پشتی گەهشتنا داخوازیێن لایەنێن پەیوەندیدار یێن حزبی و حكومی سەبارەت دەڤەرداریا سێمێلێ ب راسپاردەیا مەسرور بارزانی، سەرۆكێ حوكمەتا هەرێما كوردستانێ، ل رۆژا 4/3/2024 ب ئامادەبوونا سەربەست لەزگین، ئەندامێ مەكتەبا سیاسی و بەرپرسێ مەكتەبا رێكخستنا پارێزگەها دهۆكێ یا پارتی دیموكراتی كوردستان و د. ئومێد سەباح، سەرۆكێ دیوانا سەرۆكاتیا جڤاتا وەزیران و د. عەلی تەتەر، پارێزگارێ دهۆكێ و د. نەوزاد عەبدوللا، بەرپرسێ لقێ ئێك یێ پارتی و د. عەبدولحەكیم خسرۆ، سەرۆكێ فەرمانگەها دووڤچوون و هەماهەنگیێ ل حوكمەتا هەرێما كوردستانێ ل گەل دام و دەزگەهێن حزبی و حكومی یێن دەڤەرداریا سێمێلێ كۆمبوون و هەژمارەكا بڕیارێن حوكمەتا هەرێما كوردستانێ تایبەت ب دەڤەرداریا سێمێلێ ڤە راگەهاندن، ب ڤی رەنگێ ل خوارێ:
1. تەرخانكرنا گوژمێ 38 ملیار دیناران بۆ پڕۆژەیێن نوو و پێشڤەبرنا باژێرێ سێمێلێ و جاددە و ئاڤ و ئاڤڕێژان ل دەڤەرداریا سێمێلێ.
2. پلا كارگێریا سەرجەم فەرمانگەهێن دەڤەرداریا سێمێلێ دێ هیتە بلندكرن.
3. ڤەكرنا رێڤەبەریا كاروبارێن شەهیدان و ئەنفالكریان ل سێمێلێ.
4. فەرمانگەها تۆماركرنا خانوبەران ل سێمێلێ دێ هێتە ڤەكرن.
5. ڤەكرنا رێڤەبەریا بەرەڤانیا باژێری ل سێمێلی.
6. ڤەكرنا پشكێن (ئەندازیاری، خۆیەتی، یاسایی) ل دەڤەرداریا سێمێلێ.
7. پێشینێن رێڤەبەریێن سێمێلێ دێ هێنە زێدەكرن.
8. ڤەكرنا رێڤەبەریا بەنداڤ و ئاڤڕێژان ل سێمێلێ.
9. ڤەكرنا رێڤەبەریا ڤێتێرنەری ل سێمێلێ.
10. ڤەكرنا رێڤەبەریا ڤەگوهاستنێ ل سێمێلێ.
11. دروستكرنا هۆلەكا وەرزشی یا گرتی و مەلەڤانگەهەكێ‌.
12. دروستكرنا سێ بنگەهێن نوو یێن ساخلەمیێ.
13. دروستكرنا بنگەهێ ئوتیزمێ ل سێمێلێ.
14. دروستكرنا سێ بنگەهێن جڤاكی ل سێمێلێ.
13. دروستكرنا بنگەهێ ئوتیزمێ ل سێمێلێ.
14. دروستكرنا سێ بنگەهێن جڤاكی ل سێمێلێ.

