ئه‌ڤرۆ، ره‌مه‌زان زه‌كه‌ریا:
ل سنوورێ قه‌زا مێرگه‌سۆر هژماره‌كا زۆرا شوونوارێن مێژوویی هه‌نه هنده‌ك ژ وان هاتینه تۆماركرن و هنده‌ك ژی ماینه بهێنه تاپۆكرن، به‌لێ ژبلی شكه‌فتا شانه‌ده‌ر مه نه‌شیایه ژ جهێن دی مفای ژێ بینن بۆ كه‌رتێ گه‌شتوگوزارێ.
سۆران ئه‌میر، به‌رپرسێ فه‌رمانگه‌ها شوونواران ل مێرگه‌سۆر بۆ ئه‌ڤرۆ گۆت: پشتی ڤه‌كرنا فه‌رمانگه‌ها شوونواران ل ساڵا 2017 ل قه‌زا مێرگه‌سۆر هژماره‌كا جهێن شوونه‌واری هاتینه تۆماركرن و پێشتر ل رێڤه‌به‌ریا شوونوارێن سۆران دهاتنه تۆماركرن كو هژمارا وان 60 شوونه‌وار بوون، پشتی ڤه‌كرنا فه‌رمانگه‌ها مێرگه‌سۆر هه‌تا 250 شوونه‌واران تۆماركرینه ل سنوورێ قه‌زا مێرگه‌سۆر ده‌سپێكی ب تنێ تۆمار دكه‌ین و ل دووڤ را دێ ڤه‌كولینی ل سه‌ر شوونه‌واران كه‌ین.
گۆت ژی: شوونوارێن قه‌زا مێرگه‌سۆر جۆراو جۆرن، به‌لێ هنده‌ك شوونه‌وارا ژی مه‌ترسیا ژ ناڤچوونێ لسه‌ر هه‌یه، ب تایبه‌ت ل وه‌رزێ زڤستانێ و بارینا به‌فرو بارانا، هنده‌ك قشل و پر هه‌نه پێدڤی ب نوژه‌نكرنێ هه‌نه، ژبه‌ركو مه‌ترسیا ل ناڤ چوونێ لسه‌ر هه‌یه قشلا مه‌زنێ و مزگه‌فت و كه‌نیسا بارزان و مه‌ترسیی لسه‌ر هه‌یه ئه‌گه‌ر نه‌هێنه نووژه‌نكرن، هنده‌ك جارا ژی جهێن شونه‌واری ده‌ستدرێژی ژلایێ كه‌سێن نه‌ناس ڤه دهێته تێكدان .
ئاشكراكر: ل سنوورێ ده‌ڤه‌را بارزان زۆر جهێن شوونواری هه‌نه، به‌لێ به‌رچاڤترین جهێ ده‌ڤه‌رێ شكه‌فتا شانه‌ده‌ره كو لسه‌ر ئاستێ نافخۆیی و جیهانی زۆرترین شاندێن میڤانا سه‌ردان دكه‌ن و سالا 2013 سه‌رۆك بارزانی شكه‌فتا شانه‌ده‌روه‌ك جهه‌كێ گه‌شتیاری ناساند، نێچیرڤان بارزانی سه‌رۆكێ هه‌رێما كوردستانێ و نێچیرڤان بارزانی سه‌رۆكێ حوكمه‌تا هه‌رێما كوردستانێ سه‌ردانا شكه‌فتا شانه‌ده‌ر كریه، به‌لێ وه‌ك مفا بۆ كه‌رتێ گه‌شتوگوزارێ نه‌شیانه مفایه‌كێ باش ژێ ببینن.
نيشاندان