مووسا خالد

ئێكگرتن و ئێكرێزیا ناڤمالا كوردی د ڤی دەمێ هەستیار دا زۆرا پێدڤییە و پشتی كو كۆمبوونا «مەسرۆر بارزانی» سەرۆكێ حوكمەتا هەرێما كوردستانێ و «بافل تالەبانی» سەرۆكێ ئێكەتییا نشتیمانی یا كوردستانێ ل پیرمام كۆمبوونەكا ئەرینی دەستپێكر و ل گۆرەی كۆمبوون بۆ ئێكلاكرنا كارێن لژنەیێن پارتی و ئێكەتیێ یە د كابینەیا «10» یا نوی یا حوكمەتا هەرێما كودستانێ ڤان جۆرە كۆمبوونا گرنگیا خوە هەیە. یا فەرە ئەڤرۆ هێز و پارتێن سیاسی د ئێكگرتی بن.
دەربارەی كۆمبوونا پارتی و ئێكەتی هەموو دزانین ئەڤ دو حزبە حزبێن دەستهەلادارن و كورستانێ برێڤەدبەن ب پلەیا ئێكیێ پارتی دیموكراتی كوردستانە و دویڤدا ژی حزبا ئێكەتییا نیشتیمانی كوردستان دئێت، هەر نێزیكبوونەكا ڤان دو حزبان د نوكەدا ڤی مللەتێ كورستانێ دبەتە ئالیەكێ باش یێ هێمنی و ئارامی و ڤەژاندنا زێدەتر یا بازار و كار و كەسابەتی باشتر دبیت چونكو سەردەمێ رۆژانێن بانگەشەیا هەلبژارتێن پەرلەمانێ كوردستانێ، مە دیت هەر سەركردەیەكی ب شێوەیەكێ بانگەشەیا خوە یا جەماوەری ب گەرم و گۆری ئەنجام دا و چونكو ئەوا ل بانگەشەیان بۆ هەلبژارتنا دهێتەكرن تشتەكێ ئاساییە و ل پتریا زۆر یا وەلاتێن دی خراپتر ژی دژایەتیا ئێك دكەن ل دوماهیێ هەر وەكو چو نەهاتیەكرن وەكو «نە ئەو بایە بوو و نە باران» ل دوماهییا پرۆسێ دەستێ خوە دانە سەر ملێ ئێك.
ل ڤێرێ دا یا گرنگ ئەڤەیە خەلك هەموو چاڤەرێ هندێ یە حوكمەتەكا ئێك دەست و ئێكگرتی و بریارێن وان هەموو ل هەولێر و دهۆك و سلێمانی و حەڵەبجە وەك ئێك جێبەجێبكەن و دڤێت ئەو كێشەیێن هەلاویستی بهێنە چارەسەكرن نێزیكبوونا پارتی و ئێكەتی د نها دا فەرە ببیتە ئەگەرێ سەركەفتنان و چونكی ئێكگرتن گەرەنتییە بۆ سەركەڤتنێ و هێزا پارتێن سیاسی و بزاڤكرن بۆ دەستڤەئینانا مافـێن گەلێ كوردستانێ، ئێكگرتن و تێكەلبوونا ئالیێن سیاسی تایبەت پارتی و ئێكەتی فەرە و ئێك ژ ئارمانجێن سەرەكی و گرنگترین هەولدان بۆ رێكخستن و ئێكرێزیكرنا ناڤمالا كوردی بت، ژبەر ڤێ چەندێ گرنگە هەموو حزب بریاربدەن ژ نوكە وێڤە وەكی هێزاكا ئێكدەست یا كوردستانێ كاربكەن ل هەرێما كوردستانێ و هەر ل بەرامبەر بەغدا بەردەوامبن ب ئێك ئاراستە و ب ئێك ڕێك كار بكەن، گرنگە هەر ژ ئەڤرۆكە ل بەغدا و هەرێما كوردستانێ دا د گۆرەپانا سیاسی، جڤاكی، مەدەنی، ئەڤا كو پێدڤی بیت خەباتێ بۆ بكەین، پێكڤە دبەردەوام بین. هەر نوكە ئێكگرتنا حزبان د كوردستانێ د پێنگاڤەكا چارەسەرە ب ئێكرێزی و رێكخستنا ناڤمالا كوردی گەلەك گرنگە و تێكەلبوونا پارتێن سیاسی و هەم گەلەك كاریگەرە بۆ وێ چەندێ ئێك هەلوەست د ناڤ حزبێن كوردستانێ دا دروست ببیت، ئومێدەوارین ئەڤ كۆمبوون هێزا پارتێن هەرێما كوردستانێ ببیتە ئەگەرێ ئێكگرتن و ڤیانێ د ناڤبەرا پارتێن كوردستانی ژبۆ خزمەتكرنا مللەتێ كورد هەمبەر بەغدا، فەرە نها بێژین بەلێ بۆ درووشمێ ئێكگرتن و ئێكرێزیێ رێكە چارەسەری یە و لێك نێزیككرنا ئالیێن سیاسیێن كوردی كاركرن و بدوماهێك ئینانا هەموو كێشە و ناكۆكیان.

