مەحمود نهێلی

ژ بۆ پتر دیتنا دەلیڤێن كاری بۆ گەنجان و پەرچاڤكرنا شیانێن وانا دەزگەهێ‌ روانگە پرۆژیەكی نوو ل بەرە ئەنجام بدەت و هەژمارەكا گەنجان دێ‌ مفا ژێ‌ وەگرن و  بنە خودان كار و پرۆژە.

ئەفرام عەبدلئەحەد ئەفرام رێڤەبەرێ‌ ئوفیسا دهوك یا دەزگەهێ‌ روانگەه بۆ رۆژناما ئەڤرۆ دیاركر، ئەڤ پرۆژیە د چارچوڤێ‌ پرۆگرامەكی مەزنترە كو ب پالشتیا رێكخراوا (GIZ) یا ئەلمانی دێ‌ هێتە ئەنجام دان و گۆت: ئەڤ پرۆژەیە ژ چەندین تەوەران پێك دهێت، ئێك ژ وانا ب هێزكرنا شیانێن گەنجایە و ب رێیا راهێنانێن پیشەیی و تەوەرێن دن ژی پەیداكرنا پالپشتیا مادی یە بۆ كەسانێن خودان هزر و ئەو كەسێن دڤێن كارێ‌ خوە یێ‌ نوو دەست پێ بكەن، یان ژی پرۆژێ‌ خوە پێشبێخن و تەوەرێ‌ سێ یێ‌ ژی بابەتەكی ژینگەهی یە كو دێ‌ ل پارێزگەها هەولێرێ‌ هێتە ئەنجام دان.
و دیاركر، بابەتێ‌ راهێنانێن پێشەیی دێ‌ ل سەنتەرێ‌ ناوچەداریا دێرەلۆك هێتە ئەنجام دان و گۆت: دێ‌ خۆلێن راهێنانێن پیشەیی بۆ هەژمارەكا ئافرەتان هێنە ڤەكرن یێن تایبەت ب كارێ‌ دروارێ‌ و پشتی ڤان راهێنانان و خۆلان دێ‌ پالپشتیا مادی بۆ هێتە دابینكرن بۆ وێ‌ یەكێ‌ ئەڤ ئافرەتە كارێ‌ خوە یێ‌ بزنزێ‌ پێ‌ ئەنجام بدەن.
ناڤهاتی دیار ژی كر، پشتی ئەڤ قوناغە ب داوی دهێت دێ‌ پرۆژەیەكی دی دەسپێكەت و هزرێن ڤان گەنجێن دەڤەرێ‌ دێ‌ هێنە كۆمكرن و ب رێكا لینكەكی دێ‌ هزرێن وان هێنە نرخاندن و پاشان دێ‌ پالپشتیا مادی بۆ پەیدا كەین بێ‌ وێ‌ یەكێ‌ ئەو هزرێن خو بكەنە كار و پرۆژێن خوە پێ‌ پێشبێخن و بزنزێ‌ پێ‌ بكەن.
رێبەر سادق رێڤەبەرێ‌ ناوچەداریا دێرەلۆك بو رۆژناما ئەڤرۆ دیاركر، ژ بەر كو دەڤەرا مە ژ هەموو لایەكی ڤە یا دورپێچكریە و دەلیڤێن كاری تێدا دكێمن و گۆت: نوكە هاولاتی نەشێت كارێ‌ چاندنێ‌ ژی بكەت ژ بەر كو پتریا گوندێن دەڤەرێ‌ د چولن و ژ بەر ڤێ‌ رەوشا نوكە یا شەرێ‌ دناڤبەرا پەكەكێ‌ و توركیا دا گەلەگ كارتێكرن ژ وەلاتیێن دەڤەرێ‌ هاتیە كرن ژ هەمو لایەكی ڤە بتایبەتی ژی ژلایێ‌ نەبوونا دەلیڤێن كاری.
و گۆت ژی: ژ بەر وێ‌ یەكی ژی پرۆژێن ب ڤی رەنگی ل دەڤەرێ‌ بهێنە ڤەكرن دێ‌ خزمەتەكا باش یا خەلكێ‌ دەڤەرێ‌ كەت هەم ژلایێ‌ دیتنا دەلیڤێن كاری بۆ گەنجان هەم ژی ژلایێ‌ فێربوونا گەنجان ب كارێن نوو و تێكەلیان ب كاری و دەوروبەران را.

