سالح حه‌كیم
كاركرن ئه‌ركێ هه‌ر تاكه‌كى یه بۆ ده‌ستڤه‌ئینانا پێداویستییێن ژیانا خوه، له‌و فه‌ره هه‌ر ئێك ژ مه پێگه‌هێ هه‌ڤپشكێ رێكخستنێ بیت بۆ باشكرنا بزاڤا ئه‌لترناتیڤكرنه‌كا بهێزتر كارێ خوه‌یێن رۆژانه پێ ئه‌نجامبده‌ت و پێگریێ ب رێنمایێن بكه‌ین سه‌ر پره‌نسیپ و قانوونێن كارێ خوه نه ده‌ركه‌ڤین و سه‌ر و سامانێ خه‌لكی بپارزین و د رژد و راست بین د ئه‌نجامدانا هه‌ر كریاره‌كێ دا، پێدڤیه مرۆڤی باوه‌ری ب شیانێن خوه هه‌بیت بحه‌سبینیت د رێیا كاركرنێ دا دێ خزمه‌تا گه‌ل و وه‌لاتێ خوه كه‌ت، له‌و پێویسته ژی بۆ هه‌می قووناغ و هه‌لویستان دا، یێ به‌رده‌ست و راستگۆ بیت د ئه‌داكرنا ئه‌ركێ خوه‌دا ئه‌ڤه پێدڤیاتیه‌كه ل سه‌ر هه‌ر كه‌سه‌كی چاڤكانیا خودیكا خوه دیتنا جڤاكێن پێشكه‌ڤتی ببه وه‌كو كارمه‌ند خوه بكه‌ته پێشخوه‌رێ دینه‌موویێ هێزا خزمه‌تكرنه‌كا راست و دورست ب تنێ بلا مه‌ره‌م ژێ سه‌ركه‌ڤتن بیت د بیاڤێ دیتنا د كاری دا، ئه‌گه‌ر كه‌ڤته د شاشیێ ژی دا، نابیت خوه زال بكه‌ین ل سه‌ر وێ چه‌ندێ، یان دانپێدانێ هه‌ر پێنه‌كه‌ین بۆچی به‌رگریێ ژ شاشیا خوه بكه‌ین به‌لكو به‌رۆڤاژی، فه‌ره بسه‌لمینین وان شاشیان راستڤه‌بكه‌ین، لێ پێدڤیه هه‌م هه‌می جهێ كاری خوه ره‌فتاره‌كا جوان و ره‌وشته‌كێ باش د ڤی بیاڤی دا مه هه‌بیت بۆ سه‌ره‌ده‌یكرنێ د ئه‌داكرنا ئه‌ركێ خوه‌دا نابیت كارمه‌ند به‌س د به‌رژه‌وه‌ندیا خوه بتنێ پاریزیت ب ده‌رفه‌ت بزانیت خوه پێ ده‌وله‌مه‌ند بكه‌ت، ب وی پۆسته‌یێ بده‌سڤه‌هاتی هه‌می سنۆران ببه‌زینیت، چونكی پاشی نه‌شێت كونترۆلێ ل سه‌ر كه‌سایه‌تیی و راستگۆیا خوه بكه‌ت، دێ بیته سه‌پینه‌ر و هه‌لگرێ بژارده‌كا شاش رێڤه‌برنا كارێ خوه‌دا بلا مرۆڤ چو جار نه بێژین ئه‌ز تووشی شاشیان نه بوویمه، لێ چو كه‌س ژ مه نینه شاشی نه‌كرین، لێ نابیت مرۆڤێ یێ به‌رده‌وام بیت ل سه‌ر شاشیا خوه یا رۆژانه ره‌فتاران بكه‌ت، كاریگه‌ریا ژڤانی دا خوه چه‌كداركرن ب دره‌وێ د كاری دا چونكی ئه‌نجامێن دووماهیا وێ نه‌سه‌ركه‌ڤتنه بۆ مرۆڤی، ئه‌گه‌ر ته‌ماشه‌یی وه‌لاتێن پێشكه‌ڤتی بكه‌ین، ژ روویێ گه‌شا ژیانێ ڤه دێ بۆ مه دیاربیت كو خه‌لكێ ڤی وه‌لاتی ماندیبوونه‌كا مه‌زن كێشایه ب رژدی كار ئه‌نجامداینه تاگه‌هشتینه ڤێ قووناغا سه‌ركه‌ڤتنێ، پێدڤیه ئه‌م ژی وه‌كو ملله‌ت خوه ل گه‌ل هه‌ر پێشكه‌ڤتنه‌كا هه‌بیت بگونجینین داهێنانێن جوانتر د كارێن خوه‌دا زێده‌بكه‌ین بهه‌ڤسه‌نگنینین د هه‌موو وارێن ژیانێ دا كارێ گرنگ ژ به‌ری نه یێ گرنگ ئه‌نجامبده‌ین كارمه‌ند ب رۆلێ خوه رابیت، وه‌كو پێدڤی پێشوازیا خه‌لكی بكه‌ت دوور ژ دلره‌شی نه‌ڤیانێ.
