ئەمیر ئەترووشی:

پەیڤدارێ حوكمەتا هەرێما كوردستانێ ئاشكراكر، كابینا نەهێ زێدەتر ژ 100 پۆند ل سەرانسەرێ هەرێما كوردستانێ چێكرنە بۆ كۆمكرنا ئاڤا بارانێ، ئەڤ پۆندێن هە ژی وەكە رزگاركەرێن ئاڤێ بۆ هەیڤێن هاڤینێ دێ كار كەن، كێلگەهێن چاندن و كەرتێ ئاژەلداریێ د پارێزن ژ بلی هندێ كۆ دێ رێگریێ ژ لەهی و تێكدانا زەڤیێن چاندنێ كەن.

پێشەوا هەورامانی، پەیڤدارێ حوكمەتا هەرێما كوردستانێ بۆ رۆژناما ئەڤرۆ دیار كر، پشكداریكرنا مەسرور بارزانی، سەرۆكێ حوكمەتا هەرێما كوردستانێ ل كۆپیتكا جیهانیا سەقای، « پشكداریا تەشریفاتی نینە و ئەڤ بابەتە دناڤ دیدگەها وی ب گرنگ كار بۆ دهێتەكرن و بەحسێ‌ گرنگیدانا سەرۆك وەزیرێن هەرێما كوردستانێ ل بابەتێ گوهۆرینێن سەقای كر و دیار كر، مەسرور بارزانی وەك تاكە سەركردێ دەڤەرێ، پێنگاڤێن كرداری بۆ ڤێ پرسێ هاڤێتنە.
زەلال ژی كر:»سەرۆك وەزیران وەك تاكە سەركردێ دەڤەرێ، پێنگاڤێن كرداری بۆ ڤێ پرسێ هاڤێتنە و هەم ل نڤیسینگەها خۆ هەم ژی ل كابینا خۆ گرنگی ب گوهرینێن سەقای هاتیەدان و د دەمێن بووری دا كارێن زۆر باش هاتنە كرن ب مەبەستا ژینگە پارێزیێ،»كۆ ئێك ب ئێك ئاماژە ب وان پێنگاڤان دایە.
خویاژی كر، د هەیڤا ئابا سالا 2021، حوكمەتا هەرێما كوردستانێ بریار دا كۆ سۆتنا غازێ ل هەمی پارزینكێن پەترۆلێ ل سەرتانسەرێ هەرێما كوردستانێ بهێتە قەدەغەكرن، بریار‌ ژی ئێكسەر هاتە بجهئینان، رۆژانە زێدەتر ژ 150 ملیۆن پێ سێجا غاز دهاتە سۆتن، ژبەر نیگەرانیێن ژینگەه و سەقای، حوكمەتێ ئەو كار ب تەمامی قەدەغە كر.
هەروەسا د هەیڤا ئایارا سالا 2023، مەسرور بارزانی، سەرۆكێ حوكمەتا هەرێما كوردستانێ بەرێ بنیاتێ مەزنترین وێستگەها وزەیا رۆژێ ل هەرێما كوردستانێ دانا، پرۆژە ب كوژمێ 100 ملیۆن دۆلاران ب شیانێن 25 مێگاواتا دهێتە ئەنجامدان، بریارە د سالا 2024 بهێتە تەمام كرن.
هەورامی ئاشكرا ژی كر، كابینا نەهێ زێدەتر ژ 100 پۆند ل سەرانسەرێ هەرێما كوردستانێ چێكرنە بۆ كۆمكرنا ئاڤا بارانێ، ئەڤ پۆندێن هە ژی وەكە رزگاركەرێن ئاڤێ بۆ هەیڤێن هاڤینێ دێ كار كەن، كێلگەهێن چاندن و كەرتێ ئاژەلداریێ د پارێزن ژ بلی هندێ كۆ دێ رێگریێ ژ لەهی و تێكدانا زەڤیێن چاندنێ كەن.
هەروەسا د هەیڤا چریا ئێكێ یا سالا 2023 سەرۆكێ حكومەتا هەرێما كوردستانێ كارگەهەكا پێشكەفتی یا ریسایكلینیا قێری ل هەولێرێ ڤەكر، كارگەهـ ل گورەی ستانداردێن ژینگەها هەڤچەرخ هاتیە چێكرن و ئێكەم كارگەهە ژ جۆرێ خۆ ل عێراق و هەرێما كوردستانێ كۆ بكەڤیتە كاری.

