شێرزاد نایف
حزبا ئێكه‌تى نشتیمانى كوردستان حزبه‌كا گرنگ بوو ل كوردستانێ و رۆلێ سه‌رۆكێ وێ یێ خودێ لێخۆشبووى مام جه‌لال تاله‌بانى ژى یێ كاریگه‌ر بوو ل سه‌رانسه‌رى عیراقێ و كوردستانێ، سه‌ره‌راى هندێ گه‌له‌ك جاران شاشیێن مه‌زن ژى دهاتنه كرن زیان دگه‌هانده خه‌لكێ هه‌ردو حزبان ـ بلا بێژین ـ یێن ئێكه‌تیێ و پارتى دیمۆكراتى كوردستان، هه‌بوونا هه‌ردو حزبێن مه‌زن و ده‌سهه‌لاتدار ل ده‌ڤه‌رێ پێكڤه یا گرنگ بوو، بۆ پتر زیقكرنا ناڤێ دیمۆكراسیێ، ستوونێن هه‌ردویان ژى ب هه‌بوونا پێشمه‌رگێ وانه یێ بێقوسیر ژ هه‌ر لایه‌كى ڤه، خۆبه‌خش، قاره‌مان، چاڤنه‌ترس، پێگیر …هتد، یا ژ هه‌میێ گرنگتر ژى ده‌نگێن وان یێن مسۆگه‌ر د پرۆسێن ده‌نگدانێ دا، هه‌ر ئێك نێزیكى 100 هزار ده‌نگان ژبلى ب خێزانێن وان ڤه، به‌لێ ناهێته ڤه‌شارتن پشتى ده‌ركه‌فتنا بزاڤا گۆران و نه‌وه‌ى نووێ و هه‌ڤپه‌یمانی و دادوه‌ری، هه‌روه‌سا حزبێن ئیسلامى و یێن شیوعی و مشه‌بوونا سه‌رانێن مه‌زن د ناڤدا، شه‌عبیه‌تا وێ كێمرن و كورسیێن ب نیڤى بوون و كێمتر ژى، حه‌تا نها ژى پێشمه‌رگێ وێ ب سه‌ر ڤه‌یه، هه‌كه هات پێشمه‌رگه بوو هێزه‌كا نشتیمانى وه‌كو د نیازا كابینا نوو یا حوكمه‌تا هه‌رێما كوردستانێ دایه، وه‌كو پێنگاڤه‌كا ئه‌رێنى و د به‌رنامێ چاكسازیێ دا. هه‌لبه‌ت شه‌قه‌كا مه‌زن یا پێشمه‌رگێ وێ ژێ نیگه‌ران بوویه تایبه‌ت ل ده‌مێ فه‌رمانا خوه‌ڤه‌كێشانێ ژ ده‌ڤه‌رێن مادێ 140 و كه‌ركووكێ بۆ هاتنا حه‌شدا شه‌عبی و كه‌سین مینا حه‌سه‌ن پلایس و ئه‌بۆ عزرائیل، ده‌مێ ل رۆژا هاتنا وان بۆ ناڤا كه‌ركووكێ، لایفێن زێندى ڤه‌كرین و سڤكاتى ب پێشمه‌رگه‌ى و خه‌لكێ كوردستانێ دكرن، هه‌ر چه‌نده ره‌فتارێن بێسه‌روبه‌ر بوون و هه‌ر بهایێن خوه ئینانه خار، به‌لێ پێشمه‌رگه‌ى مخابنی ب وان سه‌ركێشان دبر، یێن ئه‌ڤ فه‌رمانێن خراپ داین و ئه‌وان چه‌ند خوین و تێكۆشین ددان، شه‌ڤ و رۆژان خوین درێت بۆ بلندراگرتنا ڤى ئه‌ردى، چه‌ند سه‌نگه‌ێن خوه قاهیمكربوون، ب شه‌ڤ و رۆژ ب حه‌فارا و كۆلانا خه‌نده‌كان، و مه‌زاختن و كرینا سیمى و ئه‌لغام دانان و .. هتد. به‌لێ هۆسا ب ساناهى بۆ دوژمنى پێشكێشكرن، وه‌كو دى ئه‌ڤا ده‌نگێن تایبه‌ت و یێن پێشمه‌رگه‌ى گه‌له‌ك دگرنگن، ژ به‌ر هه‌ما ئه‌و بخوه متایه‌كێ ب ره‌واجه بۆ خه‌لكى ژ به‌ر وێ حه‌زا خه‌لكى بۆ پێشمه‌رگه‌ى و دلۆڤانیبرنێ، گه‌له‌ك ژبۆ خاترا وى ده‌نگى دده‌ته لیستێن گرێداى وان، دبیته راده‌كێ ڤه‌بر بۆ بریارا چاره‌نڤیساز، نه‌تنێ ل وه‌لاتێ مه، بۆ میناك ل نه‌واكشۆت، ده‌نگێن سه‌ربازێن وان فه‌رقه‌كا مه‌زن په‌یداكر بۆ لیستا ئێكه‌تیێ ژ پێخه‌مه‌ت كۆرماریێ ل سه‌ر ئاستێ نوونه‌راتیان و جڤاتا جمهورى ل وى وه‌لاتى رێژه‌یا وێ ژ 43% كره 55%، ڤێجا گرنگیا ڤى سه‌كته‌ر بۆ حزبا ئێكه‌تى نشتیمانى كوردستان د هه‌ژمارا وان دایه، گرنگترین كاغه‌زه یاریێ پێدكه‌ت، وه‌كو مه ئاماژى كرى، بۆ نموونه 100 هزار پێشمه‌گه هه‌كه خێزانا هه‌ر ئێكى چار كه‌س بن، ئه‌ڤه بوونه 400 هزار ده‌نگ، له‌ورا سیاسه‌تا وێ دیاربوو، ل دووماهیا گێمى، كو چونه مابوو دێ حوكمه‌ت هێته پێكئینان، ژنی مه‌ره‌ما وان دیاربوو و بهانه و پیلان و نه‌خشه‌یێن دیتر بۆ مه ده‌رخستن. ئه‌ڤێ سیاسه‌تێ ژمێره خه‌لك ب سه‌ر هه‌لبوویه، دێ ده‌نگه‌كێ بلند و خۆش قه‌سا خۆش كه‌ت، به‌لێ یا د دلى دا، وه‌سا نینه به‌لێ خوه ب سه‌رڤه نابه‌ت، واته رۆخسارێ خوه جوان دكه‌ت، و ژ ناڤه‌رۆك تشته‌كێ دى یه، مه هه‌میان ژى هیڤى یه ئه‌و حزب هه‌ر یا ب هێز بیت و ئه‌كتیڤ و خۆشتڤى بیت، به‌لێ هه‌تا راده‌یه‌كى بۆ خوه نه‌دانیت بۆ نیازێن پاك و هه‌ڤالێ خوه نه‌خاپینیت و خیانه‌تێ نه‌كه‌ت، بازارێ وێ ژى هه‌ر دێ ئاسێ و هشك بیت.
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
شیرزاد نایف
كوێت و په‌رسیڤێ ئاڤه‌دانیێ!
شێرزاد نایف
بیرا من دهێت ل سالا 1991 پشتى كو له‌شكرێ عیراقێ كۆێت داگیركرى و پشتى هینگى هه‌ڤپه‌یمانان عیراقى شكاندیه‌ڤه و كۆێت زڤراندیه‌ڤه و پشتى سه‌رهلدان ل سه‌رانسه‌رى عیراقێ ب سه‌ر داهاتین ل ده‌سپێكێ ژى ل باكۆرێ كو دبیته هه‌رێما كوردستانێ یا مه یا نها، و مینا دبێژن “سه‌د سه‌ر چوونه كولاڤه‌كى”!.