موسا خالد

بەرپرسایەتی یە ئەگەر مرۆڤان یان هەر تاكەكێ جڤاكی دا هێزو ئێرادە و باوەری ل دەف هەبیت د ژیانێ دا یێ بەردەوام بیت دێ گۆهۆڕینێن باش د ئارمانجێن وی دا پەیدا دبیت ئەوە كۆ مرۆڤ بەرامبەر هەر كاودانەكێ یان ئاستەنگێن ژیانێ ڕاوەستێت و دەستان نە دا هێلێت، دیسان پیشبەستنی ب خوە بكەن پاشان ب پیشتبەستا جڤاكی بكەن، چونكێ ئەم مرۆڤ هەر تاكەك د بازنەیەكێ دا دژین جاران پێدڤی خوە و كەسانێن دەوروبەر دبین ژ بۆ هەموو كاودانێن ژیانێ بەرپرسیار ب دانین بەرۆڤاژی ڤێ چەندێ ئەگەر كەسەكێ كێم بەرپرسایەتی بیت، دێ زوو كەڤیت و نەشیت خوە لبەر ئاستەنگێن ژیانێ بگریت رەشبینی دێ لێ كۆم بیت و نەشیت بەردەوام بیت و رێكا خوە بەتە سەری بۆ سەركەفتنێ، ئانكو ئەم شێن بێژین ێت ئەرینی ‌جاران رەنگە كەفتن و شەپرزەی یان هلنگفتن دەف پەیدا بیت، لێ ئەڤە دێ بیتە ئەگەرێ هندێ كۆ مفای ژ ڤان شكەستنان وەرگریت و دوبارە رابیتە سەر پێن خوە و بزاڤێ بۆ سەركەفتێ بكەت، یان دەمێ كەسەك ئارمانجا خوە دانیت یا فەرە پاشڤە نەزڤڕێت د هەبوونا كەسایەتیا خوە دا وێ بەرپڕسایەتێ بدەتە خوە كۆ بۆ پێشڤە بچێت و ئارمانجا خوە دیار بكەت، د ژیانێ دا وەك ئاڤاكرنا كەسایەتیا بەر پرسیار، یان هەر سێكتەرەكێ ئەو مرۆڤێن نوكە تێدا كاردكەن ل دامۆدەزگەهێن حكومی میری و حزبی فەرە خوە بەرپرسیار بدانت ژبۆ خزمەتكرنا جڤاكێ، بەرپرسایەتیا راستەقینە ئەرك و رەوشتە یا فەرە د هێزۆ هەبوونا مرۆڤی دا بەرپرسیاتی ئانكۆ مرۆڤان وژدان هەبیت،
دا ئەوە كۆ مرۆڤ دروست بشێت روو ب روو ژیانێ بیت، بۆ ژیانا مرۆڤی ب خۆە باوەری ب خوە بوون زۆرا گرنگە چونكێ ئەگەر مرۆڤی ئەڤ باوەری و بەرپرسایەتیە نەبیت دێ كەسەكێ لاواز ژێ دەركەڤیت رەنگە هندەك كەس ب رێكا مرۆڤی بۆ خوەە بگەهنە ئارمانجێ یان مرۆڤ بیتە ئامرازەكێ لاواز بەرامبەری وان، دیسان ل ئاستێ تێگەهشتنا جڤاكی ژی دا باوەری ب خوە بوونێ رەنگڤەدانا خوە هەیە، چونكی هەر مرۆڤەكێ وزەیەكا زۆرا هەی بەس زۆر كەس خوە ناناسن وەك كەسایەتی، هندەك كەس هەنە هەر د قوناغا زاڕۆكینیێ باوەری دگەل گەشە دكەت ئەوژی ژ بۆ ئەگەرێ پەروەردا درۆست یا دەیك و بابان دزڤڕیت، ل ڤێرێ بۆ مە دیار دبێت باوەری ب خوە بوونە و جاران بەرپرسایەتی ئەركەكێ گرانە بەرامبەی وان كەسێن دوروبەرێن مرۆڤ وەكو وێ ژینگەها تێدا دژیت.