نووترين نووچه
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
- بەغدا ب نە هنارتنا مووچەیێ خەلكێ كوردستانێ قەرەبوویا كێمبوونا داهاتییێن خوە دكەت
- نێچیرڤان بارزانی سەرەخوەشیێ ل ئەیاد عەلاوی دكەت
- مەسرور بارزانی: ئیراقێ پێدڤی ب حوكمڕانییەكا دادپەروەرانە هەیە
- تێكگەهشتنەكا باش هەیە و د زووترین دەم دا حوكمەت دێ هێتە پێكئینان
- وەزارەتا كۆچ و كۆچبەران سكالا دژی داخوازیێن مە بۆ مافێن ئاوارەیان تۆمار كریە
سالح حه‌كيم
ڕه‌هه‌ندێن ته‌قینا ناڤخوه‌یا ئیرانێ ل سه‌ر ده‌ڤه‌رێ
سالح حه‌كیم
سیاسه‌تا حوكمه‌تا ئیرانێ، بوویه جهێ بێزاریێ ل ده‌ڤه‌رێ، و نه‌رازیبوونا هه‌موو جڤاكێن ناڤ ده‌وله‌تی، و پڕانیا ملله‌تێن جودا جودا یێن ده‌وروبه‌ر، تاكو خه‌لكێ وێ بخوه بێزابووینه ژ توندوتیژیا وێ، ده‌ستهه‌لاتا حوكمه‌تا خوه، ئه‌گه‌ر بهێین ته‌ماشه‌ی ڤان قۆناغ و پێشهاته‌یێن ڤێ دووماهیێ بكه‌ین، خه‌لكێ ده‌ڤه‌رێ ب گشتی، كوردێن رۆژهه‌لات ب تایبه‌تی، ژ لایێ وێ ده‌ستهه‌لاتێ ڤه، ل بن فشار و باندۆره‌كا هه‌ری مه‌زنن دژین.
