دیدار، سالار محەمەد دۆسكی:
1-3
ل رێكەفتی 8/8/ 1968ێ ژ گوندێ (زڤنگا حسێن) و هێشتا ل قوناغا زارۆكینی ل گەل فەقیان ژ باكور هاتمە باشورێ كوردستانێ و هەم بۆ خواندنێ و دیسا عەشق و ڤیانا شورەشێ و حەژێكرنا مە بۆ سەركردێ نەتەوا كورد (مەلا مستەفا بارزانی) زێدەتر ڤیان ل دەف مە زێدەكر كو بهێنە باشورێ كوردستانێ، مەلا نەزیر حاجی سلێمان، زێدەتر بۆ رۆژناما ئەڤرۆ گۆت: دەمێ هاتینە سەر سنورێ توركیا بەرەف ئیراقێ ئەفسەرەك هەبوو بناڤێ(بەحری) و دەمێ دبوو دەواما وی كەیفا خەلكی دهات و هاتن و چوون بخوە دكرن چونكە یێ هاریكار بوو و نەتەوە كورد بوو و گەلەك جاران چا ل گەل مە ڤەدخوار و من گۆتێ من حەز هەیە بچمە عیراقێ و پێشمەرگێ و سەركردە (مەلا مستەفا بارزانی) بینم وی گۆت فەق نەزیر تورك دێ تە كوژن و من گەلەك رژدی كر بچمە ئیراقێ و كەسەك هەبوو بناڤێ( ئەحمەد) و (بەحری) گۆتێ بلا فەق نەزیر ئێمانەتێ هەوە بیت و ئەگەر ڤەگەریا ژی بلا نەهێت هەتا دبیتە دەواما من و ئەو بوو ل سەر سنوری هاتینە گوندێ(دورنەخ) دووڤ دا ل گەل ژنێن ماستی و سپیاتی تین ئەم بەرەف باژێرێ زاخۆ ب رێكەفتین.
مەلا نەزیر زێدەتر گۆت: پشتی گەهشتمە باژێرێ زاخۆ من قەستا مزگەڤتا مەزن یا باژێرێ زاخۆ كر و (مەلا اسماعیل نافشكی) ل مزگەفتێ بوو و مژویلی گۆتنا وانا قوتابیان بوو ل مزگەفتێ و گۆتن ئەڤێ خشكوك كیە هندەكا گۆتێ فەق نەزیرە و گەلەك كە یفا خوە ب من ئینا و ئێكسەر پشتی چەند دەمژمێرا بوومن ناسناما مزگەفتێ دروستكر بوومە قوتابیەكێ فەرمی ل گەل قوتابیان و هەیڤەكێ كێمتتر مانە ل زاخۆیێ و كەسەك هەبوو بناڤێ(مستەفا گویی) گۆتە من تەڤێت بچچیە ناف پێشمەرگەی ؟ من گۆتێ ئەرێ والله من ڤێت گۆت دێ تە بەمە بەردەستێ مامۆستایەكێ ئاینی دناڤبەرا گوندێن(گەلناسكێ و قومریێ) دا و ئەو رێك هاتن و چوونا پێشمەرگەی یە و دێ بەردەوام بینی و وی دەمی دانوستاندێن حوكمەتا عیراقێ ل گەل سەركردایەتیا كوردستانی بوون، چووینە باتیفا لدەف (مەلا ئەحمەدێ شەرنەخی) و پشتی نڤێژا مەغەرەب مە كری گەلەك ما ب مە ڤە ئەم شەڤبێریا خوە وێرێ بكەین لێ هەڤالێ من پێداگری ل سەر چوونێ كر و ل مە بوو شەڤ و ئەم بەرزەبووین و هەتا دەنگێ هندەك (سا) هاتیە مە و مە خوە نێزیك كر و گەهشتینە ناف هندەك پەزی و مە گۆتە شڤانی بەرزەبووینە و چووینە گوندێ(بەرزوكێ) و مالا موختاری گەلەك قەدرێ مە گرت و مەخوارن خوار و دووڤ دا هاتینە (باڤا) و دوو (ئەردنا و زێوكا عەبو) بووینە فەقی و مە دەوام كر و نێزیكی هەیڤا رەمەزانێ بووین و بەردەوام پێشمەرگە دناڤبەرا هەر دو گوندان هاتن و چوون كر وی دەمی یێ پێشمەرگەبا دڤێت دەرسوكا صور كربابێ و گەلەك كەیفا من ب پێشمەرگەی دهات و جارەكێ ئاهەنگەكا 16/8/1968 ل (ئەلندكێ) بوو و مە ژ مامۆستایێ خوە خواست بچینە ئاهەنگێ و پێشمەرگەی بینین ل هەیڤا (11) ل سالا 1968 ئێكەم جار بوومە مەلا ل گوندێ (كەربلێ) بوو و مامۆستایێ من گۆت هەرە وی گۆندی و هەیڤا رەمەزانێ یە و نڤێژێ ل بەرا وی خەلكی بكە و مامۆستایێ من خودبا جەژنێ نیشا من دا وی دەمی گەلەكێ بچووكێ بووم وی دەمی سەنگا من (30) كیلوبووم وی