پشتى هینگى تشتێ ڤه‌شارتى یێ رژێما به‌عس هه‌موو دیاربووى، چونكو به‌رى هینگى سانسۆره‌كا ئێكجارا یا میدیاى ل سه‌ر هه‌بوو، به‌ره به‌ره تاوانێن وان دیاربوون، ئێدى جۆره‌كى وه‌كهه‌ڤیا سته‌ملێكرنێ و زۆریێ دیاربوو د ناڤبه‌را گه‌لێ كۆێتێ و یێ كوردستانێ دا، ئه‌ڤ وه‌كهه‌ڤیه ل سه‌رانسه‌رى جیهانێ دیاربوو، مینا دبێژن دوژمنێ من دۆستێ منه، سه‌ره‌راى هندێ كو كۆێتێ به‌رى هینگى نێزیكبوونه‌كا دۆستاتى هه‌بوو ل گه‌ل عیراقێ و بۆ گه‌لێ كورد ل عیراقێ چو نه‌كربوو و ئه‌وێ ژى مینا هه‌موو عه‌ره‌بان و جڤاكێ ده‌ولى خووه بێده‌نگ كربوو ل سه‌ر تاوانێن رژێما سه‌دام ل سه‌ر گه‌لێ مه‌یێ سته‌ملێكرى، به‌لێ چونكو كۆێت هه‌ڤسویا عیراقێ و ئیرانێ بوو فه‌رتربوو ژ هه‌میان پتر، هه‌ما هه‌ر چونه‌با كربه هه‌واله‌كێ نۆرمال ژى د ناڤ به‌لاڤۆكێن میدیایا خوه دا، ئێدى كوردان ژى ئه‌ڤ ره‌فتاره ژبیرنه‌كربوو، به‌لێ هه‌ر ل چو لایه‌نان ناگرین و مینا دبێژن سیاسه‌ت هه‌ر سیاسه‌ته، ئه‌م ل سه‌ر وێ سته‌ما ل مه هاتیه كرن رانابین ژنوو بۆ خوه دوژمنان زێده‌بكه‌ین، ئه‌ڤجا ب سه‌ره‌دانا كونسلێ كۆێتێ د. عومه‌ر ئه‌لكنده‌رى ڵ هه‌رێما كوردستانێ ب یاوه‌ریا شانده‌كى بیرا من ل ڤان بیرهاتنان ئینا، به‌لێ ناڤه‌شێرم وى سه‌رده‌مى جۆره‌كێ نێزیكبوونه‌كا عاتیفى هه‌بوو د ناڤبه‌را مه و خه‌لكێ كۆێتێ دا، گه‌له‌ك جاران د نووچه‌یان دا په‌سنا گه‌لێ كورد دكرن ل سه‌ر شاشێن تلفزیۆنان و به‌حسێ وێ سته‌مێ دكرن ی ل مه هاتیه كرن، حه‌تا نها ژى ئه‌و هه‌ڤپشكى یا به‌رده‌وامه، ئه‌ڤه ژ بلى وه‌كهه‌ڤیا قه‌بارێ نه‌خشه‌ێ جوگرافى ژى هه‌تا راده‌كى، له‌ورا كابرایى ئه‌ڤرۆ جاره‌كا دن په‌سنا رۆلێ حوكمه‌تا هه‌رێمێ كر و یا كه‌سێ نێچیرڤان بارزانى سه‌رۆكوه‌زیرێن هه‌رێَمێ و تایبه‌ت ژى بۆ تێپه‌راندنا وێ ره‌وشا ئه‌وى ب چاڤێن خوه دیتى ل هه‌رێمێ و ڤه‌حه‌واندنا وى قه‌بارێ زۆرێ ئاواره و په‌نابه‌ران، هه‌لبه‌ت ئه‌ڤه نێزیكبوونه ژى دبیته بلۆكه‌ك ل سه‌ر وێ دیوارێ ب هێز یێ دهێته ئاڤاكرن ژ لایێ نێچیرڤان بارزانى ڤه بۆ ئاڤاكرنا كوردستانه‌كا ب هێز وه‌كو درووشمێ وى ب حزبا پارتى دیمۆكراتى كوردستان ڤه، د بیاڤێ په‌یوه‌ندیێن دپلۆماسی دا، بۆ زێده‌كرنا دۆست و هه‌ڤالان نه‌خاسمه یێن هه‌ڤسویى و هه‌ڤسنۆر ل گه‌ل كوردستانێ و عیراقێ و ده‌ڤه‌رێ نه‌مازه كۆێت ژى د بیاڤێ جۆگرافى دا گرنگه وه‌كو ده‌رازینه‌كا ئاڤى دێ سه‌قایه‌كێ ئه‌كتیڤ دروست كه‌ت د بیاڤێ ئابوورى ژى دا وه‌كو هناره‌كرن و ئاورده‌كرنا كه‌لوپه‌لێن بازرگانى، كو هه‌ردو لایه‌ن مفادار بن، نه‌خاسمه كۆێت ژى دخوازیت بهێز بكه‌ڤیت د بیاڤێ سه‌ربازى دا پشتى ئه‌و كاره‌ساتا رژێمێ ئینایه سه‌رى و دیاربوونا ڤان رێكخراوێن تیرۆرستى ل ڤان دووماهیان، گه‌فه‌كه بۆ هه‌موو وه‌لاتان تایبه‌ت یێن كه‌نداڤى و كوردستانێ بۆ هه‌میان سه‌لماندى كو ئێكه‌م هێزه داعش شكاندى و پاشڤه‌برى، ئێدى هه‌رێما كوردستانێ به‌ربه‌سته‌كێ ب هێزه ل به‌رامبه‌رى وان، هه‌لبه‌ت ئه‌و ژى دێ خوه ده‌نه به‌ر سیبه‌را كوردستانه‌كا ب هێز، نه‌مازه هه‌رێمێ سه‌لماند كو نه‌تنێ یا زه‌نگینه ب سامانێ خوه به‌لێ سامانێ هه‌رى زه‌نگین پێشمه‌رگێ وێ یێ پیگیر و خۆراگره، زێده‌بارى سه‌ركردیه‌كێ ب هێز و زانا و خوه‌دى په‌یوه‌ندییێن ب هێز د بیاڤێ دیپلۆماسى دا، له‌ورا ژى به‌رى ده‌مه‌كێ نه‌یێ دوور كۆنگره‌كێ مه‌زن هاتبوو سازكرن ل كۆیتێ ل سه‌ر ئاڤه‌دانكرنێ هه‌رێم ژى شه‌ره‌فا پشكداریكرنێ هه‌بوو، ئه‌ڤه هه‌موو راستینه و تشته‌كێ پێشچاڤه و هه‌موو یێن دبینن، هه‌كه نه سینگێ پێنڤیسێ مه یێ به‌رفره‌هه بۆ هه‌ر ره‌خنه‌كێ!!.
جیۆپولتیكا مه د به‌رژه‌وه‌ندیا كێ دایه؟!