مـووسـا خـالـد

پشتی وەرگرتنا پێشنیار و تێبینێن مەرجەعێ كوردان سەرۆك «مەسعود بارزانی» ئۆجەلان ل 27 شوباتا سالا 2025، دیسا خواست كو پەكەكە چەكان دانن، چونكی نێزیكی « 47 « سالان بەردەوامن، خەباتا خۆ یا چەكداری هەتا نوكە دامەزراندنا خودایە، دیسا ئەڤ بانگەوازا رێبەرێ چەكدارێن پەكەكێ رەنگە بیتە ئەگەرێ سازانا دیموكراسی و جڤاك و دەولەت تێكەلبن و هەموو گرۆپ چەكان دانن. زۆر لایەن چاڤەڕێ ڤێ پەیامێ بوون، لێ ئەز باوەر نینم كو ب ساناهی و هەر زویكا پەكەكە چەكان دانن، توركیا ژی دخوازیت گرێدانەكا باشتر بەرامبەرێ كوردان ئاڤا بكەت، توركیا دخوازیت باشور و توركیا و سووریا سیاسەتەكا نەرمتر برێڤەبەت، دیسا ئەڤە چەندین سالە توركیا هەمبەرێ كوردین توركیا سیاسەتەكا توند برێڤەدبر، چونكێ زۆرتر ژ 100 سالانە كێشا كورد و توركیا چاڕەسەرنەبوونە، چونكو ئەڤ ئالۆزیە بوونە جهێ ئاوارەبوونا زۆر كەسێن كورد و توركیا ل ئورۆپا، دیسا پریا وەلاتێن جیهانی پێشوازیێ ل ڤێ نامەیا ئۆجەلانی دكن، چونكی دبیت ئەڤ پەیامە بیتە ئەگەرێ چاڕەسەركرنا زۆر كێشەیێن دی، بەرێ چەندیێن سالە نێزیك 15 تا 16 هزار چەكدار ل ناڤخۆیا توركیا هەبوون. ئۆجەلان دیاركر ژی كورد و تورك برانە ئەم دشێن ب رێكا ئاشتیێ كێشەیێن خۆ چاڕەسەربكەن، دیسا ب بۆچوونا من دبیت هندەك پێنگاڤێن ئەرینی بهێنە هاڤێتن، نها باشترین نموونە بەرچاڤێن مەیە كو توركیا ل سووریا باشترین گارێگەریا خۆ هەیە ل سورویا نوی دا، ئەگەر د ڤێ پرسێ دا پەكەكە چەكان نەدانن، رەنگە توركیا كێشەیێن مەزنتر هەمبەری كوردان بكەت، دیسا كوردین سووریا داگیر بكەت و دوبارە تۆپ باران بكەت، ئەڤ بانگەوازا ئۆجەللان دایە دیاركرن كو پەكەكە چەكان دانن. دیسا بلا ل بیرا مە بیت، پێڤاژویا ئاشتیێ ل سەر دەستێ مەرجەعێ كورد «مەسعوود بارزانی» هاتیەدانان ل نەورۆز و نیسانا سالا 2013 