نه‌ڤیچڕكێن سه‌فه‌ویان هاربووینه، مینا گیانه‌وه‌ران ڕه‌فتارێ دكه‌ن، پشتی كو ئه‌ڤ كریزا ئابووری ژ لایێ ده‌وله‌تا ئه‌مریكا ڤه سه‌رهاتیه سه‌پاندن، پتر كریارێن وان یێن نه ڕه‌وان نه دروست، یێن وێ ده‌وله‌تا ناڤبری ده‌ركه‌ڤتن هۆلێ، ئه‌و بخوه بووینه سه‌ده‌مێ ڤێ كریزا ئابووری، ژ فه‌هم تێگه‌هه‌كێ خه‌ڵه‌ت ڕێڤه‌برنا سیاسه‌تا وێ ده‌ستهه‌لاتێ دزڤریت، و كریارێن وێ یێن هۆڤانه نه مرۆڤانه بووینه رۆژه‌ڤا رۆژانه یا خه‌لكێ سفیل، مایتێكرنێن وێ بێ سنۆر بۆ وه‌لاتێن هه‌ڤده‌ر و جیرانیێن ژ مایتێكرنێن خوه ژ چارچووڤه بازنه‌یێ وێ ده‌ربازكرینه. ئێڕشا سه‌ر باشۆرێ كوردستانێ ب ده‌هان شه‌هیدكرن، ئه‌و بنپێكرنا یاسا نیڤده‌وله‌تی یه، خاله‌كا دی یا ره‌ش بۆ خوه دروستكر، له‌و ئیران بوویه فاكته‌رێ گه‌ڤ و ترسێ سه‌ر پاشه‌رۆژا هه‌موو وه‌لاتان، رۆژهه‌لاتا ناڤین، كاتێكرن و كاریگه‌ریا ئه‌رێنی سه‌ر ڤان وه‌لاتان دروستكریه، چو ئارامی بۆ خه‌لكی نه‌هێلایه، بۆ هه‌ر ڕه‌فتاره‌كا وێ ده‌وله‌تێ، ئه‌و بخوه ده‌ر ئه‌نجامێن كریارێن خوه‌نه، تایبه‌ت ئه‌گه‌ر به‌حسێ په‌یره‌وێ وێ ده‌ستهه‌لاتێ بكه‌ین، كو رۆژانه سه‌ر كوردێن مه‌زلۆم بكارئینن، كو ب سالانه ل بن زلم و زوردایا ئیشكه‌نچ و دارڤه‌كرنێ ژیان دكه‌ن، به‌رده‌وابوونا سیاسه‌تا توندیا ئیرانێ دێ وێ گه‌هینیته چو ئه‌نجام ئه‌رێ دێ یا به‌رده‌وام بیت ل سه‌ر سیاسه‌تا خوه؟ یان دێ سیاسه‌تا خوه گوهۆریت، تایبه‌تی پشتی ڤان خوه‌نیشادانێن ل ئیرانێ چێبووین، ب گشتی نه‌رازیبوونا خه‌لكی ژ روحانی دژی حكمرانیا حوكمه‌تا وێ رابووین، درووشمێ وان ب لادانا ده‌سته‌كا گه‌نده‌لكاران بوون، هه‌مان شێوه خوه‌نیشادانێن ل عیراقێ سه‌رهلداین، كاریگه‌ری ڤه‌رێژا كارنامه و یادنامه‌یێن له‌نگا سیاسه‌تا وێ ده‌وله‌تا ناڤبریه، ژ2003 خوه ب خوه‌دیێ عیراقێ دبینیت، هه‌موو مایتێكرنێن سیاسی و سه‌ربازی تێدا ئه‌نجامدده‌ن، لێ خه‌لكێ عیراقێ ژ مایتێكرنا حوكمه‌تا تهرانێ بێزاربووینه، حه‌تا گه‌هشتیه وی راده‌ی كو سۆتنا كونسلخانا ئیرانێ ل به‌سرا، ژ ئه‌نجام و مایتێكرنێ دزڤریت، له‌و هه‌لویسته‌كێ جودا ژ یێ به‌ری نها بۆ حوكمه‌تا هه‌ڕان دروستبوو، ڕه‌نگه ئه‌ڤ وه‌لاته ئاگرێ ده‌ڤه‌رێ خوه‌شتر بكه‌ن، سۆڤیگه‌ر و دووڤه‌لانكێن خوه به‌رڤ ئاراسته‌كێ تاریڤه‌ببه‌ت.
ململانێن دورست و نه‌دورست ل گه‌ل ژیانێ!
