆستێ پارێزگه‌هى پۆسته‌ك هێژارى نینه بۆ حزبه‌كێ 70% پۆستێن وه‌لاته‌كێ ئیدراى بكه‌ت، رایا گشیا پارتیا ل سه‌ر ڤێ ره‌وشێ ژمن ڤه زێده‌ر شیانا هه‌لگرتنێ نینه و باشره ئێكلابیت و سنۆره‌ك بۆ ڤێ گێله‌شۆیێ بهێته دانان.
قه‌یرانا به‌رده‌وام…!
كۆڤان حسێن
تاك و جڤاك و ده‌وله‌ت هه‌تا ژینگه‌ه راستى هنده‌ك قه‌یرانا دهێن و هیچ جاره‌كێ ژیان ب ئێك سه‌متێ راست و بێ ئالۆزى ده‌رباز نابیت، ره‌نگه خۆشیا ژیانێ ژی هه‌ر ژ هه‌ڤدژێ خوه بیت. ئانكو بێ قه‌یران سه‌رراستیێ هیچ رامانه‌ك نینه، لێ ب قه‌د ره‌نگوره‌نگیا ژیانێ قه‌یرانێ ژی هنده ره‌نگ و شێوه هه‌نه، هنده‌ك ده‌مكینه و هنده‌ك دۆمدرێژن و هنده‌ك دبێ جێمكێ ژیانێ بی به‌رده‌وام، ل ڤى وه‌لاتى پتر ژ قه‌یرانه‌كێ هه‌نه و ره‌نگه چاره‌سه‌رى وه‌ك پێدڤى هنده‌ك جاران ل ناڤ هه‌مان وه‌لاتى په‌یدا نه‌بیت، زۆرن قه‌یرانێن كوردستانێ و باوه‌رناكه‌م ده‌مه‌ك نێزیك ژ وان قه‌یرنا قورتال ببین، لێ دێ باش بیت هه‌كه به‌رنامێ چاره‌سه‌ریا هه‌بیت. ژ من ڤه پرانیا قه‌یرانان د كۆكا خوه‌دا چاره‌سه‌رى ژی هه‌یه. لێ قه‌یرانا هه‌ره مه‌زن ل كوردستانێ قه‌یرانا (بێكاریێ) یه و كاره بوویه مه‌به‌سته‌ك زه‌حمه‌ت و نه‌بوونا قانوونێ كارێ گونجاى پێدڤیا سوویكا نوكه و ل گۆر شیانێن نوكه ل كوردستانێ هه‌یى بێكارى ماك و سه‌رچاڤێ هه‌موو ئاریشه و قه‌یرانانه نه‌ك بۆ كوردستانێ بتنێ، به‌لكو بۆ هه‌موو جڤاكان. مخابنى هه‌تا نوكه حوكمه‌ت نزانیت چه‌ند ده‌رفه‌تێن كارى ل كوردستانێ هه‌نه، ژبلى (فه‌رمانبه‌ران) و ره‌نگه نه‌زانیت دابه‌شكرنا وان ب سه‌ر هێزا كارى دا، چ ره‌نگه عه‌داله‌ته‌ك هه‌یه, قورغكارى و پاوان زى ل هنده‌ك ده‌رفه‌تان دا ئاسته‌نگا هه‌ره مه‌زنه. ل ڤى وه‌لاتى شیانێن مه‌زن هه‌نه بۆ كارى و هێزا كاركه‌را كوردستانێ دبێ نموونه بیت و جڤاكه‌كێ گه‌نج و ل سه‌ر خوه ل كوردستانێ هه‌یه. هه‌مى قه‌یران دێ سست و خاف و چاره بن هه‌كه هێزا كاركه‌را كوردستانێ دابه‌شى سێكته‌رێن جودا یێن كارى بن و سوویك و بازار بۆ به‌رهه‌مى به‌رجه‌سته ببن. قه‌یرانا مه‌زن نه‌بوونا كارى ل كوردستانێ نه‌ك هیچ قه‌یرانه‌كا دى. كارى په‌یدا كه‌ن و فاتحێ ل سه‌ر قه‌یرانان بخوینن.