سولین سلێمان

دگەل هاتنا سەرمایێ و وەرزێ زڤستانێ، خارنگەهێن دروستكرن و فرۆتنا پاچا خاستەكا زۆر سەر هەیە، دیسا ژی پاچە ئەو خارنا دلخازا گەلەك وەلاتیایە ب تایبەتی ژی د وەرزێ زڤستانێدا، داخازیی پتر یا ل سەر هەی، لێ ئەڤ چەندە دبیتە ئەگەر بهایێ وێ بلند ببیت. ل دووڤ پێزانینێن خودان فروشگەهێن سەروپێكان و وەكی ئەو دبێژن: بهایێ پاچا ب هەڤبەركرن دگەل هەیڤێن دی پتر لێ هاتیە.

سەردار عوسمان خودانی ئێك ژ فروشگەهێن دروستكرنا پاچا ل ئیسكان و فروشگەها وی داخوازیەكا زۆر سەر ل هەیە، تایبەت بۆ رۆژناما ئەڤرۆ گۆت: بهایێ هەر پاچا ل دووڤ جۆرێ گیانەوەری دهێتە گوهۆرین، بۆ نموونە پاچێن پەزی ب 25 هزار دینارانە و یێن گیسكا ژی ب 19 هزار دینارانە، ئەو كەسێن ل دەف مەژی دكڕن دبەنە مال بۆ خۆ پاقژ دكەن و دروست دكەن.
خویا ژی كر، ل وەرزێ هاڤینێ كێمتر خواست ل سەر كرین و خوارنا پاچا هەیە، چونكی سەقا یێ‌ گەرمە، لێ بەروڤاژی د وەرزێ زڤستانێدا خواست گەلەك ل سەر كرین و خوارنا پاچا هەیە، ب تنێ ژ وەرزێ زڤستانێدا ل دەڤ من پتری 500 پاچە دهێنە دروستكرن و فروتن.
ئاماژە ب وێ چەندێ ژی كر، ژ بەر كو گەلەك رێژا عەرەبان هەیە ب تایبەتی ژی ل هەولێرێ، ئەز دشێم بێژم پتریا وان پاچا ل دەف مە دبەن، چونكو وان ژی گەلەك حەز ل سەر خوارنا وان هەیە، پتر ژ كوردان ژی ئەو پاچا دخون، ئانكو ئەو ب كێمی حەفتیێ دو جاران دخون، لێ بەلكی دەف كوردا ئەڤ رێژە كێمتر بیت.

ئەمیر ئەترووشی:

رێڤەبەرێ گشتیێ وەبەرهێنانێ ل دهوكێ راگەهاند، ئوتێل و موتێلا (كایار) ئێك ژ پڕۆژێن وەبەرهێنانێیە ل دهۆكێ كۆ دەستووریا وەبەرهێنانێ ژلایێ رێڤەبەریا گشتیا وەبەرهێنانا دهوكێ وەرگرتیە ئەڤ پروژە دكەڤیتە رۆژهەلاتێ دهۆكێ و ل دەمەكێ‌ نێزیك دێ كەڤیتە خزمەتا گەشتیار و رێڤینگان.

د. هەڤال سەدیق، رێڤەبەرێ گشتیێ وەبەرهێنانێ ل پارێزگەها دهوكێ راگەهاند، ب كوژمێ (10) ملیۆن دۆلاران پروژێ (كایار) كۆ ژ ئۆتێل و مۆتێلا پێكهاتیە و ئێك ژ پڕۆژێن وەبەرهێنانێ یە ل دهۆكێ كۆ دێ ل دەمەكێ نێزیك كەڤیتە خزمەتا گەشتیار و رێڤینگان.
ئاشكرا كر، ئەڤ پروژە ژ دوو ئاڤاهیێن هەشت قاتی پێكهاتیە، ئاڤاهیێ ئێكێ هوتێلەكا هەشت نهومی، قاتێ بن ئەردی بۆ خزمەت گوزاریان و كوگەهان، قاتێ سەر ئەردی بۆ پێشوازی و پرسگەهـ و كارگێری و كافتریا، قاتێ ئێكێ بۆ خارنگەهـ و هۆلا یاری و خزمەت گوزاری، قاتێ دووێ هەتا قاتێ شەشێ (55) ژوورێن نڤستنێ هەنە.
رێڤەبەرێ گشتیێ وەبەرهێنانێ ل پارێزگەها دهوكێ ئاشكرا ژی كر، رێژا بجهئینانێ گەهشتیە (90%)، ئاڤاهیێ دووێ (هوتێل) موتێل كایار، ئاڤاهیێ دووێ موتێلەكا (8) نهومی، هۆلا كۆنفرانسا و باخچە و پارك، رووبەرێ وێ (18,394)م2 كەرتێ 86 ئێتوت دهۆك، رێژا بجهئینانێ گەهشتیە (100%).