پێڤاژۆیا ئاشتیێ ناڤبەرا مەرجەعێ كوردان سەرۆك « مەسعود بارزانی « و سەرۆكی توركیا «ئەردوگان» هاتە پێش ئەڤ پرۆسێسا ئاشتییێ دەستپێكر، لێ مخابن ل دوماهییا سالا 2015 ژ ئەگەرێ ناكۆكیا، زۆر پارت و كەسێن سیاسی یێن كورد ل توركیا ئەڤ پێڤاژۆیە پنپێكرن، توركیا ل دژی وان راوەستیا و هێرش و ب قەیۆمان و زێندانكرنا زۆر سیاسیێن نها دەمپارتی هاتنە زیندانكرن ژناڤبرن، كوردێن توركیا ژ ئەگەرێ گڤاشتنێن پەكەكێ ئەڤ پێڤاژۆیە تێكدان. پشتی ڤێ قۆناغێ ئەز دبینم ئەردۆگان دێ مەرجێن توندتر هەمبەری پەكەكێ هەبن، نەكو پەكەكێ هەبن هەمبەری ئەردۆگانی، چونكی ئەردۆگان د سیاسەتا خوە یا دەرەكی دا كەسەكێ شارەزایە ل «پرۆسێسا ئاشتییێ «. ل ڤێرە سێ پرسیار دهێنە پێش:
ئەرێ دێ كارڤەدانا توركیا چبیت ؟ ئەرێ هەڕدو لایەن ناكۆكن بگەهنە چارەسەریێ؟ یان بەرامبەر ڤێ ڤێ چەندێ توركیا دەست پێشخەر بیت؟
توركیا دخوازیت ئەو قۆناغا نۆكە ل سووریا دەربازدبیت مفای ژێ وەرگریت و نەرماتیەك باشتر ل توركیا ئاڤا بكەت، یا هەرە گرنگ د ئاشتیێ دا گەرەنتیا نیڤدەولی و نەتەوەیێن ئێكگرتی هەبیت. تورك دانپێدانێ بكەت كو كورد نەتەوەیەكە و بەشەكێ گرنگە د رۆژهەلاتا ناڤەڕاست دا و تایبەت ل توركیا.
هەر چەندە پڕانیا خەلكێ چەك دانانا پەكەكێ ب ئاشتیەكا بەتال ددانن بۆ گەلێ كورد ل باكۆر، بەلێ هەبوونا پەكەكێ د لیستا تیرۆرێ دایە و بەردەوام هێرشێن توركیا بۆ سەر قەندیلی و باشوور و بارودۆخێ سیاسی ل رۆژهەلاتا ناڤەڕاست و پرسا رۆژئاڤایێ كوردستانێ كو گۆهورینا نەچاڤەڕێكری دایە، رەنگە بریارا ئۆجەلانی ئەقلانە بیت، چونكو «پرسا كوردان ل رۆژهەلاتا ناڤەڕاست د نوكە دا پرسەكا جدی یە». هەر چەندە رەگەزپەرستیا توركیا یا بەردەوام رێك نەدایە كورد بگەهن ئارمانجا خوە، یاریكرنا سیاسی یا نوكە د گۆرەپانا رۆژهەلات ناڤەڕاست دایە و فەرە كورد باشتڕ ئێكگرتی بن.