دلشاد عەبدوللا:

کچەکا ١٩ سالی بو رۆژناما ئەڤرۆ دیار کر کو بۆ ماوەیەکێ پەیوەندیا حەزژێکرنێ دناڤبەرا وێ و کەسەکی دا هەبۆ و گۆت: ئەوی سوز دابو کو من بۆ خو بخوازیت و هەڤژینیێ ل گەل من پێک بینیت، لەورا من ژی هەموو باوەریا خۆ پێ ئینا، لێ پشتی ئەز ژ کچینیێ ئێخستیم و هێلایم ژنوی من زانی یێ ب ژن و زارۆکە.
(ب. ع ) کچەکا ١٩ سالیە گۆت: (من و زەلامەکی بو ماوێ شەش هەیڤان حەز ژ ئێکدو دکر، ئەوی گوتبۆ من ئەز سینگلم، لەورا روژ بو روژێ ئەز پتر پێڤە هاتمە گرێدان و من حەز ژێ کر، روژەکێ من درەو ل گەل مالا خو کرن ب بهانا قوتابخانێ ئەز ل گەل وی دەرکەفتم ئەم چوینە ژ دەرڤەی باژێری دناڤ مەزرەعا وان).
ڤێ کچێ د بەردەوامیا ئاخفتنێن خۆدا گۆت: (ئەوی ل وێرە سوز دا من کو من بو خو بخوازیت و گوتە من ئەز ئێکانەمە و پشتی ئاخفتنێت خوش ئەم نێزیکی ئێكدو بوین و ئەم نە شیاین خۆ کونترول بکەین و مە کریارا سکسی ئەنجام دا و ئەوی ئەز ژ کچینێ ئێخستم، پشتی کریارا سکسی ل گەل من کری ئەوی هەموو پەیوەندیێن خو ل گەل من بڕین).
ڤێ کچێ گوتژی: (نەخوشترین روژ من د ژیانا خودا بوراندن و بارێ من یێ دەروونی کەلەگ تێکچوو، روژەکێ ئەوی تێلەفونا خۆ ڤەکر و پشتی ئەس ل گەل ئاخفتیم گوت ئێدی من تو نەڤێی و ئەز خودان ژن و زارۆکم، من ژی ب دلەکێ سۆتی گۆتێ تە ژیانا من ژناڤ بر و ئەز وێران کرم ئەز نزانم چ کەم هیڤیدارم رێکە چارەسەریەکێ بو من بێژن).
چارەسەری
خویکا هێژا: تە خەلەتیەکا مەزن یا کری ئەو ژی تە خۆ ب دەستڤە بەردایە و تو لدویڤ حەزا خو چووی، تە ئەڤ تشتە ب سەرێ خو ئینا، لەورا پێدڤیە ب زوترین دەم هوین چارەسەر بکەن بێی کو کەس بزانیت، هەکە دێ ئاریشە مەزنتر لێهێت داکو نەبیە قوربانیا ڤی چەندێ.. باش بزانە قوربانیێن ڤان جورە روودانان د جڤاکێ مە دا بەهرا پترئافرەتن.
هەکە تو هەڤژینیێ ل گەل کەسەکێ دی پێک بینی ژلایێ دەروونیڤە تو هەست ب ئارامیێ ناکەی و دێ هەست ب گونەهێ کەی و نەشێی ڤی رویدانێ ژبیر بکەی، ژبەرکو ژلایێ ئایینی ڤە ژی کارەکێ نە دروستە، خودێ حەقێ تە دێ ژ وی چێکەت، ژبەرکو وی زولم لتە کریە، داخوازێ ژێ بکە بهێت تە بخوازیت مافێ تەیە بلا یێ خێزاندار ژی بیت، ئەوێ ڤێ کاری دکەت دڤێت ئەنجامان ژی قەبیل کەت.
باش بزانە کو کەلتور و داب و نەریتێن مە یێن جڤاکی کرنگیەکا مەزن ددەنە بابەتێ نامووسێ، ئەڤجا یا ژ هەموویا باشتر ئەوە هوین پروسەیا هەڤژینێ پێک بینین.
ژلایێ یاسایی ڤە تە مافێ هەی سکالایێ ل وی بکەی و دێ سزایەکێ مەزن ل سەر هێتە دانان کو دێ هێتە زیندان کرن بو ماوێ سێ هەیڤا هەتا 5 سالا ل دویڤ ماددێ ٣٩٥ێ ژ یاسایا سزادانێ.
ئەز داخوازێ ژ هەموو کور و کچان دکەم سنورەک دناڤبەرا هەوەدا هەبیت ل دویڤ حەزێن خو نەچن و نەبنە ئێخسیرێن غەریزا خۆ، هەکە دێ بنە قوربانیێن حەزێن خو، و دێ ئاریشێن مەزن یێن یێن جڤاکی و خێزانی پەیدا بن.