شێرزاد نایف
نه ب ده‌ستێ مه‌یه هه‌كه گۆتاره‌كا ب ڤى ره‌نگى ل سه‌ر ئاسته‌گێ مه‌زنتر ژ لۆكال بنڤیسین، ژ به‌ر ئه‌گه‌رێ هاتنا ویلایه‌تێن ئێكگرتى یێن ئه‌مریكى و رۆسیا و ئیران و توركیا و سووریێ و لوبنان و ئیسرایل و ..هتد. به‌لێ یا دخوازم بێژم چه‌ندى مه بیره گازندا مه كوردستانیان ژ جهێ مه‌یێ جیۆپۆلتیكى یه، كو ئه‌م نه‌شیاینه ببینه كیانه‌ك كو هنده سته‌م و زۆرى ل مه دهێته كرن، به‌لێ یا گرنگتر من دڤێت ئاماژێ پێ بكه‌م ئه‌وه كو هه‌كه جهێ مه بۆ مه یێ نه‌یێ گرنگ بیت، به‌لێ دێ بۆ ئه‌مریكا یێ گرنگ بیت، ژ به‌ر كو ئه‌و ده‌سهه‌لاتا وێ هه‌ی، مه نینه، وه‌كو هه‌رێمه‌كا بچووك، نه‌مازه ده‌سهه‌لاتا دونیایێ د ده‌ست مه دانینه، هه‌لبه‌ت ئه‌گه‌رێن وێ جیۆپولتیكێ ژى دبابه‌تینه و نه دڤه‌شارتینه، وه‌كو نه‌بوونا ده‌ریێن ئاڤى، یان گزیرتان، یان هه‌ڤووسیاتیا وان وه‌لاتێن زلهێز و سروشت شۆڤێنى، پاشكه‌فتى جڤاكى، ته‌ماكار د سامانێن ئه‌ردێ مه‌دا، كو ئه‌ڤه چه‌ندین سالن ره‌فتارێ د مه‌زاختنێ دا دكه‌ن، به‌لێ یا دروس تكو بهێته گۆتن، ئه‌وه كو ژ به‌ر وان سه‌ربۆرێن ته‌حل و خوه‌دى باندۆر ئه‌وه هه‌تا راده‌كێ ئه‌كتف هه‌ریم و عه‌قلێ هزرڤان یێ وێ وه‌كو حوكمه‌ت، شیا ڤان بۆیه‌ران خرڤه‌كه‌ته سه‌رئێك كو ل دووماهیێ ژى هه‌مووان بینیته سه‌ر خه‌ت، نه‌چار بكه‌ت خوه لێ بكه‌نه خودان، نه‌مازه ب دیزاینه‌كا دارێتى ژ لایێ نێچیرڤان بارزانى ڤه، ب سه‌ره‌ده‌ریێن خوه یێن سیاسى و گۆتارێن وێ یێن خه‌وارزمى، شیا بۆ خوه جۆره‌كێ په‌یوه‌ندیان دروست بكه‌ت، هێدى هێدى و پشتى وان روودانێن سه‌خت و دژوار یێن به‌رى ده‌مه‌كێ نه‌یێ دوور ب سه‌ر مه‌دا هاتى سالێن هشكاتیێ، دۆرپێچێ ئێدى چونكو سه‌رێ وه‌ریسى هاته گرتن، ئه‌م ژ مرنه‌كا تیژ قورتال بووین، ئێدێ گه‌شه یا ده‌ست پێ دكه‌ت، ئێدى ئه‌و نه‌ما بێژین مه چو هه‌ڤال نه‌مان ژ بلى چیا!!. ئێدى مێشكێ مه یێ شارستانى و زانا و مرۆڤاتى و ئابوورى و زانابوون، كه‌فته كارى دوور ژ عاتیفه و دلۆڤانیا بێ سه‌ر، به‌لكو ئه‌و دلۆڤانى بوو ده‌ستكه‌فته‌ك د ده‌ست مێشكێ مه دا، به‌ره‌بابێ ته‌كنه‌لۆجیایێ، به‌رژه‌وه‌ندیێن هه‌ڤپشك، له‌ورا ژى هه‌ولێر ئه‌ڤرۆ بوویه ئاراسته‌یا هه‌موو لایه‌نێن مه‌زن، و وه‌زیرێ دبێژیته وه‌زیرى وێڤه هه‌ره، سه‌رۆك یێن مه‌حفیرێن سۆر بۆ سه‌رانێن مه ددانن، چو ل پاری یان عمان یا نخوه به‌غدا یێ ب خوه‌ژى، ما نه‌ئه‌ڤه ژى ده‌ستكه‌فته و دانپێدانه‌كا فه‌رمى یه؟!. ئه‌مریكا نه‌زانیبا جهێ جیۆپۆلتیك و به‌رقه‌رار ب هزر و ره‌وشه‌نبیریا خوه، مه‌زنترین قونسلخانه مه‌زنتر ژ بالیۆزخانه‌یان ل هه‌ولێرا پایته‌خت ژى نه دانان، من گه‌له‌ك هزار خوه كر هه‌تا كو ئه‌ڤ گۆتاره نڤیسى و هه‌كه من گه‌شبینیا وان لایه‌نان نه‌دیتبا من ژى ب گه‌شبینى ئه‌ڤ گۆتاره نه دنڤیسى و دلێ هه‌وه ژى خۆش نه‌دكر, هه‌ما سه‌حكه سیمایێن وان سه‌ركردێن ل دیوانا سه‌رۆكێن مه، دێ زان كو حوكمه‌تا هه‌رێمێ پشتا وێ یا كه‌ڤرى و بلا ل به‌ر سیبه‌را ئه‌مریكا بیت.!!
فه‌توایێن سیاسی و بریارێن ئاینی!
شیرزاد نایف
یا ل به‌ر هه‌مووان به‌رزه‌بووی، كا سیاسه‌ت چیه و ئاین چیه، هه‌ردو ته‌ڤلی هه‌ڤ بووینه، ئه‌ڤ ژ كیڤه هات و ژ چ هات؟.
هه‌رێما كوردستانێ و خوه عیراق ژی ب هه‌موو پێكهاته‌یێن خوه ڤه، بیرا من ناهێت ژ كه‌نگی وه‌ره هه‌ڤوه‌لاتیێن وێ سه‌ر جادێ موزایده ل سه‌ر مه‌زهبی یان ئاینی بكه‌ن!. به‌لێ هه‌كه ملله‌ت بوونه یاری د ده‌ستێن بیانیان ژ بارزگان و سیاسییان دا، هینگی ئابوور و چاره‌نڤیسێن مرۆڤاتی دبنه تۆمه‌كێ خۆش بۆ بارزگانێن جیهانی، سروشتێ عیراقێ یێ وه‌سایه كو چه‌ندین جۆرێن پێكهاتان تێدانه، به‌لێ هه‌ستا وان یان هۆشا وان هه‌ر یا نڤستی بوویه، به‌لێ كیژ وه‌لات یێ وه‌سایه كو ئاین و سیاسه‌ت ئێك بن، د ژێكجودا نینن د سیسته‌مێ وه‌لاتی دا؟! كیژ د ڤی ئالیی دا یا زاله؟!. هه‌لبه‌ت ئیران به‌ری توركیا هه‌ر چه‌نده توركیا ب درێژیا سالان سیسته‌مێ علمانیه‌تێ په‌یره‌و دكه‌ت و ل سه‌متا ئه‌ورۆپا دچیت د دله‌كی و نه د سه‌دان دا. ئیران یا ل سه‌ر عیراقێ نه‌تنێ زالبوویه، به‌لكو داعویرایه ئه‌ڤ چه‌نده باشتر دیار دبیت ل سه‌ر هه‌ڤركی و ململانا سیاسی و وه‌لاتێن په‌یوه‌ندیدار، چه‌ندی به‌ر ب به‌غدا ڤه بچی پتر ره‌واجا مزایدا ئاینی رۆهندبیت!!. چونكو نه‌خشه‌یا ئه‌ردی ژی نێزیكی هیلالا شیعی دبیت، بۆ میناكا زیندی، ئه‌و فه‌توایا هاتیه‌دان ژ لایێ مه‌هدیێ سومه‌یدعی ل دۆر حه‌رمكرنا گێرانا جه‌ژنێن سه‌رسالێ یا كریسمس، چاندنا كه‌ربوكینێ یه د ناڤبه‌را مۆزایكا هه‌ڤژیانێ ب به‌ره‌ڤاژی ئه‌وا ئه‌وقافا هه‌رێما كوردستانێ فه‌تواكری، كو به‌ره‌ڤاژی وی ئێكێ یه، ئاین بۆ هندێ هاتینه كو ئاشتی یا به‌ربه‌لاڤ بیت ل ناڤ مرڤاتیێ دا، تشته‌كێ نۆرمال هۆسا مه‌زن كری و چارچووڤێن ئاسایی ده‌رخستی یا دیاره بۆ چاندنا فتنێ و نه‌ئارابوومبوونێ یه، ئه‌ڤه ژی رێیه‌كه كو هه‌رێما ئاشتیخواز و شارستانی جۆره‌كێ تێكدانێ لێ به‌ربه‌لاڤ بیت، ئه‌ڤجا ل هه‌رێمێ حه‌تا دووماهی راده ساسیه‌تا حوكمه‌تا وێ ده‌سهه‌لاتا ئازاد دده‌ته ئاینان كو رێیا بگریت و هه‌ر نه‌ته‌وه و ئاینه‌ك تێكدانا یێ دی نه‌كه‌ت، به‌ره‌ڤاژی پشكداری كه‌یف و بلندكرنا ئێكدو دكه‌ن، ب دیتنا من زۆرا جوان بوو كو سه‌رۆكێ حوكمه‌تا هه‌رێما كوردستانێ نێچیرڤان بارزان ب ره‌نگه‌كێ فه‌رمی پیرۆزباهیا جه‌ژنێن ب ڤی جۆری كرین و ل هه‌موو پێكهاتان ب وه‌كهه‌ڤی بێ جوداهی د ناڤبه‌را هه‌مووان دا، بۆ په‌سنینا ڤێ ئێكێ ژی ژ فه‌توایێن كۆمكارا ئه‌زهر ژی موباحیا ڤێ جه‌ژنێ كری، به‌لێ ئه‌ڤه دبیته فه‌توایه‌كا ئایینی و نه‌كه بریارا سیاسی، به‌لێ ئه‌ڤا ل عیراقێ هاتیه كر نچو بێهنێن ئاینی ژێ ناهێن، به‌لكو ئاماژه‌یێن سیاسینه، دوور نینه نیازێن تێكدانا وێ سه‌ربۆرا جوانا هه‌رێما كوردستانێ هه‌یی كو هه‌موو پێكڤه دژین هه‌موو ب هه‌ڤرا كوردستانینه، مرۆڤاتی و ئاشتی ئارمانجا وێنه كه‌س ده‌ستدرێژیێ و هۆڤاتیێ ل سه‌ر یێ دی نه‌كه‌ت، كو ل دووماهیێ جوانترین تابلۆیێ مۆزایك بهێته پێكئینان ژ وێ پێكه‌ڤه‌ژیانا ئاشتیانه..