ئه‌رێ ئه‌م هه‌ژى… (ئه‌نفاله‌ك) تازه‌نه..؟!
كۆڤان حسێن
دبێژن ئه و مله‌تێن سه‌ربۆرێ ژ كاره‌ساتێن خوه وه‌رنه‌گرن، هێژاى هندێ نه، لێ دوباره ببن ڤه، ناڤێ ئه‌نفالان ب تنێ به‌سه به هه‌ستكرنێ ب مه‌رگه‌ساتا نه‌ته‌وه‌یه‌ك بێ ده‌وله‌ت. راسته ئه‌م هاتین ئه‌نفالكرن راسته كوردستان وێرانكرن، راسته هێشتا ب هزران كورد بێ سه‌روشوونن، لێ ئه‌ڤه مه بڤێت و نه‌ڤێت بوو مێژوو، دڤیا بیته عیبره‌ت. ئه‌نفال ل گیانێ كوردان بوو ل ئال كوردان بوو, لێ ئه‌م ل بیره‌وه‌ریا ئه‌نفالان دا پێدڤى ئه‌نفاله‌كێ نه، ڤێجارێ ل لۆژیكێ دوبه‌ره‌كیێ، لۆژیكێ گه‌نده‌لیێ، لۆژیكێ خوه‌بایا هنده‌كا لۆژیكێ كوشتنا به‌لاش. ئه‌نفالا ژ ڤى ره‌نگى نعمه‌ته‌كه بۆ مله‌تێ مه، به‌روڤاژى ئه‌نفالا ره‌شا داگیركه‌ران. ئه‌نفال ب تێگه‌هێ بنبركرنا هنده‌ك دیاردان د جڤاكێ مه دا ل مه‌یدانێن سیاسى ئابوورى و ئیدارى، جڤاكى بگره ره‌وشه‌نبیرى دا ژی. مله‌ته‌ك قورتالبوویێ ئه‌نفالا بیت، گیرۆده‌یێ ده‌ستى كێمه‌كا گه‌نده‌لان بیت, گیرۆده‌یێ گه‌نده‌لیه‌ك ئیدارى بیت گیرۆده‌یێ ته‌خه‌كا سیاسیا هه‌لپه‌رست و خوه په‌رست بیت. هێژاى ئه‌نفاله‌كێ بۆ بنبركرنا ڤان ره‌نگه تێگه‌ه و ئاسته‌نگان، ب تنێ كورد نه‌شیاینه ئه‌نفالان د هه‌موو مه‌یدان و واره‌كێ دا بۆ بلندكرنا ئاستێ ژیانا سیاسى و ئابوورى و جڤاكى وه‌ك ئیدیه‌م و تێگه‌ه بكاربینن. ئه‌نفال په‌یڤه‌ك نه‌خۆشه د بیردانكا جڤاكێ كوردستانێ دا، لێ دڤیا وه‌ك ئیدیه‌م بۆ سه‌رراستكرنا سیاسى و ئیدارى بهێته بكارئینان و دووماهیه‌كێ بۆ جه‌وتى و گه‌نده‌لى و دوبه‌ره‌كى پاشڤه‌مانا مه یا كلتوورى بێته بكارئینان. كوردستان بوو قوربانى ئه‌نفالان، لێ نه‌بوو مفاوه‌رگر ژ ئه‌نفالا ب تێگه‌هێ بنبركرن و نه‌هێلانێ. ده‌مێ ئه‌نفالكرنا ژماره‌كا زۆرا دیاردایه، ل ڤى وه‌لاتى ل هه‌ر هێل و سێكته‌ره‌ك مایه قوتوبه‌ندكر. د گرێكه‌كا سیاسى جڤاكى عه‌شائیرى و… هتد دووماهیێ ژ پرسێن هه‌لاویستى یان بێ چاره.
ل دهۆكێ تاوانن نه‌ك قه‌یران…؟!