سالح حه‌كیم
د ڤی جڤاكێ ئه‌م تێدا دژین یێ پڕه ژ دیارده‌یێن نه‌ساخ و كوژه‌ك، له‌و پێدڤیه هشیاربین، ئه‌م هه‌موو خوه بپارێزین، ئێك ژ وان دیاردان ئه‌ڤێن نها دا بووینه رۆژه‌ڤا رۆژانه‌یا خه‌لكی كو سه‌ر راوه‌ستین به‌حس ژێ بكه‌ین. ئه‌و ژی حه‌سوودی و چاڤپێنه‌رابوونه، كو گه‌رماتیا خوه دایه جڤاكی، مه‌ره‌م ژڤێ چه‌ندێ ئه‌وه ره‌فتارێن هنده‌ك كه‌سان ب تنێ چاڤپێنه‌رابوون و شكاندنا كه‌سێن به‌رامبه‌ره، ئه‌ڤجا ل دووڤ حه‌ز و دلۆڤانیا وژدانا دلێ خوه دێ رابیت ب به‌لاڤكرنا هنده‌ك گۆتگۆتكێن بێ واته، ب خرابی وه‌سفكرنا خه‌لكی، ئه‌ڤه هه‌موو دیارده‌یێن رۆژانه‌نه، ئه‌گه‌ر ئه‌م بهێین ته‌ماشه‌بكه‌ینه كاروكریارێن خوه، ب گشتی دێ بۆ مه دیاربیت كو چه‌ندین جۆره نه‌خۆشی د ناڤ جڤاكێ مه‌دا به‌ربه‌لاڤ بۆینه، به‌لكو نه نه‌ساخیێن له‌شیی و جه‌سته‌یینه، لێ هنده جۆره نه‌خۆشییێن دینه كو چاره‌سه‌ركرنا وان یاب زه‌حمه‌ته، چونكی رهێن خوه كۆیر داهێلاینه، دابتنێ باس ل سه‌ر چاڤپێنه‌رابوونێ بكه‌یین، دبیت ئه‌م هه‌موو ساده‌یی ڤێ كریارێ وه‌ردگرین، بێكو جاره‌كێ ژی مه هزر و ڤه‌كۆلین سه‌ركربن، كا چه‌قێن وێ یێن خراب سه‌ر پاشه‌رۆژا جڤاكی چنه، ڕه‌نگه هه‌ر گرنگی ژی ب ڤێ چه‌ندێ مه نه‌دابیت، له‌و هه‌ر نزانین كا كاریگه‌ریا جڤاكی ل سه‌رچیه، خه‌لك چه‌وان سه‌ره‌ده‌ریێ ل گه‌ل ڤان دیارده‌یان دكه‌ن، یان فاكته‌ر ژێ چنه، تایبه‌ت ئه‌گه‌ر ئه‌ڤرۆ ته‌ماشه‌یی كریارێن خوه بكه‌ین، ڕه‌نگه ئه‌م هه‌موو ژڤان جۆره ڕه‌فتاران دوورنه‌بین، زالبوون یا ل سه‌ر ژیوارێ ئه‌ڤرۆكری، له‌ورا چاڤ پێنه‌رابوون دیارده‌كا رۆژانه، دێ بینی جیران ژ جیرانی ڕازی نینه، سه‌ده‌م ژی هه‌رئه‌ڤه بوویه ژبه‌ركو چاڤپێنارابن ب گشتی چو كه‌س ژ حالێ خوه رازینینه، دل و ده‌روونێن خوه دا ئارم نینین، له‌و دێ بینێ وه‌كو دڕاڤ ل ڤی وه‌لاتی بوویه ململانێ و به‌ریكانه، كا كیژان دكاریت زووتر خوه ده‌وله‌مه‌ند بكه‌ن، لێ مخابن هه‌موو بیاڤێن خالێن زانستێن دی یێن جودا مه ڵاداینه، رۆژ بۆ رۆژێ د بازنه‌یێ خوه‌دا پاشگه‌ز دزڤرین، چو هه‌لمه‌تێن پێشڤه‌چوونێ بده‌ست مه نه‌كه‌ڤتینه، ده‌ستنیشانكرنا خالا دیارده‌یا حه‌سوودی چاڤپێنه‌رابوونێ د جڤاكێن پێشكه‌ڤتین مه‌زنترین دیاردا پاشڤه‌مانێ دهێته حه‌سباندن. ب