چه‌رخێ زێرینێ كه‌ركووكێ!
شێرزاد نایف
چ باژارێن كوردی ته‌مه‌تى كه‌ركووكێ تووشى زیان و ئازاردانێ نه‌بووینه و هه‌موو دسهه‌لاتان زۆریه‌كا مه‌زن لێكریه و نه‌هێلایه بێهنا وێ فره‌ه ببیت و هه‌ر فه‌تساندیه، بیرا من دهێت به‌رى كو مایێ حوكمه‌تا هه‌رێما كوردستانێ تێبچیت، جاره‌كێ چوومه سه‌ره‌دانا هه‌ڤاله‌كى ل كه‌ركووكێ، ل ده‌وربه‌رێن وى باژارێ گه‌رموگۆر من چه‌ندین كۆلگێن گازى دیتن و دیكێلا پترۆلێ ژ ئه‌ردى بلند دبوو به‌ر ئه‌سمانى هه‌لبه‌ت ژ بلى رووبه‌رێن مه‌زن یێن ئه‌ردێ چاندنێ، من هزر كر دێ چمه نیڤا باژارى دى شارستانیێ و زه‌نگینیێ و مشه‌بوونا پترۆل و غاز و په‌نزینێ و ئه‌رزانیێ بینم، به‌لێ ده‌مێ من دیتى مخابن، ئه‌ز ل ده‌سپێكێ ب سه‌ر سرایا پانزینێ یا درێژ هه‌لبووم، و قه‌ره‌بالغا خه‌لكى ل سه‌ر داگرتنا په‌نزینێ!! ب راستى حێبه‌تى بوون و خه‌مدار بووم، من ئه‌و باژار گه‌له‌ك بێسه‌روبه‌ر دیت، ژ به‌ر وێ سته‌ما ده‌سهه‌لاتێن كه‌ڤن و غه‌دار لێ كرین دیت، من هه‌ست ب شه‌ره‌مه‌كا مه‌زن كر، ژ خه‌له‌كێ بیانى یێن سه‌را وى باژارى دده‌ن، به‌لێ ده‌مێ هێشتا چوویمه د ناڤ گه‌هێن وى باژارى دا، من رێژه‌كا زۆر یا كوردان دیت، هه‌ر كوردێ من دیتى ژى ئاخینكێن كوردبوونا وى باژارى بۆ من رادهێلان، چه‌نده‌كێ ده‌روونا من ئارام بوو كو من بهیستبوو كو گه‌له‌ك هه‌وین عه‌ره‌بكرنێ ب سه‌ر دا هاتبوون، به‌لێ ژیوار وه‌سا بوو كو نه‌شیاینه زێده‌تر كوردان ژێ دووربێخن، هه‌موو كوردبوون من هه‌ست كر ل هه‌ولێرێ مه یان سلێمانیێ، به‌لێ سه‌روبه‌رێ وى باژارى زۆریێ هه‌ژار بوو، ده‌ما زڤریمه هه‌ولێرێ من ئه‌و پاقژى و شارستانى و ئاڤه‌دانى دیتى، ب راستى ئه‌رد و ئه‌سمانان جوداهى هه‌بوو، ئێكسه‌ر من د ده‌روونا خوه دوعایه‌ك كر كو خۆزی ده‌ستێ به‌ره‌كه‌تێ و سوعیدا نیازپاك گه‌هشتبایێ و حوكمه‌تا هه‌رێما كوردستانێ هه‌مبێزكربا، به‌لێ ئه‌و دوعا یا چه‌رخێ زێرینبوونا كه‌ركووكێ من دیته‌ڤه ل سه‌ر ده‌مێ ده‌ستهه‌لاتا حوكمه‌تا هه‌رێمێ ل هه‌ر سێ سالێن وێ دا وه‌كو هه‌ر ژ سالا 2014 هه‌تا خیانه‌تا 16 ئوكتۆبه‌رێ مه بخوه دیت و یا ئاشكرایه كو مه‌هانه ده‌ه ملیۆن دۆلارێن پترۆدۆلاری ژ لایێ حوكمه‌تا هه‌رێمێ ڤه بۆ كه‌ركووكێ دهاته ره‌وانه‌كرن ب بایه‌خدانا كه‌سێ سه‌رۆك وه‌زیران نێچیرڤان بارزانى ب خوه كو ژ دل ل سه‌ر رادوه‌ستیا و ئه‌وا حوكمه‌تا هه‌رێما كوردستانێ بۆ كه‌ركووكێ كرى ب پشتراستى ڤه و بێى موزایده‌كرنه‌ك به‌لێ چو جاران حوكمه‌تا ئیراقێ ئه‌و نه‌كریه ئه‌وى پاره‌ی ناده‌ته كه‌ركووكێ و نه‌دایێ ژى و هه‌مووان ب خوه ژى دیت حوكمه‌تا حیده‌ر عه‌بادى چه‌ند سۆزێن بێ بنه‌ما ددان و چو نه‌كر ژى، به‌لكو خرابتر لێكر!!. به‌لێ ئه‌وا حوكمه‌تا نێچیرڤان بارزانى بۆ كه‌ركووكێ كری و ئه‌و پاره‌یێ بۆ ره‌وانه‌كرى بلا وه‌ژدان بپه‌یڤیت، كو ب سه‌دان كه‌س ب وی پاره‌ی هاتنه دامه‌زراندن ژ خه‌لكێ به‌لنگاز و بێده‌رامه‌ت، هه‌ردیسا ژى خواندنا كوردی ب هێزبوو و پشته‌ڤانیا دارایی دهاته‌كرن ب سه‌دان پرۆژه هاتنه ڤه‌كرن، به‌لێ هه‌ر ژ ل سالا 1927 و حه‌تا نها چو ده‌مه‌كی حوكمه‌تا ئیراقێ پشكه‌ك ژ داهاتێ پترۆلێ نه‌دایه كه‌ركووكێ، به‌لێ مخابن هه‌موو یێن دبینن كو نها ره‌وشا كه‌ركووكێ یا ئالۆزه و هه‌موو گریبه‌ست و دامه‌زراندنێن حوكمه‌تا هه‌رێمێ بێ پشته‌ڤانیا دارایی مان هه‌موو ژى ئه‌گه‌ران دزانن.
