هەولێر، قائید میرۆ

شارەزایەكێ وەبەرهێنانێ ئاشكراكر، بڕیارا راگرتنا مۆلەتێن پڕۆژێن ئاكنجیبوونێ دێ كاریگەریێن زۆر ل سەر رەوشا بازاڕێ ئەرد و خانیان و یەكێن ئاكنجیبوونێ هەبیت و دبێژیت: چەندین ئاریشەیێن كەرتێ ئاكنجیبوونێ دێ هێنە چارەسەركرن، ژ وان ژی ئەو داكەتنا نوكە بازاڕێن هەرێما كوردستانێ ڤەگرتی دێ دووبارە بەرەف گەشەكرنێ چیت.

د. موخلس سەلیم، شارەزایێ كەرتێ وەبەرهێنانێ بۆ رۆژناما ئەڤرۆ دیار كر «بڕیارا حوكمەتا هەرێما كوردستانێ ل دۆر راگرتنا مۆلەتێن یەكەیێن ئاكنجیبوونێ دێ كاریگەریێن زۆر هەبن و دووبارە دێ بازاڕ ڤەگەڕیت بۆ ئاستێ بەرێ، چونكە د دەمێ نوكەدا چەندین ئاریشە بۆ كەرتێ ئاكنجیبوونێ پەیدابووینە و داكەتنەكا زۆر بازاڕێ ئەرد و خانیان و یەكەیێن ئاكنجیبوونێ ڤەگرتیە.
زێدەتر دبێژیت: بازاڕێ یەكەیێن ئاكنجیبوونێ ب شێوەیەكی داكەتیە نوكە ل بازاڕی شوقە و یەكەیێن ئاكنجیبوونێ ب بهایێ خوە یێ هاتینە ئاڤاكرن دهێنە فرۆتن و هێشتا بكڕ نینە، ل هەموو وەلاتەكی ژی دەمێ خواست كێم دبیت ل بازاڕی داكەتن دكەڤیتە بهایێ هەر تشتەكی، نوكە ل بازاڕێ هەرێما كوردستانێ شوقە و ڤیلە و یەكەیێن ئاكنجیبوونێ هەنە ب بهایەكێ زۆر ئەرزان دهێنە فرۆتن و هێشتاژی كڕیار نینە.
خویاژی كر، بهایێ یەكەیێن ئاكنجیبوونێ ل سەر ئاستێ عێراقێ تنێ ل هەرێما كوردستانێ د ئەرزانن، لەوڕا ئەز باوەرم دێ كاریگەریێن زۆر ل سەر بازاڕی هەبیت و دووبارە دێ بازاڕ بەرەف گەشەیەكا زۆر چیت، مەرەم ل بڕیارا حوكمەتێ بۆ راگرتنا پڕۆژێن یەكەیێن ئاكنجیبوونێ دوبارە دێ كەرتێ یەكەیێن ئاكنجیبوونێ بهێتە رێكخستن هەموو لایەكی ڤە، هەر تنێ رێكخستنا بهایێ یەكەیێن ئاكنجیبوونێ نینە، زۆریا پڕۆژان و ئەرزانیا بهایێ وان ل سەر حیسابا كوالێتیا پڕۆژەیان بوویە، ب دیتنا من دێ حوكمەت زێدەتر گرنگیێ ب كوالێتیا پڕۆژەیێن ئاكنجیبوونێ بدەت.
دكتۆر موخلس سەلیم گۆت ژی «ئەو بڕیارا ل دۆر یەكەیێن ئاكنجیبوونێ هاتیەدان بۆ راگرتنا پڕۆژێن ئاكنجیبوونێ یەكەیێن كرێداران ڤەناگریت، چونكە سالا بۆری سەرۆكاتیا حوكمەتا هەرێما كوردستانێ بڕیار ل دۆر ئاڤاكرنا 20 هزار یەكەیێن ئاكنجیبوونێ دەركریە و بەرهەڤی هاتینەكرن بۆ ئاڤاكرنا یەكەیێن ئاكنجیبوونێ ل زۆربەیا پارێزگەهان و ئیدارەیێن سەربخۆ پێنگاڤێن باش هاتینە هاڤێتن بۆ ئاڤاكرنا وان 20 هزار یەكەیێن كرێداران و هەر بڕیارەكا بهێتەدان یەكەیێن كرێداران ڤەناگریت، هەروەسا كار یێ دهێتەكرن پشتی رێكارێن قانوونی و كارگێڕی دووماهی دهێن دێ دەست ب پڕۆژێن یەكەیێن كرێداران هێتەكرن و هەموو ئەو كەسێن مەرجێن پێدڤی تێدا هەی دێ مفاداربن.
د. هەڤال سەدیق، رێڤەبەرێ‌ گشتیێ‌ وەبەرهێنانێ‌ ل پارێزگەها دهۆكێ‌ بۆ ئەڤرۆ دیار كر، كارگەها (تیان) یا دروستكرنا ئاری دا و ۆ بەرهەمئینانا ئاری ئێك ژ مەزنترین كارگەهێن دروستكرنا ئاریە ل دهۆكێ و هەرێما كوردستانێ كو د شیان دایە د ئێك رۆژ دا پتر ژ (200) تەنێن ئاری بەرهەم بینیت و رەوانە بكەت. ئەڤ پرۆژە ب رێژا 100% ب دووماهی هاتیە و كەڤتیە د خزمەتا جوتیاران دا، سەرمایێ پروژەی نەهـ ملیون دولارن.