مخانیڤه ئه‌م وه‌كو جڤاك رۆژانه دگه‌ل دژین، لێ دزانین ژێ دیارده‌كا سه‌قه‌ته دناڤ مه‌دا، لێ بوویه نه‌ریت، ڕه‌نگه ژ چو ملله‌تان ژی كێمتر نه‌بین، چنكو هه‌موو ئالیات و ئالاڤێن زانستی و ته‌كنه‌لۆژیایی ئه‌وێن بووینه چه‌كێ نوو كاریگه‌ر بۆ ده‌ستڤه‌ئینانا ب له‌زترین پێزانین د ده‌ست جڤاكێ مه‌دا هه‌نه. لێ وه‌كو پێدڤی بۆ ئه‌ركو كارێن پۆزه‌تیڤ ب كارناهێن، له‌و د پێڤه‌ره‌كێ گرتی دا كارپێده‌كه‌ین، فه‌ره هه‌ر تاكه‌ك ژ ئه‌ڤرۆ پێڤه ب هوشیاری سه‌ره‌ده‌ریه‌كا دورست د هه‌موو بیاڤ و خالێن زانستی بێخێن د خزمه‌تا جڤاكی دا، وی سنۆرێ كه‌ڤنه‌په‌رست وان نه‌ریتێن بووینه ئه‌مرازێ هشك و پڕی ب ئێش و ژان، یێ ب سه‌دان ساله پارڤه‌بووینه سه‌ر جڤاكی و پێدڤیه بنبڕبن و ژناڤبچن، بۆ هندی دا سوباهی به‌ره‌بابێن داهاتی چاڤكانی ژ ڤێ ڕییا خراب و نه‌گه‌تیڤ نه‌گرن به‌ر و به‌رده‌وامیێ پێنه‌ده‌ن.
•
دیده‌ڤانێ شه‌رم ژ خوه‌كری
سالح حه‌كیم
چو پێنه‌ڤێت كه‌س ژمه نینه پێدڤی ده‌زگه‌هێن رێڤه‌برنا مامه‌لان نه‌بیت، تایبه‌تی بۆ هنده مامه‌لان، كو پێدڤی ب شاهدان هه‌یه، چونكى ئه‌ڤه یاسایه نابیت ژ رێنمایێن وێ ده‌ربچین، یان خوه سه‌ر ب سه‌پینین، فه‌ره سه‌ر هه‌ر تاكه‌كێ جڤاكی پێگرییێ ب رێنمایێن یاسایێن شه‌رعی بكه‌ن، و د بازنێ وییێ لۆجستی كار پێبكه‌ن، دا وه‌كو هه‌موو ملله‌تێن شیایین خوه د وی بواری و بیاڤی دا، پێگه‌هـ و پره‌نسیپێن خوه ئاڤا بكه‌ن، دوور ژ واسته‌كاریان یان شه‌هده زۆریه‌كا نه شه‌رعی و نه دورست بۆ كه‌سه‌كی بكه‌یی، له‌و هنده مامه‌له هه‌نه ته بڤێت نه‌ڤێت بێ دیده‌ڤان بڕێڤه‌ناچن، یان ناهێنه قه‌بوولكرن و په‌سه‌ندكرن، تشته‌كێ زورێ نۆرمال وره‌وایه ته مامه‌له‌ك هه‌بیت، ئه‌گه‌ر راسته مافێ ته‌بیت زور سرۆشتیه، به‌لێ پرس ئه‌و كه‌سێ ته كریه شاهد چه‌ند پێزانین ل سه‌ر وێ مامه‌لێ هه‌نه، یان ته چاوا ئه‌و تێگه‌هاندیه یان هه‌ر هیچ چو ژ بابه‌تی نزانیت، گه‌له‌ك جاران هنده تشت، به‌لكو نه دوور نه نێزیك مافێ مرۆڤی نینه، دێ رابیت ب هنده بهانه‌یان، شاهدان رازیكه‌ت خوه گه‌هینیت وێ چه‌ندێ، ڕه‌نگه د ناڤ جڤاكێ مه تا راده‌كی یا بۆیه دیارده و سحبه‌ته‌كا سه‌رپێ، ئه‌گه‌ر بهێین گوهداریا شیره‌تڤانێن ئۆلا ئیسلامێ بكه‌ین، ڤێ كریارێ ب حه‌رامی ل قه‌له‌م دده‌ن، كو