سامانێ بهێزكه‌ڤتنێ!
شێرزا نایف
دبێژن پێدڤیاتی ماكا په‌یداكرنێ یه، پێدڤیا مه بۆ كوردستانه‌كا ب هێز ژی، دێ هه‌موو فاكته‌رێن بابه‌تیانه بیت، هه‌موو ل دووماهیێ بگه‌هنه ئێك و ببیته هێزه‌كا خۆراگر ل هه‌مبه‌ر هه‌می ئاسته‌نگێن ئالۆز، هه‌موو ئه‌و ئاسته‌نگ ژی ب سه‌ر مه‌دا هاتن، بهایه‌كێ گه‌له‌كێ مه‌زن مه پێشكێش كر و ژ هه‌ر روویه‌كی ڤه، یێ ل سه‌رێ لیستێ ژی بهایه‌كێ مه‌زن دای سه‌ركێشێن مه بوون، راسته مه ژی وه‌كو گه‌ل و وه‌كو حوكمه‌تا هه‌رێما كوردستانێ ئیراده و قوربانی پێشكێش كرن، به‌لێ باجا هه‌ری مه‌زن دكه‌فته ستویێ سه‌ركێشێن ڤی ملله‌تی كو نوونه‌راتیا مه كرین، ئه‌و ژی سه‌رۆك و مه‌رجعێ كوردستانی مسعود بارزانی و نێچیرڤان بارزانی هه‌موو ل دژ راوه‌ستیان و كێمه‌كێ ژ خه‌لكی هاریكاریكاری لێ كر، كه‌فتنه سه‌ربۆرێن چاره‌نڤیساز ژین و ژیارا خه‌لكی كه‌فتنه د ته‌رازویا وان دان، ژ بلی گیانی وخوینێ و ناڤوده‌نگیێ، به‌لێ ئه‌ڤرۆ مه دیت ئه‌ڤه چه‌ند ساله‌ك بسه‌ر ڤه‌چوون و هێشتا ئه‌م یێن ساخین و به‌رهه‌مێ وان دبینن، هه‌ر چو نه‌بیت سه‌ره‌دانێن گرنگ و كه‌سانێن گرنگ وپێشوازیلێكرنێن گه‌رم، هێشتا ژی هه‌ولێره مه‌رجه‌عا عیراقێ و ئه‌و گرنگیا ل ناڤا مه‌حافلێن ده‌ولی دا یا كو دده‌نه كه‌سێ بارزانی و نێچیرڤان بارزانی دبیت خه‌ونا كه‌سان و سیاسه‌تمه‌دارێن عیراقی بیت!!. نها ژی نێچیرڤان بارزانی و مه‌سرۆر بارزانی یێن دخه‌بتن ئاڤاكرنا حوكمه‌ته‌كا ب هێز و وه‌لاته‌كێ ئازا و بۆ پتر بهێزخستنا سامانێ كوردستانه‌كا ب هێز و ئه‌و شاشی و هه‌لنگفتنێن ب سه‌ر مه دا چووین مه‌زنتر نه‌بن، و ماده‌م كو ئه‌وا ب سه‌ر مه دا چووی هندا خراب بوو و چاره‌نڤیساز بوو، ئێدی یا داهای نشیڤی بیت و بێهنه‌كا فره‌هتر هه‌بیت، هه‌كه گه‌ل و ملله‌ت هه‌ڤدو نه‌گرن، باوه‌ركه‌ن دێ ب ساناهی خه‌ونێن نه‌خۆش بنه راستی و پتر دێ سه‌رێ مه ئێشیت، له‌ورا وه‌رن حه‌ژهه‌ڤدو بكه‌ین و حه‌زژێكرن ژێده‌رێ وێ هێزێ یه ئه‌وا هنده قوربانی داین, و ئه‌وا مالا بارزان پێ خۆریت ژی كه‌س نه‌شێت یا شه‌رم دكه‌ت ره‌نگڤه‌دانه‌كا نه‌رێنێ ل هه‌مبه‌ر وان چونكو كه‌نگێ دێ مرۆڤی پێ چێبیت هنده شه‌هیدان بده‌ت؟! یێن وه‌كرین ژی هه‌ر ژ ناڤخوه‌یا كوردستانێ چاوا بوونه ته‌شابه‌ت و شه‌رمزار بوون ل ده‌سپێكێ ل جه‌م وان كه‌سان یێن باوه‌ری دایێ و خیانه‌ت هه‌ر ل خه‌لكێ خوه كری به‌رامبه‌ر پاره‌كێ لاوازا، ئه‌و بها و سامانێ هندێ مه‌زن ژی یێ ڤێ مالباتێ پێشێكش كری، خه‌بات و فیداكاری و پێكێش كرنا خۆشترین رۆژێن ژیانا خوه بۆ ساله‌ها سالان ل ڤی وه‌لاتی و وه‌لاتێ دیتر ب ده‌ربه‌رده‌ری و تێكۆشان، ئه‌ڤه ژ بلی ب هزاران شه‌هید و قوربانی داینه و ئه‌و پاپه‌لیسكا وان دانایی ژ خوینی و كلۆخێن خۆشتڤیێن خوه داینه‌نه.. و مان ژی هه‌ر بۆ قوربانیدانێ یه، له‌ورا هێز و سامانێ وێ ئه‌ڤ دینامۆیا هه‌نێ یه!.
هه‌وا ده‌نگێن پرتقالی!