مـووسا خـالد

زمانێ كوردی كێم نەتەوەیا تەمەتی نەتەوەیا كورد لسەر كارئینانا زمانێ دایكێ كارەسات و زۆرداری دیتینە. ب هزاران كورد ل سەدێ بیستێ لسەر كوردبوون و بكارئینانا زمانێ كوردی هاتینە جینۆسایدكرن و ب دەهان هزار كیلۆمەترێن چارگۆشە ژ ئاخا كوردستانێ ژ زمانێ كوردی هاتیەڤالاكرن و پرۆسەیا تورككرن، عەرەبكرن، عەجەمكرن و فارسكرن تێدا هاتیە ئەنجامدان و نها ژی بەردەوامە، ل ١٥ گولانا سالا ١٩٣٢، ل پایتەختێ سووریێ (شامێ) ژ لایێ (میر جەلادەت بەدرخان) ڤە، بۆ جارا ئێكێ‌ كۆڤارا هەوار دهێتە چاپكرن،كۆڤارا هەوار، ٢٣ هەژمارێن دەستپێكێ ب پیتێن عەرەبی و ب كوردی و ٣٤ هەژمارێن دوماهیێ ب پیتێن لاتینی ب كوردی دهێتە دەرئینان. ل سالا ١٩٨٧ (فرات جەوهەری) دچیتە شامێ و هەموو هەژمارێن كۆڤارێ د دو بەڕگان دا كۆم دكەت و ل ١٥ گولانێ ل سالا ١٩٨٧ كو ئەڤە ساڵڤەگەرا كۆڤارێ یە دوەشینیت. ئەڤ رۆژە هەر سال ژ لایێ سازیێن چاندێ و پارتێن سیاسی ڤە وەكو رۆژا جەژنا زمانێ كوردی دهێتە پیرۆزكرن و ب مخابنی ڤە دبێژم! وەسا یا دیاردبیت ئیدی زمانێ دایكێ (كوردی) هەر وەك چ گرنگییا خوە نەمایە ل دەڤ تاكێ كورد، د ڕۆژەكا هۆسا دا ئەو چالاكییێن ژبۆ زمانی دهێنەكرن ب تبلێن دەستان دهێنە هەژمارت، و ئێدی بۆ كەسێ گرنگ نینە جاران ناڤا خێزانێ دا یان زارۆكێ ئەوی فێری زمانێ كوردی ببت یان نە، بەلكو شانازیێ ب هندێ دبیت دەمێ فێری عەرەبی و توركی و ئینگلیزی دبت و هزرناكەت شەرم د هندێ داتە تاك زمانێ خوە نزانت ل جهێ شانازییا زانینا زمانێن دیتر و ل رۆژا زمانێ كوردی زۆر كەس هەبووینە و درود بۆ گیانێ وان جانفیدایێن ژ پێخەمەت ئازادكرن و بەلاڤكرنا زمانێ كوردی گیانێ خۆ كریە قوربان و ئەوێن ژ بۆ ئازادیا زمانی ئەڤرۆ د ناڤا زیندانان دا و د ئەڤێ رۆژێ دا دۆپات بكەین، بەردەوامی دان ب زمان و وەكو ئەركەك ل سەر پاراستن و بەلاڤكرن و گرنگیپێدانا زمانێ كوردی یێ شیرین و چونكی ب كوردی دژیم ‏وەكو كوردەك دێ مرین ‏ب كوردی دئاخڤم و بەرسڤ دەم ‏بە كوردی دیسا زیندی دێ مینن، رۆژا جیهانیا زمانێ دایكێ پێدڤیە ئەم هەمی كار بۆ وەرار و پێشئێخستنا زمانێ كوردی بكەین، زمانێ كوردی ناسناما نەتەوا كوردە ب هەمی رێیێن زانستی و ناڤەند و جهێن ئاكادیمی و كولتۆری و جڤاكی و سیاسی و حوكمی لێ خودان دەركەڤین و یێن كو ب زمانێ كوردی دنڤیسن، بزاڤێ بكەن زمانێ دایكێ كو بەرچاڤترین مەرجێ نەتەوەییە بپارێزن، ب ساخی بهێلن پێ باخڤن و نیشا زارۆیێن خۆ بدەن، ب ڕێزمان و ڕێنڤیسەكا دروست و پاك بنڤێسن و بەرەڤ ئێكگرتن یان نێزیككرنا دایلێكتێن زمانێ كوردی ڤە ببەن، تایبەت د سۆشیال میدیایێ‌ دا كو ب مخابنی ڤە جاران هندەك زمان و پەیڤێن زمانێن بیانی ل پێشیا زمانێ كوردی دانن فەرە بەردەوام گرنگیێ پێ بدەین داكو زمانێ مە بەردەوام د گەشەبوونێ دابیت وەرارەكا بەردەوام بو نڤشێ داهاتی هەبیت.