تشته‌ك نه مافێ ته بیت، ب رێكێن نه یاسایی ب رێیا شه‌هده زوریێ بده‌ستڤه بینی، راسته مافێ هه‌ر تاكه‌كێ یه بژیت سه‌ر ڤێ ئاخێ ب خۆشى، به‌لێ نه ل سه‌ر كیستێ تشته‌كى، كو ته چو جاران نه‌كربیت، ل ڤی وه‌لاتی چه‌ندین نموونه هه‌نه نه‌شێن به‌حسێ هه‌موو وان پرسگریكان بكه‌ین، ب گشتی بۆینه رێیا رێبازا ڤی جڤاكی، زۆربه‌یا جاران كه‌سێن شه‌هده‌یێ دكه‌ن، دكه‌ڤن د هه‌لویسته‌كێ به‌رته‌نكێ شه‌رمێ دا، چونكی مرۆڤێ وییه دبیته شاهد، یا ژ ڤێ كه‌مباخترخرابتر ئه‌وه تو كه‌سه‌كی نه‌نیاسی بتنێ ژییێ وییێ گونجایه بۆ شه‌هده‌یێ دێ ب ڤی ئه‌ركی رابیت، مخابن هه‌تا نها ژی هنده‌ك ژمه گرنگیا ڤی بارێ مه‌زن نزانینن، یان ئه‌گه‌ر بزانین ژی بایه‌خێ پێناده‌ن، له‌و دوباره دێ بێژم مخابن، دلێ كه‌سێ ژمه نامینیته ب وه‌لاتێ مه‌ڤه، بلا به‌هرا وى هندیا ده‌هـ خێزانان بیت هه‌رێ برسیه و ب ده‌ڤ گازنده‌یه، چو جار نابێژین ئه‌م دخه‌له‌تین، هه‌رده‌م په‌نایێ دبه‌ین جهێ په‌یوه‌ندیدار، كو دزانین ژی ئه‌ڤه تاوانه، ده‌سپێكێ ئه‌م ل ملله‌تێ خوه دكه‌ین، پاشی ژ حوكمه‌تا خوه دكه‌ین، یاباش ئه‌وه ئه‌م هه‌موو پێكڤه هه‌ولبده‌ین مه‌ژیێن خوه ئاڤا بكه‌ین، دا وه‌لاتێ خوه پێشبێخین، نه هه‌ر كه‌سێ تشته‌ك بده‌ستكه‌فت یێ خرابكرنێ بیت، بۆ به‌رژه‌وه‌ندییێن خوه‌یێن كه‌سوكی كاربكه‌ت، باشتره ئه‌م هه‌موو شیانێن خوه مه‌زێخین بۆ خزمه‌تكرنێ.
ئاسته‌نگێن به‌غدا و هه‌ولێرێ پشتی هه‌لبژارتنان
سالح حه‌كیم
عیراق ژ ئه‌ڤرۆ پێڤه چو بكه‌ت، بۆ سه‌ركه‌فتنا ناڤێ ده‌وله‌تا خوه. عیراق شۆره‌شا وێ یا سیاسی ل سه‌ر سێ ستوونێن سه‌ره‌كی دهێته حه‌سباندن، ئالیێ سونی ئالیێ شیعی ئالیێ و هه‌رێما كوردستانێ سیاسه‌تێ به‌پادكه‌ت. لێ جارنا پشكا كوردی ژ ده‌ستهه‌لاتا سیاسه‌تكرنا عیراقێ دهێت پاشگۆهـخستن. له‌و كورد ب دورستی هایداری هنده‌ك بریارێن به‌غدا نینن. وه‌كو دیار عیراق پشتی ده‌ستهه‌لاتا به‌عس د بریارا زۆرینه كارنامێن وه‌لاتێن ده‌ره‌كی و جیران سه‌ر هه‌بوونا سیاسه‌تا وه‌لاتێ خوه زالكر، تایبه‌تی ئیران پیڤه‌ره‌كێ ب هێزێ بریارێ بوو، له‌ورا وه‌لاته‌ك خودی بریارێن لاواز نه‌شیان ژیانا وه‌لاتیێن خوه خۆش بكه‌ت، وه‌لات رووبه‌روویی قه‌یرانێن ئابووری و سیاسی تائیفی كرن ل سه‌ر بنه‌ما و پره‌نسیپێن