شێرزاد نایف
جیهانێ بكه ره‌نگه‌كێ پرته‌قالی، ده‌نگێ منژی بهیسته، توندیوتیژیێ ل دژی ژن و كچان براوه‌ستینه.. درووشمه‌كێ جوانێ هه‌وا نه‌ته‌وێن ئێكگرتی یه بۆ رێگریكرنێ ل توندوتیژیێ ل دژی ژنان. یا ژ ڤی جوانتر و دلڤه‌كه‌رتر، په‌یاما نێچیرڤان بارزانی یه ل رێوره‌سمێن گێرانا ڤێ هه‌وێ ل هه‌ولێرا پاته‌خت، به‌حسێ جهێ ژنێ ل ناڤ جڤاكێ كوردی كر و جه‌ختیكرن ل سه‌ر وێ ئێكی كو چو بهانه پێ نه‌ڤێن بۆ هاورده‌كرنا ره‌وشه‌نبیریێن سه‌یر بۆ مه ل دۆر توندوتیژیا ل دژی ژنان.. هه‌لبه‌ت ژی وه‌كو دیاركری كو كۆمه‌كا میناكان ل دۆر رۆلێ ژنا كورد هه‌یه ل ناڤ جڤاكێ كوردی دا و ئاماژه‌كرنا رۆژلاتناسان یێن سه‌ره‌دانا كوردستانێ كرین به‌لگه‌نامه‌كا زانستی یه بۆ سه‌رده‌ریكرنا بابوباپیرێن كوردان و جهێ ئنێ ل ناڤ جڤاكی دا، ل ده‌مێ بیرهاتنێن خوه تۆماردكرن، له‌ورا بارزانی دیاركر كو چو بهانه نینن بۆ هاورده‌كرنا ره‌وشه‌نبیرێن هاڤی، كو رۆلێ ژنێ په‌راوێز بكه‌ین ئه‌و سه‌رده‌ریكرنێن ل دژی مافێن ژنێ ژ خه‌له‌كێ دیتر وه‌ربگرین. ئه‌ڤ ئێكه ئه‌كتیڤیا سیاسه‌تا هه‌رێما كوردستانێ دیاردكه‌ت و ب تایبه‌ت یا كێموێنه ژ جۆرێ خوه ل رۆژهه‌لاتا ناڤین. ژ لایه‌كی ڤه ژی كو ئه‌و هه‌می ژ ده‌سكه‌فتێن حوكمه‌تا هه‌رێما كوردستانێ و په‌رله‌مانێ وێ نه بیاڤێ بجهئینانا وه‌كهه‌ڤیا جێنه‌ده‌ریێ د ناڤبه‌را هه‌ردو ره‌گه‌زان دا و دابینكرنا مافێ ژنان، كو ژن ل كوردستانێ ” به‌رهنگاریا خوه ی رۆژانه ل دژی توندوتیژیێ دكه‌ن و دخوازا مافێ خوه د چاڤدێریكرن توندیێ و خوه تێنه‌گه‌هاندنێ دا” ژ هه‌میێ گرنكتر ژی یا گرنگ بۆ ژنان ئه‌وه ئه‌و شكیاتێن وان ژ ئه‌گه‌رێ بجهنه‌ئینانا قانوونێن حوكمه‌نێ بۆ به‌رسنگگرتنا توندیێ ل دژی ژنان وه‌كو پێدڤی. به‌لێ ب ڤی ره‌نگی سه‌رۆك وه‌زیرێن هه‌رێما كوردستانێ پرسیار كر سه‌رۆك وه‌زیرێن هه‌رێما كوردستانێ ” باشه كانێ قانوون چ بكه‌ت و چاوا هه‌موو سه‌رپێچكاران سزا بده‌ت هه‌كه هات و سه‌رپێچی هاتنه كرن ژ لایێ تاكێم جڤاكی و یێن زانا تێدا ئه‌ڤجا ئه‌ڤ چه‌نده بۆ مه و هه‌موو جیهانێ دیار دكه‌ت كو چاره‌سه‌ركرنا هه‌می كێشێن گرێدای ژنێ و مافێن وێ نه‌ك هه‌ما هنده‌ك درووشمێن ته‌یسۆكن وه‌كو گه‌له‌ك ژ وه‌لاتێن رۆژهه‌لاتا ناڤین یێن ده‌وروبه‌ری هه‌رێمێ وحبرێ ل سه‌ر كاغه‌زێ ده‌مێ داكۆكی كری كو كو ” هه‌می ئاریشێن جڤاكی ب رێیا په‌روه‌ردێ و په‌یره‌وێن فێركرنێ چاره‌سه‌ر دبن و گوهارتنا رێیا هزركرنا كادرێن زانستی و فێركرنێ و په‌روه‌ردێ و جڤای ب گشتی ب ره‌خ قانوونان ڤه. یا ژ هه‌میێ گرنگتر ژی هه‌لبه‌ت میدیا یه كو رۆلێ وی ل دژی توندوتیژیێ بۆ هندێ یه كور استی وه‌كو خوه بهێنه راگه‌هاندن و نابیت وێنه‌یێ خراب زیق ببیت و یێ ئه‌كتیڤ بهێته پاشگوهخستن.یا ژ هه‌میێ گرنگتر ئاماژه كرن ب ناڤێ خانم نادیا موراد و خه‌لاتێ نۆبلا ئاشتیێ جهێ رێز و رێزلێنانا هه‌می جیهانێ یه.
قرا قه‌یرانان!!
شێرزاد نایف
نه‌نڤیسین ل سه‌ر راستیێ جۆره‌كێ خه‌مساریێ یه، و نڤیسین ژى هنده‌ك هزر دكه‌ت شانازیكرنه، به‌لێ بۆ به‌رژه‌وه‌ندیا پاشه‌رۆژێ و دابینكرنا به‌ره‌بابێ نوو، ئه‌ركه‌كێ نشتیمانى و ره‌وشه‌نبیرى و ئه‌ده‌بى و پێشمه‌رگاتى یه، كو مرۆڤ هێمایێن خوه و وه‌لات و نه‌ته‌وا خوه ژبیرنه‌كه‌ت، چونكو راستى رێكا خودێ یه، ئه‌ڤجا ل دۆر سالێن بۆرین یێن ده‌ستهه‌لاتداریا سه‌رۆكاتیا حوكمه‌تا هه‌رێمێ و تایبه‌ت نێچیرڤان بارزانی و وه‌كو سه‌رۆكێ جڤاتا وه‌زیرێن هه‌رێمی سه‌راری هه‌بوونا گه‌له‌ك قه‌یرانان، ئه‌و وی چاوا هه‌رێما كوردستانێ ب هێزێ راگرت؟ وێ سه‌ربۆرا چه‌ندین سالێن حوكمرانیێ سه‌لماند كو شیایه د ناڤ وان كاودانێن مژه‌وى دا بگه‌هیته كنارێ ئێمن و مه ژى بگه‌هینیت، دیسا ژى كاریزمایا خوه ل ئاستێ ناڤخوه و ناڤده‌وله‌تی ژى دیاربكه‌ت هه‌كه بكه‌مه میناك چێكرنا باوه‌ریێ ژلایێ رۆسیا و كۆمپانیا رۆسنه‌فت ڤه كو مه‌زنترین گرێبه‌ست ل دۆر غازا سروشتی ل گه‌ل حوكمه‌تا هه‌رێمێ ئیمزاكریه. ئه‌ز بخوه ئابوورناس نینم به‌لێ بۆ دیاربوو كو راگه‌هاندنا سه‌ربه‌خوه‌یا ئابووری ل سالا 2015 پشتی كو به‌غدا پێگرێ رێكه‌فتنا ل گه‌ل هه‌رێمێ نه‌بووی، ئه‌گه‌ر ب وێ بریارێ و فرۆتنا سه‌رخوه‌بوونا پترۆلێ نه‌با، ئه‌و مووچه‌یێن سێ سالێن بۆری ژی دا زۆر یا ب زه‌حمه‌ت بیت و دوور نینه نه‌دبوو، خه‌لكى ژى ئه‌و چه‌نده ب چاڤێن خوه دیتن، چونكو هینگى ره‌وش گه‌هشتبوو وى راده‌ى جۆره‌كێ بێزاریێ په‌یدابوو، به‌لێ ئه‌ڤ چه‌نده نه‌هات روودان.
لۆتكه‌یا قه‌یرانان ده‌مێ قه‌یرانێ سه‌رێ خوه دخار شه‌رێ به‌ردوامێ چار سالێن بۆری یێن تیرۆرستێن داعش و هێرشێن عیراقێ و دابینا مه‌زاختیێن سه‌نگه‌رێن شه‌ری. رۆلێ سه‌ركێ حوكمه‌تا هه‌رێمێ نێچیرڤان بارزانی د ڤه‌حه‌واندنا نێزیكی دو ملیۆن ئاواره و په‌نابه‌ران و ئه‌ڤه چه‌ند بوو ئه‌گه‌ر كێشه‌یا دارایی قۆلتر ببیت، ئه‌ڤه راستیه‌كه دڤێت بهێته پێشچاڤكرن بۆ هه‌مى دونیایێ كا چه‌ند نانێ كوردان یێ ب خویێ یه. چێكرنا باوه‌ریێ ل ده‌ف توركیا و وه‌لاتێن ئه‌ورۆپا كو چو ده‌مه‌كی ل دووڤ بانگه‌وازا به‌غدا ده‌ست ژكرین و فرۆتنا په‌ترۆلا هه‌رێمێ نه‌به‌ردان. دیسا ئێك ژ مژارێن هه‌یى گرنگ گوهۆرینا رێژه‌یا پاشكه‌فتا مووچه‌ی یه و هه‌بوونا ئیرادا نه‌هێلانا پاشكه‌فتێ ب پرۆژێ چاكسازیێ كو حه‌تا نها ل په‌رله‌مانی مایه، دا دبیته كریار و دێ به‌ره به‌ره هه‌مى گه‌هێن ڤه‌قه‌تیایى كه‌ڤنه‌ڤه به‌رئێك.