كۆڤان حسێن
ژیان بخوه هه‌ڤركیه‌كه به‌ردواما ئاسایه ل گه‌ل ئاسته‌نگ و قه‌یرانان چ سڤك چ گران، هیچ وه‌لاته‌ك نینه ل گۆر ژینگه‌ها خوه قه‌یران و ئاریشه نه‌بن، هه‌تا ڤێرێ ئاسایى یه، لێ دوباره‌بوونا قه‌یرانان بخوه قه‌یرانه و وێ راستیێ دیار دكه‌ت كو پلان و به‌رنامه ب تنێ ل سه‌ر كاغه‌زانن و ئاینده راده‌ستێ (قه‌ده‌رێ) دبیت. به‌رئاقل نینه كوردستان د ئێك ده‌م دا ل گه‌ل كۆمه‌كا قه‌یرانان بژیت. قه‌یرانا داراى و نه‌بوونا پاران دبیت چاره‌سه‌ریا وێ زۆر ئاسانتر بیت ژ قه‌یرانێن دى وه‌ك قه‌یرانا ئاڤێ قه‌یرانا كاره‌بێ قه‌یرانا گلێشى قه‌یرانا ساخله‌میێ یه. قه‌یرانا مولیدان. بۆ ڤان قه‌یرانا راستى راوه‌ستیان دڤێت ئه‌رێ ب راستى قه‌یرانن و ژ شیانا مرۆڤان و بیرۆكراتیا حوكمه‌تێ ڤه‌ده‌رن؟ یان خه‌مسارى بێ به‌رنامه‌یى و بێ پلانیه بێ ئه‌لترناتیفێن د وه‌ختێ خودانن؟! جارا مرۆڤ گومانێ دبه‌ت كو هنده‌ك ژ ڤان قه‌یرانا (ئه‌نقه‌ست) بن و ره‌نگه مه‌ره‌مێن سیاسى ژی ل پشت بن. دوور نینه ئه‌ڤه پیچه‌كا راستیێ ل گه‌ل بیت نه‌مازه، وه‌ختا دوباره‌ببن و ل ڤى سه‌رده‌مێ پێشكه‌فتى دا. هه‌كه نه چاوا درسته و نۆرماله (كه‌ڤز) باژێره‌ك ئێك ملیۆن كه‌سى ب ئاوه‌ره و گه‌شیار ڤه بهێلیته (تێهنى) و بێ ئاڤ وه‌ك دهۆكێ و ژبه‌رى هینگى هه‌مى سازێن جیهانێ به‌حسێ پێله‌كا گه‌رمایێ دكه‌ن بۆ دهۆكێ. دا چبیت هه‌كه پێشده‌م نه هێلابا (كه‌ڤز) پرۆژ را ئاستێ كه‌تن ئه‌ڤه هه‌كه راست بیت سویچێن گه‌رمێ بیت ژ وه ل به‌سرا پلا گه‌رمێ نێزیك 50 یێ و كه‌ڤز ناگریت؟ ئه‌رێ به‌ر ئاقله زاخۆ و نه‌شێت خوه ژ گلێشى قورتال كه‌ت كولانێن وێ ئاسێ بوونه ژ گلێشى. ئه‌ڤه ئاماژه‌نه نه‌ك قه‌یران ئاماژه‌نه ئیدارا دهۆكێ ژ راست پێدڤى گوهۆرینێ نه تاك ب تنێ مرۆڤان، به‌لكو بیرا ئیداره‌دانێ بیرا سه‌ره‌ده‌ریێ پێدڤى ب ژمراه‌كا شیانێن تازه‌یه. ژیان ل گه‌ل ڤان قه‌یرانان هێدى كرێتیه بۆ ئیدارا دهۆكێ هێدى، هێجه‌ت بێ مفانه ژ من ڤه دبیت راست بیت ژی ئه‌ڤه گه‌نده‌لیه ئه‌ڤه تاوانن نه‌ك قه‌یرانن.
په‌كه‌كه…شه‌ر فرۆشه..؟!