شاهۆ فەرید:

هاتنا مەها رەمەزانا پیرۆز خوەشی و تامەكا جیاوازە ژ مەهێن سالێ و جیاوازە هەر لایەكێ ڤە، د ڤان سالێن دووماهیێ دا نەریتەكێ نووو دەركەتیە، خەلك رادبیت ب خەملاندنا مال و جهێن بازرگانی و بازاری و جهێن فروتنا شریناهیا ژی رادبن خەملاندنێ كەش و هەوایێ رەمەزانێ ب شێوازیێن جودا دیاردكەن و سەرنجێ بۆ خوە دكێشن و خەلكەك بۆ كرینا پێدڤیا قەست دكەنێ، ئەڤ چەندە د كەڤن دا ب تنێ ل وەلاتێ مسرێ یا بەربەلاڤ بوو، بەلێ د ڤان سالان دا پتریا وەلاتێن ئەرەبی و موسلمان ژی ب خەملاندنا جهێن گشتی و تایبەت رادبن.

وەسیم سەباح بازرگانەكێ رەگەز مەسیحیە و ئێكەم كەس بۆ رابووی ب ئینانا خەملا رەمەزانێ بۆ ناڤ دهۆكێ ل جهێ خوەیی تایبەت ل سالا 2010 ژ وەلاتێ سوریا بۆ ئەڤرۆ گۆت: جارا ئێكێ مە ئیناین خەلكێ نەدزانی چیە و مە بێ بەرامبەر دابەشكرن، پاشی سالا 2017 من قەستا وەلاتێ چینێ كر و چەند بارەك ئینان و هاتنا كۆرونایێ مە كێمكرن، ل سالا 2021 قەبارەكێ مەزن هاتە فروتن و داخوازی گەلەك ل سەر بوو، هاتنا كۆرونایێ خەلكێ قەستا سوشالێ كرن دیتن ئەڤ چەندە هەیە، بەلێ ل ڤێری چاڤدێریا بازرگانی دڤێت رۆلێ خوە هەبیت كو هندەك پەیجێن ئۆنلاین رابووینە ب شكاندنا بهایان ب شێوەكێ نەیێ دورست، ئەڤ چەندە بۆیە ئەگەر ئەڤ سالە چ بارێن نوو نەئینم ئەوێن پار ماین بهایێ كوم فروشم.
زێدەتر گۆت: ئەڤ كەل و پەلە ب رێیا ئاڤێ دگەهن و بەندەرا بەسرا باج گران كریە، ئەو تشتێ دئینن ژی بهایێ شكاندنا وان نەیێ دورستە، گەلەك كەزی و نە دروستی دناڤدایە، ل دەف مە داخوازی سەر ریێن بالیفكان و پارچە پەروكێن سەرمێزانە هەیە ودیزاینێن مە تایبەتن هندەكا ژی دووڤ داخوازیێ چاپ دكەین ئەڤ جۆرە كار د وەرزینە نەژێ دیاربكەی بازاری چەندێ گەرمە هەردەم نوویاتی دناڤا تشتێن من هەیە، رەوشا دارایی و دۆلاری كاتێكرن ل كارێ مە كریە.
ئەحمەد خودانێ پێشانگەها فروتنا دیاریا گۆت: ل سالا 2018 مە چەند پارچە ئینان و داخوازی سەر هەبوو، ئەڤە 7 سالە بەردەوام دئینین، كریار ژی جوانیا مالا خوە د سوشالێ دا بەلاڤ دكەن و پتریا كاری سەر هندێ یە، داخوازی گەلەك ل سەر هیلالی و فانوسی هەیە هەر شێواز و جور و قەبارە هەبیت، 100 جورێن كەل و پەلێن جودایێن خەملا رەمەزانێ هەنە دەفمن، ئامانێن شریناهیا و كوپ و گلاسا ژی هەنە دووەم پر فروشیاریە، ماوێ دوو حەفیتە مە پێداویستی ئیناین و پێشوازیێ‌ ل بكرا دكەن، پار سال تا ڤی دەمی بارێ مە نیڤی بۆ ئەڤ سالە سستیەكا زور هەیە، بهایا جیاوازی كەتیێ، بەلێ مە نەڤیایە كریارێ خوە ژ دەست بدەین، گەلەك داخازیا خەملاندنێ بۆ مال و جها ژ مە دكەن ژ بەر نەبوونا دەمی نەشێن وی كاری بۆ بكەین.