خوه ڤه‌كێشانا هنده‌ك ئالیێن سیاسى ژ حوكمه‌تێ و كاریگه‌ری ژ پلان و به‌رنامێ حوكمه‌تێ دیاربوو كو پشتی ده‌ركه‌تنا وان، ره‌وشا دارایی باشتر لێهات و گوهۆرین د مووچه‌ی دا هاته‌كرن. ئه‌ڤنه هه‌مى بزاڤێن حوكمه‌تا هه‌رێمێ نه. ل سه‌رێ هه‌مى لیتستا به‌رنامه‌یێن چاكسازیێ سیسته‌مێ بایۆمه‌تری بوویه كو ئێك ژ پرۆژێ نێچیرڤان بارزانی بوو كو دێ داهاته‌كێ زۆر بۆ حوكمه‌تێ زڤرینیت و ئه‌ركێ حوكمه‌تێ سڤكتر كه‌ت، هه‌روه‌سا ئه‌ڤا ڤان رۆژان ل سه‌ر جه‌ختیا بیاڤێ ساخله‌میێ و بازرگانیكرنێ ب ڤى كه‌رتى و ده‌رمانان، جهێ ئارامیێ یه كو حوكمه‌تا مرۆڤى د هاوارا ساخله‌میا مرۆڤى بهێت و كه‌سێ ئێكێ ل سه‌ر هه‌ره‌مێ حوكمه‌تێ ب هوورى ده‌ستێ خوه بدانیته سه‌ر برینا مرۆڤى.. هه‌ر چو نه‌بیت. ئارامیه‌كا دروونى یه، كو ئه‌و كه‌رتێن دیتر ژى ل خوه بزڤرن و به‌س بیت كه‌یسا هه‌ڤوه‌لاتیان و حوكمه‌تێ ب هه‌ڤرا. یا ژ هه‌میێ فه‌رتر ژى دپلۆماسیه‌تا حوكمه‌تێ ل سه‌ر ئاستێ ده‌رڤه و چاره‌كرنا ئاریشه‌یێن پشتی شازده‌ی ئكتۆبه‌رێ ل گه‌ل به‌غدا. ئه‌ڤ هزره هه‌مى بیت چپكه‌ك بیت ژ به‌حره‌كێ و من خواست بیرا هه‌وه لێ بینم!!
ده‌سكه‌فتێ (په‌یوه‌ندیێن دبلۆماسى)
ده‌سكه‌فتێ (په‌یوه‌ندیێن دبلۆماسى)
فره‌نسا وه‌ك میناك
شێرزاد نایف
ئێك ژ ئه‌گه‌رێن هه‌رى مه‌زن كو ب درێژیا دیرۆكێ كوردستان بمینیت بنده‌ست و سته‌ملێكرى، دووربوونا وێ ژ ناڤه‌ند و مه‌حافلێن نێڤده‌ولى و په‌یوه‌ندیێن وێ ژ جیهانا ده‌رڤه و ئه‌و وه‌لاتێن زلهێز و مه‌زن، لێ پشتى كو ره‌وشا هه‌رێما كوردستانێ پله‌یه‌كێ به‌ر ب پێشڤه‌تر چووى، ئه‌وبوو كیانه‌كێ نیمچه سه‌ربخوه وه‌رگرتى، پشتى هینگى ده‌ڤه‌ر گه‌رمبووى حه‌تا ئه‌ڤرۆ كو پتر بیاڤ و ده‌رگه‌هێن ل سه‌ر جیهانێ، ئێدى ده‌نگێ مه دگه‌هیت و نه به‌س ده‌نگ به‌لكو قه‌در و بهایێ كوردبوونێ باشتر لێهات، ژبلى ڤێ بیرۆدزێ هه‌لبه‌ت دیزاینه‌كا لۆژیكى و ئه‌ندازیاره‌كێ خوه‌دى سه‌بۆر ڤیا، كو هێزه‌ك و كه‌ساتیه‌كا مه‌زنتر بده‌ته هه‌رێما كوردستانێ، ئه‌ز ناڤه‌شێرم كو كه‌سێ شیاى ڤێ چه‌ندێ بكه‌ت، ئه‌وه كو كه‌سێ نێچیرڤان بارزانى سه‌رۆكێ حوكمه‌تا كوردستانێ، پشتى ڤان هه‌مى سه‌ربۆرێن مه‌زن و دژوار ب سه‌ر دا هاتین، بێى هه‌بوونا وه‌زاره‌ته‌كا ده‌رڤه پێگه‌یێ هه‌ولێرێ ژ یێ به‌غدا بهێزتر بكه‌ڤیت، ئه‌و مه‌حنه‌ته و مه‌زلۆمیه‌ته هه‌مى بوونه سامانه‌كێ به‌ره‌ڤاژى و ره‌نگڤه‌دانه‌كا ئه‌كتیڤ ڤه‌دا بۆ ره‌وشا هه‌رێمێ. ئێك ژ ڤان وه‌لاتێن كو نێچیرڤان بارزانى شیایى دلۆڤانى و پشته‌ڤانیا وى بده‌ست مه‌ڤه بینیت، وه‌لاتێ فره‌نسا بوویه، ل ده‌مه‌كى كو و د په‌یوه‌ندیێن ته‌له‌فۆنى دا ل گه‌ل سه‌رۆكێ فه‌رنسا ئیمانۆێل ماكرۆن پرۆسا سیاسى یا عیراقێ و پیكئینانا كابینه‌یا نوو په‌سه‌ندكر، سیاسه‌تا فره‌نسا و یا هه‌مى وه‌لاتێن ئه‌ورۆپى هه‌رده‌م به‌ر ب به‌لاسكرنا په‌یوه‌ندیان دچن، له‌ورا ته‌كه‌زى ل سه‌ر گرنگیا پشكداربوونا هه‌مى پێكهاتان دحوكمه‌تا عیراقێ دا كر، و رۆلێ گرنگێ لایه‌نێ كوردى بۆ چاره‌كرنا ئاریشه‌یان، ئه‌ڤ په‌یوه‌ندیێن كوردى فره‌نسى كه‌ڤنن و ژ مێژه وه‌ره خوه ژ سه‌رده‌مێ سه‌رۆكێ فره‌نسى یێ ناڤدار دیگۆل و حه‌تا ئه‌ڤرۆ، هه‌لبه‌ت ل سالێن شێستان دا ژى كامیرا به‌درخان ل فره‌نسا نووكرینه‌ڤه، حه‌تا گه‌هشتیه سالێن نۆتان و ئه‌و كۆچا ملیۆنى ل سه‌ر كوردان هاتى و خانما دانیال میتران جاره‌كا دى خوه ل كوردان كریه خودان، ئاخفتنه‌كا بارزانى جهێ خوه گرت ده‌مێ گۆتى ( كوردان دۆستێن راست و دروست هه‌نه ل ئه‌ورۆپا).
دیسا ژى سه‌ره‌دانا هۆلاند بۆ سه‌نگه‌رێن پێشمه‌رگه‌ى كو جارا ئێكێ بوو سه‌رۆكه‌ك ب ڤى شێوه‌ى بهێت و پشته‌ڤانیێ بكه‌ت تشته‌كێ گرنگ بوو. و پێشوازیكرنا وى بۆ بارزانى نه ژ ڤالاهیه‌كێ یه. ئه‌ڤ هه‌مى هۆكارێن هه‌نێ زێده‌بارى كه‌ساتیا نێچیرڤان بارزانى پێكه‌هێ كوردى بهێزتر خست د چاڤێ فه‌رنسا و ستراتیچیا وێ دا، بۆ حه‌زا لێكگوهارتنا به‌رژه‌وه‌ندیان و باشتر پاراستنا ده‌ڤه‌رێ و جیهانێ ژ مه‌ترسیێن تیرۆرێ، هه‌لبه‌ت رۆلێ پێشمه‌رگه‌ى ژى بۆ ڤێ بیردۆزێ رۆله‌كێ كاریگه‌ره و باوه‌رنه‌كه بكاریت هێزه‌كا ب ڤى ره‌نگى خۆبه‌خش ببینیت یا پیگیر ب فه‌رمانان كو بساناهى بهێنه بجهئینان. ئه‌ڤێ هه‌میێ دیزاینا خوه هه‌بوویه و مه به‌حس ژێ كر.