زۆرینه، و كار ب ده‌ستوور و شه‌راكه‌تا نیشتمانی نه‌كر، له‌و بیزاریا خه‌لكێ عیراقێ بۆ هندێ دیاربوو، د ڤان هه‌لبژارتنان دا كو مه‌زنترین پارتا ئۆپۆزسیۆنا عیراقێ كو درووشمێ وێ یێ سه‌ره‌كی چاكسازیه‌كا راسته‌قینه بوو، ژحوكمه‌تا عه‌بادی به‌ری وی ناڤبری دخوازت و هه‌ڤپه‌یمانا وی پارتا “سه‌دڕ” كو ب سه‌رۆكاتیا موقتده‌تا سه‌در وه‌كو لایه‌نه‌كێ به‌رنیاس شیعه مه‌زهه‌به، و شكه‌ستنا پارتا نووری مالكی، هه‌موو بۆ سیاسه‌ته‌كا نه‌یا دروست و شۆفینی تائیفی دزڤریت، پشتی دیاربوونا ئه‌نجامێ هه‌لبژارتنان ل هه‌رێم و عیراقێ دا، نه‌رازیبوونه‌كا لایه‌نێن دیاركری ل دووڤ خوه ئینان، تایبه‌ت ل هه‌ریمێ كو مه‌زنترین پارتا ئۆپۆزسیون ته‌ڤگه‌را گۆران كو د ڤان هه‌لبژارتنان دا چه‌ندین كورسی ژده‌ستدان، ئه‌گه‌رێ ڤێ چه‌ندێ زڤریت بۆ درستبوونا پارتێن نوو ل سه‌ر بنه‌مایی ئۆپوزسیۆن و نه‌هیلانا ده‌ستهه‌لاتا نوكه یا هه‌رێما كوردستانی، پێدڤیه نوكه د ڤی باردۆخی هه‌ستیار دا و پری گرنك بۆ كوردان، كو سه‌ركه‌فتنا هه‌ڤپه‌یمانا سائیرۆن كو ب سه‌رۆكایه‌تیا موقته‌دا سه‌در ب ده‌رفه‌ت بزانن بۆ بهیزبوونا خوه د ناڤا حوكمه‌تا داهاتی یا عێراقێ دا، ب ئیكگرتی پشكداربن بۆ مافێن خوه و باشترین رێگ بۆ چاره‌كرنا ده‌ستوور سه‌ر بنه‌مایێ فیدرالی. د كارۆبارێن ناڤچه‌یێن مادی140 دا، بۆدجه‌ی دا، كو زۆر گرنكن بۆ هه‌رێمی كاربكه‌ن و نه‌هێلن ئه‌ڤ حوكمه‌تا نوو یا عیراق وه‌كو حوكمه‌تێن دی ته‌په‌سه‌ریا گه‌لێ كورد بكه‌ت، لایه‌نێن كوردی ب ناڤێ هه‌ریمێ بچن، نه‌ك حزبایه‌تی، و پۆست و پله‌یێن خوه یێن كه‌سۆكی. سه‌ركه‌ڤتنا پارتیا دیمۆكراتا كوردستانێ ل هه‌رێمی، بۆ وێ ئێكی دزڤریت كو پارتی هه‌موو ده‌مه‌كی دا، پارتیه‌ك ئێكگرتی و مه‌ردانه د خه‌باتا خوه دا، به‌رده‌وام ل عیراقێ داخوازا مافێ خه‌لكێ كوردستانێ كرینه به‌رگری گرنا پارتی ژ پردی و سحێلا نیشانا وێره‌كیا ب هێزبوونا وێ پارتی بوو هه‌ر ئه‌و پارته‌بوو داخوازا ده‌وله‌تا كوردی و ریفراندۆم كری ژبه‌ر هندێ میژوویێ سه‌لماند بهێزبوونا پارتی واته بهێزبوونا كوردستانێ یه. ژبه‌ر هندێ خه‌لكێ كوردستانێ چاره‌نڤێسێ خوه باش زانی و لایه‌نێ خوه دروست دیاركر.
نيشاندان
WP Facebook Auto Publish Powered By : XYZScripts.com