مـووسا خـالد

سەرۆكێ‌ حوكمەتا هەرێما كوردستانێ‌ «مەسرۆر بارزانی» بەری چەند رۆژان گەهشتە سۆیسرا بۆ پشكداریكرن ل كۆڕبەندێ‌ ئابووری یێ‌ جیهانی ل داڤۆسێ‌، كۆ ئەڤ ساڵە ل ژێر درووشمێ‌ « هاریكاری پێخەمەت سەردەمێ‌ زیرەك دا « ل ڕۆژا 20 هەیڤێ‌ هەتا 24، ل باژێرێ داڤۆس سۆیسرا دێ بڕێڤەچێت. « مەسرۆر بارزانی» پشكداریكرنا وی د كۆڕبەندی دا، سەرۆكێ‌ حوكمەتێ‌، ژمارەیەكا دیداران دگەل و بەرپرسێن باڵا یێن وەلاتێن جیهانێ‌ دێ‌ ئەنجامدەت و كۆمبوون دەرفەت ئالۆگۆركرن بۆ هاریكاریكارێن ل گەڵ هەرێما كوردستانێ‌ هێنە گەنگەشەكرن، ب تایبەتی د وارێن ئابووری و بازرگانی و وەبەرهێنانێ‌ دا. سەرۆكوەزیران مەسرۆر بارزانی د چارچووڤەیێ‌ پشكداریكرنێ د ئەڤی كۆربەندی دا « ٥٠ « دیدار و كۆمبوون ل گەل سەرۆكوەزیر و وەزیرێن وەلاتان و كەسایەتێن كاریگەرێن جیهانێ‌ هەنە «مەسرۆر بارزانی» وەك كەسایەتییەكێ‌ سەرەكی د داڕشتنا گۆتۆبێژێن ئابووری و ئەمنی دا ئامادە دبیت. پشكداریكرنا بەردەوام یا هەرێما كوردستانێ‌، تیشكێ‌ دئێختە سەر ڕۆلێ‌ گەشەكرنا هەرێما كوردستانێ‌ ل سەر مەیدانا جیهانێ‌.ب پشكداریا زێدەتری «360» سەركردە و «60» سەرۆكێن وەلاتێن جیهانێ‌ كۆڕبەندێ‌ داڤۆس یێ‌ ئابووری ل سۆیسرا دەست پی دكەت. هەروەسا (مالا كوردستان Kurdistan House ) ل داڤۆس، كو د سالا بۆری دا ل سەر ڕاسپاردەیا سەرۆكێ‌ حوكمەتێ‌ هاتە ڤەكرن، چەندین چالاكی ب پشكداریا ژمارەیەك ژ وەبەرهێنەر و دەولەمەند و خودانكاران ل كوردستانێ‌ ڕێكخستن، بۆ ئارمانجا ناسینا هەرێما كوردستانێ‌ و پەرەپێدانا وەبەرهێنانێ‌ و ئاڵوگۆڕیا بازرگانی. پشكداریا سەرۆكێ‌ حوكمەتێ‌ لە كۆڕبەندیی ئابووریی یێ‌ جیهانی ل داڤۆسێ‌، د چارچووڤەیێ‌ هەولێن بەردەوام بۆ بهێزكرنا پێگەهێ‌ هەرێما كوردستانێ‌ لسەر ئاستێ‌ نێڤدەولەتی و دیپلۆماسی و پێشئێخستنا پرۆسەیا وەبەرهێنانێ‌ و گەشەپێدانا ئابووری یە ل هەرێما كوردستانێ‌.