كۆڤان حسێن
هه‌مى خه‌لكێ كوردستانێ ئێدى هه‌ست ب هندێ دكه‌ن پارتیا كریكارێن كوردستانێ ئاستێ مایتێكرنا وه ل كوردستانا عێراقێ زێده كریه، ژماره‌كا نه كێم ژی وه‌سا دبینن، نه‌كو گه‌ره‌كا تازه‌یا شه‌رى سه‌رهلده‌ته ڤه، هه‌لبه‌ت سه‌د سال دیالۆگ و پێكه ئاخفتن بۆ چاره‌سه‌ریێ باشترن ژ ده‌مژمێره‌كا شه‌رى، لێ هه‌مى جاران ئه‌وێ نیازاا وى دیالۆگ نه‌شێت ئاراستا به‌رامبه‌رى وه ژی دیار كه‌ت، په‌كه‌كه پارتیه‌كا كوردستانیا باكۆره و مه‌یدانا خه‌باتا وێ باكۆره و ئه‌و ئازاده چى ره‌نگێ خه‌باتێ بهاژۆت، لێ یا راست بیت په‌كه‌كه مایه قه‌تیسێ هنده‌ك ئایدولۆژێن مده‌هه‌كه جیهانێ ده‌ست ژێبه‌رداى یان نوكه پێداچوونێ ب تێگه‌هێ ماركیسزمى و لینینزمێ و ماولیزمێ و سه‌رجه‌مێ كومۆنیزمێ و سۆسیالیزمێ داكه‌ن. مانا په‌كه‌كێ د ڤى قالبێ شه‌رێ سارێ دونیایێ وه‌ك پارتیا پێشره‌وه و نوونه‌رێ ئیكانه و خودانا مه‌یدانێ ب تنێ و خودانا ئاشتى و شه‌رى. فه‌ره په‌كه‌كه بۆ مه‌ودایێ بیركرنا خوه بۆ جیهانێ بۆ كاپیتالیزمێ و بۆ جیهانگێریى بۆ تۆرا په‌یوه‌ندیێن نوكه و به‌رژه‌وه‌ندیێن ئاسایشێ یێن هه‌ڤپشك بگوهۆریت. هه‌كه نه په‌كه‌كه تاكه بزاڤا چه‌كدارا جیهانێ یه ب تێگه‌هێ شه‌رێ پارتى زانى به‌رامبه‌رى ته‌لنولۆژیا سه‌رده‌مى شه‌ره‌ك خوسارت دكه‌ت ب تێگه‌هه‌ك سه‌ربازى، ب هه‌رحال په‌كه‌كه ئازاده چاوا خه‌باتێ بكه‌ت ب مه‌رجه‌كێ هێدى وێ راستیێ قه‌بوول كه‌ت باشۆر بۆ به‌رژه‌وه‌ندیا خوه ته‌ڤلهه‌ڤى توه‌ركا پاراستن و ئاسایشا جیهانێ بوویه و بۆ پاراستنا ئاسایشا خوه و كیانێ خوه و ئابوورا خوه و ئازادیا خه‌لكێ وه ناچیت بن بارێ درووشمێن په‌كه‌كێ باشۆر كیانه‌ك دستوورى یه و به‌رپرسه ژ ژیانا حه‌فت ملیۆن هه‌ڤوه‌لاتیان كو نان و كار و ئارامى و ئابوور و خواندن و خزمه‌تگوزارى دڤێن. باشه په‌كه‌كێ ئینكارا كریارا هه‌لێرێ كرى لێ باشتره په‌كه‌كه هه‌مى هێزا خوه ڤه گوهێزیت باكۆر و تركیا و جدى وه‌ك دیار شه‌رى ل سه‌ر ئاخا باشۆر نه ب كوردستانێ نه ب نه‌یارێن خوه نه‌فرۆشیت، چونكو مسۆگه‌ر په‌كه‌كێ هند هێزا هه‌ى مه‌یدانا خوه گه‌رم كه‌ت و ئه‌و رێزا ئه‌و ل سنۆرێ روژئاڤا ل گه‌ل توركا دگرن هه‌ما رێزێ ل سنۆرێ باشۆر و تركیا ژی بگرن هه‌تا جارێ برایه‌تیا گه‌لان دروست دبیت، هه‌ر چه‌نده من نه باوه‌ره و دبیت نه بیت ژی.