د بەردەوامیا پڕۆژەیێن كابینا نەهێ یا حوكمەتا هەرێما كوردستانێ دا و ب بەرهەڤبوونا سەربەست لەزگین، بەرپرسێ رێكخستنا پارتی ل پارێزگەها دهۆكێ و د. ئومێد سەباح، سەرۆكێ دیوانا سەرۆكاتیا جڤاتا وەزیران و ساسان عەونی، وەزیرێ باژێرڤانی و گەشتوگوزارێ‌ و د. عەلی تەتەر، پارێزگارێ دهۆكێ و د. نەوزاد عەبدوللا، بەرپرسێ لقێ ئێك یێ پارتی دیموكراتی كوردستان و هەژمارەكا رێڤەبەرێن دام و دەزگەهێن خزمەتگوزاری ل رۆژا 4/3/2024 هەردو پڕۆژەیێن یۆتێرنێن نێزیكی پرا شندۆخا و یۆتێرنا نێزیك پانزینخانا بناڤی ئێك ل سەر جاددەیا گشتی یا بارزان كەفتنە د خزمەتا هاتنووچونا وەلاتیان دا.
پڕوژەیێ هەردو یۆتێرنان ل دووڤ بەرنامە و ل سەر بودجەیا حوكمەتا هەرێما كوردستانێ و گرنگیدان ب رێك و جاددەیێن د ناڤ باژێران دا و ب گوژمێ پتر ژ 13 ملیار دیناران هاتیە دروستكرن، دیسا ب چێكرنا وان هەردو یۆتێرنان ئاریشەیا ترافیكلایتان ژ رۆژئاڤایێ باژێرێ دهۆكێ هەتا دگەهیتە سنوورێ دەڤەرداریا شێخان چارەسەربوو.
‎هەر ئێك ژ وەزیرێ باژێرڤانی و گەشتوگوزارێ و پارێزگارێ دهۆكێ د پەیڤێن جودا دا پیرۆزباهی ل وەلاتیێن پارێزگەها دهۆكێ كر و ئاماژە دا رۆل و بەردەوامیا كابینەیا نەهێ یا حوكمەتا هەرێما كوردستانێ، ب تایبەت د بیاڤێ‌ ئاسانكرنا هاتنوچونا وەلاتیان دا و چێكرنا پڕۆژەیێن یۆتێرنان و ئەندەرپاس و ئۆڤەرپاسان ل سەرانسەری هەرێما كوردستانێ.

ب هەلكەفتا رۆژا جیهانیا ئافرەتان و ب بەرهەڤبوونا د. عەلی تەتەر، پارێزگارێ دهۆكێ و جاكوب بیریند، قونسلێ گشتیێ هولەندا ل هەرێما كوردستانێ و بنیامین حەنا، قونسلێ گشتیێ ئەلمانیا ل هەرێما كوردستانێ و هەژمارەكا رێكخراوێن بیانی دوهی 5/3/2024 رۆژا جیهانیا ئافرەتان ل سەنتەرێ وێ یێ ئافرەتان ب چەندین چالاكیان هاتە ئەنجامدان.
هەر ئێك ژ پارێزگارێ دهۆكێ و قونسلێن هەردو وەلاتێن ئەلمانیا و هولەندا پەیڤێن خوە پێشكێشكرن و تێدا باس ل گرنگیا ڤێ رۆژێ و پرەنسیپێن مافێن مرۆڤی و مافێ‌ ئافرەتێ و چاوانیا پێشڤەبرنا رۆلێ ئافرەتێ د جڤاكی دا كرن.
پاشی ب چەندین بڕگەیێن جودا یێن پێشانگەها كارێن دەستی، پێشانگەها فوتوگرافی، كورتە دیبەیتەك، داهێنانێن ئافرەتان، دەهواتێن كوردی و فۆلكلورێ كوردی هاتنە نیشادان.

سێمێل، موسا خالد:

بڕیارە بازاڕەكێ‌ تایبەت ب شەڤێن مەها رەمەزانا پیرۆز ژ لایێ‌ رێڤەبەریا گشتی یا گەشتوگوزارا پارێزگەها دهۆكێ‌ ب هەماهەنگی ل گەل فاملی مۆلا دهۆكێ‌ بهێتە ڤەكرن.
بەرهەڤیێن ڤەكرنا بازارێ تایبەت ل شەڤێن مەها رەمەزانا پیرۆز د بەردەوامن و ل ژێر چاڤدێریا د. عەلی تەتەر، پارێزگارێ دهۆكێ ئەو بازارێ تایبەت ل شەڤێن مەها رەمەزانا پیرۆز ژ لایێ رێڤەبەریا گشتی یا گەشتوگوزارێ ل پارێزگەها دهۆكێ ب هەماهەنگی ل گەل فاملی مۆلا دهۆكێ ل فاملی مۆل ل نێزیك كۆمەلگەها تەناهیێ دێ هێتە ڤەكرن.