سپۆنسه‌ریا ئوكتوبه‌رێ!!
شێرزاد نایف
ئاڤه‌كا شێلێ بوو گه‌له‌ك ماسى تێدا هاتنه گرتن، یاریه‌ك بوو هه‌مى دزانن ل كیژان ده‌مى هاته ئه‌نجامدان پتریا هه‌موو كه‌سان، ته‌خه‌كا راست و دروست به‌رى هه‌موویان هه‌ست پێكرن و كێر گه‌هشته هه‌ستى، باشتر زانى كیه سپۆنسه‌رێ ئوكتۆبه‌رێ!! كو ئه‌و ژى سه‌كته‌رێ سه‌ربازى بوو، پێشمه‌رگێ شۆره‌شگێرێ كوردستانێ، نه‌به‌س ژ حزبه‌كێ به‌لێ ژ ناڤ جه‌رگێ سپۆنسه‌رێ ئوكتۆبه‌رێ!! به‌رى هه‌ر كه‌سه‌كێ دیتر مخابنى و مه‌زنیا وێ زیانا ڤێكه‌تى زانیه، چونكو به‌رى هه‌مووان قوربانیا وێ دایه، ئه‌و ره‌نج و سه‌ختیا وێ كه‌سێ د سه‌نگه‌رى دا دیتى باشتر دزانن، یا گه‌هشتیه وى راده‌ى نۆرونۆر پێشمه‌رگێن ل ناڤا بۆیه‌رێ دگریان، حه‌ق هه‌بوو، چ قاره‌مانى یه تو بكه‌یه گرى كو تو دخوازى به‌رگریێ بكه‌ى و تو نه‌شێى بكه‌ى و هنده‌ك لایه‌نێن سه‌ركێشیا ته دكه‌ن، نه‌هێلن!!. به‌ره‌ڤاژى هه‌مى یان بێژین پتریا شه‌رڤانێن ڤى سه‌رده‌مى یێن هه‌ما وى كارى و پیشه‌یێ دكه‌ن ته‌نها بۆ رۆتین یان وه‌رگرتنا بهایه‌كێ پاره‌ى یان ژى هه‌ما وه‌كو ئه‌ركه‌كێ ملكه‌چى. دبیت شه‌رڤانێن خه‌لكى بكه‌نه گرى هه‌كه هه‌ست ب مه‌ترسیا شه‌ران بكه‌ن، ژ ترسێ به‌لێ پێشمه‌رگه‌ى ژ قه‌هرێن شه‌رنه‌كرنێ و به‌رگرینه‌كرنێ دا، رۆندكێن قاره‌مانیێ ئینانه خار!!. نه‌خاسمه كو سه‌ركه‌فتن ل سه‌ر ریكخراوا داعش یا تیرۆرستى بده‌ستڤه‌ئینای و رۆژانه برایێن وان یێن شه‌هید دكه‌فتن بۆ پاراستا شه‌ره‌ف و كه‌رامه‌تا بهاگران. به‌لێ ئه‌و كریارا چه‌په‌ل یا ده‌رووننزم هه‌وله‌ك بوو ژ هه‌مان دوژمنى، مانه مخابنه هۆسا ب ساناهى هنده‌ك گه‌نجێن خوینگه‌رم و خۆفرۆش بكه‌ن، پیرۆزیێن گه‌له‌كى هۆسا ب ساناهى راده‌ستى وان دوژمنان بكه‌ن یێن بزاڤا سۆتنا ئۆفیسێن ئاگرڤه‌مراندنا هه‌رێما كوردستانێ كرین، به‌لى كو كوردستانێ بسۆژن!!. ئه‌ڤجا لێدانا ڤى دربێ بێده‌نگ و زیانبه‌خش ل ڤى سه‌رده‌مى ئه‌نجامێ هندێ بوو كو ل ده‌سپێكى ل تێلا دلۆڤانیا ڤى ملله‌تى بده‌ن!! ئه‌و ژى كه‌یسا به‌رنامێ چاكسازیا حوكمه‌تا هه‌رێما كوردستانێ و ره‌وشا وێ یا سه‌ركه‌فتى و ب تایبه‌ت ژى كه‌سێ سه‌رۆكێ حوكمه‌تێ كو نێچریڤان بارزانى یه و گه‌شبوونا ستێرا وى ل سه‌رئاستێن نیڤده‌ولى و مه‌حافلێن ده‌ولى ژ سه‌ركه‌فتنا ل سه‌رێ تیرۆرى و شكاندنا داعش و ڤه‌واندنا ئاواره‌یێن عیراقێ و به‌رى هینگى یێن سووریێ و ل به‌ربوو ئه‌و به‌رنامه سه‌ربگریت، به‌لێ هه‌روه‌كو سه‌رۆك بارزانى ل وان ده‌مان دا فه‌رمۆتى ك و ئێدى ده‌مێ هه‌بوونا ئه‌لغامێن سیاسى یه، ئه‌و بوو ئه‌و پیلانا ره‌ش كه‌فتیه هۆلێ. سه‌ره‌راى هندێ ژى كه‌سێ نێچیریڤان بارزانى چونكو یێ راست و دورست ل سه‌ر رێبازه‌كا دروست و یا بارزانیزمێ و ل گه‌ل ئیراده‌تا ڤى مله‌تێ هه‌ژار د گه‌ل دا شیا قووناغێن سه‌خت ببۆرینیت و شه‌ڤورۆژ دكرنه ئێك بۆ سه‌رخستنا په‌یوه‌ندیێن وى یێن دبلۆماسى شیا پاپۆرا كوردستانێ بگه‌هینه كناره‌كى َ ئێمن و گه‌له‌ك و گه‌له‌ك هه‌ول و ره‌هه‌ندێن پیس بشكێنیت، چونكو راستى رێكا خودێ یه، ئه‌و ژى ژناڤبرنا حوكمه‌تا هه‌رێما كورستانێ و شكاندنا هه‌یبه‌تا وێ، مه دیت چه‌ندین (مسله‌مه ئه‌كه‌زاب) ده‌ركه‌فتن كو دێ ئه‌و بنه حوكمه‌تێن قورتالكرنێ، به‌لێ بۆ هه‌مى حوكمه‌ت و ده‌سهه‌لاتان دیاربوو كو هێزا ئیراده‌تا دایكێن شه‌هیدان چه‌كه‌كێ رۆحى بوو، سیاسه‌تمه‌داریا بازرگانى و نیازێن فندوفێل ناچنه سه‌رى.. هێشتا ئه‌و برینا خه‌نجه‌را خیانه‌تا ئوكتۆبه‌رێ ساخنه‌بوویه ئه‌ڤ ساله ئه‌م یێن وێ برینێ هشیاربووین و مه ب ڤان راستیان ساخكر و چه‌ندین راستیێن دیتر ژى رۆژ بۆرۆژێ یێن دیاردبن و یا مه‌ژى چپكه‌كه ژ به‌حره‌كێ خودێ هاریكارێ شۆفێرێ پاپۆرا كوردینێ كاك نێچیرڤان بارزانى بیت كا چاوا شیا سه‌رى هلبده‌ته‌ڤه و مۆرالا ئه‌ندازیاریا نه‌ته‌وه‌بوونێ ساخبكه‌ته‌ڤه ب وێ رحسڤكى و سه‌راحه‌تا خوه.. تۆل ڤه‌نه‌كر به‌لێ خوه و ملله‌تێ خوه ب سه‌رئێخست. هه‌كه ئه‌ز بخوه ژى پێشمه‌رگه نه‌بام و دناڤ جه‌رگێ وا بۆیه‌ران دا نه‌بامه من ژى ب دله‌كێ سۆتى و قه‌له‌مه‌كێ تیژ نه دنڤیسی!!.
نيشاندان
WP Facebook Auto Publish Powered By : XYZScripts.com