دەمی (مەلا قاسمێ كوچەر) بەرپرسێ شانا رێكخستنێ بوو ل دەڤەرێ و دیسا خویك ژی دهاتە كومكرن هەر (10) یا دەهێ یا زكاتێ و (11) یا شۆرەش بوو و من گۆتێ مامۆستا من ژی دڤێت ببمە حزبی گۆت تویێ بچوویكی تو بكێر ناهێی من گۆتێ مامۆستا ئەز یێ مەلاتیێ دكەم بۆ بكێر ناهێم دووڤ دا بوومە حزبی و پشتی ماوەكی زڤریمە گوندێ(زێوكا عەبو) ل دەف (مەلا یاسین) نێزیكی هەیڤا شواتێ مامۆستایێ مە چوو (ملهمبانێ) و نەچاربووین ل گەل چووین و دووڤ پشتی ماوەكی چوو ناڤ مرۆڤێن خوە و ئەم نەچار بووین خوتتبا بخوین ل گەل هەڤالێ خوە (حەسەن) و هەتا مامۆستایێ مە ژ ناف مرۆڤێن خوە ژ توركیا هاتی و گەلەك سوپاسیا مە كر چونكە مە گەلەك هاریكاریا زارۆكێن وی كر و خواست بمینمە ل گوندی لێ مە ژ خواست روخسەتێ بدەتە مە و بەر ب باژێرێ دهۆك بهێمە و ئەو بوو ل سالا 1969 هاتمە باژێرێ دهۆكێ و نێزیكی هەیڤا رەمەزان بوو وی دەمی (مەلا شەریف دۆسكی) مەلا بوو ل سەرتەنگێ و گۆت من گوندەكێ هەی (داكا) حەزكەم بچیە وێرێ و گەلەك خوش مرۆڤن و من ژی قەستا وی گوندی كر و گەلەك قەدرێ من گرت و هەیڤا رەمەزانێ من ب دووماهی ئینا و زڤریمە باژێرێ دهۆك مزگەڤتا (حەجی مستەفای) و مامۆستایێ ئاینی (شێخ عوبیدێ بەرۆشكی) ژ تاخێ شێلێ دهات و وانە دگۆتنە من و هەتا بەیانا ئادارێ سالا 1970ێ مام و بەری وی دەمی (مەلا شەریف دۆسكی) ل (فەلوجە) دخواند و كا چەوا رێكا وی گوندی وی بوومن دیت هوسا رێكا (فەلوجە) ژی خودێ ژێ رازی (مەلا شەریف دۆسكی) نیشامن دا چونكە وی وێرێ دخواند و زانایەكێ ئاینی هەبوو ل (فەلوجە) دگۆتنێ (شێخ عەبدولعەزیز سامەرایی) سەرپەرشتیا قوتابخانەكا ئاینی یا مەزن ل فەلوجە دكر و قوتابیێن وێ قوتابخانا ئاینی ژ گەلەك وەلاتان دهاتن و (مەلا شەریف دۆسكی) چونكە وێرێ دخواند هات گوتە من وێرێ گەلەك بكێر تە دهێت و هەر هەمی تشتێ وان بێ بەرامبەرە و گەلەك یا ب مفایە بووتە باشە ل (فەلوجە) دێ فێری زمانێ عەرەبی بی و بەردەوامیێ بدەیە خواندنا خوە و پشتی بەیانا 11 ئادارێ بەرەف فەلوجە چووم بوومە قوتابی و (براهیم سلێمان زاویتەی) گەل من هات بۆ فەلوجە وی دەمی ئەم ئێكەتیا قوتابیێن كوردستانێ بووین من گۆتە (مەلا شەریف) چ بكەم بەری بچمە (فەلوجە) گۆت وەرە دەف (لەزگین سندوری) وی دەمی بەرپرسێ لژنا دهۆك یا پارتی دیموكراتی كوردستان بوو و بابەتێ چوونا خوە من بۆ شەرۆڤەكر وی نامەك نڤێسی و خواست وێ نامێ بگەهینمە دەستێ (سالح یوسفی) سلافا لێ بكە و مە سەرەدان بۆ كر ل جڤاتا نشتیمانی و گۆتە مە هشیاری خوە بوون وی دەمی (سالح یوسفی) وی دەمی وەزیر بوو ل سەر پشكا كوردان و خواست ئەم هشیاری خوە بووین وی دەمی كەسەكێ كورد ل (فەلوجە) پولیس بوو ناڤێ وی (سەعدی سلێمان برجینی) بوو، جارەدی من نامەكا (لەزگین سندوری) هەر گەهاندنێ ب هەلكەفتا دەست بكاربوونا وی وەك وەزیر و پیرۆزباهی بوو چونكە وی دەمی هێلێن پەیوەندیێ گەلەك كێم بوون و پشتی سالەك دەربازبووی جارەكێ ل سەر رویبارێ (دیجلە) ل بەغدا هەلكەفت بوو (سالح یوسفی) ل كورنیشی من دیت و چووم من سلاڤكرێ و گەل ئاخفتم و پرسیارا رەوشا مەكر ل بەغدا و
نيشاندان