ب دەهان دیدار و كۆمبوون ل گەل كۆنگرێسمان و سیناتۆر و بازرگانێن مەزن و دیپلۆماتكار و سەركردەیێن بالا یێن وەلاتێن جیهانێ‌ ل داڤۆس پشكدارن. د هەموو چالاكی و كۆمبوون و دیدارێن بەرهەمدار دا، بۆ مە دیار دبیت كو «مەسرۆر بارزانی» بهێزترین كاراكتەریی ناڤ كۆڕبەندێ‌ ئابووری یێ‌ جیهانێ‌ یە ل داڤۆس ـ سۆیسرا، ئەو دزانیت بۆ چ ئارمانجەكێ‌ چوویە دێ چاوا و چ كەت پشكداریكرن د وی كۆڕبەندی دا، كارەكێ‌ دێ‌ كەت هەرێما كوردستانێ‌ پێگەهەكێ‌ بهێزتر پەیدا بكەت. ئەڤە ژی نە ژ « بۆ خوە بنەمالا خوە و حزبا خوە» بەلكو بۆ «گەل و نیشتیمانێ‌ خوە « مەسرۆر بارزانی ل ‌ناڤخۆییا كوردستانێ خزمەتێ بۆ گەلێ‌ خۆ دكەت و بەرڤانیێ‌ لێ‌ دكەت و ل ئاستێ‌ دەرڤە ژی بەرەڤانیێ‌ ژ كولتۆر و مێژوو و ئابوور و سیما و نیشتمانێ‌ خوە جوان دكەت و پێگەهێ‌ هەرێما كوردستانێ‌ ب هێز دكەت. بەلێ‌ ل هەر جەهەكی بەرژەوەندیا نیشتمانی هەبیت سەرۆكێ‌ وەزیران «مەسرۆر بارزانی» ل وی جهی ئامادە دبیت و دەنگێ‌ گەلێ‌ خوە ب جیهانێ‌ دگەهینیت و هەرێما كوردستانێ بۆ جیهانێ باشتر ددەتە نیاسین و پشتگیریا زۆر ولاتان بۆ ب دەستخۆڤە دئینت بۆ مافێن ڕەوا یێن گەلێ خوە، مەسرۆر بارزانی سەرۆكێ حوكمەتا هەرێما كوردستانێ‌ بەردەوام پالپشتیا خوە بۆ چارەسەریا كێشەیان دكەت و هەولێن پێشكەفتن و سەركەفتن و بهێزكرن ئابووری هەرێما كوردستانێ ددەت. بەلێ دیسا ب كریار یا سەلماندی و د گۆتارا خوە دا هەر دەست بكاربوونا وی بۆ د كابینەیا نەهێ‌ یا حوكمەتەكا هەرێما كوردستانێ ب هەموو وەزیرێن خوە گۆت «دڤێت ئەم هەموو خزمەتكارێن وەلاتیێن كوردستانێ‌ بین « و سەركردەیەكێ‌ كارێزما و چالاك و كارەكتەرەكێ‌ ب هێز ل ئاستێ‌ هەرێمایەتی و نێڤدەوڵەتی وەكو «مەسرۆر بارزانی» ناهێتە بهێتە بەراوردكرن بەرامبەر هێچ سەركردەیەكێ‌ دی، دیسا یا پێدڤیە ژی خەلكێ‌ هەرێما كوردستانێ‌ ئەڤێ‌ بزانن كو خەمخۆرێ‌ راستەقینە یێ‌ گەلێ‌ كوردە. د ڤان ڕۆژان دا «مەسرۆر بارزانی» ل داڤۆس مفایەكێ‌ زۆر دێ‌ بۆ كوردان و گەلێ‌ كوردستانێ‌ هەبیت، كۆڕبەندێ‌ جیهانیێ‌ داڤۆس ئەنجامێن ویی بۆ هەرێما كوردستانی، و گرنگیا چارەسەركرنا كێشەێن هەرێما كوردستانێ‌ و حوكمەتا فیدرال ب شێوەیەكێ‌ بنەڕەتی و ل سەربنەمایێ‌ دەستووری. ل مالا كوردستانێ‌ ل داڤۆسێ‌ سەرۆكوەزیران مەسرۆر بارزانی شیایە پرەكا پەیوەندییان ل گەل وەلاتان دروست بكەت و چەندین كۆمبوونێن مەزن ل گەل ئەنجامبدەت.