حوكمه‌ت ب (هیڤیا) نابیت..!؟
كۆڤان حسێن
هه‌موو حوكمه‌ته‌كێ چارچووڤه‌ك بۆ وى پرۆگرامى هه‌یه ئه‌وێ بۆ هاتى دامه‌زراندن، ل كوردستانێ باشترین حوكمه‌ت ئه‌وه ئه‌وا باشترین خزمه‌تگوزاریان بۆ هه‌ڤوه‌لاتیان ژ ئاسایشێ هه‌تا ساخله‌میێ دابین كه‌ت. ئه‌رێ ل كوردستانێ حوكمه‌تێ ئه‌و هه‌سته هه‌یه كو بێ عه‌داله‌تى و گه‌نده‌لى و نه‌بوونا لێپرسینێ، ب تنێ ئاسته‌نگن ل رێیا سه‌ركه‌فتنا وێ دا، هه‌كه راست بیت ل ڤى وه‌لاتى ژماره‌كا (باده‌كێن) گه‌نده‌لیێ هه‌یه و حوكمه‌ت خوه ل سه‌ر بێده‌نگ بكه‌ت، ب تنێ قومارێ ب ناڤ و ئاینده‌یێ سیاسیێ خوه دكه‌ت هه‌كه نه ده‌نه دادگه‌هێ و ژماره‌كا ناڤێن مه‌زن نه‌هێنه داگه‌هكرن، هیچ باوه‌رى و بهانه‌ك بۆ به‌رده‌وامیا ڤێ حوكمه‌تێ نابن. راسته حوكمه‌تێ گۆپالێ مووسایى نینه هه‌مى باده‌كان ئێكلا بكه‌ت، لێ تێرا هندێ ده‌م یێ هه‌یی هه‌ر چونه بیت، سنۆره‌ك بۆ ئه‌وا د به‌رنامێ حوكمه‌تێ دا گه‌نده‌لى بهێته دانان و تازه باوه‌رى بۆ هه‌ڤوه‌لاتى درست ببیت. دژایه‌تیا گه‌نده‌لیێ ساناهى نینه و به‌رپاكرنا عه‌داله‌تێ ژی ساناهى نینه، لێ نه مه‌حاله هه‌كه ئیراده‌كا ب هێز هه‌بیت. پارتى هه‌موو قه‌بار و سه‌نگا خوه هاڤێته سازیا جێبه‌جێكارا ده‌ستهه‌لاتێ، ئه‌ڤه ب خوه نامه‌كه كو پارتى رژده حوكمه‌تا كوردستانێ سه‌ركه‌فتى بیت ل گۆر به‌رنامێ دارشتى. دیسا هه‌كه بریار بیت ئیراده بیت حوكمه‌تێ سه‌ربێخن. هیڤى و درووشم ته‌مه‌نا و دلخوازى چاكسازیێ درست ناكه‌ن. بریار و ره‌فتار دێ رژدیا حوكمه‌تێ دیار كه‌ن, دیا كه‌یسێن گه‌نده‌لیێ كه‌یسێن بێ عه‌داله‌تیێ بۆ میدیایێ ئاشكرا كه‌ن و بده‌نه دادگه‌هێ و پرى كوردستانێ باده‌كێن پرى گه‌نده‌لى و بێ عه‌داله‌تى نه. پرى وه‌لاتێ مه چیرۆكێن گه‌نده‌لن، پرى وه‌لاتێ مه چیرۆكێن مافدارى و بێ عه‌داله‌تیێ نه، پرى وه‌لاتێ مه سیاسیى و كاربده‌ستێن ده‌وله‌مه‌ندن ب هزار پرسیاران…؟!
نيشاندان
WP Facebook Auto Publish Powered By : XYZScripts.com